Ka Nupepa Elele, Volume X, Number 11, 29 September 1888 — Ka Hui Hoola Aina a na Hawaii. [ARTICLE]

Ka Hui Hoola Aina a na Hawaii.

Ua loaa mai ia makou na leta lehulehu mai na wahi mai a pau o na Mokupuni e pili ana i ka Hui Kalaiaina a hoola a na Hawaii ponoi a makou hoi i hoomaikeike pinepine aku ai, ka mea hoi a makou e noonoo nui nei. A ke hele mau ia mai nei makou e ike ia e na makamaka ano maikai o keia aina ma ko makou keena no ka ninau mau ana no na mea e pili ana i keia kumuhana ano nui a koikoi, na makamaka hoi i maopopo ia makou he poe maikai a hoopono, a he poe hoi e hooikaika ana e hoihoi ia a'e ke aupuni ma ke kahua maikai, ke alanui hoi e hiki ai ia kakou ke loaa na kahu o ka hooponopono Aupuni ana ma ke ano oiaio no ko kakou aina ponoi iho. A ua paa ko makou manao e lawa ana na makemake o na lehulehu o ka Mokupuni o Oahu nei ke makukau makou. Ua manao no makou e ku ana la ka Hui a na Hawaii mamua aku nei, aka, ua kue ia mai makou e kekahi nupepa, he nupepa Hawaii no nae— me ka pane ana mai he haole ka makou, a aole hoi i kupono no ka lawelawe ana ia Hui. Nolaila, ua kakali iho nei makou i mau pule me ka manao e @ hoo- @ @, na Keonimana nana i kue mai ia makou i ka Makaainana Hawaii @ @ o makou manao nui i ka poe nana e hooala i keia mea, aka o ko makou manao nui nae o ka hooala ia. A oiai hoi ua kali aku nei makou a hala he mau pule aohe mea i hele mai e hana, no laila ke ku aku nei makou a hana aku a waele hoi i alanui e ku ai ka Hui i keia mau la koke iho, mamuli hoi o ka haawi ana aku i na balota i na makamaka a makou iho i hilinai ai a ike ai hoi he poe Hawaii maikai. Ua noi ia mai makou e kekahi mau makamaka ma na mokupuni e hooili aku i na Kumukanawai a me na Rula o ka Hui, aole nae e hiki ia makou ke hana ia mea. Oiai aole i ku ka Hui i keia manawa, a ina no ua ku aole no e hiki ana, aiai ua makemake makou e kokua pu mai na makamaka ma na kuaaina i ka @ ana i na kahua a me ke kumunanawai a makou a pau e makemake like ana—a he mea pono hoi e hoala koke mai na makamaka ma na kuaaina e like me makou e hana nei maanei nei. Oia hoi ke kahea ana ae i ko lakou mau hoakanaka a pau e akoakoa ae no ke koho ana i Peresidena, Hope Peresidena, Kakauolelo a me ka Papa Hooko, nona hoi na lala he umi mailoko ae o na hoa ponoi o ka Hui, a ma ia papa e koho pua ia ka Peresidena, Hope Peresidena a me ke Kakauolelo, a e hoala ia he Hui o keia ano ma na Apana Koho Balota a pau maloko o keia Aupuni. Mahope iho o ke ku ana o na Hui, alaila o ka manawa ia e hana ia ai o na Rula me ke Kumukanawai no ka hoomalu ana i na Hui. A e hoouna ia mai na manao a pau ma ke kumu ano nui a maopopo o na Hui, oia hoi ke Hui i hoala ia ma ke kulanakauhale o Honolulu nei. A ke lana nei ko makou manao e hoala koke io mai ana keia mea ma na wahi a pau o ke Aupuni e loaa ai he kokua ia makou no ka imi a hookahua ana hoi i ka lahui Hawaii e lokahi no ka pono a keia hanauan ame na hanauna hou aku o Hawaii nei. Ua ike no kakou i na mea i hana ia a ua maopopo lea no hoi ia kakou ua aihue maoli ia ke kuleana pili paa o ke kanaka Hawaii a kaili [p]u maoli ia a'e mai na lima a'e o na poe nona keia mau lepo e na malihini aea-hau-

kae, a naau awahua. A ua maopopo no hoi ia kakou a pau he hookahi wale no alanui e hiki ai ke hoihoi ia mai keia mea, oia no ka hoohui ana o kakou ia kak[o]u iho ma ka manao lokahi. A ke lana nei no hoi ko makou manao e kokua mai ana ka Makua lani i na Hawaii ma ka hakoko ana i ko lakou mau pono pilipaa— a e loaa mai hoi ka lanakila ia oe e Hawaii no ka wa mau loa.