Ka Nupepa Kuokoa, Volume II, Number 23, 6 June 1863 — Kanikau Aloha no M. Kahoomiha a ME MRS. K. KAHANAINO. [ARTICLE]

Kanikau Aloha no M. Kahoomiha a ME MRS. K. KAHANAINO.

He uhaae he aloha e Kahoomiha, Kuu hoa luluna o ka malu hale, Ka malu ohia o ka Lokohonu, Ka ulu kuikui o Kaihee, Ka uka Yiahele o Kawaipapa, Ka malu kope nui o Keawe—o, Homai ke aloha i lei no u, I pale malumalu no ka la wela, I walea kakou i ka malu kope, Ka malu la-i o Kuaiula, He luana noho ana e Knhalekaa, Kuu e ka luhi pau e ka hana, Hoolohe o ka leo a kē kahuli, He leo keia a ke aloha, Aloha ino no ko'u makua, Kuu hoa o ka i-a mili i ka lima, x Ka ai aumeume i ka waha, Uala ka ai kaui e ka wai, Pauma ke aloha hana i ke kino, Hooipo ka manao me ka uhane. He uhane«he aloha'e Kahanaino, Kuu hoa e ka uka e Waolani, Ka la welawela o Laimi, Auau i ka wai o Knuhipuna, Piina loa ana Kahapaakai, Ka welu o ka hau i Waihaka, Ka olu o ke koa i Luakaha, y Ka ulu hau nui o Kahaukomo, iMakani hulilua e Haupu, He makani wehe kapa e Keaholo, Homai ke aloha i lei no'u, I pale malumalu no ka la wela, Xo ka ulu hala nui e Kekele, Haalele i ka pili a ke aloha, Aloha ino no kuu pokii, Kuu hoa o ka ua o Eleao, Pukui i ke anu a ka hooilo, Mehana i ka poli o ka maku, Ke okiia l:i pau ka ikena. He nhane he aloha eka pokii. " Mrs. Hariata Kulailua. Irish Cr«v, Ccl. Jpri! 4, 1803.