Ka Naʻi Aupuni, Volume V, Number 66, 2 April 1908 — Halawai a ka Papa Mana Hooko. [ARTICLE]

Halawai a ka Papa Mana Hooko.

Kahiliaulani Hall Honolulu, April 2, 1908 Ua noho ka aha kuka a ka Mana Hooko o ka Aoao Kalaiaina Kuokoa Home Rula, no ke kuka ana no na mea e holomua ai ka Aoao Kalaiaina Kuokoa Home Rula, no nei mua aku. 0 ka mea mua i noonoo ia, oia no na palapala mai na mokupuni mai. Hoike mai o hoahanau D. Damiano, he mau leta kana mai Wailuku mai, e hoike ana, he elua aoao kalaiaina ikaika ma Maui, oia no ka Home Rula ame ka Aoao Repubalika, a ua kāuoha pu ia mai o hoahanau D. Damiano e hoi aku e holo balota nolaila. Ua hoole akh oia. No na Demokarata, ua helu ia ko lakou nui ma ka manamanalima. He mau Repubalika ame na Home Rula ka poe na lakou mai keia mau leta. He leta mai a G. W. Aola mai no o Wailuku, e hoike mai ana, l?e oia mau no na Home Rula o na Waieha, aohe hopohopo ana. He leta mai a J. P. Wailehua mai o Maui, e hoike mai ana, i ka oni paa o na Home Rula ma Maui. Mai a Hon. S. K. Kahana- mai, he oia mau no na Home RuH ma Hilo-One a pela me Kalapana, Puna. Mai a Sam. Kaaialii mai, o Kona Hema mai, e hoike mai ana, he nui ke ohohia o makou no ka Elele Kahiliaulani, a ke pii mau nei ka ikaika o na Home Rula ma Kona Hema nei. He leta mai Laie mai, na J. H. Keanu, e hoike mai he oia mau na Home Rula, ma Laie. He leta mai a J. L. Ahia mai o Kaimu, e hoike mai ana, oia mau ka Home Rula olaila aohe mea nana e hooni oni, me ka hilinai nui, o Kahlliaulani ka Elele. Mai a J. W. v Koakulana mai o Olaa, Puna, he oia mau no ka punana wela -o ka Honle Rula ma Claa, Puna, nei. Mai hopohopo no ka lanakila e loaa ana i ka Home Rula. Mahope lfap o ka hookuu ana o keia aha kuka, ua noi ia mai e hookemo ia maloko o ka nupepa Kuokoa Home, i keia mau leta. Ua hooholo ia elike me ke^noi. A hooholo pu ia ma īa aha kuka, e malamaia he halawi na ka i.lana Hooko, ma ka Poakahi, April, 6, hora 10, A.M. I Nolaila kelkauohaia aku nei na Lala apau o ka Mana Hooko e akoakoa mai ma ka Poakahi, elike me ia e hoike ia aku la. % ✓