Ka Nupepa Elele Poakolu, Volume V, Number 46, 12 November 1884 — KO LANAI MAU KEIKI. [ARTICLE]

KO LANAI MAU KEIKI.

E hoea mai ana he mau keiki kamaaina no ka mokupuni auau kai o Lanai, me ko lakou waapa huelo-boti, me ka makaukau e komo iloko o kekahi mau heihei waapa o ka la hanau o ka Moi. Ua olelo ia, o na olali keia nana e ale mai nei na ale o ke kai mawaena o Lanai a me Maui, a ua kaulana no ka ikaika e lele ai ka waapa maluna o ka ilikai me he manu la. O kekahi o na heihei mahaloia a makemake nui loa ia, oia no ka heihei huelo-boti; he hiehie a he haaheo maoli no ka hoe-ka o ka hue-lo-boti.

👉Ma ka Poaono la 8 o keia mahina [Oct.] mauka o Kalihi, ua hanau maila he kaikamahine ohaha maikai no ke au hooulu Lahui o Kalani Kalakaua, na Joel Koo a me kana Eva Kaiminoonoo, a o ka ekahi keia o ka laua hua mohahah i puka mai ko laua puhaka mai. --Oia ka makou e kalekale ae nei i na Lani e hooloihi ia ke ola oia pulapula.