Ka Nupepa Elele, Volume XIV, Number 2, 9 January 1892 — Moolelo Kaao NO KAUMAILIULA; KA Pua o Kanaka Maikai; KA UI E KUKO AI KA NAAU O KE KAI MAOKIOKI O KONA. [ARTICLE]

Moolelo Kaao NO KAUMAILIULA; KA Pua o Kanaka Maikai; KA UI E KUKO AI KA NAAU O KE KAI MAOKIOKI O KONA.

A o ka lua ole hoi nona ka nani i like loa me ka imu ahi enaena i ka po pouli- A o ka ui hoomamalule uhai puuwai e hoohai ai ko ka honua. MOKUNA XI. Ka holo ana o Kaumailiula ma i Nu Kilani; ko lakoa hopo pio ia ana; Ko Kamahunuiaikanaka kahea ana ia Luukia a me Kaupea; ka Luku ia ana o na kanaka a pau o Nu Kilani Auhea la oe e Kaupea nui wahine maikai Kaikamahine a Olopana E ala mai oe e moe loa mai la Aia ka la iluna Moe ana oe hoolono ana kekahi pepei ao ou I keia pihe nui kanaka maikai Manao ae no hoi kou opu e O makou o kau poe kane Akahi ka ka mea manaonao O ka maka o ko makou kaikuaana E kuni ia nei i ke ahi la wela Wela i ke ahi a na luahine aikanaka. Ma ke oli ana o Kamahu i keia mele kahea ia Luukia a me Kaupea i ike ai o Kumuhonua ke kahuna o Olo pana. Aole keia he poe okoa, a hoomaka aku la oia e holo i ka heiau e halawai me Olopana. I ko laua halawai ana, ua pane aku ua kahuna la, aohe keia he poe kana ka e, aka, ou kaikoekoe no keia. I keia kahea ana a Kamahu, lohe ae la o Kaupea, ala ae la oia a hoala aku la ia Luukia. Hoemau aku la no keia i ke kahea ana ma ia mele hookahi a hiki i ko laua lohe pono ana, lalau ae la o Kau pea i ke keiki a holo kohana aku la laua. Pela iki iho kakou, e kamailio iki ae kakou no Kamahu; he mea kupa naha loa iaia ka lilo ana o kona ika ika mai ona aku i ka wa i hopu ia ai lakou, e uilani ana oia i o a ia nei aohe nae he ikaika. Ua ike o Kaulanapokii i na mea e hana ia nei, a malia paha o ike mai no hoi o Olopana ia lakou, oia ka mea i lawe ia ai o kona ikaika o hau naele e. A mai ia manawa mai a hiki i keia hora aole i ike mai o Olopana, aia no laua ke kamailio la me ke kahuna No ia mea, holo aku la o Luukia ma me ka uwe ana a oui aku la ilalo o ka lepo. A maloko iho o ka puka o Kauma iliula kahi i hoopaa ia ai, aohe maka ua papaa, a e ai aku ana ke ahi i ka iwi poo. Lohe ae la oia i ka leo o Kaupea e uwe helu nei me ka i ana iho, hanau ae no ka kaua keiki kapa iho no au o Nalimanui. Hoopalahalaha mai la kena mau lima me ka pane ana, homai kuu kelki e ike aku au i o'u mau lima. O Kaulaokeahi ka inoa, a kiola mai la o Kaupea i ke keiki iluna o na lima o Kaumailiula, haule aku la o Kaupea ilalo a oni aku la i ka lepo me ka ehaeha nui. Ia laua i hoomaka mai ai e holo ua ike no o Kamahu, a oia kana i puana ae ai i keia mele no Kaulanapokii: Auhea oe e Kaulanapokii E ka wahine mana Nana i hele kukulu o Tahiti Ua pau ke ola, ua pau ka make A elua wale no kupua o ia aina O Lonokaeho a ewale ka lepe

O ke Kekeanuiakane He lopa ai aina wale no o Olopana no loko o Tahiti Ewalu ka nalu au e Kaulana Ia Kahonunuimaeaea O ke akua o Kekokolenuiaiakamanu E iho e ka uluhe E iho e ke ie E iho e Mailelaulii E iho e Mailehaiwale E iho e Mailepakaha E iho e Mailehihikaluhea E paa kela paia, paa keia paia Paa ka ukuwai Paa ia Kaulana ka wahine mana Homai he mana noʻu No Kamahunuiaikanaka E make o Olopana iaʻu i keia la Amama lelewale aku ia.