Ka Nupepa Elele, Volume X, Number 19, 24 November 1888 — NA AHAHUI. [ARTICLE]

NA AHAHUI.

Ua kauohaia ka Lunahooponopono o ka ELELE e hoala oia i poe ahahui o keia ano like ma na mokupuni, no laila, o ka mea hiki wale no ia makou ke hana, oia no ka hoike ana aku maloko o ka ELELE. Ke ao aku nei makou i ka lehulehu i ke ano o ka lakou mau mea e hana ai. Akahi—O ka hana mua a na kaua a pau o kela a me keia Apana, o ke kahea ae i halawai, a e hoike i kahi e halawai ai a me ka manawa e halawai ai, alaila, e koho i Peresidena, Kakauolelo, Puu-

ku a me ka Papa Imihana, alaila, e kauoha mai i kope o ke kumukanawai a me na kumuhana o ka ahahui nui nei maanei ia makou; a i ole, e hoki ae no hoi mailoko ae o ka ELELE a malama iho. E lawe ae kela a me keia ahahui i keia mau kumukanawai a me ke kumuhana. I ka wa e loaa ai i ke kakauolelo he papa piha o ko lakou mau lala maloko o ko lakou Apana iho ma kana buke, alaila, e kope iho oia i na inoa a pau mai kana buke ae, a hoouna mai ia makou, a oia no hoi ka wa a makou e hoouna aku ai i na kikiki inoa ia lakou. Ua ake nui loa makou e ike owai la ka mokupuni e oi ana o ka heluna nui o na hui. Ua makaukau mau makou me ka hauoli e pane aku no na ninau a pau e ui ia mai a[i] ia makou no na mea pili i ka ahahui.