Ka Nupepa Kuokoa, Volume I, Number 19, 5 April 1862 — I na Luna o ka "NUPEPA KUOKOA" KE ALOHA. [ARTICLE]

I na Luna o ka "NUPEPA KUOKOA" KE ALOHA.

No ka leo kalnea, a me ke kanikani pihe ana, wahi a lakou la; " A h-a-h-a, nele iho la ka ekalesia hoole Pope ma Wainee i na makua ole, make aku nei o A. Moku. a me Timoteo, me Kaiwioni, a o D. Baldwin a me M. Kenui, holo aku i na aina pouli, nele loa iho i na makua ole." Pela, i na pela io, aka e ike kakou ma keia hope. 1. Ua komo o P. Kalaikini a me kana wahine, o ke Kiaainai i ka ekalesia, a me kekahi poe e ae. 2. Ke kukuluia nei he mau halawai i na Poalua no na keiki, a ua kapaia mai he hialawai na ka poe opiopio, maloko o keia mau halawai ke ikeia nei na keiki e pule ana, e haiolelo ana, me ka makaala maoli no. Na D. Baldwin i hoomaka i keia halawai, a ke komo nei no kekahi poe hou i ka ekalesia, a i ka nana aku o ka poe i oleloia maluna,a o kekahi paha o lakou, eia no i kekahi o keia poe opiopio ka hoopono a hana pololei hoi. Nolaila, ke kauohaia nei kakou e ku ae i luna a hooko mamuli o ka pono, a malaila mau aku no a hiki i ka hope, a na ke Akua e malama mai. Na WAHINE Lahaina, Marti, 31,1862.