Ka Nupepa Elele, Volume VIII, Number 24, 11 December 1886 — HE INOA IUBILE NO KALANI. [ARTICLE]

HE INOA IUBILE NO KALANI.

[Hakuia e Aiaumoe.] E ala e Hawaii moku o Keawe, Ua hiki mai nei ka Iubile, Ku mai oe e Hilo Hanakahi, Hele mai e Puna Paia-ala, E naue e Kau ua Haae, Eu mai e Kona Lai a Ehu, Lokahi na puuwai e Kohala, E kuilima mai e Hamakua, Na wai elua o na pali, I ka la eha o Keohookalaai, Ua hiki mai nei ka Iubile, Nou e ka Wahi Kukahi e ka moku. 2 Auhea oe e Maui o Papa, E ka pua a Kamalalawalu, He 'lii na Hono a Piilani, He Wohi kapu Oe no Iao, O ka pela kapu hoi o Kakea, Ala mai e na Waieha, Aina o Hana a Kaiaiki, E ike i ke one Kakuhihewa, I ka nuhou nui ma ke Kaona, I ka la kamahao ua hiki mai, Ua hiki mai nei ka Iubile, Nou e ka Wohi Kukahi o ka moku.

3 Eia Molokai nui a HIna, Me Lanai a Kaulahea, E lawe mai i ka ia a Kalani, I ka honu nee hoi o Polihua, Me ke Aku hoi o Kaunolu, Ka pua o ke Ii ko Molokai, O ka Leleiaka ka Makalii, A he ia nui i ka pawa {illegible} ke ao, He ia e lawa ai ka ahaaina, O ka Hu poe nui makaainana. Ua hiki m ai nei ka Iubile, Oou o ka Wohi Kukahi o ka moku. 4 Ala mai Oahu o Kuhihewa, Eia o Kalani Ahienaena, Ua kupono i ke Kapu a Lono, Ua paa i ka piko o ka aina, Ua lohe ae nei na Ailana, Keia hana nui au e Kalani, Ua hiki mai nei ka Iubile, Ko la hanau kapu ihihi, La Kuleia o ke Aupuni, Hauoli piha na makaainana, Ua hiki mai nei ka Iubile, Nou e ka Wohi Kukahi e ka moku. 5 Hoolono ia aku hoi Kauai, Ka moku hoi o Manokalanipo, Eia ka pua o Holoholoku, Kumai hai oe e {illegible} Lawe mai i ka awa o Koukou, Ma ka ia moe poli o ka aina, Me na Kaloaola i ka pali, Lawe mai i ka wai Kuaahee, I pupu no k aawa o Kalani, Kulukahi hoi kena hoonewanewa, Ma hiki mai nei ka Iubile. Nou e ka Wohi Kukahi o ka moku. 6 Ua hiki aku nei o Kalani, I ke kanalima o ka makahiki, I ka hapa o ke kenekulia, Oiuola mai e na Lani, Hanai i kanalima hoa, I kau i ka Puaneane, Puuhonua o Kalni, O ka pua kapu o Haloa, A pala lauhala o Kalani, a oia au e Hawaii. Ua hiki mai nei ka Iubile, Nou e ka Wahi Kukahi a ka moku. Aole i pau.