Ka Naʻi Aupuni, Volume V, Number 69, 7 April 1908 — Me na Pomaikai o Ka Makahiki hou [ARTICLE]

Me nu pomaikai o Ka Makahiki hou

kia iMoolelo "W aloliia ■>|p Hainakolo l|kK i UI PUA KAUiīAKA-HALAO KA/M AILELE 0 HIILAWE AIOKUNA V [hoomauia] Eia ka popolo au, e Kane, , He popolo hiwa, he popolo kea, He popolo lau liilii, lau manamana, He hua onoono mikomiko nau e Kane, E Kane-i-ka-wai-ola, Ho mai he ola no Lonokaiolohia, Ka popolo a Kane, I ka nuu ilalo, Ulu ilalo, ' Lau ilalo, i Hua ilalo, 7 O'o ilalo Puiliia ka popolo A Kane — • I helelei ilalo I hana a lu ia e ka ua A ka Pokinikini Ka ua a ka Pomanomanō I ka ua a ka Poeleele A e hele ai ka poele, ka poiho, Ka popilikia o'u nei o Luukia Ua make a ola hou o Lonokaiolohia, E|ola loa ia oe, e Kane, E ola hoi, homai he ola nui, He ola iki, he ola a kau i ka puaaneane, No Lonokaiolohia. O kau hana mau ia i na kakahiaka apau, a pau na kualima elua. I hookahi no hana ana o ka la. I ka wa kakahiaka nui wale no oe e hana ai. Mamuli auanei o kau hana ana pela e loaa ai ia kaua ka hooikaika ana i na mea e pono ai ke kakelekele ana i ke keiki a kaua. Pau no keia mau olelo a Leimakani o kona nalowale aku la no ia mai ka ike ana'ku a Luukia. Aole nohoi i ike o Luukii i kona wahi i nalowale aku ai. Ia Luukia i noho hookahi iho ai, aole ke kane, ka hoa kaunu o na wa kulolia o ka Makalii me na po loloa puanuanu hoi o ka Hooilo, huipu mai la hoi me ka manaonao o kana hanl i lawelawe pupule ai, ua naauauwa maoli ae la ia; a me i ano oia i hoi aku ai i ka hale. Ke ike nei hoi o Aniani i keia poino ame keia popilikia i hana ia e Luukia, a ua hoike ae la oia ia mea i kana mau alii, a hoike pu aku la nohoi oia imua o lakou, aohe pilikia, ua lawe ke akua nana e hooponopono i ke ola o ka moopuna a lakou. f V

Ua Iawe aku la o Leimakani i ke keiki ana iloko o ka nuupia e kakelekeleia mai e ke kupunawahine e Haunaka maahala e noho mai la i Hikapoloa. A ke hoike mai nei ke akua ia'u. A°he o kakou waimaka e haule, a piha ke anahulu la hookahi mai keia la aku. Aole nohoi kakou e hele aku e ike ia Luukia iloko o keia mau la, nokamea he hana nui kana a ke kane moopuna ana i kauoha iho ai iaia e hana a e lawelawe iloko o keia mau la. I ka lohe ana o na'Iii i keia mau olelo a ke kahuna, ua umi wale iho la no ko lakou mau Ieo uwe ,no keia kaumaha i kau mai maluna o ka lakou m oopuna; eia no nae hoi, ua hoolanaia no ko lakou mau noonoo mamuli o ko ke kahuna hoike ana mai, ua ola no ua moopuna nei, a o ke kakelekele wale ko koe. Ano, e ka makamaka heluhelu, e waiho kaua i ka nana ana no na poe o Waipio, elike me ka kaua i ike ae la, a e nana ae hoi kaua i keia wa no Leimakani ame ke keiki, o Lonokaiolohia, me ko kaua manao no nae„ e hoi hou ana no kaua a nana ia Luukia, no kona hooko ana i ke kauoha a ke kane moopuna ana i waiho iho ai iaia, no ka mea e pono ai ke keiki a laua. I ka wa o Leimakani i nalowale mai ai mai ke kupu nawahine wahine mai ana, me ka puolo nuupia ana e hii ana, ua hele mai Ia oia iloko o ka ua koko a hoea i Hikapo loa, kahi nohoi e malamaia ana e kona poe kanakl, oia no kela poe o Kukuipahu i noho aloha pu ai lākou. Iaia nei i hoea aku ai i ko laua nei hale, me ka maopopo mua ole hoi i na kiai hale, e hoea aku ana ke alii nona ia mau waiwai a lakou e noho ana. Eia nae mamua o ko ia nei hoea ana aku i ua wahi nei; a me he mea la eia no paha keia i uka nei o Ohialele kahi i hele aku ai me ka puolo a ke aloha e hii ana ma kona alo, ua hoea e aku la ka hoike kamahao i na kiai o kauhale, oia hoi, ua uhi paa iho la ka ua koko maluna o Hikapoloa holookoa. Eia nae, aole i maopopo i ua poe noho hale nei, he anuenue keia no ko Leimakani hoea ana aku i kau hale me ka puolo a ke aloha . Ua nune wale iho la no nae lakou me ka hoohuoi ana mawaena o lakou iho i ka olelo ana. Heaha la hoi ke ano o keia ouli kupaianaha me ke kamahao e ikeia nei e kakou? Ua hele nohoi a molehulehu hoea ana o Leimakani me kana ukana aloha. Ua hele hoolohilohi mai la keia ma ia iho ana mai uka mai o Ohialele a hoea i kapaliiuka ponoi, a hele mai la a Maliu, a malaila ka ia nei Jpelu ana mai a hoea ana i kauhale. Ea aku keia i kauhale, o ka pau ana ae no ia o ke kahilihili ana a hoomaemae ana a ka wahine kiai o ku halealii, oia no ka luahine a Maunalei, ko Kukuipahu oolea, oiai oia kekahi ililo i kanaka no Leimakani ma. I ua wahine nei i puka mai ai, ku aku ana o Leimakani, me ka puolo i na lima. Hoomaka ae la hoi ua wahine e hooho leo nui ae, me ka piha makau; ia wa i pane aku ai o Leimakani.