Ka Nupepa Kuokoa, Volume I, Number 39, 23 August 1862 — He manao NOI AKU IA J. D. OPUNUI. [ARTICLE]

He manao NOI AKU IA J. D. OPUNUI.

Imua ou e ka makamaka ke aloha. a me ka oluolu o ka noho nna, oiai ua ike au i kau mau ninau i lele kamoko mai ai oe ia G. M. Koha, oiai na ua G. M. Koha nei i hai aku ai i na haina. He lana kuu manao, a me ka makemake nui, e wehe mai oe e J. D. Opunui i na ninau a G. M. Koha, i haawi aku ai ia oe, e hai mai i ka loaa o na ninau, i kauia ma ka Helu 32 oka Nupepa Kuo\oa, ma ka la 13 o lune, i kakauia ina Keawaula, penei: 1. "Owai ke'lii ma ka Baibala, i heluia kana mau hana ma ka pohaku lasemi ? Owai ke Kakauolelo nnna i kakau ? Owai na'lii nana i maiama kela pohaku ? Heaha ke kumu o ia kakau ana ma ia pohaku?" 2. " Ehia ka nui ona Alopeke ī hikiiia e Samesona? I ka makahikihea ka hikiiia ana ? 3. a Ehia ka nui o na eke ili o lerusalema Hou ?" 4. " O na olelo o ka honua, he 3,023, a na ka olelo hea la ka puka nna o keia mau hua, ka Liona.o ke Akua, ke unuhi ae ma kau olelo?" Nolaila, he lana nui kuu manao e noho nei, e wehe laula mai oe ma ke akea i kela mau ninau a G. M. Koha i kakau ai ia oe, e wehe ae a pau na hipuu eha, ana i hoouka iho ni i ko hokua, moe lapuu ai ko iwi kikala i ke amo i ke eke opihi o ka lae o Kaiena. Aka, i na aole e hemo kela mau ninau a G. M. Koha ia oe i ka weheia, alaila, e ko paha auanei kana i pane ai ia oe, 44 e oau ka huluhulu o ko auwae i ke kahiia i ka pahi umiumi, a e pii aku oe i ka pali o Kalalau." Aka, i na e pau na ninau a G. M. Koha i ka hemohemo ia oe ea, alaila, e hooknulana wau ia Kumukahi, i kahi i puka mai ai ka la. A i kali au, a me lakou nei, a me lakou la aku hoi, a i hoea ole mai kau haina e hemo ai oia mau ninau, alaila, ua ku oe ma ka puka o Homa, ma ke kulanakauhale o Roma, ma ka aina i Waikiki, ma ke awa i Laupahoehoe knlii o ko aina. Nolaila, makehewa ka wikiwiki ninau, ke ole e nui ka 1010, a me ka noonoo laula ana ma ke kahua oka Baibala, nloha oe. Ke hoi nei au i ka olu o ka Waipiula o Mnemae. G. W. Kaluahine. ll'aipiu/a, Alaemue, .lugute 11, 1862.