Ka Naʻi Aupuni, Volume V, Number 66, 2 April 1908 — Pau Kuhihewa o ka Lahui? [ARTICLE]

Pau Kuhihewa o ka Lahui?

He nui ka hooleole o kekahi poe i ko makou hoike a hoolaha mau aku ma ka nupepa nei, o ka Aoao Repubalika ame ka Aoao Demokarata he hookahi no ia aoao elike me ka bipi, he hookahi ona poo a he elua mau kiwi, a pela nohoi keia, he hookahi no kumu a elua lala, a ua hiki no ke holo-ke ma kela aoao ame keia aoao — hookahi no manao nui o ka hoomahae i ka lahui Hawaii i ole"lakou e lanakila. Aka, ua hoopauia nae ko lakou kuhihewa mamuli o ka ike maoli ana aku i na haole Repubalika e holo nei iloko o ka aoao Demokarata, elike me McCandless, a pela hoi me na kalabu Demokarata, he poe Repubalika na luna nui a he huelo aku na Demokarata o Ialo o Koolaupoko. He hana naaupo keia a Emaluka ma. Aka, ua olelo mai nae kekahi poe Demokarata ia makou, — "Is a money work — ma na kanaka Hawaii e koho ai — Kahiliaulan^ ka Elele — hoao kakou iaia i keia kau." He oiaio, eia ka lahui ke ku nana aku nei i keia mau ano hana maalea me ke apono i ka pololei loa o na olelo a ka Home Rula. Aka, aia mai ia oukou ko kakou lokahi e loaa ai ka lanakila. Aole e ko ka makemake o ka lahui ke koho kakou ia lakou 'la huiia ma.