Ka Nupepa Kuokoa, Volume II, Number 13, 28 March 1863 — Kanikau Aloha no Kalamaku. [ARTICLE]

Kanikau Aloha no Kalamaku.

| He hauli aloha no kuu kamalei—e—aloha i ° e ' . . O oe ia e lai aloha e noho mai la—e, Noho paa i ka hale lau pohaku i ka pahoehoe uliuli—oe, Uli ka ili nopu uwe i ka eha—e. O ka eha ia a ka makua e noho nei, e haalipo nei i ko aloha—e, Aloha ka ua awa ua lihau i ka nahele—oe, O oe ka hiwahiwa a ka makua, ka hoapili o ke anu me ke koekoe—oe, Ua kuhe wale ka ili o kuu keiki, ua hele ka hanu haalele i ke kino—e, Hele ka uhane i ka inalu laau i ka ua puhene lehua o Halauwai—oe, O oe ia e ka huiili la o Nauoni, e wela nei i ka houpo—oe, O oe ka kaipo aloha a ka makua, e halia nei a ka uka anu—e, Kuu keiki mai ka ua r.oe i ka maka o ka lehua—oe, Ke kahiko mai la ka uhane i ke kapa o neo ula a ka inakani—oe, j O oe ka ka uhane aloha e maalo nei i ka naj hele i Onaona—e, j 1 Papalauahi ka uhane i ka hnle uluaoa a ke i ao—oe, | O ke ao no keia hele ka uhane i ka hikina a ka la—e, O waiho oni ole ke kino o kuu lei—e, Aole ka hoopunini mai i ka makua, i ka mea aloha—e, Aia ka uhane i ka nua hau o uka o Kapili—e, He hoapili ke kino he unu he lei aloha na na makua—oe, Hele ka uhane i ke kuaau makani—e, j Noho ke kino i ka hale pawiwi—oe, O paku a paa o pouli hale o ke kaiula —oe, Pouli ka hale ua hele kuu mea aloha—e, Me he wai anuhea ia ke aloha o kuu keiki e mapu nei i ka manawa—e, O ka manawa no ia ua lele ka ea, ua pau ka lohe, ua hele ka noonoo—e, Kuu keiki kuu mea minamina hekeiki—e. j Mele Keaupum. | Kealakomo, Pnna, Hawaii. Feb. *2S, iSt>3.