Ka Nupepa Elele, Volume X, Number 19, 24 November 1888 — KA HAHALAWAI NUI MA MANAMANA. [ARTICLE]

KA HAHALAWAI NUI MA MANAMANA.

Ua malama ia ka halawai mua keia Ahahui Kalaiaina Hawaii ma ka Hale Paikau o ka Pualikoa Honolulu Raifela. O ke kumu o keia halawai ana, oia no ke koho ana i na Luna Nui o ka Ahahhui. Ua akoakoa ae ma keia halawai nakanak i aneane aku i ka umikumamalima haneri, a ma ka ka nana ana, ua piho ohohia ke anaina holookoa no na hana i han aia ma ia ahiahi. Aole loa he halawai o keia ano i malama ia mamua. Ua hoala ia keia Hui mamuli o ka ikaika o ka Nupepa ELELE a me ka wiwo ole oia i poloa[i] aku ai i ko ka lehulehu kuilima pu ana mai. He nui a lehulehu ko makou mau manawa o ka hele ana iloko o na halawai kalaiaina mamua, aka, aole loa makou i ike i ke ohohia a me ka pau lele o na kanaka e like me keia halawai o keia ahiahi Poaha iho nei. Ua akoakoa ae na kanaka mai na wahi mai he lehulehu wale o ka mokupuni o Oahu nei. Ua apono lokahi ia na Kanawai a me ke Kumuhana me ka maikai, nolaila, he mea pono e komo mai na kanaka Hawaii a apu iloko o keia Ahahui, ka poe hoi i loaa ma kona puuwai he aloha aina. E ike ia no na inoa o na Luna Nui o ua Hui la ma kekahi kolamu e ae o ka pepa o keia la, he poe lakou i kamaaina loa, a nolaila, aohe mea e kanalua ai no ko lakou hana ma na mea a pau no ka pono o ka lehulehu holookoa.