Ka Nupepa Elele, Volume X, Number 19, 24 November 1888 — KE KUMUHANA HAWAII. [ARTICLE]

KE KUMUHANA HAWAII.

O ka mauawa keia a ka lehulehu e hoala, a e kukulu mai ai i poe ahahui o keia ano like me ka ahahui i hoala ia ae nei maanei nei; ma na Apana a pau maloko o ke Aupuni Hawaii. E hohui ae oukou e ka lehulehu a hookohu iho i ko oukou mau Luna Nui no oukou iho, a lawe aku i na Kanawai a me na Kumuhana i apono ia iho nei maanei nei, a he mea pono e hooili mai lakou i ka papa inoa piha o na lala o ko lakou mau ahahui i keia ahahui maanei. E kahea koke ae kela a me keia Apana i halawai no lakou i keia manawa koke no, i pau koke ai ko lakou mau Luna Nui i ke kohoia. Oiai aia mahope iho o ke kohoia ana o na Luna Nui, alaila, oia ka manawa e hoea mai ai o ka hana, oia hoi ka pakui ana mai i na inoa o na lala hou e komo mai ana i poe lala no ka ahahui. O na kanaka a pau i komohia ke aloha no Hawaii nei iloko o kona puuwai, he mea pono e kalele iho ko lakou mau poohiwi ma ke kano o ka huila: a hookahi ka panee like ana no ka holomua o ku hana kaulike. He hookahi nae mea nui a na hoakanaka a pau e makaala loa ai, oia no ka hooikaika ana e pale aku i ka poe kolohe, apuhi, a hoopono ole, oiai @ a e @ele ko lakou @@@@ ole ai ka ahahui, nolaila, @ ka @@@ lapaau maikai e komohia ole ai ka poe a oukou e ike ana he ano kuekue i na

hana maikai o ka ahahui, oia no ke kipaku koke ia poe mai ka ahahui aku, i mea nona e ike ai nona iho, oiai he nui no kekahi poe e hoalaala mau ana i na hana ino, a mamuli o ke dala, ua hikiwawe loa lakou ma ka hana ana i hana ekaeka a hai, no ka hoao ana e wawahi i nei, ano ahahui; nolaila, o ke kipaku koke ia o nei ano poe mailoko aku o ka ahahui, oia ka mea oi aku o ka maikai no ka Hui, a ua makaukau mau ko makou lima e kokua aku i kekahi mea a mau mea i makemake i ko makou mau kokua ana. Ke lana nei ko makou mau puuwai e loaa he holomua kilakila i ko kakou poe hoaloha.