Ka Naʻi Aupuni, Volume V, Number 56, 19 March 1908 — He Kue Kanawai. [ARTICLE]

He Kue Kanawai.

E lilo ana i mea waiwai nui na olelo a me na manao wehewehe Kanawai o Loio C. W. Akepoka ma ka wa e noho ai ka Aha no ka hoolohe ana i kela hihia mawaena 0 ka aoao 0 ka Papa Ola ame kekahi mau wahine ma'i i hopu wale ia ma ke ano hoohuoi. Ua hoike ae 0 Akepoka, aole i ku i ke Kanawai ka hopuia ana o keia mau wahine. Me he mea'la, ma ka makou hoomaopopo ana, aohe mau palapala i hoohikiia no ka hopu ana i ke kino o keia mau wahine, a ua heopaa wale ia no laua malalo o kekahi mau ano hana kakauha a ka Papa Ola. Aole e kala ka Home Rula e a'o nei i ka lahui i ke kuleana ole ame ka mana ole o keia mau hana kue kanawai, aka, aohe nae he hoolohe ia. Nolaila, hahai mau no ka pololei o kela mau olelo. "O ke kuli ka make— 0 ka lohe ke ola." Hookuli no ka pepeiao i ke a'o a ka Home Rula, make; a hoolohe, pakele. E ike ana nae kakou i ka mana ame ka mana ole o keia mau hana hopuhopu wale a ka Papa Ola ame ke alahele a ka lahui e hana aku ai ma keia mua.