Ka Naʻi Aupuni, Volume V, Number 76, 16 April 1908 — Ka Peresidena Hou o ka Paoa Ola ! [ARTICLE]

Ka Peresidena Hou o ka Paoa Ola !

Ma ka Poakahi iho nei, Aperila 13, i pahoia ae ai ka lono no ka hookohu :a o Kauka Cofer o ka Papa Amerika maanei ma kahi o Peresidena Pinkham o ka Papa Ola i pau ka manawa o kona hookohu. Aohe uku o kona lawelawe ana ;a oihana, koe wale no na hoolilo no kana mau huakai pili oihana ^me na hemahema e ae. A o kekahi o na lala hou o ka papa i hookohuia, oia o J. F. Mogana, ma kahi o F. Smith i v/aiho mai. Ua nui ke kukahalake o na poe Repubalika no neia mau hookohu hop a ke Kiaaina, a ua nui na hoopii i loaa mai i ke Kiaaina e noi ana e hookohu hou ia o Pinkham i Peresidena. Mai Hilo mai, a mai Maui mai, a māi Molokai mai keia mau palapala. A ua nui nohoi na ahahui i kue, ka hui o na Kauka Kepani, | . na poe mauu Hilo, na Iimahana he 300 ka nui malalo o ke alakai ana a kekahi wahine koho ba!ota ole. Aka, o ka hopena nae keia i ikeia. Aole i maopopo na hoololiloli kulana ame na hoonee hana ana a ka Peresidena hou i keia wa, a he hookahi nae mea maopopo loa, eia kakou malalo o na lima wikani o Amerika i keia manawa, a ua Ioaa he alahele maalahi ijo Amerika e hoihoi mai ai i kona poe ma'i Iepera i Hawaii nei me ka nui ole o ka hana.