Ka Nupepa Kuokoa, Volume I, Number 42, 13 September 1862 — Page 3
Ka Nupepa Kuokoa.
[ No ke Kuokoa. ]
No Lemaine
KA MAKUAHINE O WAIULILI.
Ua hai aku au ia oukou mamua aku nei, e na hoa aloha o kuu aina hanau, no Waiulili ; he wahine Ilikini haipule, ua akamai ma ka heluhelu palapala ma ka olelo Hawa ii, a ma ka pule ana; aka, ua make ia i ka mai Hepela ma Irish Creek, mamua aku nei ; a ua hai aku no hoi au ia ia i kona makemake nui e kii aku i kona makuahine, a e ao aku ia ia ma na mea nui e pili ana i ka uhane ; aka, ua make e o Waiulili. A lohe kona makuahine o Lemaine kona inoa, ua make kana kaikamahine, nui loa kona uwe ana, a ua ikaika loa kona manao e ike ia Rebeka, ke keiki hope a Waiulili; nolaila, ua hoouna aku oia i ke kauoha ia A. E. Mahuka, ke kane a Waiulili, e olelo ana, " Ina aole e laweia mai ia Rebeka i ikemaka ia, e make no kona kupunawahine."
Ma ka la 10 o Iulai, ua haalele au i ko'u mau hoa aloha a pau e noho ana ma Irish Creek El Dorado Co., a ua holo pu mai au me Mahuka ma ka lio, a hiki keia ma County o Butte. Hookahi hanerimile a keu aku ka loihi o ka holo ana mai laila mai a hiki maanei. Ua halawai no au me na kanaka Hawaii, he umikumamalua paha, aole au i ike ia lakou mamua.
I kekahi la ae, ua pii koke mai au me Mahuka, a me kekahi mau kanaka Hawaii e ae, ua akamai ma ka olelo Ilikini, a ua lawe puia mai o Rebeka ma keia wahi mehameha, kahi e akoakoa ana na Ilikini i keia mau mahina, i ka hopu i na i-a Kamano. He kahawai nui keia ma ke kuahiwi, a maloko o ka muliwai, e holo nui ana no na Kamano, e pii ana i ke kuahiwi loa, a ma kekahi wailele, hoopaa na Ilikini i ka lakou mau upena.
Aia ua kokoke makou ma kahi o na Ilikiki kamaaina, noho iho la makou ilalo, a puka koke mai la o Lemaine, a me kekahi mau wahine e ae, he umi paha ko lakou nui, uwe lakou a pau me ka leo nui, no ka ike maka ana ia Rebeka. A pau ka uwe ana o ka lehulehu, hoomau no kela kupunawahine i ka uwe ana, a hala kekahi hora okoa. Mai kona lohe mua ana no ka make o Waiulili, ua nui loa kona uwe ana i ke ao a me ka po.
Ua moe makou a pau maanei i ka po nei, mawaho no, malalo o kekahi kumu laau Paina ko makou moe ana. Ma ko makou pule ohana, ua paipai iki no au i na kamaaina ma na mea e pili ana i ka Uhane ; a ua hai aku no au i ke akamai o Waiulili ma ka heluhelu palapala, a ma ka pule ana. A ua unuhi aku kekahi kanaka i kuu manao ia lakou.
I keia kakahiaka, ua haawi au ia Lemaine i kekahi mau makana aloha, me ka hai ana aku i kuu mahalo ia Waiulili; a i kuu hoopuka ana i kela inoa o kana kaikamahine, kahe koke no kona waimaka, a uwe hou no me ka leo nui, hookahi hapalua o ka hora kona uwe ana. Nani ke aloha o keia wahine pouli no kana kaikamahine make !
E na haipule, m ai Hawaii a Niihau, aole anei hu ko oukou aloha no Lemaine, a me kona lahui a pau.
He kanalima paha ka huina nui o na mea e noho ana maanei i keia wa; a ua mahuahua na keiki. Aole lakou i noho pu ma kahi hookahi; aka, he nui ka hele ana io ianei. A pau ka manawa kupono no ka lawaia ana, alaila, haalele lakou i keia wahi, a hele i ka ohi i ka hua o na laau Oka, (Oak.) Oia no ka lakou ai nui, ka lakou kalo no paha ia. Kui no lakou i na hua, a lilo ia he palaoa ; alaila, hui keia palaoa me ka wai wela, a lilo ia he poi. A ina ua lako lakou i kei poi, a me ke Kamano maloo, aole lakou makau i ka pololi.
Nui no na hua ma ka nahelehele ono ia lakou ; a akamai loa lakou ma ka pana ana i na manu, a me na holoholona hihiu. A o na uhini kekahi ai a lakou, a ua akamai loa no hoi ma ka hopu nui ana. Ai no lakou i kekahi mau mea lapuwale loa. O na koe kolo iloko o ka lepo kekahi mea ono ia lakou. A o kekahi mau ano mauu, ua ono loa ia lakou ke ai, a hele no lakou ma na kula, a ma na kihapai o na haole e ai ai i ka mauu, e like me na lio, a me na Bipi.
Ua huhu no kekahi mau haole i ka pau ana o ka mauu no na na lio i ka aiia e na Ilikini. O keia ohana, aole lakou i kanu i kekahi mea, i ko lakou noho ana maanei i keia wa, aole o lakou hale ; he wahi pa nahelehele mawaho mai, a ua hamama wale no maluna. A o ko lakou hale e noho ai i na mahina anu, ua uuku loa, a lapuwale maoli. Aole au i ike ma Hawaii, i na mea like me keia, aole hale maoli, he puoa wale no.
I ke kakahiaka o ka la 17, haalele makou i kahi e noho nei na Ilikini, a ua hoi hou mai ma French Town, kahi e noho nei kekahi mau kanaka Hawaii. Aka, aneane lilo o Rebeka i ka aihueia. Aua loa kona kupunawahine ia ia, me ke koi ikaika loa ana e waiho ia Rebeka me ia. A no ka ae ole o Mahuka, ua lawe o Lemaine ia Rebeka, me ka manao e holo loa aku a huna paha ia ia ma ka nahelehele ; aka, ua alualu aku au ia ia, a ua hoihoi mai oia i ke kaikamahine. Owau no me ka mahalo, KULIKA OPIO. Butte Co., Kaliponia Iulai 18, 1862.
E lilo kakou a pau i poe ake nui i na hana maikai a pau, i lilo ai kakou i poe ka maaina no na wahi maikai a pau.
No ka Raiki, a me ke Kope.
E ka Nupepa Kuokoa e ; Aloha oe:
Ua kanu iho au i ka'u mau loi Raiki ehiku ma Honokane, iloko o na malama i hala aku nei, aka, ua hookulanaia mai ko'u manao no ka mahi raiki ana. Ehiku loi raiki ua loaa 100 paona a oi ae : ekolu keneka wale no no ka paona me ka a-a, ua loaa mai $3. 00 wale no. A ia'u hoi e kanu ana i ke kalo mamua aku nei, ua loaa mai $8.00 no ka loi ke kuaiia, a pau na loi ehiku, ua loaa ia'u na dala $56.00; nolaila, e aho no ka ka raiki Hawaii.
Eia kekahi manao kulana o'u ; ina na ke kanaka maoli ka raiki, 3 keneka no ka paona me ka a-a, a ina hoi na ka haole ka raiki me ka a-a no, 7 keneka no ka paona, a he 12 1/2 keneta kekahi. A ma ia ewaewa ke kuipalu loa ana o ko'u manao, he waiwai hoohoihoi makuahunowai ka raiki.
Ina e pii ke kuai ana o ka raiki me kanaka maoli, ina ua pau loa ko'u mau loi ai he 30 a oi ae, aole, paa e ka loi ia Raiki, malalo loa no kahi loaa : o ke eke ka'u mea nui, iloko wale iho no o kahi hipuu na wahi dala.
No ke Kope. Aole no e loaa mai ana o laau kope ia raiki, hele a haneri paona o raiki, a pela no hoi o kope, kau ai ka nana o kope, o ka eke kau mea oloolo i ke dala, o ka nakeke no ia o ka eke la a mau aku. O ka'u laau waiwai hookahi no ia e mahalo nei. Elua a'u bipi e hele ana i kahi o Dr. J. Wight (Kauka Waika) e kuai ai. Hookahi bipi i kaumaha loa i ke kope, a hookahi no hoi bipi i ka raiki i hele no a like ke kaumaha ; aka, ma ka loaa mai o laua, ua $47.00 o ke kope, a $3.00 no ka raiki. Pehea keia ? Ua pokana heleuma loa no ka ke kope, i lu iho ka hana, nakanaka lua i ka lau laolao. Aole no hoi kau o ka pihi paikini o ka loaa o ka raiki a koe aku.
A ina e makemake aku makou e kuai aku i ka raiki me Wight, alaila, 1 1/2 keneta no ka paona. Ka ! kukauahi o ua kupihipihi malalo iho ka helei. Kokoke 1,800 a oi ae kumu kope ma ko'u kihapai e hua nei, aohe luhi, nana no ia e hua mai i kela makahiki keia makahiki.
Nolaila, ke kakali aku nei i ke oo mai o ka hua ana, o ka mea ulu hope ae. He ma'u ia wahi ukana, o ka lono ka paha o na kini o kaua. Aloha nui oe.
J. KAIPUHOLO.
Kohala Akau, Hawaii, Aug. 28, 1862.
He mea minamina nuiia.
E ka Nupepa Kuokoa e ; Aloha oe :
Ua hiki mua mai ka lohe io makou nei , no ka loohia ana o ka Haku o ko Hawai nei i kekahi mai ano kaumaha. Nolaila, kau nui ko makou manao i ke ku hou mai o ka moku, a i ka Poaono nei, hoea mai la o Ka Moi moku, aia hoi, ua hapaia kona hae, puiwa no makou a eehia no hoi i keia mea nui kaumaha o ke Aupuni Hawaii.
Eia ka hoi ua hele e aku ka milimili ka Lani Haku o Hawaii, ua kau koke makou i na hae iluna me ka hoohapaia, me ko makou mau waimaka, me ka ehaeha o ka naau. Ua lilo ka la 30 o Aug. ia makou o Koloa nei, me he la, o ka la ia i hele ai ka Lei Alii o ko kakou hopena, me ka u me ka minamina nui o kou poe makaainana no kou hele e ana aku nei e KALANI KAUIKEAOULI KALEIOPAPA.
Ua hala e aku nei ka oe e ka muo o na liko o na lau Kesela, o ka oi o na mauna, ke Alii Nui, ke Alii Kapu o makou nei, mai lalo, mai na kupuna mai, me na makaainana kanu a pau, mai Hawaii loa a Niihau.
Aloha nui no hoi ko kakou Moi, ua hala e aku kana hiapo, ka hooilina o kona Lei Alii, ka mea ana i haawi mai ai na kona lahui okoa. Nolaila hoi, i ko kakou kanikau pu ana me ia, e hoomanao pu kakou i ke Akua nui o ka lani, me ka hoohaahaa ia kakou imua o kona alo, ma ka nonoi ana, i na he mea pono i kona lokomaikai e haawi hou mai i panihakahaka no ko kakou Moi opio aloha i hala aku nei.
G. W. LILIKALANI.
Koloa, Sepatemaba 3, 1862.
Minamina Ino!
I nehinei, ua ike ae makou maloko o na nupepa, ua haule ae nei ka pua rose a keia Lahui i mohala a ohaoha iloko o kona wa kakahiaka. Ua kaomiia ko'u puawai e na pouna kaumaha o ke aloha, e lu helelei ana i na kiowai a ka waimaka e haloi nei. O ke keiki i haawiia na kakou e ka Lahui Hawaii, ua hoi, a ua hala i ka hooilina lilo loa mai ia kakou pakahi.
He nui ko makou minamina ia ia, a ua manao ae hoi, e loaa ana ka kakou hua hiapo ; aka, ua kikoo e mai la no ka mea Mana Loa, a ua lawe e aku la no kela ia ia, nana ia hiapo, a ua nele kakou la. E ka hanauna hou, e kanikau oukou i ko oukou hoa holoholo o ka wa opiopio; no ka mea, ua hala e kela, a ua koe iho oukou.
E ka lahuikanaka okoa, ua lilo ka kakou milimili, e kulou haahaa kakou a e noi aku i k a Mea Mana Loa, e haawi hou mai i pani hakahaka no ka kakou mea i lilo, e like me Seta, i panihakahaka no Abela. E pule hoi kakou i ke Akua, e hooluolu mai i ka manao kaumaha o ko kakou mau Moi. E ka Haku o Hawaii—e. Ua pouli Hulihee, ua hala e oe, Ke haohao nei ke ahemakani o Kona, Auwe ! ua hala oe, ua hele loa. Me ke aloha. G. W. P.
Sepatemaba 3, 1862.
NA KE AUPUNI.
BILA HAAWINA NO 1862 & 1863.
E HOOHOLOIA e ke Alii, me na'Lii, a me ka Poeikohoia o ko Hawaii Pae Aina i akoakoa iloko o ka Ahaolelo kau Kanawai. PAUKU 1. E hookaawaleia, a ma keia ua hookaawaleia na dala eha haneri kanaiwakumamaono tausani elua haneri kanawalukumamaono me 62-100 mailoko mai o na dala iloko o ka Waihona Aupuni, no na makahiki elua, e hoomaka ana ma ka la 1 o Aperila, 1862, a e pau ana i ka la 31 o Maraki, 1864, penei :
NO KA MOI
No k a Moi a me ka hanohano Moi................ $ 34,000.00
mea Kiekie ka Haku o Hawaii.............. 2,000.00
Mo i Wahine.............................. 4,000.00
$40,000.00
No ka mea Kiekie, ke alii L. Kamehameha, Kuhina Kalaiaina, a me ka Alihi Kaua........... $8,000.00
uku o ka Lunakanawai Kiekie o ke Aupuni. 10,000.00
$1 8,000.00
OIHANA KALAIAINA.
No ke Kaka uolelo mua........................... $4,000.00
" elua........................... 2,400.00
" ekolu, a hiki i ka la 31 o Iulai, 1862................................. 286.67
na m ea kiai a luwe palapala ................... 832.00
ke Ki aaina o Maui........................... 3,000.00
" Kauai........................... 2,000.00
" Hawaii ......................... 2,000.00
Kaka uolelo o ke Kiaaina o Oahu........... 500.00
" " Maui............ 600.00
" '' Kauai........... 500.00
" " Hawaii.......... 1,200.00
ka ana aina ana ............................. 800.00
Oihana Kinai Ahi o Honolulu.............. 3 ,800.00
Aie i ua oihana nei Maraki 31, 1862......... 1,000.00
L una Makai Kiekie ....................... 6,000.00
" " Nui o Maui, huiia me ka uku Kakauolelo; e hana no hoi oia i ka hana a ka Luna Leta, Luna Dute, a me ka Luna Awa ma Lahaina........................ 4,000.00
Luna Makai Nui o Ha waii, huiia me ka uku Kakauolelo ; e hana no hoi oia i ka hana a ka Luna Leta, Luna Dute, me ka Luna Awa ma Hilo........................... 3,000.00
Luna Mak ai Nui o Kauai.................. 1,600.00
Na ka Luna Makai Kiekie a me n a Makai Nui, ka uku mile no ka hele ana i ka lakou hana ma na hoopii Kiwila, e hookoia iloko o ka bila Koina o ka Aha Hookolokolo, a e ohiia mai ka mea nana ka hana e hele ai. ke ola o na Lawehala......................... 8,000.00
k a Luna o ka Halepaahao o Oahu.............. 3,000.00
na Makai o O ahu...................................... 12,000.00
" Maui...................................... 3,648.00
" Hawaii................................... 1,968.00
" Kauai.................................... 1,064.00
lako palapala o na Aha Hoomalu Apana.... 1,000.00
" " a me kela lilo keia lilo o ka Oihana..................................................... 2,000.00
ka Lun a Leta Nui..................................... 3,400.00
ke Kakauo lelo ka Luna Leta Nui............. 1,000.00
k a poe Lawe Leta ma Kauai.................... 300.00
" " Oahu,................... 416.00
" " Maui.................... 600.00
" " Hawaii,................. 1,500.00
ke kuai ana i palahehe O, a me ka uku o ka poe o lima, aia i ka manao o ka Papa Ola....... 1,000.00
na lilo o ka Papa Ola................ .............. 600.00
lilo o na Jure Kolonero.................... 500.00
ka uku m akahiki a me na lako o ka Hale oihana Aupuni................................. 2,400.00
pai an a o na buke kuhikuhi o ka Papa Hoona Kuleana Aina........................... 100.00
ke ko pe ana i ua Mooolelo o ka Aha Kuka Malu $50.00 Paipalapala o ke Aupuni, e like me ka mea i hoolimalimaia ; aka nae, e hoolaweia na dala $1,234.42—(ka aie i ka pepa i ke Aupuni) mailoko mai o keia puu dala........ 7,600.00
kokua ana i ka Mahi ai, ma ke kuai ana a me ka haawi ana aku i na hua kanu, a me ua mea uku makana, e hooliloia ma ka manao o ke Kuhina Kalaiaina............. 1,000.00
k a Luna Wai me ke Kakauolelo o ka Makeke. 2,400.00 uku o na Luna Alanui...................... 6,200.00
ke kuai ana i na lako alanui................... 2, 000.00
na Hale paahao ku i ka wa no na lawehala, oiai
lakou e hana ana ma na alanui............. 1,500.00
ka Hale paahao ma Nawiliwili,................ 400.00
Hale paahao ma Waimea, Hawaii.......... 200 .00
ke kapili hou ana i na Hale Aupuni.... ....... 4,000.00
ka han a hou ana o na uapo, a me ua mouo o ke Aupuni, a me ke awa o Honolulu, a me ka hoomaikai mau ana i na ohe wai a me na kio wai...................................... 4,000.00
Ka poe poino i ka hana ana i na alanui hou.... 1,000 .00
hoolako ana i mau hale haawi aku i na laau lapaau a me ka lap aau ana i ka poe ilihune mai e hooliloia malalo o ka manao o ka Papa Ola...................................... 113,144.67
ka Mokupuni o Hawaii,...................... 1,500.00
" Maui a me Molokai..... 1,200.00
" Oahu.......................... 2,500.00
" Kauai......................... 800.00
ke alanui ma Kawaihae kai, Hawaii........... 500.00
alanui pali o Nuu anu...................... 2,500.00
pai ana i ke Kanawai hou.................. 600.00
ka lilo o ka moku ahi Pele, e hoihoiia na loaa a pau loa o ka mokuahi Pele iloko o ka Oihana Kalaiaina................................ 12,000.00
ka uk u makana no ka hopu ana i na lawehala a a me ka poe mahuka................ 3,000.00
ka Hale Lanahu ma Waikahalulu. ........ 1,500.00
$139,244 .67
OIHANA NO KO NA AINA E.
No ke Kuhina.. ................................. $8,000.00.
Kakau olelo............................... 3,400.00
ka Luua o ka Moi ma Ladana................. 1,600.00
na lilo o na Luna o ka Moi ma na aina e....... 1,000.00
k a uku leta lako palapala me ka unuhiolelo ana. 1,000.00
puu dala i haawi mua ia e ka mea Hanohano R. C. Wyllie, no na lilo o ka elele o ka Moi o Sir. John Bowring a me ka uku panee, (aia no a ikeia ka nui o ia uku panee,) e hoomaopopo mai ka la o ka hoolilo ana ma Ladana. A e hoihoiia mai i ke Kuhina Waiwai na Bila Aie o ke Aupuni i haawiia no ua $5,000 i mea hoopaa no ia lilo ana...................... 6,000.00
$21,000 .00
OIHANA WAIWAI.
No ke Kuhina.................................. $8,000.00
ka Lun a kakau mooaie o ke Aupuni........... 3,600.00
Luna Dute Nui, me ka nana ole i ka Pauka 542 o ke Kanawai Kivila.................. 5,000.00
ke K akauolelo o ka Luna Pule Nui........... 3,000.00
ki ai awa a me ka mea ana o Honolulu .... 2,400.00
ka Lu na Halepaahao Honolulu................ 2,000.00
L una Dute a me ka Luna awa Kawaihae,.... 400.00
L una Dute a me ka Luna awa Kealakekua.. 200.00
k a kokua kiai ma Honolulu, a me na wahi e ae, hooliloia mamuli o ka manao o ka Luna Dute Nui me ka hoaponoia e ke Kuhina Waiwai. 1,500.00
na lako palapala, kela lilo keia lilo o na Hale Dute...................................... 1,000.00
a uku o na Luna Helu, aole nae e oi aku ko lakou uku mamua o na hapahaneri eha o na auhau e ohiia mamuli o na Buke Helu. O ka lilo nae no ka helu ana i na auhau kula, na ia auhau no e uku, aole na ka Waihona..... 7,000.00
ka uku o na Luna Auhau, aole nae e oi aku ko lakou uku mamua o na hapahaneri elima... 6,500.00
kela lilo keia lilo o ka Oihana................. 800.00
ka uku hoop anee o na palapala aie o ka Moi Wahine kane make........................... 4,080.00
ka uku hoolimalima o ka uapo................ 2,000.00
ke kokua i ka H ale Mai o ka Moi Wahine...... 6,000.00
ka puu dala Hale Mai, na loaa i manaoia...... 2,400.00
puu dala Wai, e ukuia noloko mai o na loaa 9,800.00
na kukui ma Lah aina........................ 500.00
pa lapala dala ............................. 1,696.00
ka uku hoopa nee ma ka aie o ke Aupuni....... 38,279.00
$106,1 55.00
NO KA OI HANA KAUA.
No ke ola o ua koa, huiia me $1,200 no na koa pualu...................................... $40,000.00
OIHANA AOPALAPALA.
No ka P eresidena................................ $7,000.00
ke Kakau olelo.................................. 3,000.00
na lako palapala, me kela lilo keia lilo.......... 500.00
ka Pahu Hao................................ 300 .00
ke K ulanui ma Lahainaluna, e hooliloia ma ka manao o ka Papa Hoonaauao............... 6,800.00
ke kapili hou ana i na Hale ma Lahainaluna.... 927.19
kukulu hou ana i ka Hale Kulanui ma Lahainaluna.............................................. 6,200.00
ke Kula hanai kaikamahine Hawaii, kula ma Waikiki, Oahu....................................... 600.00
" " " Koloa, Kauai........................ 700.00
" " " Maui............................ 600.00
" " " Kau, Hawaii....................... 600.00
ke Kula Hanai ma Hilo, ke lilo ia malalo o ka Papa Hoonaauao, a pela e hooliloia i kula ao kumu............................................. 1,800.00
35,627.19
OIHANA KANAWAI.
No ke kokua Lunakanawai akahi, o ka Aha Kikie $8,000.00
" " alua, " " 8,000.00
ka Loio Aupuni................... 5,000.00
Lunakanawai Kaapuni hookahi ma Oahu.... 1,200.00
na Lunakanawai Kaapuni o Hawaii, ina elua, he $900 pakahi; ina ekolu $600 pakahi..... 3,600.00
ka Lunakanawai Kaapuni o Maui....... 2,400.00
" " " Kauai.......... 2,000.00
ka Lunakanawai Hoomalu o Honolulu....... 4,000.00
" " " Lahaina............ 2,000.00
" " " Hilo................... 1,600.00
ke Kakauolelo Aha Kaapuni Apana elua...... 400.00
Kakauolelo mua Aha Kaapuni Apana elua. 300.00
Kakauolelo elua, Aha Kaapuni Apana ekolu 300.00
Kakauolelo Aha Kaapuni Apana eha..... 300.00
Kakauolelo Aha Kiekie, a me ke Kakauolelo o ka Aha Kaapuni Apana akahi.................... 4,000.00
ke kokua Kakauolelo o ka Aha Kiekie...... 2,400.00
ka Unuhiolelo o ka Aha Kiekie, a me ka Aha Hoomalu, Honolulu................. 2,000.00
na lilo o ka Aha Kiekie, a me na lilo no na hoike ma na hoopii Karaima, ina ua manaoia he pono, a na ke Kakauolelo o ua Aha nei e kikoo aku, a huipu me keia ka aie ia H. Stangenwald M. D.......................... 3,000.00
na lilo o ka Aha Kaapuni Apana elua...... 1,500.00
" " " " ekolu...................... 1,200.00
" " " " eha........400.00
na lako pulapula o ka Aha Kiekie, a me ka Aha Kaapuni $100; a no ka hoolaha ana o na olelo hooholo o ka Aha, a me ke kuai ana i na Buke Kanawai $500....................... 500.00
ka Lunakanawai Apana o Puna, Hawaii...... 500.00
" " " Kau, " ..... 500.00
" " " Kona Akau, " ..... 500.00
" " " " Hema, " ...... 500.00
" " " Kohala Akau, " ..... 500.00
" " " " Hema, " ..... 500.00
" " " Hamakua, " ..... 500.00
" " " Wailuku, Maui, ..... 500.00
" " " Hamakua, " ...... 500.00
" " " Hana, " ..... 500.00
" " " Kaupo, " ..... 500.00
" " " Molokai,..................... 500.00
" " " Lanai,........................ 300.00
" " Ewa, Waianae & Waialua, O., 800.00
" " Koolauloa & Koolaupoko, " 700.00
" " Hanalei, Anahola, Kauai. 700.00
" " " Lihue, Kauai..... 500.00
" " " Koloa, " ......... 500.00
" " " Waimea & Niihau...... 700.00
$64,400.00
Aka hoi, i ka pau ana o ka manawa i hookohuia'i na Lunakanawai Apana e noho nei, he hiki no e kohoia na Lunakanawai Apana hou, e noho ma ka uku koina, e like me ka olelo o ka Pauku 922 o ke Kanawai Kivila, ke loaa ua kanaka kupono no ia Oihana, ma ka manao o na Kiaaina, a me na Lunakanawai o ka Aha Kiekie.
KELA LILO KEIA LILO.
No ka uku no keia manawa no L. Andrews, e uku mahinaia ia ia.............. $2,000.00
uku no keia manawa no Ioane Ii, e like me $1,000 no ka makahiki, e uku mahinaia ia ia e hoomaka ana mai ka manawa aku o kona haalele ana i kana noho Lunakanawai ana ma ka Aha Kiekie.......... 2,000.00
ke Kakauolelo o ka Aha Kuka Malu $5.00 no ka la...................... 200.00
Kela lilo keia lilo a me na lako palapala o ka Aha Kuka Malu.................. 400.00
na lilo o ka Ahaolelo, ua komo ma keia ka puudala $6,000 i hookaawaleia ma ka Olelo Aelike................................. 12,000.00
Koena o na uku makahiki no 1861, i hookaa oleia i ka la 10 o Aperila, 1862.
No ka Mea Kiekie, ka Haku o Hawaii...........167.00
Lunakanawai Kaapuni o Hilo, Hawaii...... 66.69
" " " Kohala " ..... 267.18
" " " Kona, " ..... 1.00
" " Hoomalu o Hilo, " ..... 83.00
" " Apana o Hilo Ak., " ..... 308.34
" " " Puna, " ..... 25.00
" " " Kona H., " ..... 75.00
" " " " A., " ..... 90.00
" " " Hamakua, " ..... 75.00
" " " Kaupo, Maui ..... 75.00
" " " Lanai ..... 83.31
" " " Kohala H. H...... 87.50
" " " " A. " ..... 75.00
" " " Ewa, Oahu ..... 12.00
ke Kakauolelo o ke Aha Kaapuni Apana ekolu. 95.50
" " " " " eha... 2.50
ka Peresidena o ka Papa Hoonaauao ........ 59.50
Kakauoello o ke Kiaaina wahine o Hawaii... 100.00
Oihana no ko na aina e........... 256.59
Ka uku hoolimalima o ka Pa o Pelly....... 2,270.20
ka waiwai o J. Dunn.............$408.61
" J. Bradney............. 391.86
" Takaihaili.............. 28.21 828.68
J. S. Green, i ka manao o ke Kuhina Kalaiaina. 95.93
ke koina o Keohokalole............. 339.80
ka uku hoopanee, no na Bila aie e hoopukaia'na e kokua'i i ka hoonohonoho ana i na haumana ekolu ma ke Kulanui o ka Punahou, Oahu... 360.00
ke kuai ana i ke kahua Halehookolokolo ma Hilo, oia ka pa aina i hoolimalima muaia ia F. W. Wood, huipuia me ka uku hoolimalima no na makahiki i hala'e nei, aia i ka manao o ke Kuhina Kalaiaina........ 800.00
ka hoolaha koke ana i ka Buke wehewehe olelo i hoomakaukauia e ka mea Mahaloia o L. Andrews, aka hoi, e hooliloia keia mamuli o manao o Papa Hoonaauao....... 1,500.00
ke Kakauolelo o ka Moi, koena o ka M. H. 1860. 117.42
na lilo mamuli o ke Kanawai e hoemi ana i na mai a me na mea ino, a hiki ka la 30 o Iulai. 570.00
ka Hope Luna Eute, a hiki i ka wa o kona haalele ana, ka la 30 o Iune......... 625.00
na Ohe Wai............................. 60.00
E ukuia keia mau mau paahana o ke Aupuni i oleloia malalo ae nei, e like me ka uku i hoomaopopoia, a e like hoi me ka loihi o ka manawa a lakou i noho ai ma na Oihana o ke Aupuni, mahope mai o ka la 31 o Mar., 1862, a hiki i ka manawa i hooholoia keia Kanawai, a ia manawa e pau ai ko lakou uku....
ke Kakauolelo o ka Makeke, no na mahina 5... 416.66
ka Luna o na Hana Hou, no na mahina 4.... 883.34
Luna Dute o Koloa, no na mahina 5....... 125.00
" " Lahaina, " 5........ 833.33
ka Lunakanawai Kaapuni hookahi Oahu, no na mahina 5.............................. 333.33
ka Lunakanawai Kaapuni hookahi o Hawaii, no mahina 5................................. 333.33
ka Lunakanawai Apana hookahi Oahu, no na mahina 5..................................... 125.00
ka Luna Kanawai Apana o Hanalei, Kauai, no na mahina 5.......................... 104.17
ka LUnakanawai Apana Niihau............ 63.50
ka Loio Apana Oahu.......................... 833.33
" " Maui............. 187.50
" " Hawaii........... 500.00
" " Kauai, a hiki i ka la 30 o Mei,
1862............................. 100.00
31,859.76
HOULUULU.
No ka Moi................................. $40,000.00
Mea Kiekie L. Kamehameha, a me ka Lunakanawai Kiekie o ke Aupuni............ 18,000.00
Oihana Kalaiaina............ 139,244.67
" " ko na aina e................. 21,000.00
" " Waiwai................. 106,155.00
" " Kaua...............40,000.00
" " Aopalapala.............. 35,627.19
" " Kanawai........................ 64,400.00
kela lilo keia lilo..................... 31,859.76
Huina.................................. $496,286.62
PAUKU 2. E kau no ke Kuhina Waiwai, ma ka aoao o na loaa o ka Bila Haawina o 1860, a me 1861, i na koena a pau i haawiia ma ke Kanawai, i aponoia, Augate 25, 1860, aole nae i ukuia a hiki i ka la 31 o Maraki, 1862, aole koi i hoakakaia ma kahi e, a oia mau puu dala a pau, e manaoia aole e ukuia no na kumu i haawiia i kinohou.
PAUKU 3. E hoomau aku ke Kuhina Waiwai i ka uku ana o na uku makahiki i oleloia ma keia Kanawai, ka uku o na Koa, a me na Makai, na lilo o na Oihana Kinai Ahi, ka Aha Kiekie, a me na Aha Kaapuni, na Bila aie o ke Aupuni, a me ka uku hoopanee pu, a me ka uku hoopanee ma ke dala kumupaa no na Kula e waiho ana iloko o ka Waihona, a hiki i ka la 30 o Iune, 1864, ke hooholo ole ia he Bila Haawina hou mamua ae oia la.
PAUKU 4. Aole loa e ku i ke Kanawai ke uku aku ke Kuhina Waiwai, aole hoi e ae e ukuia'ku, i kekahi dala mailoko ae o ka Waihona, no na kumu e, no na kumu wale no i hoakakaia ma keia Kanawai; aka hoi, o na dala a pau i waihoia mai iloko o ka Waihona no ka manawa pokole, a ua haawiia aku no ia he palapala hoike aie, a me ka uku hoopanee ma ia da la, e uku ia no i ka manawa i oleloia me ka haawina ole. Aka, ina e puka mai ka mai luku, a o ke kaua, a o ke kauaia mai, a o ke kipi, a no ka manao pilikia koke no ia mau mea; alaila, e hiki no i ka Moi, a me ka Aha Kukamalu, ke haawi i dala kupono no keia pilikia, a e hoike ke Kuhina Kalaiaina i ka Ahaolelo e hiki mai ana, no na dala a pau i ukuia mamamuli o keia olelo.
PAUKU 5. Ua ku no i ke Kanawai, i na i pau e kekahi haawina okoa iloko o kekahi Oihana, e hoolawa ke poo o ka Oihana ia ia, noloko ae o ke koena o kekahi haawina okoa e ae ; iloko o ua Oihana nei, ina he koena, na ke poo o kela Oihana keia Oihana e hoike i ka Ahaolelo mahope iho i ke dala i hooliloia pela ; aka hoi, aole i aeia ma keia e hoolilo aku i na haawina no na Hana Hou ma kekahi Apana Kiaaina mawaho ae o ia Apana.
PAUKU 6. He hiki ole i kekahi mea ia ia na Oihana Aupuni elua, i hookaawaleia ka uku makahiki no ia mau Oihana ke oh i i ka uku i oi aku mamua o ka uku o ka mea kiekie o laua, ke oi aku ka uku o kekahi o ia mau Oihana, mamua o elua tausani no ka makahiki, a, aole no e ukuia oia i kekahi uku e ae, a uku i oi aku paha.
PAUK U 7. E lilo keia i Kanawai mai kona la aku i hooholoia'i.
Aponoia i ke ia la 23 o Augate, M. H. 1862.
KAAHUMANU. K AMEHAMEHA.
AWA O HONOLULU.
No k a Moku ku mai.
Sept. 5—Ema Ruka, mai Ulupalakua me Lahaina mai, me 50 barela malakeke, 4 puaa, a me na waiwai e ae, a me 61 ohua.
5—Hana, mai Hilo mai, me 63 barela malakeke, 33 eke pepeiao laau, 4 eke pulu, 41 ili bipi, 57 ili kao, 4 pahu puaa, 6 pahu bipi, 12 pahu uala, 3 eke pia, 3 ww, 10 puaa, a me 40 ohua.
6—Kilauea, mai Kona mai, me 30 eke kope, 3 eke pepeiao laau, 8 kukaa hulu hipa, 112 eke uala, 20 ili bipi, 1 pahu aila bipi, 1 pahu keleawe, 11 ope bipi, 9 bipi, 3 lio, 10 hipa, 20 puka, a me na waiwai e ae.
6—Moiwahine, mai Koloa a me Nawiliwili mai, me 50 eke laiki, 18 kukaa paka, 2 lio, 8 puaa, 14 paila wahie, a me 28 ohua.
6—Wa rwick, mai Molokai mai, me ke kulina, a me 20 ohua.
6—Kiakahi Kinau, mai Koolau mai, me 13,000 paona laiki, mai ko Apakana wahi mai.
7—Manuokawai, mai Hana mai, me 33 hipa, 3 lio, 53 ili kao, a me 16 ohua.
7—Kalama, mai Nawiliwili a me Koloa mai, me 20 paila wahie, 2 pahu waiubata, a me 3 mau papa kua.
8—Kiapa Am. Speedwell, he 16 mai Kapalakiko mai
8—Moku okohola Farani Latoua du Pin, he 25 la mai Kodiaka, me 200 barela aila. I ku mai nei i anei no ka mai o ke Kapena.
8—Ma ria, mai Hanalei mai, me 50 barela malakeke, 70 pahu ko, a me 16 paila wahie.
8—Kamehameha IV., mai Moloaa mai, me 12 paila wahie, a me 2 ohua.
9—Moku kalepa Beritania Lady Young, he 34 la mai Keomolewa mai, a holo hou aku i Nu Kilani me ka piha papa.
10—Kiapa Iukerman, he 48 la mai Keomolewa mai, me ka piha papa no Kina.
10—Neke, mai Hilo mai, me 29 kukaa pulu, 2 barela aila bipi, me ka ili bipi a me ka ili kao.
11—Kamoi, mai Kahului mai, me ka huita palaoa, laiki, a me ka ili bipi.
HANAU.
Au g. 22, ma Kaowaopa, Honolulu, hanau o Pulenui (w,) na Nakekaha me Kalehulehu.
Au g. 9, ma Honomu, Hilo, Hawaii, hanau o Kaanaana (k,) na Kaaipia me Kalae.
Au g. 30, ma Kuhua, Hilo, Hawaii, hanau o Makainui (k,) na Kaluaokahaku me Inoaole.
Au g. 21, ma Kahului, Kona A., Hawaii, hanau o Naluana w, na Kekipi me Nakoolani.
MAKE.
Au g. 26, ma Kahua, Hilo, Hawaii, make o Eleakala (k.)
Au g 15, ma Kahului, Kona, Hawaii, make o Kahookano w.
Sept. 3, ma Kaakopua, Honolulu, make o H. Ekau (w.)
Au g. 22, ma Waiu, Kaupo, Maui, make o Kuuku (w.)
Au g. 12, ma Kou, Kaupo, Maui, make o Kapewa (k.)
Au g. 25, ma ia wahi no, make he keiki mahoe (w.)
OLELO HOOLAHA.
AOLE WAU E UKU I NA AIE I KIKOO ia ma ko'u inoa, me ka'u Palapala Kauoha ole.
J. SMITHIES. (Kamila.)
Honolulu, Sepat. 4, 1862. 42-3t
OLELO HOOLAHA.
E IKE AUANEI NA MEA A PAU. o maua o na mea nona na inoa malalo iho; ke hookapu aku nei maua i ko maua aina, O KAPOHO, Puna, Hawaii. Aole e hele wale na holoholona o kela ano keia ano, a me na kanaka a pau o kela ano keia ano, aole e kii wale i na mea a pau o ko maua aina; o ka mea kue i keia, e uku oia hookahi dala ($1.00,) koe nae ka poe i ae ia e maua. Mai keia la aku, e lilo i Kanawai paa. No ka oiaio o keia, ke kau nei ko maua mau inoa.
L. KAINA, J. H. HELELUHE.
Kapoho, Puna, Hawaii, Sept. 1, 1862. 42-3t*
OLELO HOOLAHA.
UA MAKA UKAU KA MEA NONA KA inoa malalo, e kaha i na Hua Keleawe, I mea hoailona no na lole aahu : e kahaia ka inoa o ka poe e makemake ana, me ka uku haahaa loa. He mea maikai keia no ka hoailona ana i na palule, wawae, a me na lole komo no a pau. E hele ia W. P. R. Bila.
THOS. G. THRUM. Mea Kaha Hua.
Honolulu, Oahu, Sept. 12, 1862. 42-3t
HALE KUAI BIPI!
KE HOOLAHAIA'KU NEI I NA kanaka a pau, ua hoi hou ae nei na mea nona na inoa malalo, i ka Oihana Kuai Bipi, a ke makemake nei laua e kuai aku i ka. Bipi Momona Loa, i na mea a pau e lokomaikai ana, a hele mai i ko laua hale e kuai ai. Ua lako mau maua i ka Bipi, Puaa, Hipa, Naaukake, a me na mea e ae no he nui wale. E hele kino mai no e na makamaka i ikemaka'i no oukou i ka Momona maoli o ka maua bipi. Aia ko maua Hale Kuai Bipi makai iho o ka hale puhi palaoa o R. Love, ma Kolopo mauka iho, ma ka aoao komohana o ke Alanui Nuuanu,
AILUENE & UWILA.
Honolulu, Sept. 12, 1862. 42-4t
Olelo Hoolaha.
OWAU O KA M EA NONA KA INOA MAlalo iho, ke hookapu aku nei au i ko'u kihapai mahiai. Ma Papa 1, a me Papa 2, aina kuai o Kaliuna a me E. M. Holi. O ka poe hele e ohi i kuu pepeiao, kukui, a me ke la ano laau keia ano, i ulu ia e ka pepeiao, ua kapu loa, o ka mea kue ina olelo hookapu, e hopu no au e like me ke Kanawai o ka Aina. E na mea a pau, mai Alika a Hoopuloa, mai hele oukou, ua kapu loa. No ka oiaio o nei olelo maluna, ke kau nei au i ko'u inoa.
S. M. HIAPO.
Kona, Hawaii, Aug. 30, 1862. 42-1t*
OLELO HOOLAHA.
E IKE AUANEI NA KANAKA A PAU MA keia Olelo Hoolaha. Ua haalele mai ka'u wahine mare ia'u, oia hoi O Haneaka. Nolaila, aole au e hookaa ana i kona mau AIE a pau ma keia hope aku. Ina oukou e hooaie ia ia, maluna no ia poho o oukou.
JOHN SALLETT.
Haiku, Aug. 17, 1862. 42-1m*
OLELO HOOLAHA.
E IKE AUANEI NA MEA A PAU, OWAU o ka mea nona ka inoa malalo iho nei. Ke papa aku nei au ia oukou, no ka'u wahine mare, O Kaka, e noho ana ma Ninole, Kau, Hawaii. Ua haalele mai oia ia'u, a me ko maua wahi moe, me ke kumu ole o kona haalele ana ia'u, nolaila ko'u papa aku ia oukou e ka poe waiwai manawahi a pau o keia aupuni. No ka mea, aole no au e hookaa ana i kona mau aie a pau, o ka manawa mamua ae o ko maua noho pu ana, a me na aie a pau o kona haalele ana mai ia'u, oiai he kumu pono ole kona haalele ana. Ina e hoaie mai oukou ia ia, maluna o oukou ko oukou poho, me kuu papa maoli aku ia oukou. Ua pau me ka mahalo.
JOHN P. KALAMAU.
Makaka, Kau, Hawaii, Sepat. 8, 1862. 42-2t*
OLEL O HOOLAHA.
NO KA MEA, UA NOIIA MAI WAU E Ehu, no ka hookohu i Luna Hooponopono Waiwai No Kaiapapa, no Kohala, Hawaii, i make aku nei. Nolaila, ua hoikeia i na kanaka a pau loa, ke pili, o ka Poalima, oia ka la 23 o Sepat., i ka hora 10 o kakahiaka, oia ka la a me hora i olelo ia, no ka hoolohe i ka oiaio a me na mea hoole i hoikeia, aia ma ko'u Hale, ma Halawa.
J. WIGHT. Lunakanawai Kaapuni.
Kohala, Hawaii, Aug. 26, 1862. 42-2t*
LOLE NU HOU!
E LOAA I NA KANAKA A PAU, MA KA Hale Kuai, O Hart & Co., mauka iho o ka Hale Makeke, ma ke Alanui Aliiwahine, ma ka aoao hikina o ka Hale Kuai o John T. Halewai, malaila e loaa ai na lole komo maikai ume naau, o na ano no a pau. E hele mai e na makamaka a pau mai Hawaii a Niihau, i pau io ai ko oukou kuhihewa.
HART & CO.
Honolulu, Sept. 12, 1862. 42-4t
KA MOKUAHI
' KILAUEA ,'
E HOLO ANA NO O " KILAUEA." MAI Honolulu aku,
NO KONA!
A me na wahi e waiho ana ma ia holo ana.
E LIKE PENEI:
S EPATEMABA,....................Poakahi, 8, 15, 22.
E h olo ana o Kilauea, no KONA, a me na wahi e waiho ana ma ia holo ana, i na Poakahi a pau o keia hapaha makahiki. E haalele ana ia Kealakekua i na Poakolu, ia Kawaihae i na Poaha, e ku ana ma Honolulu i ke kakahiaka Poaono.
JANION, GREEN & CO. Luna H. S. N. Co.
H onolulu, Iune, 1862. 30-tf
Olelo Hoolaha.
KA POE KANAKA MAOLI NO KA AHA Hookolokolo Kaapuni, ma ka Aha Kiekie, ma Honolulu, Oahu, e hoomaka ana i ka Poakahi, oia ka la 6 o Okatoba, 1862. Kaihumua, Kalanikahua, W. Ka, Kanamu, Hama Naone, D. Lima, Palekiko, Kaiaama, Keolaloa, S. W. Kalama, Kalawaia, Keliikanakaole Keonekapu, Kahoohuli, Kapahukepau Napunako, Kaaihelemoku, Maii, Waihinano, Komoikeehuehu, Kamakau, Pikapika, Kapilikea, K. Maakuia
JNO E. BARNARD. Kakauolelo o ka Aha Kiekie
Honolulu, Sepat. 9, 1862. 42-2t
OLELO HOOLAHA.
NO KA MEA, UA NOI PONOIA MAI KA Mea Hanohano o G. M. Robertson, kekahi Lunawai o ka Aha Kiekie, e Panaiki, e hookohu ia ia i Luna Hooponopono Waiwai no Kanaue, ma Honolulu, Oahu, i make aku nei : Nolaila, ua hoike ia i na kanaka a pau loa, ke pili, o ka Poaono, oia ka la 20 o Sepat., i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia Palapala Kauoha, a me keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
JN O. E. BARNARD. Kakauolelo o ka Aha Kiekie.
Ho nolulu, Sepat. 8, 1862. 42-2t
OLELO HOOLA HA.
UA HOOPII MAI O KAWAINUI k. KUE I kana wahine o Kaiaka, no Kohala, Hawaii, mamua, e hooki i ko laua mare ana, no ka haalele wale ana no na makahiki ekolu o Kaiaka, i kana wahine. E hanaia keia hoopii imua o ka Mea Hanohano, John Ii, ka Lunakanawai o ka Aha Kiekie, ma ka la 16 o Sepat., i ka hora 9 o ke kakahiaka, aia ma ka Hale Hookolokolo, ma Honolulu, Oahu.
JN O. E. BARNARD. Kakauolelo o ka Aha Kiekie.
Ho nolulu, Sepat. 6, 1862. 42-2t
OLELO HOOLAHA.
UA HOOPII MAI O KINIKANAWAI w. kue i kana kane o Hoopai, no Waikapu, Maui, mamua, e hooki i ko laua mare ana, no ka haalele wale ana no na makahiki ekolu o Hoopai i kana wahine. E hanaia keia hoopii imua o ka Mea Hanohano, G. M. Robertson, kekahi Lunakanawai o ka Aha Kiekie, ma ka la 21 o Sepat., i ka hora 10 o kakahiaka, aia ma ka Hale Hookolokolo, ma Honolulu, Oahu.
JNO. E. BARNARD. Kakauolelo o ka Aha Kiekie.
Honolulu, Sepat. 6, 1862 42-2t
Hookahi Hane ri.
KE MAKEMAKE NEI AU I HOOkahi haneri mea hana, e hele mai maanei e Oki Mauu, ma kuu aina ma Pawaa. He hana oluolu keia a kupono i na wahine, me na luahine a me na elemakule. E hele mai oukou Mai Maunalua a Ewa. A eia no maanei kahi o oukou e moe ai.
L. MAKALE.
Waikiki, Pawaa, Sept. 1, 1862. 41-4t
Olelo Hoolaha.
KEMAKEMAKE NEI AU , KA mea nona ka inoa malalo, e kuai i na bipi kane hoounauna, ina ua lawe ia mai ma ko'u hale, ma Hilo. Penei ka'u kuai ana, ina he bipi nui loa, laka, a ua maa i ka hoounauna ia, haawi no au he $17. Ina he emi mai ka kino o ka bipi, e haawi no au mai ka $10 a i ka $15, e like no me ka nui a me ka maikai o ka bipi.
Na'u na D. H. HITCHCOCK.
Hilo, Hawaii, Aug. 30, 1862. 41-3m
HANA ! HANA!!
U A MAKAUKAU AU E Kepa I NA KANU KO, ma Hilo nei. Ina ua makemake kekahi kanaka e loaa i hana nona iho, ma na aina o Kaupakuea, Onomea, Kaiwiki, Paukaa, a me Amauulu paha, e hele mai ia'u, a na'u no e hoomaopopo ia oukou ka uku, a me na mea a pau e pili ana.
Na'u na D. H. HITCHCOCK.
H ilo, Hawaii, Aug. 20, 1862. 41-3m
NO HON G KONG!
K A MOKU KIAPA
"Sp eedwell,"
H ENRY J. H. HOLDSWORTH......................Kapena.
U a kokoke mai ka manawa e ku mai ai ia moku, alaila, e holo ana oia i Hong Kong. Ma ka la 1 o Okakoba ka manawa e holo ai. Eia na ukana e hooili ia ia no ka ukana. Pepeiao Laau, Loli, a me ka Lala Mano. a me ka eemoku, e ninau ia
HOFFSCHLAEGER & STAPENHORST.
A ia H. J. H. HOLDSWORTH.
Honolulu, Aug. 21, 1862. 39-6t
MOKU HOLO MAU
NO
Nawiliwili, Koloa a me Waimea, KAUAI.
E HOLO MAU ANA KA MOKU kialua maikai mama "KALAMA," no na awa i haiia maluna, a me na awa e pili ana ma ka aoao kona o Kauai, ma keia hope aku. He hiki i na kanaka ke hilinai ia ia.
F. MOKINA, Ka hope.
Honolulu, Aug. 7, 1862. 37-3m
H ALE PAI KII.
KA HALE PAI KII O Chase, MA KE Keena Pai o ke Kuokoa, maluna ae, e pili la ma ka aoao hikina o ka HALE LETA. E paiia na KII o na ano a pau ma ke Aniani, Ili, Pepa, a me ka mea Laholio, &c., a e paiia no hoi na kii iloko o na komolima a me na pine umauma, a me na mea hoomanao e ae.
32-3m H. L. CHASE.
Olelo Hoolaha.
NO KA MEA, UA NOIIA MAI KA MEA Hanohano E. H. Allen, ka Lunakanawai nui o ka Aha Kiekie e Ioane Ii, no ka nana ana i kana palapala hoike ma ke ano kahu no Charles Kalu, a me ka hookohu aku ia ia ma ke ano kahu, a no ia hoonoho hou ana i kahu no Charles Kalu: Nolaila, ke hoike ia aku nei i na mea a pau, i pili o ka Poakolu, oia ka la 13 o Sepatemaba, 1862, ma ka hora 10 o ke kakahiaka, oia ka la a me ka manawa no ka hoolohe ana i ka mea i noiia mai, aia ma ka Hale Hookolokolo, ma Honolulu kahi e hana'i.
JNO. E. BARNARD. Kakauolelo o ka Aha Kiekie.
Honolulu, Sept. 3, 1862. 41-2t