Ka Nupepa Kuokoa, Volume I, Number 51, 16 November 1862 — He Kanikau no D. Solomona. [ARTICLE]

He Kanikau no D. Solomona.

He kanikau aloha nou e D. Solomona, Kuu keiki tnai ka hale malu o ke Akūa, Mai ka la welawela hoi o Waianae, Mai ka ua hehi mai iluna o ka lau o ke kalo o Kahool?nakio, Mai ka malu kukui hoi o A-na, Kuu hoa hele i ke kula o Papaenaena, Enaena loko wela i ke aloha, Aloha wale, Ka mea aloha o ke keiki—e. Aloha aku wau o ka uluwehi o Kawela, O ka peahi mai a ka lau o ka niu o Waipuhi, Puili iho ana wau i ko alohaaoe nalo, A uumi iho ana i ka waimaka a o e paa, E kuu hoa hootnanawanui o ke anu a me ke koekoe o Kaliu—e, Hoa alo i ka uaa me ka makani he Hoolua, Elua maua me kuu aloha, Aloha wale, Ka mea aloha o ke keiki—e. Kuu hoa o ka malu o ka niu o Poka-i, Ke ho-a ia mai la e ka makani Kaiauiu o ka nina, Nana aku o ke kolii o ka la i ke kula o Alio, Kuu hoa.hoolono i ka owe o ke kai o Keau« puni, | Ua puni au i ko aloha e noho nei, Aioha wale, Ka mea aloha o ke keiki—e. k Kuu hoa holo i ke kula anoano o Maiii, Hoea aku kaua o ka lae o Puuohulu, O ka pa kolonahe a ka makani he Moae, A-e aku kaua o ke kaha kanaka ole o Maihawa, Hoomaha aku i ka malu Ohai o Nanakuli, Nana aku kaua o ka haimalule a ka lau o ke Kiawe i ka makani, O ka moani mai a ke ala o ka pua Pitate i ke kakahiaka, Alaila, kuu ka iuhi, ka maule, Ola kaua i ka wai a ka Naiilu, Aloha wale Ka mea aloha o ke keiki—e. Na Mārkta. Kahoolanakio, Waianae, JVov. 8, 1862.