Ka Nupepa Kuokoa, Volume I, Number 14, 1 March 1862 — He Kanikau NO RAHABA PAAHANA. [ARTICLE]

He Kanikau NO RAHABA PAAHANA.

Kani uina owa ka pihe i ke awakea, He pihe noa i Puulena ke ahi a ka wahine, I ho-a lapalapa i ka uka o Puna, Malamalama i kau i ke kua makani, Ahu wale Kumukahi me Makanoni, Maloko o ka noni ka hoalauna ole, Nona ka ka uhane e hele nei, E pae nei ma Kaumakani, E imi ana i hoa hui, A loaa o Kanawai wahine e Alewa la, Auwe ! kuu wahine—e, hoi mai. E hoi mai oe a Laweola, Helekiki mai ana ke aloha, Anuanu ana ke hiki mai, Huihui ana i kuu manawa, I kuu waiinaka e uwe nei la, Auwe ! kuu wahine—e hoi mai. Kuu wahine mai ka aina hanau, A aua e ho ai i Uu,loknop I ke kai wale hoi o Honoipvi, A kaua e noho ai i ka la makaponiuniu, La pololi ai ole o Kekaha, Nana ka maka i ka huakai kalepa, I kai ke ola i ka lawaia, Haalele koua ia Hawaii, Hele mamuli o ke kane, Ike-a ka hono o Piilani, E waha ana ina ke kua ma ke alo, I noho iho ai kaua ia Molokai, Ma Kona, Kalae, Koolau, kaua i noho ai, Ka aina loihi o Hina, Ku mai kaua hele i Oahu, Noho kaua i ka uka o Pauoa, E ike ana i ka ulunahele o Honolulu, Auwe ! kuu wahine—e, hoi mai. Kuu wahine mai ka lai o Honolulu, I noho liai ma ka hale hoopiliwale, Ku ae kaua hele i Kauai, Ike kaua i na hono a Manokalanipo, E lele mai ana o Kaula me he manu la, Noho ai kaua i ka lai o Puna, I piliia e kaua ka hele ana ia Kauai, Noho ai kaua ia laila he ehiku makahiki Haalele ia Kauai hoi i Oahu, Auwe! kuu wahine—e, hoi mai. Aia knu wahine ua haalele mai, Ua makani kuu wahine ua pauaho, Ua haaleie mai nei ia'u, Ua lilo i ke one lauana a Kane ia, Aia me Hiku i ka pua la, Ke noho mai la me Lilinoe i ka mauna. Me na wahine kuipua lehua o Puna, Auwe ! kuu wahine—e, hoi mai. Aia o Paahana o ka uhane hele oke awakea Uhane maka hou o Puunui, Uhane auau n*ai o Kunawai, O oe ka ka uhane i ka punohu makani la Auwe! kuu wahine—e, hoi mai. A. Kahasa!tci. Puunmi, Honolulu, Oaka, Feb. 22 1552.