Ka Naʻi Aupuni, Volume V, Number 76, 16 April 1908 — KA OIHANA KILOKILO ASTROLOGIA. [ARTICLE]

KA OIHANA KILOKILO ASTROLOGIA.

Ke Kilo Ooli Mamuii o na HoiKe a na Hoku o Ra Pololo Lani.

* * NA KOIKE OULI MA NA HOAILONA 0 KE ZODIAKA. 6 — V I R G 0- V I R I G I N E. 0 Virgo, |ia ka eono o na hoailona Zodiaka; a he Wahine Puupaa kona ano. 0 kona kowa manawa e hoomalu ai, e nee ana no ia mai ka la 23 o Augate a ka la 21 o Sepetemaba. O ka poe i hanauia malalo o na hoomalu ana a keia hoailo na, a iloko hoi o ke kowa manawa i hoikeia ae la, e loaa no ia lakou na kulana nanohano malalo o ka lakou mau hooikaika ponoi ana. I\e haawi nei keia hoailona Zodiaka maluna o ka poe i hanau ia malalo o kona mau hoomalu ana i ka noonoo akahele, ka manao kaulike, a, aloha nohoi, a he ma'kee i ka hana pono a pololei. He poe noonoo paakiki noh'oi, aka, e upapalu wale ana nae keia mau manao mamuli o na manao aloha e ulu ae ana iloko o lakou i kekahi manawh. [ He ulolohi ma ka huhu, aka, ina nae e pii ana kona huhu, ho hana nui me ke pohihihi loa ka hoomalielie ana iaia. A ma / ka wa hoi e akakuu iho ai kona inaīna ame kona huhu,'e mihi ana oia me ka w elenia no ia hana ana ona pela. ' ) ka poe i lnnau ia malalo o keia hoailona, o ka hapa nui nae o lakou, he poe manao haipule; a i kekahi wa, he poe puni i na hana lealea; a he poe makemake loa h«d i na mea kanu / ame ka hanai holoholona He poe makemake no keia i ka houluulu a hoiliili ana i na mea ano kahiko. I kekahi ryanawa, he poe puni loa keia i na mea naauao kiekie. O keia poe nae, e loohia ,ana lakou iloko o ko lakou mau la opiopio i kekahi mau ma'i hoopilikia i ke kino, aka, ma lalo o na ulia laki a pomaikai nohoi e loaa no ia lakou ka palekana. Mā ke.kulana imi waiwai, he pilikia no ma na la mua o ka hoomaka ana e īaweiawe i ka hana; a o kahi mea e loaa mai ana he uuku loa np ia. A o keia wahi inea uuku e loaa mai ana, e ominoia mai ana no ia e na pilikia he niii. E mau ana ' keia kulana ano e maluna o keia poe ma ka hapamua o na la o lakou ola ana. A mahope mai ma ka wa e oo ai lakou, oia ko wa e noho ai lakou iluna o ke kuonoono ame ka waiwai. E hooikaika ana keia poe e loaa hou mai ia lakou na waiwai o ko lakou mau kupuna ame ko laKou mau makua i lilo mua i kekahi poe. , I\e hoike nei keia hoailona i ka loaa ana q ka waiwai i ka mea i hanauia ma keia kowa o ka maiiawa, mamuli o na hooikaika kino maoli ana a ua kanaka la a wahine paha? ma o ka ike ame ka manao i loaa iaia. E lilo ana ka hapa nui o ka poe i lianauia malalo o na hoomalu ana a keia hoailona i poe kahunapule a i poe virigine hoi; aka, mamuli o kekahi mau kehhina kuhihewa e lawelaweia ana ana e ia poo, e haule mai ai lakou mai luna mai o ia kulana. E loaa ana no i keia poe he waiwai ma na huakai kaahele. 0 ko lakou mau pilikoko, ma ke ano pili ponoi a kaawale iki aleu paha, na poe ikaika loa i ka imi ana i na mea e poino ai lakou. Ina he mau hoahanaukane a inau hoahanau wahine paha ko ka mea i hanauia malalo o na hoomalu ana a Wahine Puupaa, e noho kuee ana keia poe me ia; a he lehulehu nohoi o lakou e make e ana mamua o ko lpkou kanaka makua loa ana. E loohia ana^iloko o ka ohana o ka mea i hanauia ma keia manawa, he mau mea e ho;»kaumaha nui loa ia ai ka noonoo, oia hoi, e hanau ana na kaikamahine a ia .kanaka a wahine paha, he mau keiki poo ole; a i ole ia, e mare ana lakou i na , kane, al i na wahine mamuli o ka ikeia ana ua hapai keiki ka wa^in^ e mareia aku ai, a pela hoi ke kaikamahine a ka mea i hanauia malalo o keia hoailona Zodiaka; A ma ka hapa nui loa o na manawa, e ulu mai ana na hoopii oki mare mawaena o kana poe keiki. " E loohia ana na keiki a ka mea i hanau malaki o ka hoo malu ana a keui hoailona Zodiaka, i ka make, mamuli o ka haule ana, mai luna mai o kekahi wahi kiekie, elikemeka pali, ke kumulaau, ka ha*fe, ke kia nnoku, ka lio, a pela aku. A o kekahi mamuli o ke piholo ana iloku o ka wai a kai paha^ a i o'e. mamuli 6'ke nahuia ana e na mea kolo niho a huelo awa hoi(ma na aina e nae(pa!ia kahi e ikeia ai keia aryj make.) AOLE I PAU. i