Ka Nupepa Kuokoa, Volume I, Number 1, 1 October 1861 — No ka poe Lawaia. [ARTICLE]

No ka poe Lawaia.

Mai ka wa kahiko mai, a hiki mai i keia manawa, aole paha i ike ia ka mea i like pu me keia. Mamuli o ka noonoo maikai ana o ka Mea Kiekie L. Kamehameha, me kona manao oluolu no e hoopomaikai i kona lahuikanaka. Ua hoonoho aku oia i poe lawaia ma Kaluakoi; Ua piha mau na waapa i ka ia, koele ae i Ulakoheo, aohe pokeokeo a koe aku. Mamua, o Kaihuopalaai ka mea nana e hoopiha pono i na lumi o Ulakoheo, aka, i keia manawa, o Kaluakoi ka mea nana e lawe mai nei i ka Uhu, i ka Nenue. Ua lawa ka hapa nui o na kuewa o ke Kaona, mamuli o keia noonoo maikai o ka Mea Kiekie. E mahaloia ka Mea Kiekie L. Kamehameha, no kona noonoo maikai ana pela. W. N. PUALEWA. Kaliu, Honolulu.