Ka Naʻi Aupuni, Volume V, Number 82, 24 April 1908 — KAUOHA A KA MANA KOOKO. [ARTICLE]

KAUOHA A KA MANA KOOKO.

Ma KE Kumukanawi o ka Aoao Kalaiaina, ua hoomaopopoia, e waeia ka Moho Elele i Wasinetona, na Senaioa, na Lunamakaainana ame na Luna Aupuni Kalana mailoko ponoi mai o na Home Rula i paa ko lakou mau inoa ma ka papainoa o na poe Home Rula ma kela ame keia Mahele, a OIAI ua hoikeia ma ka Pauku 3 o u Na Kanawai ona Ahahui Lala, (oia hoi na Kalahu) u ka Aoao Kalaiaina Kuokoa Home Rula: "O na Luna Nui, oia no ka Peresidena, Hope Peresidena, Kakauolelo, Hope Kakauolelo, Puuku, Lunahooia ame 3 Lunakanawai Nana Koho Balota a o lakou no ka Papa Hooko; a e kohoia lakou ma ka balota ma ka Poaha Elua o Mei o kela ame keia Elua Makahiki, a e paa ma keia mau kulana no ka manawa o elua makahiki; a hiki i ke koho pono ia ana o ko lakou mau hope. NOLAĪLA, mamuli o ke kauoha a ka Mana Hooko Nui o ka Aoao Kalaiaina Kuokoa Home Rula, ma kekahi halawai a ia Mana Hooko Nui i malnma ai ma Kahiliaulani Hall, ma Hoonolulu nei, Kalana o Oahu, T. H., ma ka Poaha, Dekemaba 26, 1907, ua kauoha ia mai ka Peresidena o keia Aoao Kalaiaina, e hoopuka aku i ke kauoha i na Ahahui Lala apau maj Hawaii a Kauai e koho i ka lakou mau Luna Nui ma ka Poaha elua o Mei la 14, o keia makahiki 1908;-a e hoounaia mai na papa inoa apau o ia poe Luna Nui i kohoia i ka Poresidena Nui ma Honolulu nei. A ke kauoha pu ia aku nei na Ahahui Lala apau, e hoopaa koke i na lala ma ke kakauinoa ana ma na buke hoopaa inoa o kela ame keia Ahahui mahele (oia hoi. ke Kalabu); a o lakou ka poe e koho i na Luna Nui o ua mau Ahahui Lala nei ma na Kalabu. Ma ke KAUOHA A KA MANA HOOKO.