Ka Nupepa Kuokoa, Volume I, Number 18, 29 March 1862 — Make Emoole. [ARTICLE]

Make Emoole.

Alar. 12 ma Kamanuwai, Honolulu, Oahu, make emoule o Hoehau w, i ke awakea o ua la nei, imi oia i knna kane, a loaa i kahi i haiia maluna, e nohoana mekekahi wahine, a puiwa ae la kona manao, lele ae la kona hauli, a make iho la. Aloha ino, e ike kakou i kona wahi kani-eau, E Hoehau e, nou ke aloha, Kuu wahine mai ka aihaaheoa ke dala, Mai ka ai uahi ole a ka haole, Mai kahi i-a mili lima o ka makeke, Mai ka la welawela o ka inakalii, Mai ka po anu o ka hooilo, Hoilolii ana ke kino i ka mea o ke aloha, Auwe kuu wahine—e. Kuu wahine hoi o ka hale mehameha, A kaua e hoomanawanui ai i ke kulu, G hia-a ai o ka moe ana, Kuu makua hoi o ka noho ana, Mai ko'u wa opiopio a kanaka makua, Makua ke aloha iloko e noho nei, Auwe kuu wahine—e. Kuu wahine hoi o ua wahi nei la, Kuu kokoolua hoi e, Mai ka wai huki pakeke o ka aina, A kaua e hooinanawanui ai, Nui mai nei ke oloha paila i ke kino, Kuu kino kai luhi e noho nei, Auwe kuu wahine—e. Kuu wahine hoomanawanui hoi o na hana, He mea ole ke anu o ka po ia kaua, A kaua e pii ai i ka holoi, Me ka hoomanawanui o na kino nawaliwali, Nawaliwali ke kino i ka mea o ke aloha, 0 ke aloha kai haupu ae nei auhea la hoi, Auwe kuu wahine—e. L. Lcka. E Hoehau aloha kaua, Nou ka ke aloha pua ahihi, Hoohihi mai ana iloko o kuu manao, Kuu wahine o ka hia haihai, Mai kahi ai hoohalikelike o ka noho ana, E hoomanawanui ai o ka pololi, Auwe kuu wahine—a. Kuu wahine mai ke kai loa o ka leiewaho, Mai kela aina kuleana ole o Kauai, A knua hoi i noho ai, Hookahi hoi kuleana o ka wahine, Ike ai kaua i ke ahi lele o ka maile, A me ka auhau o Makuaiki, Auwe kuu wahme—a. Kuu wahine mai kela moku kanaka ole o Kauja, Hookahi kanaka o ka manu, Ua manu kuu wahine ua lele iluna, Ua haalele mai nei i ka hoa he kane, Kuu nmkua hoi o ka noho ana mai, A loaa ka makemake o oe, Auwe kuu wahine—a. J. W. H. Kkaxc. E Hoehau, ia oe ke aloha pau ole, Pau ole ko'u aloha ia oe, Kuu makua i ike ia ai keia wahi, A kuleana ai ka noho ana, Ana wale hoi au i kanui o ko aloha, E hakui nei o ke ao a me ka po, Auwe kuu punalua—la. Kuu punalua mai ka makani o ka aina, Mai kahi i-a dala nui o Ulakoheo, A kaua o hoholo ai, 1 uka i kai, Me kahi ia ma ka lima, A loaa mai i na kane, Auwe kuu punalua—la. Kuu punalua o ke alanui kanaka o Pelekane, £ hooluana ai kaua ma ka pili pa, E nana ai i na wahine laikini, I ka hoonounou mai iluna o ka lio, Lilo oe la ike ole au, Auana wau aohe loaa, Auwe kuu punalua—la. Kuu punalua mai kealanui o Nuuanu. E hiki akn ai k Kahuai)ana\rai f Ke lana ae nei ka manao e ike m «e Kuu hoapali o Koolau, A kaua e hele ai, Me na wahi kino nawaliwali, Auwe kuu punalua—la. Naiu.