Ka Nupepa Kuokoa, Volume I, Number 50, 8 November 1862 — He mele kahiko. [ARTICLE]

He mele kahiko.

E ka Nupepa Kuokoa e; Aloha oe: Ua kilohi iho nei au maloko ou, a me ka Hoku Pakipika; ua ike au i na mele, na kanikau o na ano a pau. Aole nae au i ike, ua kakauia keia mele e ka poe puni kakau mele. Nolaila, ke nonoi aku nei au ia oe e ka Nupepa Kuokoa, e hookomo iho oe i keia wahi mele ma kou wahi lumi kaawale. E ke kama, kama—e, Auaia e kona moku, E ke kama kama, Kama i ka huli nu, E ke kama kama kama, Kama i ka huli au, Hulihia ke au, Ka papa honua a ka moku, Hulihia papioia ilalo ke alo, E ui—e, a ui ia, Hulihia i Manuakele, I ka umu kaokoa a Ku, I ka maka o Ku, Kaaha mikii lohelohe, Ka aha nana i hiku, O hulahula Meu, Ua kalakala ia, Ua wekewekea. Ua hemo aku la ka piko o kaaina, Ua kala kaalihi pohakuku, Me ka upena a Ku, O ihu aniani, Me kauluna o Nioalani, O Keawe, o ka manu, Ai kualaahia, Keiki ehu kamaehu, A Kanaloa, Ua mokuhia kamakama, A Kalino a ka moku, Ua kalalia i ka ua lena a Lono, Na Lono na ka mano nui, lluki ai moku, O Kalani o Kauila, E a i Kahiki, He ulunaio makawalu, He ohia ako, He hakoko i ka ua na ke'lii, O Namakaeha e ku i ke kaua, Nana i hoopehee ka honua, O ka moku, I haalaia i ke kiu e Loka, Ka pua ka welohi a Kanaloa, I ka puulele i ka hana oi a Hina, E Hina, e une a hano, e una, Unaia i mama, I mama, mama, I mamaia me he pule la. Hooe io io Nana, O nana ka hakui, Io io Nana, O nana ke au haku, O kuu Haku ka'u aloha e uwe nei, Uwe au—e, uwe au, Uwe au ia oe e Lumialani, O ka Lumialani o ka haku, E kaa i ka honua, O ke kaa i maukuku, i ka maka o Lono, O ke kauwahi aloha, O Halakaina, O Halakinau oe, O Keala, o Kolole, No Kololehiwa ia ala, Nona no ka Lukapewa, Enaena Puna koele wahine i ka la, Pua lohelau ka hala, Ko ohia o Makuukeeu, I ka papa o Papalauahi, A Nanawale, ke hoolana no, Keaiwa. ka e au—e, I kaeu no a hopuhia loaa, Loaa ka inoa ino, He inoa hue —e, Ua hakuia keia mele no Namakaeha, kekahi alii i ka wa o Kamehameha I. Me ka mahalo. S. W. K. Kekalohe. Kipahulu, Maui H., Oka. 1, 1862

Ka Waiwai. —He o mau m naai ka poe waiwai e na kaumaha he nui wale, e like ine ka o ana mai o ka uwila iluna o na Imle kiekie; e like me ke kumu laau i kaumuha i kona mau hua, ka haihai o kona iala i ke kaumaha i na hua, pela ke i kanaka waiwai, ua hoopoinoia kona pono « o ka mea e malama ana i ua waiwai !a.