Ka Nupepa Kuokoa, Volume I, Number 28, 7 June 1862 — Page 1
KA NUPEPA KUOKOA:
Ke Kilohana Pookela no ka Lahui Hawaii.
BUKE I. HONOLULU, IUNE 7, 1862. HELU 28.
He inoa no Kaanaana.
Ka anaana no he inoa — la,
Napuaikahome, he makua — la,
Hoi no ka nani i Lihau — la,
I na lehua ku i ka wao — la,
Ke aina mai la e ka manu —la,
O ka O-u iki pani wai —la,
Ilaila ka iini me iala — la,
Me kuu hoa o ka inau — la,
E kohu ai o ka awihi — la,
A luna oe o Paupau — la,
Nana i ka nani o Lele — la,
I ka holu a ka lau o ka Ulu — la,
Ke nape mai la i ka makani — la,
O ka liu la nopu i ke Kula— la,
I ka uku o Maunahoomaha — la,
Na pua rose o Maunaanu — la,
Ua pulu ia i ke kehau — la,
I ka ua Awa o ka mauna — la,
He nahele paoa i ke ala — la,
I ka Lauae o na pali — la,
Lihau anu ke aloha ke hiki — la,
O ko'u hoa paha keia — la,
Ke hao mai nei ka makani — la,
Ehuehu na ale o Pailolo — la,
Me oe ka manao pau ole — la,
Ua Lihau anu ke aloha — la.
J. MAKEKAU.
Kaanaana no he inoa — la,
Nahalaoanoi, he makua—la,
E kii ka wai i Hiilawe — la,
I ka wailele o ka Waikapu — la,
Ke lawe mai la i na pali — la,
I ka luna wale o Waimanu — la,
Ka nahele anu o Mahiki — la,
Hiki mai ana me ke aloha — la,
I kokoolua no ke kino — la,
No keia uka mehameha — la,
O ka hale malu i ka Inia — la,
Ohuohu i ka lau laau — la,
Hoolaau ana ka manao — la,
E manao mai no e ka pono — la,
Kaua pu no kai alo — la,
I ka pakaua o Lukini — la,
I ka pahi oi a na Koa — la,
He koa ke aloha i ke kino — la,
He Alihikaua i ka manao — la,
Aole no au e hopo — la,
I ka hana mai a ka Maleka — la,
O ka iki ulu kaa mai ia — la,
Nana e nome ke Kahualoa — la,
Kukuluia ke pine — la,
He kuka pea ia noonei — la,
Me oe ka manao pau ole — la,
Ua lihau anu ke aloha — la.
B. W. KEIKI.
PALAPALA HOIKE
A KA
LUNAKANAWAI KIEKIE,
NO NA MAKAHIKI ELUA
I KA AHAOLELO O 1862.
E NA 'L II A ME KA POEIKOHOIA :
Elike me k a mea i kauohaia mai ma ke Kumukanawai, ke waiho aku nei au imua o oukou i ka Hoike Makahiki no na makahiki 1860 a me 1861. Ma ka nana ana i ka papa o na hewa e pili mai la, ua ikeia ua emi loa ka ona a me ka moekolohe.
He mau kumu no keia emi a na, o ka hoonaauao ana kekahi, o na Kanawai kekahi, a o ka huli ana o kanaka i na hana hou o kela ano keia ano iloko o na makahiki i hala aku nei. O ke Kanawai i hooholoia e ka Ahaolelo o 1860, e hooponopono ana i ka pili ana o ke Kanawai i ka poe i aeia e kuai liilii i na wai ona ma ko lakou mau wahi, oia kekahi mea e hoemi nui ana i ka ona a me na hewa e pili mai ana.
He mea nui hoi na Kanawai akamai i ka hoopio ana i na hewa — he pono ole na Kanawai oolea loa ma na hana a pau ; aka, e imiia na Kanawai e puka ole ka poe hana i na mea ino, a kue i ka pono o ka lehulehu a me ke Aupuni. O ka mahi ana i ka aina, oia ka hana i oi mamua o na hana e ae a pau no ko kakou lahui e ola ai a e noho pono ai, a ke hauoli nei kakou i ka ike ana'ku i ka huli ana o na kanaka malaila ma kela a me keia makahiki. Ma ka noho ana ma keia hana, ua pakele ka ino mahuahua o ka noho ana ma na awa ku moku.
He wahi hemahema paha ia kakou i kinohou o ka haalele ana i ka kakou hana kahiko, a e huli ana i kekahi hana e ; aka, o ka hope he pomaikai no ke Aupuni.
Aia a lilo kakou i ke kanu a me ka hana i ke Ko, Raiki, Kope, Hulu Hipa, &c. &c., e hooili aku i Kahiki ; alaila, ua loaa mai ka waiwai paa a lewa ole, a loaa pono ma na makahiki a pau, aole like me ka loaa ma ke ku ana mai o na moku okohola, he loaa akaka ole ia.
No ka hoemi ana i na lilo o ke dala, ua noonoo nui au e like me na Kuhina e ae o ke Aupuni.
O ka hoonui ana i ka aie, he mea ia no kakou e malama ai.
Ma kuu nana ana i na Kanawai i hiki ia kakou ke hoololi i mea e hooemi i ka lilo o ke Aupuni. Ke kuhikuhi hou aku nei au i ke ano o ka uku ana i na Lunakanawai Apana.
Ua ike no oukou, ua ukuia lakou ma ka makahiki e like me ka puu dala i hooholoia na lakou pakahi e ka Ahaolelo ma ka Bila Kalaiwaiwai. Ma na aina e, ua ikea no ka manawa loihi loa, he mea pono ke uku i na Lunakanawai o keia ano ma ke koina i loaa i ka Aha wale no, a ma keia uku ana o na Lunakanawai, ua pono ka hookolokolo ana o na Kanawai, a ua pomaikai ka lahui.
Ina peia ka uku ana o na Lunakanawai, ua hooiliia ka lilo maluna o na mea e hoopii ana a hoopiii a, a ua pakele ke Aupuni.
Ina ua pomaikai na aina e ma muli o keia hana, no ke aha la he pono ole ia kakou e noho nei ?
Aole au i ike. Na na Kiaaina o kela Mokupuni keia Mokuni, e koho aku i na Lunakanawai Apana, me ka hoapono aku nae o na Lunakanawai o ka Aha Kiekie, a ua hiki no ia lakou ke koho aku i elua ma ka Apana hookahi, a ina pela, e aho paha ia i makaukau no ka poe e hoopii ana.
I ko'u manao, hookahi wale no hoololi ana o ke Kanawai e noho nei ; i holo keia mea, oia ka hoano e o ka uku ana o lakou, pekeia, e hooki ka haawina makahiki ma ka Bila Waiwai, a e hooholo i Kanawai e haawi ana ia lakou i ke koina o ka Aha, no na hihia a pau i hanaia imua o lakou. I ko'u noonoo ana i ka pilikia no ke dala ma ka Waihona o ke Aupuni, he pono e hoopau oukou i ka Oihana Loio Apana, ma na Apana hooholokolo e noho nei.
Ma ko'u hoomanao ana, aole paha hemahema ka hana a ke Aupuni ma keia, ina e hookumu oukou i ka Oihana Loio Aupuni, no ke Aupuni okoa, i pani hakahaka no na Lio Apana e noho nei.
Na ke Kanawai e hoomaopopo aku nei ua Loio Aupuni nei e hana i na mea a pau i hanaia e na Loio Apana maloko o ko lakou mau Apana, ma ka uku ana i ka mea hookahi, aole i na mea elua, ua hooemi nui ia ka lilo ma keia Oihana.
Na na Lunakanawai o k a Aha Kiekie e koho i na Loio Apana ; aka, ina ua hoololiia ke Kanawai, ke manao nei au he pono ke waiho ke koho ana o ka Loio Aupuni me ka Moi.
Ua oluolu au e hai ia oukou no na Loio Apana e noho nei, hana lakou i ka lakou hana me ka ikaika a me ka malama i ka pono a me ka maluhia o ka aina, Ua like ko'u manao me ko ka Loio Apana o Oahu a me ko ka Lunakanawai Hoomalu o Honolulu, no ka nele o kakou i kahi kupono e malama ai i ka poe pupule. He mea pono ia kakou e hana aku no ka hemahema o ka poe pupule kekahi, a no ko kakou hemahema kekahi, o hoopoino mai lakou i ka poe ola. E haawi i kahi noho, e hanai a e lapaau, a pela aku.
Malam a paha e hiki no ke aelike me na Luna o ka Halemai o ka Moi Wahine, me ka uku kupono.
Aole loa e hiki ia kakou ke noho me ka nele loa o kekahi hale o keia ano kupono no ka poe pupule, ia kakou wale no ka hana i keia mea no ko kakou aina iho. Ke manao nei au he pono ia oukou e hooemi i ka nui o na Lunakanawai Kaapuni ma ka Apana akahi a ma ka Apani ekolu, ina ua ku i ke Kumukanawai, ina ua manao au he pono ke hooki loa i keia Oihana ma ka Mokupuni o Oahu, a e kau i ka hana o oia mau Aha maluna o ka Lunakanawai o ka Aha Kiekie, ina ua hiki ma ke Kumukanawai ke hana pela ; aka, ua hiki no ke hoohui a i hookahi ma Oahu, a i elua ma Hawaii, me ka hemahema ole o ka hana a ke Aupuni. Ma ka hoike o ka Loio Apana no Oahu, A. B. Bates Esquire, ke olelo mai nei oia, penei: Ke kuhikuhi aku nei au i ka Lunakanawai Kiekie i ka manao o ka Lunakanawai Hoomalu o Honolulu, e pili ana i ka hemahema o ko kakou Kanawai e noho nei, no ka malama ole o ka poe pupule.
Ina ua kalai ia he puu dala no keia mea, na ke Kuhina Kalaiaina e hookaa aku, ma ko'u manao e ae aku na Luna o ka Halemai o ka Moi Wahine e malama i keia poe.
Aole nae e hiki i ka Papa o na Luna ke malama ia lakou no ka uku i loaa no ka poe mai mao li ; aka, ina ua oi iki ka uku mamua o ka uku mau o ka poe e noho uku ana ; alaila paha, ua hiki i ka Halemai ke kukulu i mau keena okoa.
Aole loa he pono keia hana e noho nei.
OAHU.
KA HOOPAI ANA MA OAHU ILOKO O KA MAKAHIKI, 1859. 1860. 1861
Pepehi kanaka -- 1
Hopuia mahope o ka hora 10 o ka po, 3 ..
Hakaka me ka pepehi aku 85 50 52
Ana 2
Hakaka 41 .. ..
Moekolohe 21 15 31
Kokua i na luina e mahuka 5 1
Wawahi a komo hale 2
" " " me ka aihue, 2 2 2
Mare lehulehu
Wawahi ana i ka Hale Paahao 1
Hoopaahaoia mamuli o ke Kanawai no na Haku a me na Kauwa 13
Haalele 28 20 27
Hoohaunaele 56 24 31
Ona l,299 690 504
Aihue i ka waiwai i haawiia mai e malamaia 1
Hookele kaa me ka holo nui a malama ole i ka pono o hai 1 1 1
Holo nui a holo pono ole 41 56 43
Apuka palapala 2 1 1
Moekolohe o na mea aole i mareia, 2 8
Kolohe holoholona 1
Pili waiwai 4 6 3
Imi loaa ma ka hoopunipuni 4 3 3
Aihue 51 35 50
Aihue ma ke degere elua 2 1 1
Ana e aihue 2
Hoolimalima lio ana ma ka la Sabati 2
Hoopoino wale 1 1 3
Hana i na mea ino wale 19 11 4
Hoohiki wahahee 2 1
Hooke i ka hooponopono ana ma ke kanawai 8 4 4
Lawe ana i ka waiwai aihue 2 1
Kuai ana aku me ka loaa ole mai o palapala ae 8 2
Kuai ana'ku i ka wai ona me kanaka maoli 9 5
Maalo dute ana 3
Hana ana i na mea ona 1 1
Lawe ana i kanaka maoli i ka aina e 1
Kuai ana'ku ma ka la Sabati 1
Aea wale 4 2 2
Kue ana i ka Mok. 42 Kan. Kar 3 1 2
Kuai ana 'ku i ka awa
Pue wahine 1
Hakaka a pepehi aku me ka mea i pilikia ke ola 2 1 3
Haalele kula 4
Hoohaunaele i ka hale kula 2
Kue ana i kanawai no ka la Sabati 2 13
Kue ana i na rula o ka Hale Paahao 1 15
Kuai ana aku i ka Opiuma,............ 1
Lawe ana i na paahana ku i ke ola 1 1
Alai alanui ana 8
Kokua i ka paahao e mahuka 1 1
Loaa ana mai o ka waiwai ma ka hoopunipuni 2
Kokua ana i kanaka e haalele hana a ka haku 2
Hoeha holoholona 2
Haalele kane i ka wahine mare 2
Haalele wahine i ke kane mare 2
Hoohaunaele i ka po 1 8
Noho kahuna lapaauu me ka loaa ole mai o ka palapala ae 1
Mahuka 1 5
Holo nui ma ke alahaka 8
Hakaka 29 18
Hookamakama 7 2
Hoolimalima lio, aole palapala ae. 4
Hookipa kanaka o ka moku me ka loaa ole o ka palapala ae 1
Hoohau naele ana i ka Sabati 1 1
Inu awa 1
Kue ana i ka Mokuna 5, Pauku 1, o ke Kanawai Karaima 1
Kue ana i ke kapu o na manu 1
Kue ana i ke Kanawai o Augate 24,1860 1
Kue ana i na rula o ka Hale ai 3
Kue ana i ka Pauku 176 o ke Kanawai Kivila 1
Huina no O ahu. 1727 909 856
Ma ka palapala hoike o ka Loio Apana o ka Apana elua, E. P. Bond Esq., ke i mai nei oia : " E ikea ma na Papa Hoike i pili mai nei he 445 ka averika o na hoopai ana maloko o na makahiki eha mamua aku, ua 736 1/4, nolaila, ua emi ka nui o na hoopai ana 39 1/3 hapahaneri." Eia kekahi, e ikea ma Lahaina ka hapa nui o keia emi ana. Malaila ka nui o na hoopai, na averika maloko o na makahiki elua i pau iho nei, 188, a maloko o oa makahiki eha mamua aku, ua averika 426 1/2 ; nolaila, ua emi ka hoopai ana ma Lahaina, 56 hapahaneri.
Ma na apana e ae o keia kaapuui, ua emi ka averika o na hoopai ana, mai 310 a i 257, oia hoi he 17 hapaha neri. O na hewa i emi nuiia, ka ona, a me ka moekolohe, ma ka ona, ua aneane 61 hapahaneri ka emi ma Lahaina, a aneane 60 hapahaneri ma na apana mawaho.
Ma ka moekolohe, a me na hewa o ia ano, ua emi ka hoopai ana ma Lahaina, he 54 hapahaneri, a ma na apana mawaho, he 34 1/2 hapahaneri.
K A HOOPAI ANA MA MAUI, MOLOKAI, LANAI, NO NA
MAKAHIKI
NA HEWA. 1859. 1860. 1861.
Ona 180 112 43
Hakaka me ka pepehi aku 64 73 88
Hakaka 14 8 3
Moekolohe o ka poe mare 193 89 120
Moekolohe o ka poe i mare ole 83 18 14
Makaleho 12 4
Hanau keiki moekolohe 7 8 8
Holonui 78 20 15
Na mea ino wale 14 14 10
Hoohaunaele i ka halawai pule 2
Hana ma ka la kapu 8 10 26
Kuai ana i ka waiona me ka loaa ole o ka palapala kuai 4 2..
Haawi ana i ka wai ona i kanaka maoli 2 4 3
Inu awa 1 14
Hana a haawi ana i na mea ona 5 8 8
Malama Hotele me ka loaa ole o ka palapala ae 1 1
Aihue holoholona 9
Aihue 40 31 44
Imi loaa ma ka hoopunipuni 6 12
Hoohaunaele 1
Kuamuamu 4
Aea 7 6
Hoopoino wale 17 2 8
Hoohaunaele i ka po 5 8 2
Hoeha holoholona 5 6 4
Huna lio kea 1
Hoounaole i ke keiki i ke kula 6
Hookuni kolohe 6 4
Hookonokono e hoohannaele 1
Kipu i ke kolea 2
Haalele kane mare 3
Luina nohomauka i ka po 6
Hoole mai i ka hana alanui 2
Hoowahawaha i ka Ahahookolokolo 1 2
Aihue i ka waiwai i waihoia mai e malamaia 1 1
Hooke i ka hooponopono ana o ke Kanawai 1 2
Haalele kula 4
Kuai awa me ka loaa ole mai o ka palapala ae 3 5 3
Hoowalewale holoholona 14
Oki pepeiao o na holoholona 3
Ahaaina hoohaunaele 2
Haalele kula 6
Kauwa haalele hana 2
Lawe ana mai o ka waiwai aihue, 2
Inu ki ana 4
Huina o na hoopai ana ma Maui, Mo lokai, a me Lanai 723 477 421
HAWAI I. KA HOOPAI ANA MA HAWAII ILOKO O KA MAKAHIKI
1859. 1 860. 1861.
NA HEWA.
Wawahi a komo hale 1 2
Aihue 33 26 27
Kokua i ka aihue
Hoohiki wahahee 4 2 4
Hookonokono i ka hoohiki wahahee 1
Lawe ola 1
Ana e pepehi aku a make 1
Pue wahine 1
Apuka palapala 1 2
Lawe ana i ka waiwai aihue 1
Imi loaa ma ka hoopunipuni, 3 5 6
Ahaaina hoohaunaele 14
Hookonokono i ke ahaaina hoohaunaele 2
Aihue i ka waiwai i haawiia mai e malamaia 1 1
Hakaka 31 28 16
Ona 84 81 98
Inu awa 8 11 6
Kuai awa 3 5
Hakaka me ka pepehi aku 24 19 30
Moekolohe o ka poe mare a mare ole ia 288 333 236
Makaleho 2 3 13
Haawi ana i ka waiona i kanaka maoli 9 13 23
Pili waiwai 6 6 1
Hana i na mea ino wale 8 1
Hoohaunaele ma ka la Sabati 25 28 7
Holo nui 4 21 9
Hoomanakii . .. 16
Kuai ana aku i na mea ona me kanaka maoli 7
Hoopoino wale aku 19 23 15
Hoohaunaele i ka po 18 8 3
Hana ana i na mea ona 4 23 6
Kamailio makaleho 1
Hooke ana i ka hooponopono ma ke Kanawai 1 7 17
Hoeha holoholona 1 4 2
Hookuni kolohe 1 4
Koi i ka moekolohe 13 2 5
Mahuka 1 15
Poe aea 4 2
Hoowahawaha i ka Aha Hookolokolo 18 7
Kuai ana'ku o ka wai ona me ka loaa ole o ka palapala ae 1
Aihue holoholona 5
Wehe wale i ka leta 3
Kokua i ka mahuka 1
Huna ana i ka make o ke keiki hou 1
Hoohaunaele ana i ke anaina pule 3
Huina no Hawaii. 644 684 562
Olelo mai o W. H. Rice Esquire, ka Loio Apana no Kauai : "No ke Kanawai i hooholoia ma ka Ahaolelo o 1860, no ka hoole o ka poe mare, kekahi i kekahi. Eia ka'u, ua aiwa hoopii ana malaila, he mau wahine wale no na mea i hooopiiia."
Ekolu o lakou ua hoopaahaoia, a elima ua hooponoponoia me na kane, a hookuuia.
Elua o lakou ua hookolokolo hou ia.
Elua ke haalele nei, a elima ma ko'u lohe, ke noho pu nei me na kane a lakou.
Ma kuu manao he pono ke hoololi i keia Kanawai, e haawi ana i ka mana i ka Lunakanawai e hoopaahao, aole e oi i na malama ekolu, ma na hihia haalele o ke ano ino loa, e like me ka noonoo ana o ka Lunakan awai he pono.
KAUAI ME NIIHAU.
KA HOOPAI ANA ILOKO O NA MAKAHIKI
1 859. 1860. 1861.
Pepehikanaka 1
Aihue 46 8 8
Aihue i ka waiwai i waihoia mai e malamaia 1
Lawe ana i ka waiwai aihue 6
Wawahi hale i ka po 1 1
Hoohiki wahahee 4 2
Pepehi uuku 14 6 13
Pepehi me ka mea e ino ke ola 1
Moekolohe 75 50 52
Huna moekolohe 4
Ona 15 11 6
Hana i na wai ona 1 7
Haawi ana i na mea ona i kanaka maoli 1 1 1
Imi waiwai me ka hoopunipuni 4 4 1
Pili waiwai 8 6 27
Kue ana i ke kanawai o ka la Sabati 5 13
Kuamuamu 1
Aea 1 4
Hookuni kolohe 3
Kue ana i ka Pauku 245 o ke Kanawai Kivila
Haalele kula 1 3
Hoowalewale holoholona e komo hewa 2
Kui i ka Makai 1
Aihue holoholona 14 6
Hoino wale 3
Hula 5
Alai alanui 2
Holo nui 1 1
Huna ana i ka lio kea 2
Kokua ana i ka hewa 2
Hakaka 1
Kuai awa 2
Inu awa 14
Walaau ma ka po 4
Ino wale 1
Kuai ana i ka wai ona me ka loaa ole mai o ka palapala ae 3
Hoowalewalewahine 1
Huina no Kauai a me Niihau 190 135 161
H E PAPA E HOIKE ANA I NA HOOPAI, NO KELA HEWA
KEIA HEWA MA KE A UPUNI MALOKO O NA MAKAAIKI
1859. 1860. 1861.
Pepehi kanaka 1 2
Wawahi hale me ka aihue 2 2 2
Wawahi hale 3 1 2
Hoohiki wahahee 8 6 5
Apuka palapala 3 3 1
Imi waiwai ma ka hoopunipuni 11 15 18
Aihue 172 115 141
Lawe waiwai aihue 8 2 2
Moekolohe 622 505 461
Makaleho me na hana oia ano 15 3 17
Hoeha holoholona 6 14 7
Hakaka me ka pepehi aku 190 150 137
Hoopoino wale 37 29 26
Hoohaunaele ana i ka po 23 17 8
Hoohaunaele 52 24 31
Ona 1584 794 651
Inu awa 8 13 34
Kuai rama me ka loaa ole o ka palapala ae 5 2 3
Kokua i ka mahuka o na luina 5 61
Kuamuamu i ke Akua 4
Kue ana i ke kanawai o ka la Sabati 40 51 46
Pili waiwai 24 30 31
Holo nui 123 98 68
Holo nui me ke kaa 1 1
Hana i na mea ino wale 41 25 16
Haawi i ka mea ona i kanaka maoli 21 23 27
Aihue i ka waiwai i haawiia mai e malamia 1 1 1
Hookuni kolohe i ka hao 1 13 4
Lawe ana ma ke kino i na paahana ku i ke ola 1
Hooke ana i ka hooko ana o ke Kanawai 9 12 23
Hakaka 96 75 39
Hana ana i na mea ona 10 39 15
Aea 12 12 4
Hoolimalima lio ma ka la Sabati 2 1 1
Hoopaahaoia mamuli o na kanawai no na haku a me na kauwa 13
Na hewa e ae o kela ano keia ano 136 127 109
Huina. 3284. 2205. 1994.
Ke dala ma ka uku hoopa i i haawiia iloko o ka Waihona o ke Aupuni maloko o na makahiki elua i pau ma ka la 31 o Mar., 1862.
OAH U.
No ka Lunakanawai Kaapuni o Honolulu, $ 444.75
" " " o Koolau, 109.21
No ke Kakauolelo o ka Aha Kiekie. 9,148.06
No ka Lunakanawai Hoomalu Hon., 8,073.72
" " Apana " 450.49
" " " Ewa, 781.74
" " " Waialua, 211.00
" " " Koolaupoko 288.24
" " Ilamuku 1,722.70
" " Luna Dute Nui 721.20
$21,946.21
MAU I.
No ka Lunakanawai Kaapuni o Maui, $ 548.99
" " Hoomalu o Lahaina, 1,412.71
" " Apana o Wailuku, 410.10
" " " Hana, 314.50
" " " Kaupo, 137.25
" " " Makawao, 534.37
" " " Mo lokai, 194.44
" " " Lanai, 55.50
No ke Kakauolelo o ka Aha Kaapuni o ka Apana elua, 204.75
No ka Makai Nui o Maui, 1,829.84
$5,642.45
HAWAI I
No ka Lunakanawai Kaapuni o Hilo, $ 288.75
" " " Kohala, 191.87
" " " Kona, 203.11
" " Hoomalu o Hilo, 2,301.26
" " Apana o Hilo Akau, 714.73
" " " Puna, 701.75
" " " Kau, 663.00
" " " Kona Hema, 264.63
" " " " Akau, 599.60
" " " Kohala Hema, 780.25
" " " " Akau, 568.24
" " " H amakua, 1,019.87
No ke Kakauolelo o ka Aha Kaapuni
o ka Apana ekolu , 141.87
No ka Makai Nui o Hawaii 502.92
$8,941.85
KAUAI.
No ka Lunak anawai Kaapuni o Kauai, $ 248.85
" " Apana o Waimea, 92.42
" " " Koloa, 164.90
" " " Lihue, 192.24
" " " Anahola, 156.87
" " " Hanalei, 54.75
" " " Niihau, 31.50
No ke Kakauolelo o ka Aha Kaapuni o ka Apana eha. 80.00
No ka Makai Nui o Kauai. 462.70
$1479.23
Ka huina Nui $38,009.74
KA HOULUULU ANA.
No Oahu mai $21 ,946.21
No Maui mai 5,642.45
No Hawaii mai 8,941.85
No Kauai mai 1,479.23
$38,009.74
NA OKI MA RE ILOKO O NA MAKAHIKI ELUA I PAU MA KA LA 31 O MARAKI, 1862.
No ka moekolohe 69
No ka haalele wale 104
Huina Oki Mare 173
Aeia e mare hou 45
Hoopau mare 4
Hookaa wale ana 6
Huina Mare 55
Ua lilo nui ka manawa o ka Aha ma na hihia Kivila, a o na haole ka nui o na mea e hoopii ana a hoopaiia. Ma kekahi o na hihia ua nui ka waiwai i hoopaapaaia, he ano koikoi a kanalua hoi ma ka wehewehe ana o na kanawai pili i ka palena o ka mana o ka Aha.
Ma kekahi o na hihia, ua aua mai na Luna Nui o na aina e, a ua papa i ka hana, no ka manao he hiki ole i keia Aha ke hookolokolo ma na hihia o na haole malihini ; aka, ua hoole ka Aha ma ka noonoo ana i ka oiaio o ke kanawai i ko lakou mau olelo papa, aole nae i kupu mai na pilikia me ko na aina e ma ua hoole ana nei. No ko kakou noho ana ma ka aina kaawale loa aku mai na aina e, nolaila, ua mahuahua ka hookolokolo ana o na malihini iloko o koonei Aha, no ka hiki ole o lakou ke hoi i ko lakou wahi ponoi e hana'i. E ola mau ke Alii. Me ka mahalo.
ELISHA H. ALLEN.
AHAOLELO HAWAII .
Hale o ka Poeiko hoia.
LA 22.— Mei 27.
Heluheluia ka moolelo a aponoia.
Pule a pau.
Heluhelu mai o Pomaikai , he palapala hoopii no Honolulu, e noi ana : Aole e hoololiia ke Kumukanawai.
E hoonohoia o G. P. Judd, i Kuhina Waiwai.
E hoopauia ke Kuhina e noho nei. E hoopauia na Lunapaahao haole, e haawiia i ka poe kanaka Hawaii. E hookapuia ke ku ana mai o Ki lauea ma ka la Sabati.
E hoopauia ka Makai Nui, ke Hooma lu ole i ka la Sabati. Hoomoeia kekahi mau pauku ma ka papa ; Haawiia kekahi i ke Komite.
Heluhelu mai o Kahookaumaha, he palap ala hoopii no Kona Hema, e noi ana : E