Ka Nupepa Kuokoa, Volume I, Number 27, 31 May 1862 — Page 3
Ka Nupepa Kuokoa.
Na Palapala.
He Olelo Pa ne Aku
IA OE E S. D. KEOLANU I.
E ka Nupepa Kuokoa e ; Aloha oe:—
Ua ike iho n ei au ma kou Helu 24, o ka la 10 o keia malama, i na olelo pane a S. D. Keolanui, i liki mai ai i na haina; me ka hoopaa mai, ua loaa ia ia. Ua loaa ka auanei.
Ke pane hou mai n ei oia : " Ua nae-iki, a ua paupauaho o G. M. Koha," ke kanaka akamai o Keawaula, i ka pehi ala. Hoouna mai nei oia i na haina ano ole, a me kahi kaula popopo ana i pakuiia e ka pohaku Peresina ; puhia aku la e ka makani Kona, a haule mawaho o Ierusalema, kahi o na keiki o Hinona. Ua hoahewa mai nei oe ia G. M. K., no kona hoahewa ana i kau mau haina. E kala hoi ka hoahewa ia, he lalau ka haina. Hai mai nei oe i ka haina.
Haina 1. " Ma ke kua nui o ka iwikaele, i pa mua ai ka hamare a Noa?"—E ke hoa, ua ike no anei oe he ki dala ko ka Halelana; e like me ka Moku, i hai mai ai oe i ko haina lalau, a hoopiha nupepa. Ke pane hou mai nei oe e hai aku o G. M. K., i ka Mokuna, a me ka Pauku, heaha no la hoi ka hewa, e noi ia mai nei no la hoi paha, e ao maoli aku no hoi ia oe; i na la hoi aole e piha wale ko kakou nupepa, i na mea ano ole.
H aina 2. "O Asepenaza, ka mea nana i poa ka opea o ka puaa imua o Iehova? "— I ko ike ana anei maloko o ka Baibala; ua hoonohoia o Asepenaza, i luna no ka poe i poaia ma Babulona, manao oe ua pono ia i ka puaa, e like me ka Ninau? Aole pela, okoa ka Ninau, he okoa ka Haina. Ke olelo hou mai nei oe, ua hoohalike o Iesu i ke kanaka me ka puaa. Aia la mahea ? E hai mai oe.
Haina 3. " He Kesela ka laau nani i oi i ko Edena."—O ka huahua ana anei o na laau ma Edena i ke Kesela, oia anei kou mea i manao ai, ua oi aku ke Kesela mamua o na laau ma Edena? Ae no hoi, oia ka uanei, ke pane mai nei oe, he lalau ka ninau, i ko'u manao, aole, o kau haina ka lalau.
Hain a 4. " Na Isaia."—Aia la mahea ka Pauku a me ka Mokuna, e olelo mai ana ua hana maoli o Isaia i ka mea ana hora Ahaza? O ka huaolelo hoihoi anei kau i manao iho ai ua hana maoli o Isaia? Ea ! mai kuhihewa oukou e o'u poe hoa'loha, wahi a Solomona 1 : 16.
H aina 5. " Me ka pahikaua."—E okioki no anei o Davida i ka pale kaua o Golia me ka pahi kaua ? Aole loa, he poo ka mea i oleloia ma ka Baibala, ua okiia me ka pahi kaua, a o ka ninau, " Pehea ka wehewehe ana o Davida i ka pale kaua o Golia? Ke pane mai nei oe, he mahaoi ka ninau, ae no hoi, o kau haina no paha ka mahaoi.
Haina 6. " He 75 na hua p alapala."—I ko manao ana anei ma ke ano pakahi o na hua a pau, kau ia i hoike mai nei i na hua kikoola ? Aole pela, okoa loa ka ninau, a he okoa loa hoi kau haina lalau.
Haina 7. "Na ka la 4 o ka hebedoma i hoailona ia Matia."—E ke hoa ! mai hoopuka hou oe i keia haina, o akaaka mai auanei na keiki omo waiu o Fatuhiva ia oe, ka mea nana e pehi mai ka ala, kulou ko poo. Ke i mai nei oe, "He Poakahi ia kakou, he Sabati ia lakou," Ae, pela no, aole nae na ka la 4 i hoailona ia Matia. Ke olelo hou mai nei oe, he ninau lalau, a he imi akamai wale iho no, aole pela ko'u manao, aia no iloko o ka Baibala kahi i ku ai o ka oiaio. Ke hoohalahala kumu ole mai nei o ua o S. D. K., i ke kau ole ia o ka Mokuna a ka Pauku, ma ke poo o ka hua olelo Helene. Aia ka paha a kauia, alaila, huli oe iloko o kau Buke Helene. Ae no hoi. Ninau 8. Aole oe i hoike mai i ka haina o keia Ninau, ke pane mai nei oe, aole no he haina o keia ninau maloko o ka Baibala, nawai hoi ka ole? I hea la hoi kou maka i helei ole iho ai oe a akea, i ike ole iho ai oe i ka Mokuna a me ka Pauku, iloko o ka kakou Baibala, kahi i ku ai o ka oiaio, e hoike ana i ka malama o Tamusa. Ke olelo mai nei oe, " Ua haalele o G. M. K., i ka Baibala i ikeia e iala, a me lakou la aku paha, a ua lilo ka ka ninau malalo o ka Hoku Makapo o Polohilani." Ae no hoi, ua lilo ka auanei. Ke manao nei au, o kau haina kai lilo; no ka mea, aole oe i kii i ka Niau o Waikiki, a ko-o ae i ko maka, a lena pono iho a malia paha e ike iho oe i ka malama o Tamusa. Ke pane hou mai nei o ua o S. D. K., " He loaa makilo ka !" Me he mea la o ua wahi ehu iki nei a Wakea, kai makilo, ka hele ia hale aku, ia hale aku, hookahi no uku, kaumaha ke poo. Ke olelo hou mai nei oe, " E maloo ana ke kai o Keawaula, Waianae." Nawai no la hoi e ole ka maloo o ke kai ia oe, ua keekeehi kulana mai nei no ka hoi oe no Aina-ike. O oe no ke kolo me he wahi kuapuu la, ke kuoe hele i ka la o Keoneula, ua hele wale a hano, me he wahi hookii la. O kau haawe no keia e amo ai, a e lawe pu me ke kookoo, i mea kokua no ka palupalu o ko kino, a kau ae ka hina i ko lae Me ke aloha no.
J. W. M. Makua, Waianae, Mei 22, 1862.
He kanika u
NO ESETERA WAHAHEE.
Aloha nui oe e Es etera Wahahee,
Kuu wahine aloha i nalo aku nei.
I naue hookahi aku nei aohe lua,
O ka lua o ke kino i ka waiho ae—e,
Kuu wahine mai ke koa makua ole o Kahilikolo,
Mai ka u lu-hala nui o Pooku.
Mai ka mala ko kahulilua i ka makani,
Makani kuu wahine i ke one o Mahamoku,
Pahee aku la i ka limu pehu o Manuakepa,
Ke paa nei au i ka hao a ke aloha,
Auwe! ka mea aloha o ka wahine i naue aku nei.
Kuu wahine mai ka ua paupili o Hanalei,
Ke pohai mai la iluna o Hihimanu,
Me he man u la kaau ana mai a ke aloha,
Ke kani hoene mai i ke Kuluaumoe,
Mo-mo-moe a kaua i ka wai o Lumahai,
Ka wai ho-u mai i ka io me he kui la,
E hu-i ana iloko ka maeele,
Ka li anu haukeke a ka ua Kiu,
Mahana kaua i ke kapa Palauhulu,
Na ka ua koiawe i kuku a oki,
Auwe! ka mea aloha o ka wahine i naue aku nei.
A ia paha oe i ke kui-lei-pua-hala i Naue,
Ke kau mai la i na puu o Kaiwikui,
Kuu wahine mai na kai moana elua,
A Niihau, a Kaula la hoi mai,
Hoi ae kaua a ke ahi-lele o Kamaile,
I ka punohu mai a ka auhau i Nualolo,
O ka luhe mai hoi a ka pahapaha o Polihale,
O ke poi nawele a kahi kai o Milolii,
Auwe ! ka mea aloha o ka wahine i naue aku nei.
K uu wahine mai ke one kani o Nohili,
Mai na niu ulu wehiwehi o Kaunalewa,
O ke ani peahi mai a Limaloa i ke kula,
O ka haale mai a Kalanamaihiki,
Hiki mai ka ua ume ka Opua,
Maholehole ka ili o Kalamakea,
I ke kimokimoia e ka ua Mamalahoa,
Kuu hoa o ka la welawela o Waimea,
E nahu mai ana i ka ili me he makika la,
Maha kaua i ka wai hui o Makaweli.
Ke kahe la i ke one o Luhi,
Ua luhi au ua maulu i ko aloha,
Auwe! ka mea aloha o ka wahine i naue aku nei.
K uu wahine mai ka huila wiliko o Koloa,
Mai ka piina loa o Kahoaea,
Au ae na maka o ke oni mai a Haupu,
O ka haaheo mai a Keolewa i ke kai,
A Lihue kaua ike i ka nome a ka huila,
I ke kani hoene mai a na hao i ke kuluaumoe,
Moe a kaua i ka ua lulehua o Puna,
I ka ua loku mai iluna o ka laau,
He lau, he kini, he mano, ko'u aloha ia oe,
Auwe! ka mea aloha o ka wahine i naue aku nei.
A luna kaua o Puueo ike i na pa li Koolau,
I ka waiho kahela mai a Kilauea i ka lai,
O ka punohu aku a ka lau kukui o Pilaa,
A laa no ka hoi ua hele la e ka wahine,
Ka niau maalo i naue ae nei,
Noho hoi au me na luhi a kaua,
Auwe ! ka mea aloha o ka wahine i naue aku nei.
NA J. W. KALIONUI.
Pilaa, Koolau, Kauai, 1862.
Ke Ki a G. M. Koha.
Ma ka Nupepa, Kuokoa o ka la 17 o Mei, u a ike au i ka hohonu o ka naauao o G. M. Koha, o Keawaula, i Waianae, i kona wehewehe ana i ka haina o ka ninau Baibala, a J. D. O., o Puueo, Hilo, Hawaii, i waiho mai ai ma ka helu 22, o ke Kuokoa, o ka la 26 o Aperila, M. H. 1862. Ninau 1: " Heaha na hua palapala o ka Baibala, i loaa ai na hua helu 666. Ehia hoi hua helu e kau ana ma kela hua keia hua, i lawa ai na hua helu 666 ?" Ke hoike pono mai nei o G. M. Koha, i ka haina oiaio o ka ninau mua, me ke kanalua ole, e like me ia a kakou e ike nei ma ka Nupepa i oleloia maluna.
Penei: O " Romaia " ka hua palapala o ka Baibala, iloko o na hua helu 666, oia ka haina, a G. M. K. A me nei kana wehewehe ana, "Ro=600, ma=60, ia=6." Hooiaio ana ke huipuia=666 hua helu iloko o " Romaia," wahi a G. M. Koha. Ma ka helu hea la keia wehewehe ana i loaa'i ? Ma ka helu anei a ka poe Pake ? Ma ka helu Helene paha ? Ina ma ka helu Helene kau wehewehe ana ; alaila, ke hoole aku nei au i kau haina, a me ke ano o kau wehewehe ana ; no ka mea, aole pela ka rula mau o ka wehewehe ana iwaena o ka poe akamai, hohonu i ka olelo Helene, a eia no maanei kekahi mau Buke olelo Helene e waiho maikai nei, a me ke ano o ka waiwai o na hua helu, iloko o kela a me keia hua o ka Baibala.
E like me keia : Ina o " Romaia " ka mea i manaoiae imi ai, a i loaa'i na hua helu 666, ma ka helu Helene; alaila, aole e loaa ana keia mau hua helu 666, iloko o " Romaia."
No ka mea, o ka nu i o na hua helu iloko o Romaia, elua haneri me ka iwakalua kumamalua wale no (222.) Penei ka wehewehe ana ma ka helu Helene. R=100 hua helu, o=70 hua helu, m=40 hua helu, a= 1 hua helu, i=10 hua helu, a=1 hua helu, huina 222 ka nui o na hua helu, iloko o "Romaia," ma ka helu Helene. Nolaila ko'u pane aku ia oe, ua loaa ole ka haina oia ninau.
E aho no ke kapa iho i ko wahi inoa, oia no ka haina maikai iloko o keia ni nau, oia no o G. M. Koha : Penei e wehewehe ai. G. M.=600 hua helu, Ko=60 hua helu, ha=6 hua helu, huipuia ana=666 hua helu ka waiwai iloko o ko wahi inoa, e G. M. Koha, ka haina oiaio mai la ia, i lohe ke poo o ko Keawaula keiki.
W. PILIOLE.
K E KUMUKUAI O NA MEA KALEPA MA HONOLULU.
B IPI LOLEIA, no ka paona, 4 hiki i ka 6 keneta.
" Ola, no ke poo, $5.00 a hiki i ka $18.00.
HIPA LOLEIA, no ka paona 12 1/2 keneta.
" Ola, no ke poo, $3.00.
PUAA LOLEIA, no ka paona, 10 keneta,
" Ola uuku, $2.00 a hiki $3.00.
" Ola nui, $6.00 a hiki $10.00,
PELEHU KANE OLA, $0.75 keneta.
" wahine Ola, 37 1/2 a hiki i 25 keneta.
MOA, 25 a hiki i 37 1/2 keneta,
KULINA, no ka paona 1 1/2 keneta.
PINE, " " 3 keneta.
PEPEIAOLAAU, " 9 keneta.
PULU, " " 4 keneta.
KOPAA ULAULA, 7 a hiki 9 keneta.
" keokeo, " 15 keneta.
KALEKOA, ko ka I-a, 13 a 14 keneta.
SILIKA, " " aole akaka loa.
AHINAHINA. " 16 keneta.
UALA KAHIKI, no ka pahu, $5.00. Ko Maui, $3.00.
" MAOLI, " " $3.00.
BERENA, no ka paona 5 1/2 a hiki 6 1/2 keneta,
PAI AI, 1 keneta no ka paona.
PENA KEOKEO, $3.00 no ka pahu.
AILA KUKUI, 60 keneta no ke galani.
KELEAWE KAHIKO, makepono.
LALA MANO, 15 keneta no ka paona.
PUNA, Hawaii, $2.50 no ka pahu.
" Kaleponi, $5.00 no ka pahu.
KOPE, o Kona, 15c. no ka paona.
PAPA HALE, $30.00 no ka 1,000 kapuai.
LAAU KUA HALE, $25.00 no ka 1,000 kapuai.
PILI HALE, Keokeo, $6 a hiki $8,
" Ulaula, $6 a hiki $6.50 no ke 1000.
LAIKI, 10 keneta no ka paona.
LAIKI, me ka ili, 3 keneta, ma kahi o Savidge e kuai ai
HUA MANU, 12 1/2 keneta no ke kakini.
IPU PU, $12.00 o ka 100.
IPU HAOLE, $5.00 o ka 100.
ILI KAO, ke nui, 30 keneta. " ke liilii, 25 "
AWA O HONOLULU.
Na Moku ku mai.
Mei 22—Neke mai Hilo mai, me 657 pahu ko paa, 20 barela malakeke, 82 kukaa pulu, 4 barela aila bipi, 100 paona kope, 28 ili bipi, 2 eke pepeiao laau, 2 eke pia, 1 eke awapuhi, 5 koko niu, me 33 ohua.
22—Kuna Am. Gen. Wallace, 15 la mai Kapalakiko mai, ku no mawaho, a holo hou aku i Shanghae, Kina.
23—Moku Am. Thorndike, he 47 la mai Nukilani mai, e holo ana i Vitoria, me 180 ohua, ku no mawaho a hele hou aku i kekahi la ae.
24—Kilauea, mai Kawaihae me Lahaina mai, me 2 barela bipi, 2 barela aila, 3 barela uala, 1 pahu meakanu, 3 ili bipi, 10 bipi, 3 lio, a me 4 puaa.
24—Hana, mai Kaupakuea me Laupahoehoe mai, me 154 pahu me 176 eke ko paa, 7 barela malakeke, 12 eke kope, 196 eke pulu, 27 eke pepeiao laau, 11 ili bipi, a me 11 ohua.
24—Wa rwick, mai Lanai mai, me 30 hipa, 3 kakini pelehe, 2 takini moa, 10 koko akaakai.
25—Moikeiki, mai Kahului mai, me 80 pahu ko paa, a me 2 ohua.
25—Kamoi, mai Kahului a me Lahaina mai, me 100 barela uala maoli, me 7 ohua.
25—Manuokawai, mai Kau a me Kona mai, me 52 kukaa me 7 eke pulu, 6 kukaa me 2 eke pepeiao laau, 350 ili kao, 2 ili bipi, 24 ahui maia, 1 eke kope, a me 21 ohua.
26—Hokuao, he 13 la mai Fatuhiva mai.
26— Kialua Olelo e Ema, he 172 la mai Bremen, Europa mai, na waiwai he nui wale na ukana, na Hoffschleger a me Stapenhorst.
2 6—Moiwahine, mai Nawiliwili mai, me 92 eke kulina, 8 eke ko paa, 7 pahu waiubata, 14 eke pinata, 28 ili bipi 2 barela aila bipi, 1 kukaa pulu hipa, 2 eke pepeiao laau, 15 puaa, 2 bipi keiki, 1 lio, 8 paila wahie.
27—K amehameha IV., mai Hanalei mai, me 62 pahu me 42 eke ko paa, 6 barela malakeke, 11 paila wahie, a me 4 ohua.
30—J eannette, mai Maliko mai, me 135 pahu ko paa, 40 barela malakeke, a me 3 ohua.
Ke kauoh aia'ku nei ua Lunakula, a me na Kumukula, e hooili mai i ka inoa o ka poe Hanau, Mare, a me ka poe Make, i hoolahaia'i ma ka Nupepa Kuokoa. E kakau mawaho o ka palapala ia H. M. Wini, Luna Pai o ke Kuokoa ; a i ole ia, e haawi ae i na Luna o ke Kuokoa.
HANAU.
C ROCKER.—Mei 24, ma Honolulu, hanau o Alfred Edward Crocker (k.) na G. W. Crocker me Kealohanui.
P OHAKAHI—Aper. 23, ma Kamananui, Waialua, Oahu, hanau o Pohakahi (w,) na Pohakahi me Kaapuni.
K OA—Mei 1, ma ia wahi no, hanau o Koa (k,) na Kaiaikawaha me Makole.
KAIA—Aper. 28, ma Mokuleia, Waialua, Oahu, hanau o J. W. Kaia (k.) na Kaaihuakai, he keiki mahoe.
W ILIAMA—Mei 23, ma Kalihikai, Kauai, hanau o Wiliama k, na Kakalia me Hana Ogana.
OL EOILA—Feb. 2, Halawa, Molokai, hanau o Oleoila (w,) na Kaaiai me Wahinemaikai.
HOOPIIAINA—Feb. 6, ma ia wahi no, hanau o Hoopiiaina (k,) na Ahua me Mea.
NAHINU—Ape r. 24, ma ia wahi no, hanau o Nahinu (w,) na Kekipi me Napae.
OMEA—Mei 7, ma ia wahi no, hanau o Omea (k,) na Timoteo me Kuene.
INOAOLE—Mei 16, ma Kalaa, Wailuku, Maui, hanau o Inoaole (w,) na Alena me Kepaa.
KUEWA—Mei 16, ma ia wahi no, hanau o Kuewa (k,) na Kanakamaikai me Maraea.
KAHAULELIO—Ma ia wahi no, hanau o Kahaulelio (k,) na Kaluna me Kulokuloku.
MARE.
MAUNALOA, KAAIHUAKAI.—Mei 8, ma Mokuleia, Waialua, Oahu, mare o Maunaloa, me Kaaihuakai, na Rev. J. S. Emesona laua i mare.
MAKALEKA, MOEHAU.—Mar. 29, ma Halawa, Molokai, mare o Makaieka, me Moehau, na S. G. Duaika laua i mare.
MAKE.
BAPA—Aper. 20, na Lokoea, Kawailoa, Waialua, Oahu, make o Kimo Bapa (k.)
PUKALOHIA—Ape r. 24, ma Waiakalulu, Waialua, Oahu, make o Pukalohia (w.)
KALUA—Mei 22, ma Waikane, Koolaupoko, Oahu, make o M. Kalua (w.)
MAHUAHINE—Mei 15, ma Haiku, Hilo, Hawaii, make o Makuahine (w.)
NAKAPA—Mei 25, ma Hauhaukoi, Honolulu, make o Nakapa (w.)
KAMAKAALOKAI—Mei 24, Ma Kapuukolo, Honolulu, make o Kamakaalokai (k.)
HAIPALULE—Mei 20, ma Honokaupu, Honolulu, make o Haipalule (k.)
LOHIAU—Ape r. 8, ma Hakaaono, Molokai, make o Lohiau (k.)
HOOPIIAINA—Mar. 30, ma Halawa, Molokai, make o Hoopiiaina (k.)
HALUALANI—Ape r. 13, ma ia wahi no, make o Halualani (k.)
KANOHO—Mei 12, ma ia wahi no, make o Kanoho (k.)
KAOMOLE—Mei 18, ma ia wahi no, make o Kaomole (k.)
HAMMON D—Mei 24, ma Kapauhi, Honolulu, make o Eli Hammond (k.)
KEAMALU—Mei 18, ma ia wahi no, make o Keamalu (w.)
LOLOHI—Mei 26 ma Kawaiahao, Honolulu, make o Hariata Kahalekuaaina Lolohi (w.)
INOAOLE—Mei 16, ma Kalua, Wailuku, Maui, make o INOAOLE (w.)
KUEWA—Mei 16, ma ia wahi no, make o Kuewa (k.)
KAHAULELIO—Mei 16, ma Wailuku, Maui, make o Kahaulelio (k.)
KEPAA—Mei 17, ma ia wahi no, make o Kepaa (w.)
IKUPUNA—Ape r. 30, ma Kalapana, Puna, Hawaii, make o Ikupuna (w.)
SOLOMONA—Mei 1, ma ia wahi no, make o Solomona (k.)
KALAUKAPU—Mei 4, ma ia wahi no, make o Kalaukapu (k.)
KUAPIEI—Mei 10, ma ia wahi no, make o Kuapiei (k.)
Olelo Hoolaha.
OWAU O KA MEA NONA KA INOA malalo, ke papa kau nei au i na kanaka a pau loa, Kanaka, Haole, Pake, o kela ano, keia ano. Aole pono ke kii wale i ko lakou mau holoholona ma ke kula O Waipio-kai, me ko'u lohe ole mamua. Ina e kii wale kekahi me ko'u lohe ole, e uku oia i ($1.00.) Eia kekahi, o kela mea keia mea i hoolimalima ma ke kula o Waipio-kai, i hoike ia maluna, no ka uku no ko lakou mau Lio, ma ka makahiki, e hookaa mai lakou a pau, ma ka la mua o Iune, e hiki mai ana, aole e hoopaneeia ka uku ana.
N. NAHEANA, Luna Kula.
Hanaloa, Ewa, Mei, 1862. 27-1t*
Olelo Hoolaha.
OWAU O KA MEA NONA KA INOA MAlalo nei, ke hookapu aku nei au i kuu aina kuleana, Ia Waileia, ma Kalawao, i Molokai. Ua kapu ka Lauhala, Aahala, a oki i kona i wahie, o ka mea kue i keia olelo maluna e uku no ($1.00,) pela no hoi na holoholona komo hewa, Bipi, Lio, Hoki, Kekake, e uku no ($1.00.)
K. KAPIKA.
K alawao, Mei 26, 1862. 27-4t*
OLELO HOOL AHA..
UA HOOPII O MALAEA w, kue I KANA KANE o SINE, no Koloa, Kauai, mamua, e hooki i ko laua mare ana, no ka haalele wale ana no na makahiki ekolu o Sine, i kana wahine. E hanaia keia hoopii imua o ka mea Hanohano, John Ii, ka Lunakanawai o ka Aha Kiekie, ma ka Poaono, oia ka la 14 o Iune, i ka hora 9 o kakahiaka, aia ma ka Hale Hookolokolo ma Honolulu, Oahu.
JNO. E. BARNARD. Kakauolelo, o ka Aha Kiekie
Honolulu, Oahu, Mei 26, 1862. 27 3t
Olelo Hoolaha.
UA HOOPII o Kalawaia w, KUE I KANA KANE o Mule, no Wailuku, Maui, mamua, e hooki i ko laua mare ana, no ka haalele wale ana no na makahiki Ekolu, o Mule i kana wahine. E hanaia keia hoopii imua o ka mea, Hanohano John Ii, ka Lunakanawai o ka Aha Kiekie, o ka Poaono, oia ka la 14 o Iune, i ka hora 9 o kakahiaka, aia ma ka Hale Hookolokolo, ma Honolulu, Oahu.
JNO. E. BARNAR D. Kakauolelo o ka Aha Kiekie.
Honolulu, Oahu. Mei 26, 1862. 27-3t
OLELO HOOLA HA.
UA HOOPII MAI o Kamaa k. KUE I KANA wahine o Hoea w, e hooki i ko laua mare ana, no ka haalele wale ana no na makahiki Ekolu, o Hoea, i kana kane. E hanaia keia hoopii imua o ka mea Hanohano, John Ii, ka Lunakanawai o ka Aha Kiekie, ma ka Poaono, oia ka la 14 o Iune, i ka hora 9 o ke kakahiaka, aia ma ka Hale Hookolokolo, ma Honolulu. Oahu.
JNO. E. BARNARD. Kakauolelo o ka Aha Kiekie.
Honolulu, Oahu. Mei 26, 1862. 27-2t
OLELO HOOLAHA.
NO KA MEA, UA NOIIA MAI KA MEA HANOHANO o G. M. Robertson, ka Lunakanawai o ka Aha Kiekie, e Wm. Kiwini. (William Stephen,) no ka hooiaio ia ia i na Palapala Kauoha o Haole, no Honolulu, i make aku nei: Nolaila, ua hoikeia i na kanaka a pau loa, ke pili, o ka Poakahi, oia ka la 9 o Iune, i ka hora 9 o kakahiaka, oia ka la a me ka hora i oleloia, no ka hoolohe i ka oiaio o keia Palapala Kauoha, aia ma ka Hale Hookolokolo ma Honolulu, Oahu.
JNO. E. BARNARD. Kakauolelo o ka Aha Kiekie.
Honolulu, Oahu, Mei 26, 1862. 27-6t
OLELO HOOLAHA.
NO KA MEA, UA NOIIA MAI KA MEA Hanohano, O John Ii, ka Lunakanawai o ka Aha Kiekie, e S. Kukahiko, a me Kamakauahoa, no ka hooiaio i na Palapala Kauoha, o Mamala, i make aku nei: Nolaila, ua hoikeia i na kanaka a pau loa, ke pili, o ka Poakolu, oia ka la 4 o Iune, i ka hora 9 o kakakhiaka, oia ka la a me ka hora i oleloia, no ka hoolohe i ka oiaio o keia Palapala Kauoha, a me kela noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
JNO. E. BARNARD. Kakauolelo o ka Aha Kiekie.
Honolulu, Oahu, Mei 26, 1862. 27-2t
OLELO HOOLAHA.
NO KA MEA, UA NOIIA MAI KA MEA HANOHANO o G. M. Robertson, ka Lunakanawai o ka Aha Kiekie, e John A. Cummins, e hookohu ia ia i Luna Hooponopono Waiwai no Kaioweluwelu, o Waimanalo, Koolau, i make aku nei: Nolaila, ua hoike ia i na kanaka a pau loa, ke pili, o ka Poakahi, oia ka la 2 o Iune, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia Palapala Kauoha, aia ma ka Hale Hookolokolo, ma Honolulu, Oahu.
JNO. E. BARNARD. Kakauolelo o ka Aha Kiekie.
Honolulu, Oahu, Mei 26, 1862. 27-2t
OLELO HOOLAHA.
NO KA MEA, UA NOIIA MAI KA MEA HANOHANO o G. M. Robertson, ka Lunakanawai o ka Aha Kiekie e Aehu, no ka hookohu ia ia i Luna Hooponopono Waiwai, no Paukuwahie, no Honolulu, i make aku nei: Nolaila, ua hoikeia i na kanaka a pau loa, ke pili, o ka Poalima, oia ka la 6 o Iune, i ka hora 9 o ke kakahiaka, oia ka la a me ka hora i oleloia, no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo, ma Honolulu, Oahu.
JNO. E. BARNARD. Kakauolelo o ka Aha Kiekie.
Honolulu, Oahu, Mei 26, 1862. 27-2t
LOLI, LOLI.
LALA MANO.
A ME KA
Pepeiao Laau.
UA MAKEMAKE HOU KA MEA nona ka inoa malalo nei, e kuai aku i na LOLI. Eia ke ano o na Loli e kuai ia ai, o ka Loli kae, 12 1/2 keneta no ka paona hookahi, ka Loli koko, a me ka Loli kahuli, eha keneta ka uku no ka paona hookahi. Eia ka hoakaka ana no ka hana ana i ka Loli, e mahele e mamua a pau, alaila, lawe i ka lepo a pau, alaila, holoi a maikai, paila a moa loa, kaulai a maloo loa me ka pilau ole. Alaila, makemake ia ka mahele ana o ka Loli kae, e mahele ia kekahi puka mawaena. Eia kekahi:—Ke makemake nei na mea nona ka inoa malalo nei, e kuai aku i ka Lala Mano a me ka Pepeiao Laau. Me ka uku aku i ke kumukuai make pono, penei: No ka paona hookahi o ka Lala Mano, he 15 keneta. No ka Pepeiao Laau, 7 1/2 keneta no ka paona hookahi. O ka poe e loaa'na na mea i haiia maluna, e pono e hele mai ma ko makou hale kuai, ma ke Alanui Alii, e pili ana ma ka aoao komohana o ko Daimana ma Hale Kuai. 19-3m UTAI A ME AHEE.
Laiki me ka Aa, Laiki me ka Aa.
KE MAKEMAKE NEI KA MEA NONA KA INOA MAlalo nei, i 30,000 paona Laiki me ka Aa, a e uku no oia i ekolu keneta me ka hapa, no ka paona hookahi. E lawe ae i ka HALE KUDALA. O John H. Cole, (Kolo.) HORACE D. DUNN. Honolulu, Mei 31, 1862. 27-2t*
NA LAKO HALE
A ME NA
Pahu Kupapau!
AUHEA OUKOU, E KA POE E MAKEMAKE ANA E kuai ma ke ano makepono wale! Eia no ke waiho la ma kuu Hale Paahana, ma Alanui Papu. NA PAPA KAUKAU! NA LAKO HALE! NA PAHU KUPAPAU! PAHU KOA,...$12. Ua loaa mai hoi na mea hoonani Pahu Kupapau he nui loa, a e kuaiia no ka uku makepono. A ua makaukau no hoi au e kuai aku i na mau mea hoolako hale, a ka poe e makemake ana e kuai me a'u no ke dala. Nolaila, ke makemake nei au e kuai aku i na lako hale o hai me ka uku aku i ke dala maoli, a ua lako hoi i na mea hoolako hale no ke kuai aku ia hai, no ke kumukuai emi loa.
HANALE ALENA.
12-6m Alanui Papu.
Olelo Hoolaha.
E IKE AUANEI NA KANAKA A PAU. owau o ka mea nona ka inoa malalo nei. Ke papa aku nei au ia oukou e ka poe mea Hale Kuai, o kela ano keia ano, a me ka poe waiwai e ae no hoi, a me na mea like. Mai hoaie mai oukou i ka'u wahine mare. Ia Kekaha, no ka mea, ua haalele kumu ole mai oia ia'u, a me ko maua wahi moe, ua hele aku oia me kana kane manuahi. Me Kamanaonui, a owau hoi o ke kane mare aohe wahi mea a pilipili aina ia iho, nolaila, ina oukou e hoaie ia ia, heaha lahoi, maluna iho ona ko oukou poho. Aka, ea, aole no nae na Kauakuahine noe lai o Manoa i kii aku, aka, na Hilo Waipunalei no i haale mai. Oia mau no ka olu o kahi wai Polehewai. Ua pau, me ke aloha.
J. KAIWI.
Polehewai, Manoa, Oahu, Mei 19, 1862. 26-1m*
NU HOU, NU HOU
OWAU O A. CLEG HORN (AKE.) UA KOMO no au iloko o kekahi HALE KUAI HOU, ka Hale Kuai o Halewai mamua, mauka ae o ka Halemahoe, a kokoke hoi i ka Baneko o Bihopa ma. Eia no ke waiho nei na mea a pau a ka naau e anoi ai, kupono loa no na kane, na wahine a me na keiki. O keia mau lole he lole NU HOU WALE NO. A HE Makepono loa ke Kumukuai, E haele nui mai oukou e makaikai, no ka mea, aole he uku ke nana wale aku i na mea nani ma keia Hale Kuai. E hele mai e hana no oukou iho, i pau ko oukou kanalua, aole no he Hale Kuai e ae ma Honolulu nei i hoolako ponoia i na Lole maikai loa a makepono loa hoi e like me ko'u. A nolaila, o na kanaka a pau mai Hawaii a Niihau, aia a holo mai oukou i Honolulu nei, e naue mua mai a kuu HALE KUAI e nana a e kuai, aole e hele ma ko hai wahi mamua, o ka hele mai imua o'u. EIA KEKAHI: Auhea oukou e na holokahiki, ke waiho la kuu Hale Kuai ma kahi kokoke loa i ka uapo, a ua hiki ia'u ke hoolako ia oukou i na mea a pau e pono ai no ka uku emi loa. 25-m
Keena Kanikela o A merika Huipuia.
O KA POE A PAU I AIE MAI I KA WAIwai o George W. Bumpus, he haole Amerika no Honolulu nei, i make aku. Ke kauohaia aku nei e uku koke mai i ka mea nona ia inoa malalo ; a o ka poe a pau ana i aie aku ai e kikoo koke mai ma keia Keena.
AL FRED CALDWELL, Kanikela o Am. Huipuia. A Luna malama waiwai o G. W. Bumpus i make.
Honolulu, Mei 24, 1862. 26-4t
OL ELO HOOLAHA.
E IKE AUANEI NA MEA A PAU, ke nana mai lakou i keia palapala. Owau o ka mea nona ka inoa malalo nei, ke papa aku nei au i na mea holoholona, Lio, Hoki, Miula, Hipa, Kao, Puaa, aole e hookuu, aole no hoi e hoohele wale ma na Loko, a me ke Kula, ma kuu aina ma Manawai, Molokai. Ina e loaa i kuu hope, na holoholona e hele wale ana ma ua aina la i haiia maluna; e uku no ka mea nona ka holoholona e like me ke Kanawai. Aole nae i pili keia olelo i ka poe i ae ma ka hoolimalima ana.
W. Z. HOONAULU.
Kapalama, Oahu, Mei 22, 1862. 26-2t*
OLELO HOOLAHA.
NO KA MEA, Ua NOI IA MAI KA MEA HANOHANO o G. M. Robertson, ka Lunakanawai o ka Aha Kiekie, e Paula, a me Kahamaluhi, no ka hookohu ia ia i Luna Hooponopono Waiwai no Kanakaole, o Waialua, i make aku nei: Nolaila, ua hoikeia i na kanaka a pau loa, ke pili, o ka Poaono, oia ka la 24 o Mei, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo mai Honolulu, Oahu.
JNO. E. BARNARD.
Honolulu, Oahu, Mei 19, 1862. 26-1t
Olelo Hoolaha.
KA POE JURE KANAKA MAOLI, NO KA AHA HOOkolokolo Kaapuni, ma ka Apana elua, ma Lahaina, e hoomaka ana i ka Poalua, oia ka la 10 o Iune, M. H. 1862. J. Y.Maipinepine, Poholopu, A. Kanaku, David Barrows, Kuahine, Kaauamo, Kuihelani, Kaluau, Nopeahi, Hoaai, Kanaina, A. Kaukau, Owana, J. W. Kahue, Maalaiki, Kauhiwahine, J. H. Kaiheekai, Isaac Nrevere, Hale, Kane, Naiapaakai, Kamanowai, Kahue, Henry Cobbs.
JNO. E. BARNARD. Kakauolelo o ka Aha Kiekie.
Honolulu, Oahu, Mei 16, 1862. 26-3t
O lelo Hoolaha.
NO KA MEA UA NOIIA MAI KA MEA HANOHANO o G. M. Robertson, ka Lunakanawai o ka Aha Kiekie, e Kuanea, a me ka hookohu ia ia i Luna Hooponopono Waiwai, no KAHAHANU wahine, i make aku nei: Nolaila, ua hoike ia i na kanaka a pau loa, ke pili, o ka Poalima, oia ka la 30 o Mei i ka hora 9 o kakahiaka, oia ka la a me ka hora oleloia, no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu. JNO. E. BARNARD. Kakauolelo o ka Aha Kiekie. Honolulu, Oahu, Mei 20, 1862. 26-2t
OLELO HOOLAHA.
UA HOOPII MAI o Kuaana w, KUE I KANA KANE o Lena, no Makawao, Maui, mamua, e hooki i ko laua mare ana, no ka haalele wale ana o ka mea i hoopii ia i kana wahine no na makahiki eono. E hanaia keia hoopii imua a ka mea Hanohano o John Ii, kekahi Lunakanawai o ka Aka Kiekie, ma ka Poalima, oia ka la 30 o Mei, i ka hora 9 o kakahiaka, aia ma ka Hale Hookolokolo, ma Honolulu, Oahu
JNO. E. BARNARD.
K akauolelo o ka Aha Kiekie Honolulu, Oahu, Mei 22, 1862. 26-2t
$3 00 Makana.
UA HAULE HE Huka Gula. HE KII POO Elepani ke kii, me ka onohi ulaula, ma ka la hanau iho nei o ke Alii ka Mea Kiekie ka Haku o Hawaii. O ka mea nana e hoihoi mai a ke Keena o ke Kuokoa, e ukuia no i na dala ekolu i haiia maluna. CAPT. ASA FISH. Honolulu, Mei 23, 1862. 26-2t
OLELO HOOLAHA.
KE KAUOHA AKU NEI AU I NA MEA a pau, nana i AIE mai ia'u, e hookaa aku i ko'u hope, oia no o C. S. Bartow (Bako.) E. P. BONA. Lahaina, Mei 10, 1862. 26-3m*
OLELO HOOLAHA.
OWAU O KA MEA NONA KA INOA MALALO NEI, ke papa aku nei au ia oukou e ka poe mea Hale Kuai a pau, o kela ano keia ano, a me ka poe ano waiwai e ae, mai hoaie mai oukou i ka'u wahine, IA KAOMEA, no ka mea, ua haalele mai oia i ko maua wahi moe, ina oukou e hoaie mai ia ia, alaila, maluna iho no o oukou ko oukou poho.
KALEO.
Manoa, Oahu, Mei 16, 1862. 26-1m
Ili Hool uuia.
AIA MA KA HALE KUAI PAPA O Kamuela, e loaa ai na Ili Hooluu, o kela ano, o keia ano, ke kumukuai oluolu no, e pono i na kanaka humu kamaa, a humu noho lio, e hele mai e kuai i ike i ka makepono.
KIMO PELEKANE.
Honolulu, Mei 15, 1862. 25-3m
KA MOKUMAHU
'KILAUEA.'
E HOLO ANA NO O " KILAUEA." MAI Honolulu aku.
Ma ka Poalua, la 3 Iune,
NO KAWAIHAE!
A me na wahi e waiho ana ma ia holo ana.
P oakahi, Iune 9.................................. Kona,
Poalua, Iune 17...............................Kawaihae,
Poakahi, Iune23.................................Kona,
E haalele ana o Kilauea, i Kona, ma na Poakolu, a i Kawaihae, i na kakahiaka o na Poaha, e holo ana i kekahi pule a e alo ana i kekahi pule.
JANION, GREEN & CO.
Lu na H. S. N. Co. Honolulu, Mei 8, 1862. 25-tf
HALE HANA KAMAA !
KE HAI AKU NEI KA MEA NONA inoa malalo, me ka mahalo i kona poe makamaka a me ka lehuehu no a pau, i kona makaukau e hana i Kamaa Buti a me Kamaa Maoli. o na ano a pau, me ka maikai a me ka mikioi. A no ka mea, ua makaukau oia i na mea a pau e pili ana i ka hana i na Kamaa Maikai loa, Nolaila, ua hilinai oia i ka hiki ia ia ke hana'ku i na mea ku i ka makemake o ka poe a pau e oluolu ana e hele aku i kona wahi, mauka iho o Waialeale. Ma ke Alanui Hotele.
GEO. CLARK.
Honolulu, Aperila 24, 1862. 22-3m
HANA KAMAA LIO!
$1 .50 WALE NO.
Mauka o ka Halewai, ma Alanui Al ii.
E IKE NA KANAKA A PAU, UA MAKAUKAU au e Hana i na Kamaa, no na lio o ka poe e makemake ana i ko lakou mau wawae e paa i ke Kamaa Hao! ME KA EMI O KA UKU. Hookahi Dala me ka Hapalua! No na wawae mua, a i na pau na wawae eha Ekolu Dala wale no! Eia kekahi, ua makaukau no hoi oia e hana i na mea a pau e pili ana i kana oihana no ka uku emi loa, oia no na hao kuni, kapilipili kaa, a pela aku. E hele mai e ikemaka no oukou iho.
WM. DUNCAN.
Honolulu, Oahu, Mei 1, 1862. 25-3m
AA MAMUA O NA MEA A PAU M A KA
Hana Kamaa Lio!
UA MAKAUKAU KA MEA NONA KA inoa malalo, e hana i na KAMAA no na lio, me ka uku EMI LOA, oia hoi he Hookahi dala me hapalua ! NO NA WAWAE MUA, A Ekolu hoi dala, no na wawae 4. Me ka Hana Mikioi aku. Aia ko'u wahi ma ke Alanui Alii, ma ka aoao ma Ewa o ka hale noho o John H. Brown, Makai Nui o Oahu. E hele mai na kanaka a pau.
D. J. STEWART. (Amala.)
Honolulu, Oahu, Mei 1, 1862. 23-1m
OLELO HOO LAHA
No kekahi Hoopii e hanaia nei.
UA KAUOHAIA NA MEA A PAU AOLE e ae, a e hooholo e ae paha me DANIEL MONTGOMERY, i ka Aina i kapaia O Puuloa, aole hoi e kuai i kekahi mea, a lako paha e pili ana i ua aina nei, aole hoi i na lako hale, a me na lio maluna o ua aina nei; no ka mea, no'u no ia waiwai, a ua hoopii no au imua o ka Aha Kiekie, i mea e loaa hou mai ua Aina Waiwai nei. Ina e kuai kekahi mea me ua Daniel Montgomery nei, maluna ona no ka poho.
ISAAC MONTGOMERY.
Honolulu, Oahu, Mei 1, 1862. 24-1m
OLELO HOOLAHA.
E IKE AUANEI NA MEA A pau, owau o ka mea nona ka inoa malalo nei, ke hookapu aku nei au i kuu Apana Aina kuai, e waiho ana ma Puulena, Kau, Mokupuni o Hawaii. Aole e hele na holoholona : Lio, Bipi, Hoki, Kao, Hipa, Puaa. Maluna o kuu Aina Kuai i haiia maluna ae, o ka mea komo hewa a hoopoino i na mea kanu, e hoouku ia oia i hookahi dala ($1.00) no ke poo hookahi, no ka mauu hoi, he hapawalu (12 1/2) no ke poo hookahi. Ina aole e loaa mai ka uku e like me na mea i oleloia maluna, e hiki no ia'u ke hoopii e like me ke Kanawai.
Na B. NAIHE.
Puulena , Kau, Mei 6, 1862. 24-4t*
Paddy!
O KA POE MAKEMAKE E KUAI MAI IA MAUA I KE Padi (oia ka hua Raiki me ka ili,) e haawi no maua i 3 keneta no ka pauna Padi oo-maikai, mai keia la aku.
Honolulu, Mei 15, 1862. 25-3m
Kau Leo!
KE KAUOHA AKU N EI AU I KA POE A PAU, E HOPU ana i na holoholona hele hewa, ma ka mokupuni o Maui, i kuniia penei q. e hele mai e hai mua ia'u, mamua o ka lawe ana i mau holoholona'la i na Pa Aupuni; no ka mea, o ko'u hao kuni ia. JAMES LOUZADA. (KIMO LUSEDA.) Waikapu, Feb. 11, 1862. 12-6m.
HALE K UAI BUKE.
AIA MA H ONOLULU HALE. (OIA KA HALE Leta.) ka hale kuai o Wini, he wahi e kuai ai i na Buke Haole he nui wale, O KELA ANO KEIA ANO Buke KULA HAOLE, A B C, (Primer.) KUHIKUHI O KE KANAKA HAWAII, (Form Book.) BUKE HELE MUA, (Arithmetic.) BUKE PALAPALA HONUA MUA. BUKE HUAOLELO, (Phrasebook.) BUKE PA KO LI, (Kamina.) A me na Buke Kula e no he nui wale. Malaila no na Buke maikai no ke Kakau Waiwai, no kela oihana keia oihana, mai ka mea nui a ka mea liilii. —AIA NO HOI NA— Kanana Leta, rula ia a rula ole ia. Kanana Pepa loihi, rula ia a rula ole ia. Peni Hao, maikai loa. Inika, ipu inika. Peni kala, eleele, uliuli a ulaula, Kumu peni. Wepa ulaula a eleele Wahi palapala, ulaula, keokeo a eleele, (mea kakau) Papa pohaku, a me ka peni kala pohaku. Inika eleele, uliuli, a ulaula. Me kekahi mau mea e ae no he nui, no na kula, a me na oihana kakau. A he make pono no ke kuai ana malaila no keia mau mea. E hiki no i na kanaka maoli, mai Hawaii a Niihau, ke hele malaila e kuai ai.