Ka Nupepa Kuokoa, Volume I, Number 39, 23 August 1862 — Page 3

Page PDF (1.71 MB)

Ka Nupepa Kuokoa,.

 

hoomaamaa ana ia lakou iho i keia mau la aku alaila, aole no e nele ko lakou akamai loa aku ; na na Koa Hawaii no ka hoomahie o keia mau la.

               

                KA FAKIR O SIVA.—E hana ana no ka mea kaulana ka Fakir o Siva i keia po, i kana

mau hana maalea, a akamai hoi, e hanaia ana na mea kupanaha he nui wale. Ma ka po o ka Poaono i hala aku nei, ua ikeia kekahi o kana mau hana mana, a akamai hoi. Ua noiia ka poe makaikai e kakau i ka inoa o kekahi hale ana i makemake ai, me ka hoike ole aku i ka Fakir o Siva; no ka mea, wahi ana, ma kona hoolaha ana e hoouna ana oia i kekahi kihei ma kahi a ka poe makaikai e makemake ai, me ka ike mua ole ia nae e ua kanaka hana kupanaha ia. Puhiia ua kihei nei i ke ahi a pau ; alaila, kenaia e kii i kahi a ka palapala i kuhikuhi ai, o ka olelo ma ka palapala, " Aia iluna o ka Pahu Hae o ka Nekina." I ka wa i kiia aku ai ; aia hoi, ua loaa no ua kihei nei e kau ana ilaila. O kekahi mea kupanaha hoi, o ke kamailio mai o ke kii me he kanaka la, na ua haole la no e kamailio; aka, i ka hoolohe aku nae o ka poe a pau ; me he mea la, o ke kii maoli no ke kamailio mai ana, aole no e maopopo ana ia oukou ma ka makou kamailio haanui aku ; aka, o ka pono loa no e naue kino no e ikemaka no oukou iho; alaila. pau kuhihewa e like me makou nei.

                Ua hooemi loaia ka uku, no luna he $0.75, no lalo mamua he $0.50, no lalo mahope mai he $0.25.

 

Na Palapala.

Ka Pahikaua o ka La Koa,

O NEI MEA HE KAUA.

 

                Eia mai ke Koi-lipi e pau ai na kukuna o ka La i ka helelei, e kahani ai ka puu o Leahi i ka hau ole; ke Kukuluaeo nana e alualu ka manu o Kaula, e holo olohelohe ai, ka mea nana e oleole e naha'i ka pali paa o Honowaiopua, e poha'i ka ina kua-lenalena, ku-ilena, konouli, nohouli o Lihau, i ka Papa o Apua.

                He mau Hoku no ka Baibala mai.

                1.Owai ke Kumeka o ko Iehova Kamaa ?

                2.Owai ka inoa o ua Kumeka la o Iehoava?

                3.Ehia kapuai ka loihi o ke Kamaa o Iehova?

                4.Auhea la ka papahele e hele ai o Iehova me ua Kamaa nei?

                5.I ka manawa hea i Kumekaia'i keia mau Kamaa?

                6.Owai ka inoa o ka ipu wai holoi o Iehova?

                7.Owai ke Kakaulelo a ke Akua, nana i kakau ka Buke o ke ola.

                E aho ia mau haku o ka Bele la, o ke kani ka i ka puka o ka pepeiao, o keia mea he lohe, a me ka hooikaika i ke poo, o keia me he naauao, ike, a me ke akamai.

                Na keia mau hua e hai mai, A------W., ai ole ia lakou, ia "Hao ka mikioi maloo ka lau laau."

                Na ke keiki auau kai o Kaena

G. M, KOMA

Keawaula, Waianae. Oahu , Aug. 18, 1862

 

Olelo pane ia Kohala Akau.

 

                Ua loaa mai ia'u ma ke kakahiaka o ka la 11 o Iulai i hala iho nei, na olelo lalau, a ka mea i kakau inoa "Kohala Akau," i hoikeia ma ka Helu 32 o ka Nupepa Kuokoa. Ua haiia malaila, he mau manao kue pono ole i na palapala hoopii a kekahi poe Komite 13, no Kohala Akau, i hoounaia iloko o ka Hale Ahaolelo Kau Kanawai, o ko Hawaii Pae Aina, a me na olelo hoino kumu olo no hoi, me ka huna kona inoa ponoi. Aole ,no au i manao e pane aku aka, no ko'u ike ana, he mea eha ke kui mai i na kuli i na olelo wahahee, nolaila, pono no hoi ke kamailio aku.

                He lana kuu manao e haawi aku i ka popo laau, e pau ai ko hilahila, a me ka nalulu o ka poo kihikihi. O na palapala hoopii i hoounaia o ka Hale Ahaolelo o ka Poeikohoia o ko Hawaii Pae Aina, aole ia he mau palapala hoopii kue i ke Aupuni, a he i ka lahui kanaka; ua hanaia no me ke kaulike, a kupono i ka. makemake o ka lehulehu mai Hawaii a Kauai , a pela no hoi ka ike ana i na palapala hoopii o kela apana keia apana, e hoolahaia nei ma na Nupepa.

                Ke kahea leo nui aku nei au i ka Mu ai laau nona ka inoa (Kohala Akau,) e ala! e ala! e holoi i ka ino o ko maka, i ike oe i ka aila ala, i huipuia me ka aloe, a me ka Kinamona, i pahee i ke pani o ko kileo. He poe Kalawina kekahi, a he poe Katolika kekahi i kakau inoa ma ka palapala hoopii i waihoia ku iloko o ka Hale Ahaolelo o ka Poeikohoia, o ko Hawaii Pae Aina; aka, ke hoohalahala nei i ke kakau oleia o kona inoa. I hea no la oe kahi i moe ai a hala ka mea waa, ala, ae oe paina i ka haukae kou maka! Ua hoouna aku keia Ahahui komite i na palapala hoopii, me ko lakou mau inoa, ma na palapala hoopii a pau iloko o ka Hale Ahaolelo o ka poe mahaloia; me ka ike no o keia Ahahui Komite, ua kupono ka lakou hana i ke Kumukanawai, a me na Kanawai o ka Moi Kamehameha IV., ke Alii Nui o ko Hawaii Pae Aina ; ua kupono i ko makou manao ka hui, a ao aku i ko makou poe i kohoia, oiai lakou e akoakoa ana iloko o ka Ahaolelo Kau Kanawai.

                Eia ka ninau ? Aia anei a kakau inoa o Kohala, oia anei ka palapala hoopii pololei? E peku aku! Heaha la keia au e ho-a-a mai nei ? A ke ninau mai nei i ka nui o ka poe i kakau inoa ma na palapala hoopii; a e ike auanei ko maka kahi i ku ai ko ihu, a i lohe ko lae kahi i hou hewa ai kou noonoo ana. Aia ma ka Hale Ahaolelo o ka Poeikohoia na inoa o na Komite 13, a me ko lakou mau kumu hoopii kaulike; he poe Kalawina kekahi, a he poe Katolika kekahi, he kanaka kamaaina no Kohala. E aho ia ! o ka nee ka paha o ko kikala i ka ala paa o ke kai o Honoape. E ke hoa ! i na hookahi, a elua paha mea kakau inoa ma ka palapala hoopii no Kohala Akau, iloko o ka Hale Ahaolelo o ka Poeikohoia , alaila, pono no.

                Ua huna oe i kou inoa, a lawe aihue oe i ka inoa o ka apana aina i inoa nou : no ko ike nae paha o ka onohi o ko maka, ua kauia ma ko piko? A heka ! E Kohala Akau, lalau ! ka mauia, eia mai kalo paa o Kohala loko o puua ai ko puu moni ai, a e hoailona ae ma ko lae i ko inoa, penei: Kohala Akau, Hupo, no ka mea, o kau pane, kupono ia i ka welau o ko inoa ; aka, ke manao nei au he kumu kula oe, a ua keeo paha oe i ko hoopiiia e auhau i na auhau o ke Aupuni, a i ole he abokaka paha oe.

                E ua hoa nei ! mai naenae mai oe me he kuapuu la, eia mai ka mea e pololei ai ko kuapuu. No Ikuwa, oia kekahi i na wa e halawai ai keia Ahahui Komite, aole nae nana wale no e imi, a hooholo i na kumu hoopii e heluheluia la. eia ka pololei, na kela Komite keia Komite e. hooholo ma ka hapai lima ana o ka hapanui, aole e holo i ka mea hookahi o lakou, no ka mea, pela mau ka rula oia Ahahui Komite, i ikeia e ka lehulehu; e aho no e lilo oe i haumana na ia Ahahui, i ike oe i na palapala hoopii, a me na inoa o kekahi poe o Kohala Akau, malia paha o kooia ko maka a akea, a ike pono ko laulau Kolekea, i na manao kaulike i hanaia e ua Ahahui la. Akaaka na hoku ia oe, aole hoi na o ka hee, he i-a noho i ka poopoo, hana nui pouli ke kai. Ahu kupanaha ia oe e Kohala Akau, kau kauluna o Welehu ka malama.

                E ke hoa! Eia mai ka pahi koli oi e pau ai ko umiumi loloa o ko auwae huluhulu, a hamo ae i ka aila kao i ulu hou, no ka mea, nui ka hilahila i na olelo lalau a Kohala Akau, e haukae mai nei, i ka olelo iho i ka huipu ole me lakou ma ka hoopii ana. Pehea no la oe ! he oliwa ka hoi oe, he laau ulu wale, ua kauia oe ma ka mea kau paona, a ua ikea kou mama ana, e kani leo nui ana ka lele, i kela a me keia Poakahi, ma ka hale kula ma Waiapuka; no ka halawai hui Komite, i hea la hoi oe ? O makou nae paha ke hele mai o laweia ko wahi oihana kumu kula, ea ? Ahe, o ka mau no ia, i ahona i kahi Kanawai poepoe, oia! he good hoi ia.

                E ke hoa! eia mai ka paakokea e nawaliwali ai ko kui niho, no ka mea, ua hoopiha wale oe i ka aoao o ka Nupepa Kuokoa, i na olelo lapuwale, me ka hoohilahila wale ia oe iho, o ka hana mau no nae ia a Makahelei, o ke kikoo, i akena ai oe me he oiaio la, no ka molowa nae pahu i ku noho malie. Oia! ua lilo oe i haumana na ke Diabolo kela moo kahiko, ka mea ia ia ka nuku wale, ka niania, ka naau keemoa, a me na manao ino a pau, me ka manao ole i ka pono o ka lehulehu. E aho ia ! o ka wela ka paha o ko waha, i kiaha wai huihui i maalili. E aloha aunei.

J. W. R. MAHINAULI.

Kohala Akau. Hawaii , Iulai 18, 1862.

 

Hooio.

 

E ka Nupepa Kuokoa e; Aloha oe:

                Ke hoouna aku nei au i keia wahi hua olelo e kau kehakeha ae la maluna, me ka lana no o kuu manao e hoopukaia mai ana. I ike mai o'u mau hoa Lahainaluna e noho ana ma kela wahi keia wahi; mai Hawaii hoi o Keawe, a Kauai o Mano. I ko kakou kapaia mai he hooio, hoomikioi, hoakamai; ma ka Helu 35, o ka la 11 o Iulai, ma na hopena olelo mahope o kona kukulu manao ana. I ko'u manao ana ; mamua o kona kakau ana i keia mau hopuna olelo i ka hooio &c., o ka poe Lahainaluna; aole oia i noonoo i ke ano, i na oia i noonoo i kona ano. Ina aole paha e pane kuaka pela.

                Auhea oe e ua kanaka oi loa nei o ke akamai, e akahele mai oe ma kou pane ana o ku ko lehelehe i ka houia e ka nalo, hope eka, pehu e hoi. " He pehu ka hoi ka mea o ka hana wale aku no." Eia ka ninau, ia oe ? Pehea la i akaka ai ia oe; ka hooio, hoomikioi, hoakamai, o lia lahainaluna.

                I ko'u manao, ua kupono io no kou inoa o R. P. Hooio, a me Mahaoi, aole o R. P. Heeia. Mahaoi io no hoi oe ; aole ka oe i pane ia aku i ka Ahuimanu hooio &c. o ko pane kuaaka mai nei no ia i ka Lahainaluna i ka hooio, a mea, a mea. No ko manao ana nae paha ua akamai oe i na olelo Latina ,Hebela, Helene, Farani; nolaila ko mea i olelo iho ai, he kani pahu wale iho no aole wahi waiwai oloko ? Pela paha.

                Eia hou, aia ma kekahi mau wahi hua olelo au e i ana, " I kani no ke pa kini i ka lahilahi, manoanoa iho ka ! aole wahi mea a kani iki." U hoi ; o ko hoka no ia, he manoanoa nae hoi ka Bele; a o ke kani ka mea nui. Nana aku no hoi ia oe a he aiwaiwa okoa no o ke kanawalukumaha. Eia no au ke hoole aku nei, aole i akamai loa e like me oe; eia iho no au i ka hanuu mua, oia hoi o akamai, a o oe o ka Ahuimanu. e i ae oe i ka hanuu loa o akamai. Ua akaka no kou akamai, ua ike ka hoi oe i ka olelo Latina , Hebela, Helene, Farani, o oe hookahi hoi ke kanaka Hawaii i komo iloko o ka helu o ka poe naaauao. E ole oe, kaulana keia Lahui ; oi aku la ka Ahuimanu boy.

                I ko hopu ana paha i ka laau a Kekuaokalani ia Hoolehelehekii ? Ae! kaulana io no ka Ahuimanu. Ua pau, me oe ka hooilina oluolu o ko'u manao. Ke hoi nei ko Waikapu keiki ua ahiahi, ke hao mai nei ka makani anu la he Hoolua. E aloha auanei oe.
H. H. UPAI, OPIO.

Punia, Waikapu, Maui , Aug. 13, 1862 .

 

He manao

NOI AKU IA J. D. OPUNUI.

 

                Imua ou e ka makamaka ke aloha, a me ka oluolu o ka noho ana, oiai ua ike au i kau mau ninau i lele kamoko mai ai oe ia G. AI. Koha, oiai na ua G. M. Koha nei i hai aku ai i na haina.

                He lana kuu manao, a me ka makemake nui, e wehe mai oe e J. D. Opunui i na ninau a G. M. Koha, i haawi aku ai ia oe, e hai mai i ka loaa o na ninau, i kauia ma ka Helu 32 o ka Nupepa Kuokoa, ma ka la 13 o Iune, i kakauia ma Keawaula, penei :

                1. "Owai ke'lii ma ka Baibala, i heluia kana mau hana ma ka pohaku Iasemi ? Owai ke Kakauolelo nana i kakau ? Owai na'lii nana i malama kela pohaku ? Heaha ke kumu o ia kakau ana ma ia pohaku ? "

                2. "Ehia ka nui o na Alopeke i hikiiia e Samesona? I ka makahiki hea ka hikiiia ana?

                3. "Ehia ka nui o na eke ili o Ierusalema Hou ?"

                4. "O na olelo o ka honua, he 3,023, a na ka olelo hea la ka puka ana o keia mau hua, ka Liona o ke Akua, ke unuhi ae ma kau olelo?"

                Nolaila, he lana nui kuu manao e noho nei, e wehe laula mai oe ma ke akea i kela mau ninau a G. M. Koha i kakau ai ia oe, e wehe ae a pau na hipuu eha, ana i hoouka iho ai i ko hokua, moe lapuu ai ko iwi kikala i ke amo i ke eke opihi o ka lae o Kaena;

                Aka, i na aole e hemo kela mau ninau a G. M. Koha ia oe i ka weheia, alaila, e ko paha auanei kana i pane ai ia oe, "e pau ka huluhulu o ko auwae i ke kahiia i ka pahi umiumi, a e pii aku oe i ka pali o Kalalau."

                Aka, i na e pau na ninau a G. M. Koha i ka hemohemo ia oe ea, alaila, e hookaulana wau ia Kumukahi, i kahi i puka mai ai ka la.

                A i kali au, a me lakou nei, a me lakou la aku hoi, a i hoea ole mai kau haina e hemo ai oia mau ninau, alaila, ua ku oe ma ka puka o Homa, ma ke kulanakauhale o Roma, ma ka aina i Waikiki, ma ke awa i Laupahoehoe kahi o ko aina.

                Nolaila, makehewa ka wikiwiki ninau, ke ole e nui ka lolo, a me ka noonoo laula ana ma ke kahua o ka Baibala, aloha oe. Ke hoi nei au i ka olu o ka Waipiula o Maemae.
G. W. KALUAHINE.

Waipiula. Maemae, Augute 11, 1862.

 

NO HONG KONG !

 

                KA MOKU KIAPA "Speedwell," HENRY J. H. HOLDSWORTH.....................Kapena.

                Ua kokoke mai ka manawa e ko mai ai ia moku, alaila, e holo ana oia i Hong Kong . Ma ka la l o Okakoba ka manawa e holo ai. Eia na ukana e hooili ia ai no ka ukana, Pepeiao Laau, Loli, a me ka Lala Mano a me ka eemoku, e ninau ia HOFFSCHLAEGER & STAPENHORST.
A ia H.J.H. HOLDSWORTH.

Honolulu , Aug. 21,1862 39-6t

 

OLELO HOOLAHA.

 

                UA HOOPII MAI O KAHI ALII k. KUE I kana wahine o Mikala, no Waialua, Oahu, mamua, e hooki i ko laua mare ana, no ka haalele wale ana no na makahiki ekolu, o Mikala i kana kane. E hanaia keia hoopii imua o ka Mea Hanohano John Ii, ka Lunakanawai o ka Aha Kiekie, ma ka la 27 o Augate, i ka hora 9 o kakahiaka, aia ma ka Hale Hookolokolo, ma Honolulu, Oahu.  
JNO. E. BARNARD,  Kakauolelo o ka Aha Kiekie.
Honolulu , Aug. 21, 1862 . 39-6t

 

OLELO HOOLAHA.

 

                UA HOOPII MAI O KAULALII k. KUE I kana wahine o Kamakani, no Honolulu, Oahu, mamua, e hooki i ko laua mare ana, no ka haalele wale ana no na makahiki ekolu, o Kamakani i kana wahine. E hanaia keia hoopii imua o ka Mea Hanohano John Ii, ka Lunakanawai o ka Aha Kiekie, ma ka la 27 o Augate, i ka hora 9 o kakahiaka, aia ma ka Hale Hookolokolo, ma Honolulu, Oahu.  
JNO. E. BARNARD, Kakauolelo o ka Aha Kiekie.
Honolulu, Aug. 18, 1862. 39-6t

 

OLELO HOOLAHA.

 

                UA HOOPII MAI o Kahalemake k. KUE I kana wahine o Kekuhope, no Waianae, Oahu, mamua, e hooki i ko laua mare ana, no ka haalele wale ana no na makahiki ekolu, o Kekuhope i kana kane. E hanaia keia hoopii imua o ka Mea Hanohano John Ii, ka Lunakanawai o ka Aha Kiekie, ma ka la 27 o Augate, i ka hora 9 o kakahiaka, aia ma ka Hale Hookolokolo, ma Honolulu, Oahu.  
JNO. E. BARNARD,  Kakauolelo o ka Aha Kiekie.
Honolulu, Aug. 18, 1862. 39-6t

 

Olelo Hoolaha.

 

                E IKE AUANEI NA KANAKA A PAU. na na mea waiwai maloko o ka waiwai a Paukuwahie, no Honolulu, Oahu, i make aku nei o ka poe i aieia, o ka poe pili kino, a pili paha ma kekahi ano e ae, na lakou e hele ana a e hoike mai ia lakou iho, imua o ka Mea Hanohano, G. M. Robertson, kekahi Lunakanawai o ka Aha Kiekie, ma ka Hale Hookolokolo i ka kulanakauhale o Honolulu, i ka Poaha oia ka la 28 o Augate e hiki mai ana, i ka hora 9 o kakahiaka, Ia manawa, e hooponopono ia ka moo waiwai o Paukuwahie, ka Luna Hooponopono Waiwai a ka mea i make, a e hoike mai i kauwahi kumu, ina paha he kumu oiaio kona, i ole e hookuia ua moo waiwai la, a e hoopauia ka oihana a na mea hoopono pono waiwai ia.
JNO. E. BARNARD. Kakauolelo o ka Aha Kiekie.
Honolulu, Aug. 18. 1862 39-2t

 

He Ninau Huahelu.

 

                Eia ua wahi ninau la; Heaha ka huahelu, a o ka puuhuahelu paha a'u i manao ai i hoonuiia me ka 2, i houluuluia ka huina hoonui me 520,014, a hoonui aku ia huina me ka 5, a houluulu aku ia haina me ka 12, a hoonui aku ia huina me ka 10, a loaa aku ka huina nui, aka, aole nae au e hai aku ai huina, na oukou no na ka poe opu noonoo, opu kae moa o ka noiau, e noii iho. e na keiki nowelo o ka hapa puki kani o ka ike. E hai mai i ka loina o ka hana ana e loaa ai. ua puuhuahelu la a'u i manao ai. Me ke aloha.    
S. PAPIOHULI.

Koloa, Mana, Kauai.

HANAU.

                Aug. l6, ma Kaneohe. 0ahu, hanau o Abigaila (w.) na S.Waiwaiole me H. Kaehu.

                Aug. 13, ma Puuhahi, Kalaupapa, Molokai, hanau o R. Kaiku, na Kanakaole me Kainaina.

                Aug. 17, ma Niumalu, Kauai, hanau o Nika (k.) na Nika me Kalehua.

                Aug. 19, ma ia wahi no, hanau o K. Pai (k.) na Pai me Kanamu.

                Aug. 11. ma Hilo. Piopio, hanau o Waiukika (w.) na Ioane Makia me Keaumiki.

                Aug 16. ma Honolulu, Oahu. hanau o Odena (w.) na Hookano me Nalupoo.

                Iulai 16. ma Kaluanui, Haliimaile, hanau o Keolamahunehune (w.) na Kanakaole me Opuhemo,

                Aug. 14. ma Lilikoi, Hamakua, Maui, hanau o Alapai (k.) na Kapaki me Keaupuni.

                Iulai 5. ma Paeahu, Honuaula, hanau o Kamohoalii (k.) na Hoonuu me Lawaia.

                Iulai 17. ma Ulupalakua. Honuaula, hanau o Kipi (k,) na Kipi me Kaana.

                Iulai 8. ma Leapuki. Puna, Hawaii, hanau o Onohea (w.) na Makuaole me Kawaaihoole.

                Aug. 16. ma Kapalama, Honolulu, hanau o Kaonamau (k,) na P. Kekai me P. Kamai.

 

MARE.

 

                KALUAHALA—KAHELE KAHA—Iulai 19. ma Puunui. Honolulu. mare o A Kalauhala. Loio. me C. J. Kahele Kaha, na L. Kamika laua i mare.

                NAAHALAMA—NAHIALOA—June 19, ma Maulili. Kipahulu, Maui, mare o Naahalama me Nahialoa.

                HEHIKU—MAKAKEHAU— Iune 21, ma Wananalua, Hana, Maui, mare o Hehiku me Makakehau.

                KAWAU—AKAA— June 28, ma Papauluana. Kipahulu. Maui , mare o Kawau me Akaa, na S. Kamakahiki lakou i mare.

 

MAKE.

 

                Iulai 31, ma Kumu, Puna , Hawaii , make o Piula (K.)

                Augate 1. ma ia wahi no, make o Kau (k.)

                Augate 16, ma Kawaiahao, Honolulu , mare o Kauhapa (k.)

                Iulai 13, ma Waiakea, Hanakahi, Hilo , make o Lolo (w.)

                Iulai 13, ma Punahou, Hilo , make o Kalauawa (K.)

                Aug. 3, ma Kalapana, Puna , Hawaii , make o Koakaulana K.

                Aug. 5, ma Niumalu, Kauai , make o Napule (K. )

                Aug.16, ma Hanamaulu, Kauai , make o Kaliloa (K.)

                Aug. 12, ma Waikolu, Molokai , make o Kanuku (w.)

                Aug. 5, ma Paeahu, Honuaula, make o Mauliola (K.)

                Aug. 10, ma Palauea, Honuaula, make o Kalauiwela (k.)

                Iulai 23, ma Paalaa, Waialua. Oahu , make o lakou (k.)

                Iulai 23, ma ia wahi no, make o Kauwepupuna (k.)

                Iulai 30, ma Ukoa, Kawailoa, Waialua, Oahu ; make o Kapo.

                Aug. 2. ma Waiapua, Hamakuapoko, Maui , make o Nakookoo (K.)

 

Olelo Hoolaha.

 

                UA HOOPII MAI o Maraea Kaimiaina w. kue i kana Kane o Humehume, no Honolulu, Oahu, mamua, e hooki i ko laua mare ana, no ka haalele wale ana no na makahiki ekolu, o Humehume i kana wahine. E hanaia keia hoopii imua o ka Mea Hanohano, John Ii, ke kahi Lunakanawai o ka Aha Kiekie, ma ka la 27 o Augate, i ka hora 9 o ke kakahiaka, aia ma ka Hale Hookolokolo, ma Honolulu, Oahu.
JNO. E. BARNARD, Kakauolelo o ka Aha Kiekie.
Honolulu , Aug. 18, 1862 . 39-2t

 

HALE KEAKA!


                No na kamalii keia. I KE AHIAHI O KEIA LA. (OIA KA POAONO,) e hana ana ka Haole Hana Mana, i kana mau hana kupanaha. Aia ma ka hora 3 e hoomaka'i i ka hana, e hamama no nae na puka o ka Hale i ka hora 2 me ka hapalua. Eia ka uku no ka palapala hookomo—maluna, he $0.50. mamua, $0.37 1/2, mahope, $0.25, no kela mea keia mea i komo ae. E hele nui mai na makua me ko lakou mau keiki, e ikea ai i keia mea kupanaha.

 

KEAKA MAIKAI!

 

                E HANA KEAKA HOU ANA KE KANAKA Hana Kupanaha, oia hoi ka Fakir o Siva, ma keia ahiahi, ma ka Hale Keaka, ma ke kihi o ke Alanui Hotele me Alanui Alakea. A e hanaia no ma keia po na mea KUPANAHA LOA, o kela ano keia ano. E hoouna ana oia i ke kahi Kihei i ka hale o kela mea keia mea e makemake ana, ma kona akamai e lawe ia ai ua kihei la. E hele mai ano ! E hele lohi ole mai! O ike ole auanei oukou i na mea kupanaha   e hanaia ana i keia po Poaono, la 23 o Augate. Mamua o ka hoomaka ana o ke Keaka, e hooleleia ana he baluna (opumakani.) nolaila, e na makamaka e ake ana e ike i keia mau mea kupanaha, e aho e naue kanalua ole mai. Ua hooemiia ka uku komo, he $0.75 oluna: he $0.50 olalo mamua; he $0.25 mahope.

 

OLELO HOOLAHA.

 

                MAI KUNI I KEIA MAU HUA MALALO iho nei, G. P. K. Ke papa aku nei au i na mea a pau, mai kuni kekahi kanaka a mau kanaka paha i keia mau Hua i kauia maluna, i kona mau holoholona; no ka mea, no'u kela Kaohiai i keia manawa. O ka mea e kuni ana i kela hao me ko'u ae ole, e lilo ana no'u ia holoholona; a e hoopii no au no kona komo hewa ma keia hope aku, a mai keia la aku o ka Hoolaha ana maloko o ka Nupepa Kuokoa.
JAMES KAOHIAI.
Kaipapau, Koolauloa, Aug. 14, 1962 . 39-2t*

 

Olelo Hoolaha.

 

                NO KA MEA; O NA MEA NONA NA INOA malalo, na Luna Hooponopono o ka Waiwai o Mrs. Mikala Peleuli, o Honolulu i make aku nei: Nolaila, na kauohaia na mea a pau i aie ia Mrs. Mikala Peleuli, e hookaa mai lakou i ko lakou aie, a me na mea a Mrs. Mikala Peleuli i aie aku ai, e lawe mai lakou i ka lakou mau bila aie mai keia la aku, e pau ana ma ka la 30 o Augate, oia ka Poaono. Ina aole lakou e hele mai i ka manawa i haiia maluna, aole e hiki ia mana ke hookaa i ko lakou aie.
J. W. KALAAUALA, MRS. KAHEIHEIMALIA, Na Luna Hooponopono Waiwai o M. Peleuli
Honolulu. Aug. 22 1862 . 39 1t

 

Olelo Hoolaha.

 

                E IKE AUANEI NA KANAKA A PAU O kela ano keia ano ke nana mai. Owau o ka mea nona ka inoa malalo iho ke hoolaha aku nei aa ma ke akea, o ka e wahine mare. O Kekoiula, kona inoa, no Honomaele, i Maui kona wahi. Ua mare ia hoi maua ma Kaneohe , i Koolaupoko, Oahu , a ua haalele kumu ole mai hoi o Kekoiula ia’u loa makahiki ekolu. A nolaila, ina ua hoi hou oia ma Honomaele, i Maui , nolaila, ke kauoha aku nei au ia la, e hoi mai, a e noho pu maua . A ina paha e ike kekahi Makai o ke Aupuni e noho ana ma Honomaele, aka io no o Kekoiula malaila kahi e noho ai, alaila, e hiki no ia Makai ke hopu a hoihoi mai, a loaa wau ma Waikahalulu, i Oahu , na’u no e uku i kona luhi. A loa aole kela e hoi mai me au, alaila, mai hoaie oukou o ka poe waiwai ia Kekoiula, o poho oukou, aole au e hookaa ana ia aie. Alaila, ma ia hope aku, e hoopii no au no Kekoiula, no kona haalele kumu ole, e like me ke Kanawai o Keia Aupuni.
Na’u na KEKUPUOLA
Waikahalulu, Honolulu , Aug. 22, 1862 39-2t*

 

AWA O HONOLULU.
No ka Moku ku mai.


                Aug. 13 — Warwick mai Honolulu mai, me 17 kukaa haki hipa  19 hipa, a me 19 ohua

                13—Go-ahead, mai Molokai mai me 3 1/2 paila wahie, me ke kulina a me na waiwai e ae.

                13—Kamoi mai Kahului a me Lahaina mai, me 2000 barela huita

                13—Kiakahi Luika, mai Kaupo mai, 50 ili pipi, 200 ili kao, 7 eke laiki, 6 pahu aila pipi, 17 ohua

                13—Maria, mai Kalihiwai mai, me 29 paila wahie, 1 lio a me 4 ohua, a holo mai i Lahaina mamua aku o ka hoolei ana o ka ukana.

                16—Kilauea, mai Kona mai, me 9 bipi, 3 lio, 21 puaa, 33 hipa, 2 eke pepeiao laau, 163 eke wita, 2 pahu hone, 2 opu ili, 26 eke laiki, 16 eke ko, 3 barela malakeke, 900 alani, 30 pelehu, a me na waiwai e                ae he nui wale.

                17—Maria, mai Lahaina mai

                17—Moikeiki, mai Kona mai, me 70 eke laiki a me ka huita

                17—Kuna Am. J.R. Fund, mai Port Townsend mai a me   Lahaina, me ka piha laau.

                20—Kalama mai Nawiliwili a me Koloa, me 18 paila wahie. 180 pahu malakeke, 7 barela aila bipi, 17 ili bipi. 1 eke pepeiao laau, 1 lio a me 17 Ohua.

                21—Ema Ruka, mai Hanalei mai, me 13 ohua

                21—Neke, mai Lahaina a me Hilo mai, me 250 pahu ko, 45 kukaa pulu, 12 eke pepeiao laau, 25 ili bipi, a             me 44 ohua.

                21—Kiakahi Luika, mai Kahoolawe mai, me 41 eke hulu hipa, a me 12 hipa.

                22—Kamehameha IV, mai Hanalei mai, 64 pahu a me 60 eke ko, 4 ili bipi, 1 pahu aila, 1 lio 9 paila wahie, a me 3 ohua

 

OLELO HOOLAHA.

 

                NO KA MEA,UA NOIIA MAI WAU , E Kauhi, a me Kauaupa, no ka hooiaio ana i ka palapala kauoha hope loa a Puiki no Hahanamaulu, Mokupuni o Kauai, i make aku nei : Nolaila, ua hoikeia i na kanaka a pau, ke pili, o ka Poakolu, oia ka la 17 o Sepatemaba, i ka hora 9 o kakahiaka, oia ka la a me ka hora i oleloia no ka hoolohe i ka oiaio o na palapala kauoha a me na mea hoole i hoikeia, aia ma ko’u Keena Hookolokolo, ma Malumalu, Kauai.
J.HARDY-Lunakanawai Kaapuni.
Nawiliwili, Kauai . Aug 18, 1862 . 39-3t

 

Olelo Hoolaha.

 

                Na Laka, na Ami, a me na Kui! PAHI OKI LAIKI! E HELE MAI NA MEA A PAU E MAKE make ana e kuai Na KUI, na LAKA, a me na AMI! no ko oukou mau hale, na Pahi oki Raiki no ko oukou loi raiki; Na mea Paahana Kamana, Na Palau , Na Oo, A me na Kopala e waele ai i ko oukou aina. AIA MA KA HALE KUAI MEA HAO! Ma ka Hale Uinihapa, ma Alanui Papu, mauka ae o Alanui Alii. Ma ia wahi no e loaa ai na mea a oukou i makemake ai, no ka uku emi loa. E nana i na hua palapala maluna loa ma ke alo o ka hale, penei: " 1.O.O.F." NUKE. Oia hoi o W.N. LADD.
Honolulu . Aug. 21, 1862 39-1m

 

HALE PAI KII

 

                O J.W. KINI. I NA MAKAMAKA A ME KA POE NO A pau o keia mau Mokupuni ka'u e kahea nei, ina e makemake ana e paiia ko lakou kii, e hele mai no ma ko'u HALE PAI KII, ma ka aoao hikina o ka hale kuai o Daimana ma, maluna ae o ka hale kuai Bipi o Wiliama Dufena, ma ka aoao makai o ke Alanui Alii e pili kokoke ana me ke Alanui Papu. Ua makaukau loa au e hooko koke aku i ka makemake o ka poe a pau ma ka Oihana Pai Kii, a ke hilinai nei no au ma ka'u mea i ikeia imua o ka lehulehu no ka Hana Pai Kii. Honolulu , Aug. 7, l862. 37-2m

 

OLELO HOOLAHA.

 

                E IKE AUANEI NA MEA HANAI HOLOHOLONA Lio, Bipi, Hoki, Kekake, Kao a me ka Puaa. E noho ana ma Maunoui, Haleili, Haukalau, Alae, Pahoehoe a me Kaohe. Owau o ka mea nona ka inoa malalo nei, ke hookapu aku nei au i kuu mau kuleana ekolu e waiho nei: Ma Maunoni, hookahi kuleana; ma Makuu, elua kuleana. Aole kekahi o kela mau holoholona i haiia maluna, e komo a hoino i na mea kanu. O ka mea kue i keia rula, e uku no i ka hapalua, no ke poo hookahi, e like me ke Kanawai
M. MOEMOE, 37-4t*

 

NOTICE.

 

                No ka Ahahui O NA Ekalesia maoli o Oahu . AUHEA OUKOU E NA KAHUNAPULE o na Ekalesia maoli ma Oahu nei ? E hoomanao kakou i ko kakou halawai hapa makahiki i ka malama o Sepatemaba. I ka hoopanee ana o keia Aha ma Kaumakapili, ua noi mai o Rev. B. W. Pareka, e halawai keia Aha MA KANEOHE, i ka la 2 o Sepatemaba. Nolaila, mai poina kekahi Ekalesia i keia halawai. E hele makaukau na Kahunapule, me na Luna elima, no kela a me keia Ekalesia. E hoomakala ka hana i ka Poalua, oia ka la 2 o Sepatemaba, i ka hora 10 o ke kakahiaka, iloko o ka Luakini, ma Kaneohe , Koolaupoko, me ka haiao. L. KAMIKA. 38-tf Luna Hoomalu ma Kaumakapili

 

MAKEMAKEIA!

 

                LOLI, PEPEIAO LAAU! A ME KA LALA MANO. PENEI KA UKU ANA:—No ka Pepeiao Laau, 6 keneta. " " Lala Mano, 15 keneta. " " Loli Kohola., 13 1/2 keneta. " " Loli Koko, (ke nui,) 4 keneta. " " Loli Kae, (ke nui.) 4 keneta. E hele mai ma ko maua hale kuai, ma ka aoao komohana o ka Hale Kuai o Daimana, ma Alanui Alii.
UTAI & AHEE.
Honolulu , AUG. 1, 1862 38-tf

 

Olelo Hoolaha.

 

                NO KA MEA, UA NOI IA MAI KA MEA Hanohano o G. M. Robertson, kekahi Lunakanawai o ka Aha Kiekie, e Kapulemanaole, e hookohu ia ia i Luna Hooponopono Waiwai no Kanekuapuu o Honolulu, Oahu, i make aku nei: Nolaila, ua hoikeia i na kanaka a pau loa, ke pili, o ka Poaono, ma ka la 23 o Augate, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia Palapala Kauoha, a me keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
JNO. E. BARNARD. Kakauolelo o ka Aha Kiekie.
Honolulu , Oahu , Aug. 12, 1862 . 36-2t

 

OLELO HOOLAHA.

 

                UA HOOPII MAI O KALILI w. KUE I kana kane o Kalanehale, no Maui , mamua, e hooki i ko laua mare ana, no ka haalele wale ana no na makahiki ekolu o Kalanehale i kana wahine. E hanaia keia hoopii imua o ka Mea Hanohano John Ii, kekahi Lunakanawai o ka Aha Kiekie, ma ka la 20 o Augate, i ka hora 9 o kakahiaka, aia ma ka Hale Hookolokolo ma Honolulu, Oahu.
JNO. E. BARNARD. Kakauolelo o ka Aha Kiekie.
Honolulu , Aug. 12, 1862 38-2t

 

OLELO HOOLAHA.

 

                UA HOOPII MAI O KAHALEIKEKAI w. kue i kana Kane o Pedro Ahchung, no Honolulu, Oahu, mamua, e hooki i ko laua mare ana, no ka haalele wale ana no na makahiki ekolu o Pedro Ahchung i kana wahine. E hanaia keia hoopii imua o ka Mea Hanohano John Ii, kekahi Lunakanawai o ka Aha Kiekie, ma ka la 20 o Augate, i ka hora 9 o kakahiaka, aia ma ka Hale Hookolokolo ma Honolulu, Oahu.

JNO. E. BARNARD. Kakauolelo o ka Aha Kiekie.
Honolulu , Aug. 12, 1862 38-2t

 

OLELO HOOLAHA.

 

                O NA KANAKA A PAU I AIE IA PALUPALU, o Puna , Hawaii e hookaa mai ia'u mamua o ka la mua o Sepatemaba, a ina ua aie o Palupalu i kekahi mea e hookomo mai i ka bila aie mamua o kela la no.

D. H. HITCHCOCK. Lunahooponopono Waiwai.
Hilo , Hawaii , Aug. 2, 1862 38-1m

 

KA MOKUAHI

 

' KILAUEA ,' E HOLO ANA NO O " KILAUEA ," MAI Honolulu aku, NO KONA! A me na wahi e waiho ana ma la holo ana.
E LIKE PENEI AUGATE,........................Poakahi,
23 SEPATEMABA,...............Poakahi l, 4, l3, 22
                E holo ana o Kilauea, no KONA, a me na wahi e waiho ana ma ia holo ana, i na Poakahi a pau o keia hapaha makahiki. E haalele ana ia Kealakekua i na Poakolu, ia Kawaihae i na Poaha, e ku ana ma Honolulu i ke kakahiaka Poaono.
JANION, GREEN & CO.

Luna H. S. N. Co. Honolulu, Iune, 1862 30-tf

 

MOKU HOLO MAU

 

                NO Nawiliwili, Koloa a me Waimea, KAUAI . E HOLO MAU ANA KA MOKU kialua maikai mama "KALAMA." no na awa i haiia maluna, a me na awa e pili ana ma ka aoao kona o Kauai , ma kela hope aku. He hiki i na kanaka hilinai ia ia .
F. MOKINA, Ka hope.
Honolulu . Aug. 7, l862 37-3m

 

MAKEMAKEIA.

 

                ILI BIPI, ILI KAO, a me ke KELEAWE kahiko. UA MAKEMAKEIA NA MEA I HAIIA maluna e C. Brewer & Co. (Burua ma,) ma ko laua Hale Kuai i kai o ka Uapo. E uku no laua i ke kumukuai makepono no ia mau mea. 33 3m. C. BREWER & Co.

 

NU HOU, NU HOU

 

                OWAU O A. CLEGHORN (AKE,) UA KOMO no au iloko o kekahi HALE KUAI HOU, ka Hale Kuai o Halewai mamua, mauka ae o ka Halemahoe, a kokoke hoi i ka Baneko o Bihopa ma. Eia no ke waiho nei na mea a pau a ka naau e anoi ai, kupono loa no na kane, na wahine a me na keiki. O keia mau lole he lole NU HOU WALE NO. A HE Makepono loa ke Kumukuai, E haele nui mai oukou e makaikai, no ka mea aole he uku ke nana wale aku i na mea nani ma keia Hale Kuai. E hele mai e nana no oukou iho, i pau ko oukou kanalua, aole no he Hale Kuai e ae ma Honolulu nei i hoolako ponoia i na Lole maikai loa a makepono loa hoi e like me ko'u A nolaila, o na kanaka a pau mai Hawaii a Niihau, aia a holo mai oukou i Honolulu nei, e naue mua mai a kuu HALE KUAI e nana a e kuai, aole e hele ma ko hai wahi mamua, o ka hele mai imua o'u. EIA KEKAHI: Auhea oukou e na holokahiki, ke waiho la kuu Hale Kuai ma kahi kokoke loa i ka uapo, a ua hiki ia'u ke hoolako ia oukou i na mea a pau e pono ai no ka uku emi loa. 37-3m

 

OLELO HOOLAHA.

 

                OWAU O J. N. KAAPA A ME K. WAIANAE, na Luna Hooponopono Waiwai O S. Laanui, i make aku nei, ma Kalihipali, Kau , Hawaii . Ke kahea aku nei maua i ka poe a pau i aie mai ia ia, e pono lakou ke hoike mai mamua o ka la 31 o Augate, a o ka poe hoi a S. Laanui i aie aku ai, e pono ke hoike mai i ko lakou kuleana maloko oia manawa no. E loaa maua ma Waiohinu ia oukou.
J.N. KAAPA. K. WAIANAE. Na Lunahooponopono Waiwai o S. Laanui.
Waiohinu, Kao , Hawaii , Iulai 29, 1862 37-1m

 

OLELO HOOLAHA.
$5O MAKANA.

                E UKU IA NO HE $50 I KA MEA A MAU mea paha, nana e hai mai i kekahi mea e hoomaopopo mai ai i ka poe nona na ilio i pepehi nui i na hipa o ka Ahahui Hanai Holoholona a me Ka Mahiai, a ina e ike ia kekahi mea e hele kuleana ole ana maluna o na aina e pili ana mai Pahinahina a Lamaloloa, Kohala Akau, a maluna paha o kekahi aina e ae o ua Ahahui nei, e hoopu ia no e like me ke Kanawai. E pepehiia no na ilio a pau i loaa maluna o ko makou aina hanai hipa; a o na holoholona, na lio, hipa, kao, e hanaia no e like me na holoholona hele hewa, a e hoopii ia no ka poe nona ua mau holoholona nei. O ka poe mea holoholona e holo nei maluna a ka aina o ka Ahahui, ua ae ia lakou e lawe aku i ko lakou mau holoholona a hiki i ka la 1 o Augate, 1861, a mahope oia manawa, e hanaia no e like me ua holoholona hele hewa. O ka palapala ae, e lawe aku i na holoholona, e palapala lima ia, a e kakau inoaia e ka Luna o ka Ahahui.
FRANCIS SPENCER. Luna o ko Waimea A. H. H. a me ka M.
Puuloa, Hawaii . Iulai 14, 1862. 35-3m

 

Ili Hoolaula.

 

                AIA MA KA HALE KUAI PAPA O Kamuela, e loaa ai na Ili Hooluu, o kela ano, o keia ano, he kumukuai oluolu no, e pono i na kanaka humu kamaa, a humu noho lio, e hele mai e kuai i ike i ka makepono.
KIMO PELEKANE.
Honolulu , Mei 15, 1862. 24-3m

 

KA LAKO HALE

 

                A ME NA Pahu Kupapau ! AUHEA OUKOU, E KA POE E MAKEMAKE ANA E kuai ma ke ano makepono wale ! Eia no ke waiho la ma kuu Hale Paahana, ma Alanui Papu. Na PAPA KAUKAU! NA LAKO HALE! NA PAHU KUPAPAU! PAHU KOA,.....$12 Ua loaa mai hoi na mea hoonani Pahu Kupapau he nui loa, a e kuaiia no ka uku makepono. A ua makaukau no hoi au e kuai aku i na mau mea hoolako hale, a ka poe e makemake ana e kuai me a'u no ke dala. Nolaila, ke makemake nei au e kuai aku i na lako hale o hai me ka uku aku i ke dala maoli, a ua lako hoi i na mea hoolako hale no ke kuai aku ia hai, no ke kumukuai emi loa.
HANALE ALENA. 37-6m Alanui Papu