Ka Nupepa Elele, Volume VIII, Number 13, 25 September 1886 — NA MANAO HOOMAKEAKA O KE ALOALII. [ARTICLE]

NA MANAO HOOMAKEAKA O KE ALOALII.

Mai ka Nupepa Ohuohu Halemano i ka Lau Lehua mai. Owai ka manu nana e ke-u ka aha lilo? O ka alae hua-pi.

Ia wai e hene ai ka aka? I ka opua. Nohea ka i-a leo ole? No Ewa. Nohea ka lio ihu-pi? No Halemano. Owai ke kula i like me ka moena? O Mokuleia. I ka lae hea e pau ai ka pono? I ka lae o Kalaau. Heaha ka ipukai hoomomoa ia e na 'Lii? He ipukai hee. Heaha hoi ka ipukai hooheno? He ipukai Hinalea. Nohea Kauapoaihala? No Kahaluu. Heaha ka ia a ka puu e ono ai? He uhu. Ihea e huikau ai na makau a ka lawaia? I Wailua. Nawai e kike ka a-la? Na ka manane. Nohea ka Ua Ulalena? No Piiholo. Nohea ka makani Kilioopu? No Waihee. Nohea ke Kaiaulu? No Napali. Nohea ka Waipaoa? No Mana.