Ka Naʻi Aupuni, Volume V, Number 55, 18 March 1908 — E HOOUNA MAI [ARTICLE]

E HOOUNA MAI

Mamuli o ka nui o na kauoha nupepa i loaa mai ia makou mai na mokupuni mai, ua hoemi loa ia ka heluua o na pepa i koe ma ko makou keena nei 0 ka nupepa KuOKOA HOME RULA o keiamakahiki 1908, mauka 200 kope mai a oi, a ua emi loa a koe wale no he 6 kope 0 ka Helu 8, a pela me ka Helu 6. O na poe i loaa na kope mua, ua loaa ia lakou ka hookumu mua ana o ka moolelo kaulana o Hiiaka-i-ka-poli-o-Pele, kekahi o na mooJelo i ohohia loa ia e keia lahui, a i lilo i mea aloha loa ia e lakou keia wahine a ka ui ame' ka nani nui wale o Hawaii nei. Ke hauoli nui nei makou i ka ike ana i keia ohohia nui o na makamaka i ka kakou wahaolelo i nei hoomaka mua ana no o ka makahiki hou. Ma ka pule aku la i hala, ua paa maoli ia ka pep'a i ko makou mau keiki kuai pepa, aohe ae ia e kuai, i mea e hiki ai ke hoolawa aku i na poe kauoha pepa e hoouna mai nei ia makou. Eia makou ke hoomahuahua mau nei i ke pa'i ana i ka kakou nupepa i keia manawa. No ko makou makemake e hoolawa mau aku i ka iini o na poe kauoha nupepa, ke kauohaia aku nei ko makou mau luna pepa e paa ana i keia mau helu i hoikeia ae la e oluolu e hoouna hou mai ma ko makou keena nei, a e loaa no ka uku no ke kope hookahi he 10 keneta.

Ka Hoike a Kekahi Luna Aupuninolapana "Ua makaukau ke Aupuni o Iapana e haawi mai i kekahi hookipa ohaoha nui i na aumokukaua Amerika malalo o ke alakai ana a Adimarala Evans ina e kipa aku ana no na kaiaulu 0 Iapana. O ka noho hoaloha ana mawaena o na Mokuaina Huiia o Amerika ame ke Aupuni o Iapana, ke onipaa nei no ia.' O keia ka manao i hoikeia ae e ke Kanikela Iapana maanei i loaa mai kekahi luna aupuni koikoi mai 0 Iapana, e hoomaopopo ana i ke alahele e hoopauia ai na manao ulu }cu ame na walaau e pili ana no ke kaua. Ua olelo ae noboi kekahi poe Iapana, o keia huakai hookahakaha a na aumokukaua Amerika no ke kaapuni ana i ke ao holookoa, oia kekahi o na moolelo ano nui o ka honua nei iloko o keia keneturia 20. E haalele ana na mokukaua ia Magedalena i keia mau (a mahope iho o ka pau ana o na hana hookahakaha ame na hoomakaukau ana, e holo loa aku ana lakou no ke Kulanakauhale Moiwahine o Kapalakiko, a me he mea la, e hoea loa mai ana na aumokukaua no Hawaii nei ma ka la 15 o Iulai ae nei, a lualai ma Honolulu nei no 10 la. He nui na hookahakaha ki-pu i haawiia ae e na aumokukaua ma ko lakou alahele moana ma ke kulana kiekie loa. Hoonioniia na Kukulu o Iapana e na Poe SokiaIite. Tokio, Maraki 2 — Ua kaheaia ona halawai makaainana nui no ka poe kupa Iapana; a e malamaia ana keia halawai makaainana ma ka la 3 0 Aperila ma Hibia Paka. O keia halawai no ke kue ana ia i na hana auhau koikoi a ke Aupuni e kau nei maluna o ka lahui mai o a o, o ke Aupuni. O ka la 3 o Aperila, o ia ka la hanau o ka Emepera Iemu, ka Emepera mua loa o Iapana. Ua oleloia na ka poe Sokialite keia halawai e hoonioni nei. (He ano paha, o na la keia a ka Buke Nui i hai mua ai, e ulu ana ke pioloke ame ka hakaka ame na kaua iwaena o na lahuikanaka. )