Ka Nupepa Kuokoa, Volume I, Number 18, 29 March 1862 — Page 3
Ka Nupepa Kuokoa
okoa ka ninau, a okoa ka haina. No ka mea, o ka ninau, "Ma kahi hea o ka Halelana i pa mua ai ka hamare a Noa ?" Aole oe i kuhikuhi mai i kahi o ua Halelana la i pa mua ai i ka hamare. Aole no hoi oe i hoike mai i ke ki gula e hemo ai ka waiwai o ka ninau o ka Baibala. A he manao koho wale kou, i ke kaha hou ana, a hopu iho la i ka laau a ke Kuaokalani, ia "Hoolehelehekii. " Aole i loaa ia oe, he Ula ka ninau, he i-a noho i ka naele. Aia no ke moe ae la ma Uresa Nui, a me na kaei o Oliona ma na Hokupaa. (oia na Buke ki o ka Baibala. )
Haina 2. — "Aole e ke hoa ! mai koho wale oe, he hahai holoholona wale no kana, oia kela kanaka o Numeroka. "
Aole no i loaa: no ka mea, o ka ninau, "Owai ka mea nana i poa ka opea o ka puaa imua o Iehova. " Aole oe i kuhikuhi mai i keia kanaka i poa i ka opea o ka puaa; aka, o Numeroka kau, ka mea hahai holoholona, pela anei ka Ninau? Aole loa. No ka mea, o kau haina i liki mai ai oe, he manao panai wale a hopu iho la i ka ahui Maia pala a Kanaloa. Aole e loaa ka ninau ia oe, he Puhi ka ninau, he i-a noho i ke Ale. Aia no ke moe ae la ma na Palalade o Iupita, a me na alakai o Sarona, (oia na Buke ki o ka Baibala. )
Haina 3. — "O ka laau i ikeia'i ka pono a me ka hewa, mai milimili aku oe i ka laau o ke ola, oia ka laau oi o ka nani. "
Aole i loaa; no ka mea, o ka Ninau, "E lalau oe a hoike mai i ka laau i oi ka nani i na laau o Edena. " Ua hai mai oe i na kuhikuhi o ka Baibala, ke hai aku nei au ia oe, he lalau ia kuhikuhi, aole ku like me ka ninau i haiia, aole o ka laau o ke ola ka laau nani, he ola wale no kona, aole no na laau ma Edena ka'u ninau, he laau i oi i ko Edena ka ninau, hopu iho la oe i ke "Kumu Kauila a Keawe. " Aole no e loaa ia oe, he Nioi no Pakaalana ka ninau, aia ka wela iloko e paapaa ai o ka puu. Aia no ke moe ae la ma na alapii o Periade Kaulana.
Haina 4. — "Nau ha, he lohe ole ka kou na Iehova. "
Aole no i loaa; no ka mea, okoa ka ninau, okoa ka haina; no ka mea, o ka ninau, "Nawai i hana ka mea ana hora a Ahaza?" Ua hana maoli anei o Iehova? Aole loa ! eia e lilo ka mea ana hora a Ahaza, i hoailona no ka mai o Hezekia. O Ahaza, oia kekahi
alii o ka Iuda; na ka lima o ke kanaka i hana, owai la ia kanaka? O na kuhikuhi au, aole pili pono me ka ninau. Hopu iho la oe i ke A-u o Kawalakii. Aole e loaa ka ninau, he lila maia no ka ea, aole e pala ana i ke anahulu hookahi. Aia no ke moe ae la ike kikowaena nui o Saturena.
Haina 5. — "Me ka lima, a me ka pahikaua i oki ai i ke poo. "
Aole no i loaa; no ka mea, aole no ke poo ka ninau, hopu hou oe i ka huelo o ka Ilio. Aole no i loaa ka ninau, he Aliikumakani, e pa ke Kona, aole e hina. Aia no ke moe ae la ma ke anapuni o Helekela.
Haina 6. — "He 3, 666, 480, na hua palapala, ke hooponoponoia na hua haole. "
Aole no i loaa; no ka mea, eia no ia'u kekii oia ninau, aole nae ku like; no ka mea, ma ka Baibala, he olelo Hebera, a Helene,a hoolilo ma ka olelo maoli, alaila hoohuima ka olelo haole alaila pono; aka hoi, hailalau wale no oe, hopu hou oe i ka ahui oka Hala o Kekele, aole no i loaa, he Mai/e kaninau e puali ai ko lima. Aia no ke moe aela ma na kookoo gula e 5 o kanaka.
Haina 7. — "Lalau ia ala au, aole na ka laka ninau i hoailona ia Matia, na na Lunaolelo hoailona, o ka Poaono ia kakou, oia keSabati ia kakou. "
Aole no i loaa; no ka mea, aole i hoopau loa ia ke Sabati o na Iudaio ia wa; a koho ae la oe. o ka Poaono, ka la e pili pu ana me ka la Penetedoka, a ku-e i ka la o ka Haku. O ke kumu o kou lalau, o ka loaa ole o ka moolelo o na la mahope mai o ko Iesu pii ana i ka lani. Aole i lalau ia ala, o kau haina ka lalau. E huli i na Buke Helene, a hopu oe i ke Ahuawa, e loli ana i Hamohamo, Aole e loaa ia oe, he Kalo paa no Waiahole ka ninau, nana e iliki aku loa ke alelo o ka manu o Waahila. Aia no ke moe ae la ma na Paledina o Euperake.
Haina 8. — "Aia ma ka Buke a Ialins, o ka poe Hebera. "
Aole no i loaa; no ka mea, aole no na Buke moolelo ka ninau, no ka Buke o ka Baibala, aole no hoi oe i hai mai ia Buke Baibala. O kela Buke a Ialins, aole nana wale i kakau, na Zenophs kekahi i kakau i ka Beth, Mem, Pe, Isaddi, Resh, Tau, o ka helu hua o na Hebera, 2, 13, 17, 18, 19, 22, o ka helu o Arabia. Eia ma ko'u hale ke kahua o na Buke Hebera. Aole e loaa ia oe, he Ao, ka ninau, he manu noho i ka lua, aole e loaa i ke lima ke nao aku. Ua olelo mai hoi oe, "He 311 Kaikuono i koe o ka Baibala aole 1, 189. " E ke hoa! Ma ke Kauoha Kahiko, he 929 Mokuna, a e 260 o ke Kauoha Hou, loaa ka Baibala, he 1, 189 na Mokuna a pau loa, (oia iho la no na Kaikuono o ka Baibala, ) nohea mai ka 311 ? No ka Baibala Launa anei? Ka Buke a ka Pope, eta kona mau Mokuna, 1, 528, o ke Kauoha Kahiko, 929, Kauoha Hou, 260, na Apokarube, 393, (oia na Matapeta 2, 1 Tobia, 1 Tiudita. ) Eia ma ko'u hale keia mau Buke Pope. No ka Pope anei oe? Ke hai mai nei oe, no Lahainaluna oe, no ke aha la oe i huna ai i kou inoa? No kou makau anei o ku oe i ka laau a Punapuna. Ina ma ka hale Kulanui oe; alaila, aole oe i ike i na ohe gula e pau ai ke keae o ka maka o ka hai keiki. Ilaila oe i kaa'i i ka lepo ula, ka mea nana e pani mai ko ai, kulou iho la ilalo me he Kaluha la. Makehewa ka inoa Lahainaluna ia oe.
No ke aha la oe i hoahewa ole mai ai i na haina o na Ninau Baibala a'u i hai ai ma ka Helu 12 o ka Nupepa Kuokoa. Eia no! no ke ku i ko auwae, ke wi 'la ka niho o ka Iole.
Ke hoole aku nei au, aole i ao mai kela haole ia'u, aole no hoi au i lilo i kanaka nona; no ka mea, he haole hoomaloka, a he naaupo, na'u e ao aku ma na mea e pono ai ka aina. Ke manao nei anei oe, o na kumu a kaua kou kokua, a holokiki oe imua o lakou, e noi aku ai i Pohue, i mea e kahi ai i ko lae, aole e loaa ke Pohue e pau ai. Owai ke kumu i hai lalau ia oe? Ke hai mai nei oe, ina hoi na na kumu; alaila, o ko pakii liilii loa no ia.
E ke hoa ! i nui ke aho ! Ina he manao kou e hai aku au i ka Hailoaa; e noi mai ia'u, i ao aku ai au ia oe, i na hipuu he 66, a na Keko e 6 e huna nei. E ke hoa ! ua loaa anei ia oe na Pihi Kalaunu he 3, 600 o ka Baibala ? Aia a loaa na Ninau; alaila, e hoouna aku au i na Pohaku Adama 100 o ka Baibala. Me ka mahalo.
G. M. KOHA.
Keawaula, Waianae, Maraki, 15, 1862.
Make Emoole.
Mar. 12 ma Kamanuwai, Honolulu, Oahu, make emoole o Hoehau w, i ke awakea o ua la nei, imi oia i kana kane, a loaa i kahi i haiia maluna, e noho ana me kekahi wahine, a puiwa ae la kona manao, lele ae la kona hauli, a make iho la. Aloha ino, e ike kakou i kona wahi kanikau,
E Hoehau e, nou ke aloha,
Kuu wahine mai ka ai haaheo a ke dala,
Mai ka ai uahi ole a ka haole,
Mai kahi i-a mili lima o ka makeke,
Mai ka la welawela o ka makalii,
Mai ka po anu o ka hooilo,
Hoilolii ana ke kino i ka mea o ke aloha,
Auwe kuu wahine — e.
Kuu wahine hoi o ka hale mehameha,
A kaua e hoomanawanui ai i ke kulu,
E hia-a ai o ka moe ana,
Kuu makua hoi o ka noho ana,
Mai ko'u wa opiopio a kanaka makua,
Makua ke aloha iloko e noho nei,
Auwe kuu wahine—e.
Kuu wahine hoi o ua wahi nei la,
Kuu kokoolua hoi e,
Mai ka wai huki pakeke o ka aina,
A kaua e hoomanawanui ai,
Nui mai nei ke aloha paila i ke kino,
Kuu kino kai luhi e noho nei,
Auwe kuu wahine—e.
Kuu wahine hoomanawanui hoi o na hana,
He mea ole ke anu o ka po ia kaua,
A kaua e pii ai i ka holoi,
Me ka hoomanawanui o na kino nawaliwali,
Nawaliwali ke kino i ka mea o ke aloha,
O ke aloha kai haupu ae nei auhea la hoi,
Auwe kuu wahine—e.
L. LUEA.
E Hoehau aloha kaua,
Nou ka ke aloha pua ahihi,
Hoohihi mai ana iloko o kuu manao,
Kuu wahine o ka hia haihai.
Mai kahi ai hoohalikelike o ka noho ana,
E hoomanawanui ai o ka pololi,
Auwe kuu wahine—a.
Kuu wahine mai ke kai loa o ka Ieiewaho,
Mai kela aina kuleana ole o Kauai,
A kaua hoi i noho ai,
Hookahi hoi kuleana o ka wahine,
Ike ai kaua i ke ahi lele o ka maile,
A me ka auhau o Makuaiki,
Auwe kuu wahine—a.
Kuu wahine mai kela moku kanaka ole o Kaula,
Hookahi kanaka o ka manu,
Ua manu kuu wahine ua lele iluna,
Ua haalele mai nei i ka hoa he kane,
Kuu makua hoi o ka noho ana mai,
A loaa ka makemake o oe,
Auwe kuu wahine—a.
J. W. H. KEANU.
E Hoehau, ia oe ke aloha pau ole,
Pau ole ko'u aloha ia oe,
Kuu makua i ike ia ai keia wahi,
A kuleana ai ka noho ana,
Ana wale hoi au i ka nui o ko aloha,
E hakui nei o ke ao a me ka po,
Auwe kuu punalua—la.
Kuu punalua mai ka makani o ka aina,
Mai kahi i-a dala nui o Ulakoheo,
A kaua o hoholo ai,
I uka i kai,
Me kahi ia ma ka lima,
A loaa mai i na kane,
Auwe kuu punalua—la.
Kuu punalua o ke alanui kanaka o Pelekane,
E hooluana ai kaua ma ka pili pa,
E nana ai i na wahine laikini,
I ka hoonounou mai iluna o ka lio,
Lilo oe la ike ole au,
Auana wau aohe loaa,
Auwe kuu punalua—la.
Kuu punalua mai ke alanui o Nuuanu.
E hiki aku ai i Kahuailanawai,
Ke lana ae nei ka manao e ike ia oe
Kuu hoapali o Koolau,
A kaua e hele ai,
Me na wahi kino nawaliwali,
Auwe kuu punalua—la.
NAILI.
Na mea Kuai ma na Kuaaina nei.
Ua ikeia ma ko kakou Kilohana Pookela o ka Lahui Hawai, oia hoi ka Nupepa Kuokoa. E hoike mauia ana ma ka aoao 3 o kona mau aoao na mea kuai o ke Kulanakauhale o Honolulu, ma ka ike ana, me ka hooomaopopo pu hoi, ua loaa na mea malaila me ka makepono; a no ia makepono malaila, pono ia makou ke hoike aku i na mea kuai ma Kuaaina nei, o ko makou wahi nei; i ike pu hoi kakou.
Puaa hai lima,.,................. $ 1 50 $ 2. 00
" Poaeae.................... 3. 00 5. 00
" Iwilei,.................... 6 00 8. 00
" Anana,.................... 10. 00 15. 00
Manu Pelehu kane,.. ......... 1. 00
" wahine,.......................... 0. 50
" Moa............................... 0.25
Aahukapa Paiula,.............. 5. 00
Ahui Maia,......................... 0.50 0. 75
Kanaka Hoolimalima no ka la,.... 0 87 0 50
1 Kaau Amaama................. 1 00
1 " Aholehole,................ 0. 50
4 Opelu....................... 0. 12 1/2
1 Amoomoo Oio,................. 0. 25
1 Oio,........................ 0 50
Pii nu ka ai maanei,..............
100 kap. Papa,.................. 40 00
8 Ia Puahau,.................. 1 00
6 " Kalakoa.................. 1. 00
Peia iho la ke kuai ana o na mea i olelo ia maluna, ma ko makou wahi nei; ua maopopo ia makou, ua kaumaha na mea kuai ma na Kuaaina nei, a ua mama loa ko Honolulu.
O ke ano nui nae o keia kuai ana; aia no ia i waena o ka poe ike ole i ke ano Kaulike. Ke manao nei paha ko makou mau hoa Kuaaina, ua nui loa ke dala i ko lakou mau hoa Kuaaina. Aole! Ua like loa? Ina paha oukou e lawe me ka hoomaopopo i na mea i oleloia ma ka aoao 3 o ka Nupepa Kuokoa. E ike oukou i na mea kuai ma Honolulu, mai manao oukou ua like loa ka oukou mau mea i kuai ai me ko Honolulu, aole pela; E pono ke haawi i kona 1/2 i kumukuai no kau mea kuai ma na Kuaaina. E hoomanao no oe, ua oi kou lilo i kau mea kuai, i kou lawe ana ma Honolulu, mamua o kou hoolilo ana i kau mea kuai ma Kuaaina nei. Pono ke noonoo i ka awalika ano. Me ke aloha no. J. P. K.
Waialua, Oahu, Maraki, 1862.
Ahahui mahi pulupulu o Honolulu.
Ua hoomaka hou ka halawai kuka o keia Hui ma ka la 7 o Maraki nei, ma ka hora 7 ahiahi, e like me ka rula mau oia Hui, a e kapaia ia halawai, o ka halawai mua o ka M. H. 1862.
A ma ka la 18 mai, ua halawai hou; ua nui no na mea i kukaia iloko o keia mau halawai ana, no na mea e holo ai ka hana a me na mea e kupaa ai na hoa o keia Ahahui, oia ka noonoo ana i ke Kumu Kanawai a me na kanawai hooponopono o keia Ahahhi, a ua pau ka hana a na Comite, no ka noonoo ana i ke Kumu Kanawai, o ka hooholo wale no koe.
A ma ka halawai hope o keia Ahahui ma ka hora 7 o ke ahiahi, a o ka la 25 o Maraki nei, aole i hooholoia ke Kumu Kanawai, no ka pau ole mai o na hoa; nolaila, ua hoopaneia ka halawai a ka Poalima mua o Aperila la 4, oia ka hooholo loa ana no ke Kumu Kanawai.
A no keia mea, ua kauohaia mai au e ka Hui mahi Pulupulu, e kauoha aku ia oukou e na hoa a pau ma ka Apana o Kona nei, e akoakoa ma ka Luakini ma Kaumakapili, i ka la 4 o Aperila, hora 7 o ke ahiahi, no ka hooholo loa ana i ke Kumu Kanawai.
Mai hoopalaleha kakou mamua o ka hana maikai.
W. N. PUALEWA.
Kokua Kakauolele o ka Aahahui Mahiai.
Honolulu, Maraki, 26, 1862.
AWA O HONOLULU.
Na Moku ku mai.
Mar. 20 — Moku kuna Odd Fellow, mai Hanalei a me Koloa mai, me 295 pahu a me 300 eke ko paa, 156 pahu malakeke, 10 pahu uala mauli, 4 eke pepeiao laau, 1 pahu aila bipi, 10 ili bipi. 21 apana laau moku, me 13 hoki.
21 — Moku okohola Farani Henry Teste, mai Nukilani mai, me 450 pahu aila, me 3, 000 paona iwi kohola, o kana loaa ia o keia kikina.
21 — Moku kiakahi Louisa, hoi mai ka moana mai, no ka liu, he 20 aku nei ona mau la i ka moana.
23 — Moku kiapa Mary Whitridge, he 15 la mai Kapalakiko mai, e holo loa ana i Kina, aole i komo mai iloko o ke awa. Holo aku i ka la 25 iho nei, me 203 (17, 938 paona) pepeiao laau, o na dala oia he 1, 325 04.
23 — Moku mahu Kilauea, mai Hawaii a me Maui mai, me 20 bipi, 1 lio, 3 hipa, 9 kukaa huluhipa, 20 puaa, 2 waa, 1 apana laau koa, 7 ili bipi, 3 owili ili kao, 2, 000 alani, 10 pahu meli, 2 hale nalo meli, 1 eke pepeiao laau, 3 pahu waiubath, me ka hinai piki hookahi.
24 — Moku kuna Neke, mai Hilo mai, me 471 pahu a me 34 eke ko paa, 3 kukaa pulu, me ka hao wili ko.
25 — Moku kuna Kamehameha IV., mai Hana a me Kalepolepo mai, me 9 paila wahie, a me 100 pou mamane.
26 — Moku kialua okohola Victoria, mai Balena Be (Ballin's Bay) mai, me 450 pahu aila o: ei kikina.
27 — Moku kuna Moiwahine, mai Nawiliwili mai, me 370 pahu ko, 426 eke ka, 84 paha malakeke, 5 pahu waiubata, 8 hoki, 10 puaa. 3 pahu aila bipi, me 32 ee moku,
No ke kahua pepehi kohola mai.
Ma ka moku kialua okohola Vitoria, ua lohea mai nei ka noho ana o na moku okohola Hawaii, ma Makalika Be. O Ema. Ruka, ua piha he 500 pahu aila; o Hamane, he 1, 000 pahu aila; o Kalama a me Cometa, kialua olelo e, he 21 kohola. Ua pomaikai na moku Hawaii i keia kikina, he mea no hoi ia e paipai ai i ka poe mea dala e hoonui ae ai i na moku pepehi kohola o ko kakou aina nei, a e hoolako hoi ia mea i hana nana holokahiki o kakou.
OLELO HOOLAHA.
KE PAPA AKU NEI AU I NA KANAKA, NA HAOLE, a me na Pake, o kela ano, keia ano. Mai a-e iki oukou e kuai ma KEAWE, kuu kane mare, i ke kuleana e waiho'la ma Kukanaka, a me ke kahuahale ma Koiuiu, i Honolulu, me ka ae ole o'u o ka wahine mare i ko'u hapakolu.
KEOLA (w, )
Kailua, Koolaupoko, Maraki 26, 1862. 18-2t*
$2. 00 Makana.
E UKU IA KA MEA E LOAA AI KUU LIO kane ulaula, i kuni ia i hoailona JT ma kekahi o na uha hope, a hoailona ia ma ka mahele kekahi pepeiao, ina i loaa ia ia, e haawiia no ka uku i oleloia, maluna, a e loaa no wau, ma Ulakoheo, Honolulu.
Na MANUELA, (Kau Kamano. )
Honolulu, Maraki 26, 1862. 18-1t*
Ke kauohaia'ku nei na Lunakula, a me na Kumukula, ehooili mai i ka inoa o ka poe Hanau, Mare, a me ka poeMake, i hoolahaia'i ma ka Nupepa Kuokoa. E kakau mawa-ho o ka palapala ia H. M. Wini, Luna Pai o ke Kuokoa; a iole ia, e haawai ae i na Luna o ke Kuokoa.
HANAU.
KOMO—Ma Kamoiliili, Waikiki waena, Honolulum Oahu, hanau o J. K. Komo, he keikikane
KAKANIMANUIA—Feb. 28, ma Ewa, Oahu, hanau o Kalanimanuia, na Pahukui me Kaimi.
INOAOLE—Feb. 25, ma Lihue, Waimea, Hawaii, hanau o Inoaole (w, ) na Keoni me Miriama,
KAKALAKA—Mar. 7, ma Kawela, Molokai, hanau o Kakalaka (k, ) na Kalihiwa me Kawelu.
KAAKOLU—Mar. 16, ma Waiawa, Ewa, Oahu, hanau o Kaakolu (k, ) na Kauhi me Kamelike.
KANIAKALAAU—Mar. 17, ma Waikele, Ewa, Oahu, hanau o Kaniakalaau, na Kailimai me Keka.
MALAO—Mar. 16, ma Kahakuloa, Maui, hanau o Dina Malao (w, ) na D. H. Kaialiilii mw Naholowaa.
KEMILIA—Mar. 23, ma Kuloloia, Honolulu, Oahu, hanau o Kemilia (k).
KAUIOHILO ME KANANIAWAIOLI—Mar. 15, ma Ewa, Oahu, hanau o Kauiohilo me Kananiawaioli, na B. Kekeihelani me K. Kauaoeleao.
MARE.
MINAMINA—KAILUA—Mar. 18, ma Kaneohe, Koolaupoko, mare o Minamina me Kailua, na Rev. B. W. Pareka laua i mare.
MOEWAA—KUHELELOA—Mar. 12, ma Kaamola, Molokai, mare o Moewaa me Kuheleloa, na Rev. A. O. Poiepe laua i mare.
KAPULE—KEKAAWE—Mar. 19, ma Kawaihae ka, Hawaii, mare o Kapule me Kekaawe, na Rev. L. Laiana laua i mare.
HAUKAE—NAOMI—Mar. 25, ma Kaakopoa, Honolulu, Oahu, mare o Kuaana Aea Haukae me Naomi, na Rev. E. W. Kalaka laua i mare.
MAKE.
MARY KALEIHUIA KALEIMOKU—Mar. 28, ma Honolulu, Oahu, make o M. Kaleihuia Kaleimoku (w, ) he kaikamahine i aloha nuiia e kona poe a pau.
KALUA—Mar. 26, ma ka pa o Pika Kaeo, Honolulu, Oahu. make o Kalua (k)
KANEELEELE—Mar. 28, ma Kikihale, Honolulu, Oahu, make o Kaneeleele (k. )
KAAUKAI—Mar. 23, ma Kapalama, Honolulu, Oahu, make o Kaaukai (w. )
LOLOUA—Mar. 25, ma Hauhaukoi, Honolulu, Oahu, make o Loloua (w. )
MAUKOLO—Mar. 19. ma Honouliuli, Ewa, Oahu, make o Mau kolo (w. )
KAPIKO—Mar. 15, ma Kamoiliili, Waikiki, make o Kapiko w.
KUAMOO—Feb. 22, ma Kawela, make o Kuamoo (w. )
PIIMOKU—Mar. 11, ma Waimea, Hawaii, make a Piimoku w.
HANUPA —Feb. 14, ma Waialua, Oahu, make o Joe Hanupa k.
KALE—Mar. 10, ma Lihue, Kauai, make o Kale (w. )
LAUKI —Mar. 19, ma ia wahi no, make o Lauki (w. )
KELIIKAHUNA—Mar. 13, ma Kumueli, Molokai, make o Kelii-kahuna (k. )
KAMAHIAI—Feb. 28, ma Waikele, Ewa, Oahu, make o Kama- hiai (k. )
KAPENALIILII—Mar. 2, ma Waiawa, Ewa, Oahu, make o J. Kapenaliilii (k. )
KILUA—Mar. 7, ma Kapalama, Honolulu, Oahu, make o Kilua (k. )
KAILELEOPULANI—Mar. 1O, ma Kapualei, Molokai, make Kaileleopulani (k )
KILINAHE—Mar. 10, ma Kalihi, Oahu, make o Kilinahe (k. )
KAILUA—Mar. 15, ma ia wahi no, make o Kailua (k. )
KONA—Mar. 15, ma Kapalama, Honolulu, Oahu, make o Kona (k. )
No na Olelo Hoolaha.
O NA MEA A PAU E MAKEMAKE ANA e hookomo i na Olelo Hoolaha ma keia Pepa, eia malalo nei ke ano o ka uku ana, ke oi ole aku mamua o ka aoao palapala hookahi, a o na lalani hua kepau he 20.
No ka pule hookahi,.............................$1.00
No na pule elua,....................................$1.50
No ka mahina hookahi, (4 pule). ........$2.00
E like me maluna ka uku ana o na Olelo Hoolaha no ua holoholona hele hewa.
Aka, ina e oi aku ka nui mamua o ka aoao hookahi o ke kanana palapala, alaila e papaluaia ka uku, a ina loihi loa, hoonui iki aku ka uku.
E hooili pu mai i ka uku me ua Olelo Hoolaha i paiia, ina aole, aole no e paiia. HANALE M. WINI.
Luna Pai o ke KUOKOA.
OLELO HOOLAHA.
NO KA MEA, UA NOIIA MAI KA MEA HANOHANO o G. M. Robertson ka Lunakanawai o ka AhaKiekie, e AA (w, ) no ka hookohu ia ia i Luna HooponoponoWaiwai no Kaihe, o Honolulu i make aku nei: Nolaila, ua hoikeia i na kanaka a pau loa, ke pili, o ka Poalima, oia ka la 25 oAperila, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
JNO. E. BARNARD.
Kakauolelo o ka Aha Kiekie.
Honolulu, Maraki 22. 1862. 18-4t
OLELO HOOLAHA.
NO KA MEA. UA NOI IA MAI KA MEA HANOHANO o John Ii, ka Lunakanawai o ka Aha Kiekie, e PALEILIAHI, no ka hookohu ia ia i Luna Hooponopono Waiwai no Mioi, o Honolulu, i make aku nei: Nolaila, ua hoikeia i na kanaka a pau loa, ke pili, o ka Poakolu, oia ka la 23 o Aperila, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo mai Honolulu, Oahu.
JNO. E. BARNARD.
Kakauolelo o ka Aha Kiekie.
Honolulu, Maraki 21, 1862. 18-4t
OLELO HOOLAHA.
NO KA MEA, UA NOIIA MAI KA MEA HANOHANO o G. M. Robertson, ka Lunakanawai o ka Aha Kiekie, e KAANAANA, no ka hooiaio ia ia i na Palapala Kauoha o Manana, o Kealia, Waialua, i make aku nei: Nolaila, ua hoikeia i na kanaka a pau loa, ke pili, o ka Poano, oia ka la 19 o Aperila, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
JNO. E. BARNARD.
Kakauolelo o ka Aha Kiekie.
Honolulu, Maraki 24, 1862. 18-3t
Olelo Hoolaha.
E IKE AUANEI NA KANAKA A PAU, UA HOOKOHU mai ka mea Hanohano o John Ii, kekahi Lunakanawai o ka Aha Kiekie, i ka mea nona ka inoa malalo nei, i Luna Hooponopono no ka waiwai o OPEALU, ka'u wahine i make aku nei me ka Palapala Kauoha ole. Nolaila, ke hoike aku nei au i na mea a pau a Opealu i aie ai, e hoike mai i na Bila Aie i kau inoaia e Opealu, a me ka poe i aie mai ia Opealu, e hookaa mai lakou iloko o ko'u lima, a me ka poe ia ia ka waiwai lewa a waiwai paa o Opealu, e hoike koke lakou ia'u mai me ka hoopanee ole. Ina hoike ole mai kekahi i kana Bila Aie o Opealu, a hala ka la mua o Aperila e hiki mai ana, alaila, aole au e nana i ko lakou koi hou ana mai mahope. Eia keia, ua koho wau ia JNO L. NAILIILI, i hope na'u, nana e hooponopono i keia hana, a he pono ke hele i o na la ka poe i oleloia maluna. UMAUMA.
Luna Hooponopono Waiwai o Opealu.
Honolulu, Maraki 19, 1862. 18-1t*
OLELO HOOLAHA.
O NA KANAKA A PAU I AIE IA Pahukula k. O Kukuao, Hilo, Hawaii, i make aku nei, e hookaa koke mai na mea a pau i aie ia ia, a e hookomo koke mai oukou i na bila aie mamua o ka la 1 o Mei, oia ka Poaha, M. H. 1862.
D. H. HITCHCOCK.
Luna Hooponopono Waiwai o Pahukula.
Hilo, Hawaii, Maraki 12, 1862. l8-2t
OLELO HOOLAHA.
INA UA AIE o Nawaa k. O KUKUIHE, HILO, Hawaii, i make aku nei, i kekahi mea, e pono ke hookomo koke mai ia'u ka bila aie, mamua o ka la 1 o Mei, 1862, a o na mea a pau i aie ia Nawaa, e hookaa koke mai ia'u.
D. H. HITCHCOCK.
Luna Hooponopono Waiwai o Nawaa.
Hilo, Hawaii, Maraki 12, 1862. 18-2t
Aie! Aie!! Aie!!!
NA KANAKA A PAU I AIE IA B. Pitimana, A hiki i keia wa, e hookaa koke mai oukou ia'u i kona hope, ina aie a oukou, mai kali, no ka mea, eia no ia'u ko oukou mau inoa ma na Buke Helu. D. H. HITCHCOCK.
Luna Hooponopono Waiwai o Pitimana.
Hilo, Hawaii, Maraki 20, 1862. 18-1t
OLELO HOOLAHA.
NO KA MEA, UA HOOKOHUIA KA MEA NONA KA inoa malalo, e ka Mea Mahaloia G. M. Robertson, kekahi o na Lunakanawai Kiekie, i Luna Hooponopono no ka waiwai o KANINIU (w, ) a Kapalama, i make aku nei, me ka palapala Kauoha ole. Nolaila, o na mea a pau a Kaniniu i aie aku ai, e hele mai lakou imua o'u me na Bila Aie i kau inoa ia e Kaniniu, mamua ae o ka la 5 o Aperila e hiki mai ana, a me ka poe hoi i aie mai ia Kaniniu, e hele mai lakou e hookaa mai ia'u, oiai e noho ana au i Luna Hooponopono no keia waiwai. Ina aole kekahi mea e koi mai i ka aie a hala ka manawa i oleloia, aole loa e nana ia ko oukou koi ana ma ia hope, a e kuai koke aku wau i ka aina me ka manao ole i ko oukou pomaikai. JNO. L. NAILIILI.
Luna Hooponopono Waiwai o Kaniniu.
Honolulu, Maraki 22, 1862. 17-2t
AINA KUAI!
MA KE KAUOHA a Hon. S. L. Austin, kekahi o na Lunakanawai Kaapuni o ka Apana Ekolu o ko Hawaii Pae Aina. Ke kuai aku nei au, ma ka la 1 o Mei, 1862 i ka hora 12, ma ka Hale Hookolokolo ma Hilo, ka koena a pau o ka aina o KAIWI k, i make; ke waiho nei makai o ke Alanui Aupuni, o kona nui ua kokoke 1 1/2 eka. E hoomaka ia no na palena i ka la kuai a me ka kuai kudala ana. D. H. HITCHCOCK.
Luna Hooponopono Waiwai o Kaiwi.
Hilo, Hawaii, Maraki 22, 1862 18-4t
Ana Aina.
AUHEA OUKOU E NA MEA A PAU E MAKEmake ana e "ANA" i ko oukou mau kuleana aina, e mahele ia ko oukou aina hoi, e hoomaopopo ia ko oukou mau palena aina i pau ka hoopaapaa. Eia no au ua makaukau e hana i ka oukou hana, ina ma ka Apana o Hilo a me Puna paha, me ka uku haahaa. Ina ua pilikia au, o ko'u kaikaina no ka mea e kokua mai ia'u. E loaa no wau ia oukou ma ko'u hale, ma Hilo, Hawaii. D. H. HITCHCOCK.
Hilo, Hawaii, Maraki 20, 1862. 18-3m
OLELO HOOLAHA.
NO KA MEA, UA NOIIA MAI AU, KEKAHI O NA Lunakanawai Kaapuni o ka Apana Ekolu o ko Hawaii Pae Aina, e D. H. Hitchcock, Luna Hooponopono Waiwai o AKONO k, i make, no ka koho ana i la no ka hoolohe ana i ka moowaiwai hope loa ona: Nolaila, e ike auanei na mea a pau, ke pili, o ka Poakahi, oia ka la 21 o Aperila, i ka hora 9 o kakahiaka, oia no ka la a me ka hora i oleloia no ka hoolohe ana i ka mea i noiia mai, a me na mea a pau i hoole. Aia ma kuu Keena, ma Hilo, kahi i hana ia ai.
S. L. AUSTIN.
Lunakanawai Kaapuni o ka Apana 3.
Hilo, Hawaii, Maraki 13, 1862 18-3t
OLELO HOOLAHA.
KA POE JURE KANAKA MAOLI NO KA Aha Hookolokolo Kiekie, ma Honolulu, e hoomaka ana i ka Poakahi, oia ka la 7 o Aperila, M. H. 1862.
Kapahukepau, Kahaleone,
Naai. Kahoohuli,
Kaaiama, Aumai.
Iwa, Kapilikea,
Kanakaole, W. Hoonaulu,
Maeha, D. Lima,
S. Kumuhonua, J. Moanauli,
Hanau, S. Keonekapu,
Kanaha, J. Kahai,
Hailama, W. Sumner,
Paukuwahie, Kalanikahua,
Kamakau Mali.
JNO E. BARNARD.
Kakauolelo o ka Aha Kiekie.
Honolulu, Maraki 14. 1862. 17-3t
Pa Aupuni ma Kualoa.
E KUAI KUDALAIA'NA NA LIO HELE HEWA. aia ma ka Pa Aupuni, ma Kualoa, Koolaupoko, ma ka Poaono, oia ka la 5 o Aperila e hiki mai ana, Eia malalo iho ke ano o na lio a me ka hao, penei :
1—LIO WAHINE ULAULA, hao ano e.
1—LIO WAHINE ELEELE, hao ano e.
1—LIO WAHINE ULAULA, hao K. K.
1—LIO KANE HULU IOIOLE, hao W. H.
1—LIO KANE ULAULA, hao ano e.
1—LIO KANE AHINAHINA, hao 18. P.
JUDD A ME WILDER.
17-2t Na Luna Pa Aupuni o Kualoa.
Kuai Makepono.
HOOKAHI PULE I KOE KE KUAI MANUAHI ANA o ka Hale Kuai o Samuela. E na kanaka o Waialua. Koolau a me Waianae, e wiki mai oukou me ke dala ma ko oukou lima, i na makemake oukou i ke
Kuai Makepono ana.
S. N. EMERSON.
Waialua, Oahu, Mar. 19, 1862. 17-1t
Olelo Hoolaha.
KE HAI AKU NEI AU IA OUKOU APAU, E ka poe huli Pepeiao Laau i Honolulu, makehewa ko oukou hali ana mai, he poho ka hali i Honolulu, lilo i ka moku, lilo i ke kino. Ua hali mai nei ka Lunakanawai o
NIIHAU
i kana Pepeiao Laau, poho kona Pepeiao Laau, pela ko makou ike ana. N. KOLOA.
Honokaupu, Honolulu, Feb. 21, 1862 16-1m
BIPI
Momona, Makepono.
MA KA HALE KUAI BIPI KULA nakauhale o H. Conawela, malaila kahi e loaa ai ka Bipi momona, Puaa momona, a me ka Hipa momona, a me na mea e ae he nui wale oia ano, no ka uku emi loa. E hele mai na kanaka a pau, i ike maka i ka MAKEPONO, A i pau hoi ke kuhihewa. Aia ma ke Alanui Alii, ma ka aoao ma Waikiki o ka Hale Kupa Pahu, ma Polelewa.
H. CONAWELA,
Honolulu,Mar. 13, 1862. 16-3m.
Olelo Hoolaha.
E IKE AUANEI OUKOU E NA MEA A pau loa, ke nana mai oukou ma keia palapala. Owau o ka mea nona ka inoa malalo nei, o ka'u wahine mare o
Pakaka
Ua haalele mai oia ia'u a me na keiki, ua hele aku i ka manuahi a hala na malama ewalu. Ke hai aku nei au ina mea apau i hoaie aku ia ia, aole loa au e hookaa i kona aie, e kii no oukou ia ia. KAMOA.
Kalihikai, Kauai, Feb. 19, 1862. 16-1m
Manu Olioli.
AIA I KA MEA NONA KA INOA MA lalo nei, he mau Manu Olioli, oia ka oi o ka manu maikai loa oia ano i hiki maanei. A ke hooio nei oia i ko lakou loa i ke
Mele ana.
E hele mai, o hala auanei ka wa hiki ia oukou ke kuai mai. E kuai emi loa ia'ku lakou.
Aia ma ka Hale Kuai o Hale Olelo E ma.
Ma ke Alanui Papu. D F. EHLERS.
Honolulu, Maraki 7, 1862. 15-1m
OLELO HOOLAHA.
Mea Makemakeia!
KE MAKEMAKE NEI KA MEA NONA KA INOA MAlalo iho, e kuai aku i ke Kukane (Citron) a me ke
KUKANE MAKA,
a e ukuia no ke kumukuai makepono, i ka poe a pau e lawe mai ana ia mea e kuai me ia. Nolaila, ke kauoha'ku nei au i ka poe i lako i na hua KUKANE MAIKAI! E hele mai ma ka'u Hale Kuai, ma ke kihi o ke Alanui Alii a me Alanui Maunakea, e pili ana ma ka aoao ma Ewa o ka pa
O Keoni Miki.
WILLIAM HORNE.
Honolulu, Maraki 5, 1862. 15-3m.
KAMANO! KAMANO!!
1050 PAHU KAMANO MAIKAI LOA i loaa mai nei. A e kuaiia aku e like me ka makemake o ka poe kuai mai Ma kahi o
6-3m H. HACKFELD & Co. (KALEMA)
LOLE MAKEPONO.
AIA MA KE KIHI O KE ALANUI PAPU ME KE Alanui Kalepa, mauka ponoi iho o ka Hale Uinihepa,Humu Kamaa, malaila kahi i ku ai ka Hale Kuai o
KEOKI OLELO E.
Ua makaukau mau ia e kuai aku i na lole o na ano a pau, meka uku emi, a he loaa mau mai na lole hou o na ano a pau makona hale, i kela manawa, keia manawa.
Honolulu, Feb. 14, 1862. 12-3m
Ili Hooluuia.
AIA MA KA HALE KUAI PAPA O Kamuela e loaa ai na Ili Hooluu, o kela ano, o keia ano, he kumukuai oluolu no, e pono i na kanaka humu kamaa, a humu noho lio, e hele mai e kuai i ike i ka makepono.
KIMO PELEKANE.
Honolulu, Feberuari 1, 1862. 11-3m.
HOKI ! HOKI ! ! HOKI ! ! !
I NA HE MEA Hoki NUNUI, KUPONO I KA hoounauna, a manao e kuai, owau ka mea makemake.
KIMO PELEKANE.
Honolulu, Feberuari 1, 1862. 11-3m