Ka Nupepa Kuokoa, Volume I, Number 15, 8 March 1862 — Na Palapala. Ke Kanawai Hookamakama. [ARTICLE]

Na Palapala.

Ke Kanawai Hookamakama.

He nui ke kue ana o na manao o ka poe kanaka, nona mea e pili ana i ke kanawai hookamakama, i hooholoia'i e ka Ahaolelo, he kakaikahi ka poe i apono i ke kanawai, a lie nui ka poe i manao ia he inoino, no ka mea, he ano kokua i ka hanaana i ka h :wa, a he hooiana'ku hoi i na wahine e lilo i poe hookamakama, a no ia mea, hooie lakou i ka hoi ana me ka iakou mau kane, a me ko lakou mau home, me ka hooikaika la hoi e huli ae ma ke ano hou, oia hoi ka huli ana i ke ola ma na hana maikai. Ma ka halawai ana a ka Ahahui Euanelio, ma Honolulu i ka mahina i hala iho nei, ua heluhelu o Rev M. Kuaea, i kekahi olelo e hoakaka ana i ke ano o ke kanawai i oleioia maluna. A oia kekahi o na manao maikai loa, i hoikeia ma ke ano hoakaka i kona ano inaoli. Ua loaa ia ia ka wa pono e ike ai i ke ano o ua kanawai'la, a ine na pono i loaa inai; nolaiia, he mea nui kona mau manao no ia mea. E heluhelu i kona manao. a e noonoo nui hoi i ka nui o ka hewa i hanaia. mamua o ka pono i loaa mai ma ua kanawai'la, i ike ai kakou i ka pono o ka hoopauia, oia kanawai e ka Ahaolelo.