Ka Naʻi Aupuni, Volume V, Number 80, 29 April 1908 — Mai Hooka'nlua e na Makamaka. [ARTICLE]

Mai Hooka'nlua e na Makamaka.

Ke paipai aku nei makou i na Home Rula oiaio apau a puni ke Teritore, no ko lakou wae ana i na poe kupono i mau Luna Nana no ka pahu balota ma ko lakou mau mahele koho pakahi, ma ka Aoao Kalaiaina Kuokoa Home Rula, elike me ka leta a ke Kiaaina ame ke kauoha helu 2 a ka Mana Hooko e puka aku nei, e hoouna koke mai 1 na inoa o na poe kupono ma ke keena Mana Hooko 0 ka Acao Home Rula ma Honolulu nei. Mai hooka'ulua i ka hooko ana i keia kauoha, e hooholomua i na hana e pono ai ka aoao, a pela nohoi me na kukulu kalabu ana ame ke koho ana i na luna nui. E makaala e ka lahui i ka hooko ana i keia mau kauoha.