Ka Nupepa Kuokoa, Volume II, Number 24, 13 June 1863 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Kanikau aloha no Loe Kamokupoho.

E ka Nupepa Kuokoa e ; Aloha e :

Ua loaa mai ia'u ka manawa pono e kamailio pu aku me oe, a nau hoi ia e waiho akea aku imua o ka lehulehu, i ike mai e kaua mau makamaka e noho ana mai Hawaii a Niihau, i ka make ana o Loe Kamokupoho, kekahi hoahanau hana maikai, i a ua hala aku oia i ka aoao mau o ka honua.

Penei ke ano o kona make ana, ma ka la 10 o Feb. i hala iho nei, make iho la o Loe Kamokupoho, ma Lahaina, Maui.  He hoahanau oia no ka ekalesia ma Kailua, Hawaii, he 10 na makahiki o kona noho ana iloko o ka ekalesia.  me ka ikemaka ole ia o kona @hia. he 15 na makahiki o kona noho hoanau oie ana ; a ne 25 na makahiki o kona oia ana ma keia ao.

A iloko o kona mau makahiki i lilo ai i hoahau no keia ekelesia, ua hele oia e paipai aku i ka poe hoomaloka, e noho ana maloko o ia apana, e hoi mai e noho ma inoa o Iesu Kristo, i loaa ke kalahala no ko lakou hewa, a i ola pomaikai ko lakou mau uhane ma ke ao pauole.

A he nui no hoi na makana ana i manawalea ai no ke aupuni o ke Akua, no ke kokua ana i ko na aina e, a me kekahi mau hana maikai e ae no hoi a pau, ana i hana'i iwaena o makou, i kona e noho pu ana me makou, i na la a pau o kona ola ana.

Nolaila, ua hakuia he wahi kanikau aloha nona, e ka poe a pa i ike i ke ano o kana mau hana maikai, i kona wa e ola ana, a eia iho malalo ua wahi kanikau la :

Auhea wale ana oe,

E Loe wale i ka lipo,

Aloha wale ko kino,

Kuu lei o na pali,

Pali ko kino i ka make,

Pau kou noho ana ianei,

I ka hale lau kukui,

Pala wale i ka Makalii,

Liilii ae ka make,

Kaili no nalowale,

No ka mea aloha, ua nalo.

Auhea wale ana oe,

E Loe wale i ka lipo,

Pali ke aloha i o'u nei,

Me kuu hoa i ka uka,

Poliahu no ke aloha,

Hoa lei o kuu Kama,

O ka ai hookamalii,

O na ia lealea,

Hoolana ana i ke kino,

Pau pono i ka makemake,

Kanikau la he aloha,

No ka mea aloha, ua nalo.

Auhea wale ana oe,

E Loe wale i ka lipo,

Auahu o Nualolo,

Welo ana i Makuaiki,

E kuni ana i ka ili,

Wela mai nei au i ke aloha,

Aloha wale ko kino,

Kuu hoa alo i ke anu,

Hahala lewa i ke kai,

Kui lehua i Roselani,

Kanikau la he aloha,

No ka mea aloha, ua nalo.

J. H. K. KEALOHAWELA.

Auhea wale ana oe,

E Loe wale i ka lipo,

Pali lele o Manuahi,

He Hanakahi i ka uka,

Akahi au a ike,

Ke aloha wela ianei,

Aloha wale kuu Kama,

Kuu hoa lei keiki,

Hoa luhi o ka aina,

One hanau o ke kino,

Ko kino me ko maka,

Pau ka pili ana ianei,

Ua kaawale aku ia,

I ka moku lewa i ke kai,

Kanikau la he aloha,

No ka mea aloha, ua nalo.

Auhea wale ana oe,

E Loe wale i ka lipo,

Me Lilinoe i ka uka,

Kuu lehua i na pali,

I lei no ke aloha,

Hooipo me Lohiau,

Me ke aloha luaole,

Aloha wale ko kino,

E ka luhi o maua,

Me kuu hoa i ke anu,

Aloha wale kuu lei ;

Kuu hoa alo i ka ipo,

Pukuilua i ke anu,

Na ale o ka moana,

Kanikau la he aloha,

No ka mea aloha ua nalo.

IKEOLE KAHU.

Auhea wale ana oe,

E Loe wale i ka lipo,

Kumukahi no ke aloha,

Me Hopoe i ke kai,

Wela o ka Waiwelawela,

I ka ulu wehi a ka hala,

Hala lei o kuu kama,

Ka maile me ka lehua,

Mililani na ke aloha,

Aloha wale ko kino,

I ka nalowale i ka lewa,

I ka moku kele i ke kai,

Ke aloha wela i ka lai,

I ka la welo i Lehua,

Kanikau la he aloha,

No ka mea aloha ua nalo.

Auhea wale ana oe,

E Loe wale i ka Lama,

Lama lei o ka aina,

Kahiko no kuu kama,

Ka maile lau liilii,

Liuliu wale ke aloha,

Ka noho'na i ka moku lewa,

I ka moku kela i ke kai,

Akahi ko kaawale,

Ka pili'na me ka makua,

Kanikau la he aloha,

No ka mea aloha ua nalo.

K. KEALOHAHELELOA.

Auhea wale ana oe,

E Loe wale i ka noe,

Noe anu o nei kula,

Oia kula mehameha.

Lau kanaka i kuu kama,

Kamalei a ka makua,

Hoa luhi o ka aina.

Hoa lai o ka lealea.

O na makahiki mua,

Ua kaahope aku ia,

Kanikau la he aloha,

No ka mea aloha ua nalo.

KAHU a me KUMAKU.

Auhea wale ana oe,

E Loe wale i ka lipo,

Ke aloha lele i ka pali,

Wailele o Hiilawe,

Laweia oe i ka make,

Koe ke aloha ianei,

Hoauana i ke kino,

Wela au wela i ke aloha,

Aloha wale Haehae,

Me Haena i ka lai,

Lai Panaewa i ka hala.

I ka uluwehi a ka pua,

Pualei o kuu kama,

Mokihana ulu i ka pali,

Kanikau la he aloha,

No ka mea aloha ua nalo,

K. KAIKAMAHINEOLE.

Kanikau he aloha no Loe e,

He aloha wela au i ko kino la,

Ka waiho oni ole i Paahu e.

Kahi noho ai Lahaina la,

Nana i ka ua koiawe e,

Kaonohi ula i ka moana la,

Ike aku i na pea hulilua e,

I ka ululaau ma kai la.

Kai aloha na'u o Kahala e,

Hala aku nei oe i Makahuna la,

Huna i ke kino nalowale e,

Hala oe i ke ala hoi ole la,

Ua pau ka palena kaikena e,

Auwe kuu kama, kuu lei la,

Hoi mai ke aloha i ka makua e,

Me a'u ke aloha pau ole la.

J. D. KEALOHAPAUOLE.

Kanikau he aloha no Loe e,

Kamaiki oe a Kapaiki la,

Hiwahiwa hoi a ke aloha e,

Kainalei hoi a ka makua la,

E uwe helu mai o Kaeha e,

Aloha ino no kuu lei la,

Kuu mea minamina ua nalo e,

Ua wehe i ka pili ua hemo la,

Kaawale i ke kai Lahaina e,

Auwe kuu muli, kuu lei la,

No kuu muli haku ke aloha e,

Ke aloha pau ole ianei la.

Kanikau he aloha no Loe e,

He aloha pau ole i ko kino la,

Ko kino paa ole i ka leo e,

I ke kaohi a ka makua la,

Noho mai kaua kuu kama e,

Oiai lewa ole i ke kai la,

I ka hale lewa i ka moana e,

Lewa aku no oe kaawale la,

Auwana maua i ke aloha e,

Ko paa ole mai i ka lea la,

No kuu mua haku ke aloha e,

Ke aloha pau ole ianei la.

Kanikau he aloha no Loe e,

He aloha pau ole i ko kino la,

I ka luhi hoi a ka makua e,

Ke aloha hoi a ko nui la,

Auwe kuu muli, kuu lei e,

Kuu hope aloha i na muli la,

Na lei elua i ka la e,

Pokii waha mai i ke kua la,

Ka maile hiialo i ka pali e,

O ka hala hoohie i ko kino la,

Noo kuu muli haku ke aloha e,

Ke aloha pau ole ianei la.

L. KAIKUAHINEOLE.

Kanikau he aloha no Loe e,

He aloha wela au ia oe la,

I ka ike ole iho i ko kino e,

Ka uwe ana mai i ka eha la,

Auwe kuu wela kuu anu e,

Ke holo mai nei i ka houpo la,

Aneane au e lilo aku e,

Holo kino aku au i ka make la,

Ike wale aku oe i ka makua e,

Na polii no a pau la,

I ka nui hoi ke aloha e,

I ka lehulehu no a pau la,

Me oe no hoi kekahi e,

Auwe kuu kane kuu hoa la,

No kuu mua haku ke aloha e,

Ke aloha pau ole ia nei la.

Kanikau he aloha,

He aloha wela au i ko kino,

I ka ike ana iho i ko leta e,

Ka elele kino manu ianei la,

Auwe kuu mua kuu haku e,

Ka makua hoi o nei kino la,

Kuu kino lohe ole i ko leo e,

I ka uilani a ka manao la,

I ka hoeha mai i kuu kino e,

Haakei ai au i ko leo la,

I ke ao mai a pau pono e,

Hoi ole kuu lilo ia oe la,

Ko lohe ole mai i kuu leo e,

Auwe kuu mua kuu haku la,

No kuu mua haku ke aloha e,

Ke aloha pau ole ianei la.

K. KAINUAHINEHELELOA.

Kanikau he aloha no Loe e,

He aloha nui au ia oe la,

I ka lohe ana iho i ko leo e.

Ka hiki ana mai a ko leta la.

Holo kino aku au e ike e,

Ike e i ka malu o Lele la,

Haalele ke ola i ko kino e,

Hoi aku la ka Uhane me Ihi la,

Me ka Makua nui o luna e,

Me a'u ke aloha kaumaha la,

Hoi mai ke aloha i Hawaii e,

I ke one hanau o ke kino la,

I ka lai hulilua o Kona e,

Ka makani lawe waa a Kaeka la,

Lai ai ka hala o Ulawini e,

Ka lei kohu o ko kino la,

U no ke ala i ko poli e,

He ala ka hinako he paoa la,

He nohea maoli ke honi aku e,

Auwe kuu mua ka makua la,

Hoi mai ke aloha i ka muli e,

KAIKUAHINEOLE.

Kanikau he aloha no Loe e,

He aloha nui au i ko kino la,

Kuu lei mae ole i ka la e,

I ka hale paa mau i ke ohu la,

I ka uka anu o Hanakahi e,

Na hau elua i ka po la.

Kanahele aloha i Hau@ e,

Ua nui ke aloha ia nei la,

Auwe kuu luhi kuu lei e.

O ka wai lamalama kukui la,

O ka la lailai o Kaweo e.

I ka wai kahe mai i ka hala e.

Ka Opua ulu mai i ka moana la.

I ke kualau makai la,

Auwe kuu pua kuu lei e.

Kuu mea minamina pau ole la.

Hoi mai ke aloha i ke kupuna e.

Ke aloha pauole i kuu lei la.

MOOPUNAOLE KAAINOA.

Kanikau he aloha no Loe e.

He aloha nui au i ko kino la,

Ko kino waiho i Lahaina e,

I ka ulu wehi o ke kaona la,

Nana i ka hono o na moku e,

Na ale wehe lua i ka moana la,

Oni ana Hawaii i ke kai e,

Ku ae o Kuili i ka moana la,

Nana i ka waa holo mai e,

I ka ua koko hoi makai la,

I ka noe anu o ka mauna e,

Pukui maua i ka hau la,

I ke koa laulii o uka e,

I ke kupaoa he ala la,

Nee mai ka ua i ka nahele e,

I ka lihilihi o ke aloha la,

Malu no maua i ke ala e,

I ka hale hoi o ka wahine la,

O Loe Lani no i ka uka e,

I ka honi lauae i na pali la,

Hai mai ke aloha i ke kupuna e.

Ke aloha pauole i kuulei la.

KAUANOE.

Kalaoa, Kona Akau, Hawaii, Mei 1, 1863.

No ke ao ana i ka naauao i ka poa opio-

pio, oia hoi na kaiki hou.

E ka Nupepa Kuokoa e ; Aloha oe :

E oluolu oe e hookomo iho ma kahi kaawale o kou kino nui, a puipui hoi, i keia wahi manao, a nau hoi ia e waiho malie aku imua o ka lehulehu, mai ka hikina a ka La ma haehae, a hiki aku i ka welona a ka La i Lehua.  O ka pau ana mai paha ia o kou palena.

Ma keia wahi ko'u hoomaka ana e kukulu iho i keia manao i kakauia maluna'e.

No ke ao ana i ka naauao i ka poe keiki opiopio, ua nui a lehulehu wale ka poe e ao nei i keia wa, ma keia Aupuni.  A pehea ka lakou hana, ua holo pono anei ? he kakaikahi wale iho no ia poe, a o ka nui, aole hiki, no ka mea, aole i loaa na rula kupono e ao ai.

He mea paakiki, a pohihihi hoi, ke ao ana i kela poe i ike ia maluna'e.  He nui no ka ike i loaa i kekahi poe, oia hoi na Kumukula, aole nae oia naauao e hiki wawe ai ke komo iloko o ka poe hou.  No ka mea, o ka naauao, he mea kino ole noia, aole e hiki ke hoomaopopo me na ike Elima o kakou.

Nolaila ea, ua hooikaika maoli no kekahi mau Kumukula, mamuli o ke ao ana i kana mau keiki opiopio, mai ka A-W, pela no hoi na hua palua, a pela aku no.  I ka nana'ku, he keu aku ua pupu o ke ao ana, a ua manao mai kekahi mau kumu, o na laau hahau ka mea e pale aku ai i ka naaupo.  A o kekahi poe hoi, o ka hooluhi i na keiki ma na hana lima ; a pela wale aku no na hana he nui wale, a na kumukula i manao ai i mea e holo ai ka naauao, a i mea hoi e malu ai ka noho ana maloko o ka Halekula.

Auhea oukou e o'u mau hoa o ka inea, ka poe nana i hoomanawanui iloko o ka uahoa a me ka mahona, i ka pilikia a me ka wa pilikia ole, i ke kue aku, a kue mai, i ke kau ai, a me ke kau wi.  A ua kumaka no hoi ka ike, aole wahi mea hoohewahewa, no ka mea, ua komo kino okoa iloko o ia oihana.

E hapai like kakou me ka lokahi o ka manao i keia hana nui, no ka mea, noloko mai o keia wahi ka poe e noho nei i na hana nui o ke aupuni.  E hana hoi e like me na rula i loaa i kela mea keia mea o kakou, e like me na rula o kakou na Kumukula, i haawiia mai nei mai ko kakou Peresidena o ka Papa Hoonaauao mai.  A pela no hoi na rula a kakou i koho iho ai, i mea e holopono ai ka naauao, iwaena o na keiki opiopio, a e hoopau aku hoi i na ihe wela o ka naaupo.

Eia hoi, ma kekahi mau hale kula iloko o keia aupuni.  Ua loaa kekahi kumu nana e keakea ka holo ana o ka naauao, i ka poe opiopio, a ua lilo ia i hoa kaua aku, a kaua mai, i ka wa e hoomaka ana e hana ia oihana nui.  Nolaila ea. e ikaika oukou a e koa hoi.  Mai hoopalaleha, i ka hana maikai, no ka mea, i ka wa pono, e ohi no oukou i kona hua. ke hoonawaliwali ole oukou.  Ua pau.     D. W. K. PIHI.

Kukoae, Kailua, Koolaupoko, Mei 9, 1863.

No ka pepehi kanaka.

O ka pepehi kanaka, oia kekahi o na hewa i ulu kiekie mai i keia manawa ma keia aupuni, aka. ma ke Kanawai o ke Akua, ua kapaiao ke kanawai eono ia.  Aka hoi, no ka poe pepehi i keia manawa e pepehi mai nei, malaila he mea nui a kaumaha keia mea o ka pepehi kanaka.

Aka, e makehewa paha kakou ke olelo iho. he mea ho ka pepehi kanaka, he mea kahiko mai noia.

Nolaila, he pono ia kakou ke ninau ia kakou iho.

Heaha la ke kumu i ulu mai ai ka pepehi kanaka ? I ka manao wale aku a me ka nana ano io a ia nei, he mau kumu no i ulu mai ai ka pepehi i kanaka.

1.  O ka hooko ole ia o ke Kanawai o ka make maluna o ka mea pepehi kanaka.  A no laila, ua olelo iho la paha ka mea pepehi kanaka iloko ona, aole no e make ka mea pepehi kanaka, no ka mea, ina no e pepehi, e noho no ma ka hoopaahao i kekahi mau makahiki me ke koe no nae o ke ola.

A nolaiola, e aho no au e pepehi i ka'u wahine, ame ka'u punalua, a o ka pepehi io iho la no ia me ka mai@. ame ke aloha ole o ka naau.

2.  O ka hana pololei ole ia o ke Kanawai no ka moekolohe, e na aha hookolokolo.  I ka loaa ana paha o kekahi mau mea e moekolohe ana me kekahi kanaka, a ua loaa io no i kekahi wahine kana kane e moe ana me kekahi wahine e, aka. no ka hoike ole, a i ole ia no ke kii ole ana paha i palapala hopu, nolaila, ua hookuu ka aha hookolokolo, a pakele aku la ka mea hewa.  Nolaila, manao iho la paha ka mea nana ka wahine i moe ia, ina paha e loaa hou ana  olua ia'u e moekolohe ana. o ka manawa ia make kekahi o olua ia'u, aole pono au ke hoopii hou i ka aha hookolokolo, no ka mea, he hookuu wale ia. a o ka ulu io mai la no ia o ka manao pepehi kanaka, a o ka pepehi no ia me ke aloha ole i na maka i ka amo ae.

3.  O ke kiai mau no o ke kuko i na keiki a kanaka.

No ka mea, maloko no o ke kuko ka hoala ana i na manao ino he nui wale. maia manao kuko no ka manao ana e moekolohe, a e aihue, a e pepehi kanaka, e wawahi hale, e puhi i ka hale i ke ahi, ame ka nui no o na hewa i hanaia ma neia mea he kuko.

Nolaila, ua kaumaha loa ko kakou lahuikanaka no ka pepehi kanaka, no ka mea, o ko kakou makemake i keia manawa e noho nei, o ka ulu hou o ka lahui kanaka, aka, aole ia o ka kakou e inai nei, ke imi nei kakou i ka mea e emi ai keia lahui kanaka.

Aka, ma ke Kanawai o ke Akua. he mea ino loa ka pepehi kanaka, ame na hewa no a pau.  No ko'u manao o piha e ka pepa, nolaila, ua hoopokole au i ka manao.

W. N. PUALEWA.

Honolulu, June 3, 1863.

OLELO HOOLAHA.

E IKE AUANEI NA KANAKA A PAU,

na mea waiwai maloko o ka waiwai o Hamea (w.) o Honolulu, Oahu. i make aku nei, o ka poe i ahia, o ka poe @ kino, a pili paha ma kahi aho e ae, na like u e hele mai a e hoike mai ia lakou iho, imua o ka Mea Hanohano o G. M. Robertson. kekahi Lunakawai o ka Aha Kiekie, ma ka Hale Hookolokolo i ke kulai aku  uhale o Honolulu, i ka Poalua, oia ka la 23 o Iune e hiki mai ana, i ka hora 10 o kakahiaka.  La manawa e hooponopono ia ka moo waiwai a KUAIWA, ka Luna Hooponopono Waiwai a ka mea i make, a e hoike mai i kauwahi kumu, ina paha he kumu oiaio kona i ole e hookeia na moo waiwai la, a e hoopania ka lihana a ua mea hooponopono waiwai la.

G. W. BROWN.

Kakauolelo kokua o ka Aha Kiekie.

Honolulu, Iune 1, 1863.

Olelo Hoolaha.

NO KA MEA, UA NOHA MAI KA MEA

Hanohano G. M. Robertson, kekahi o na Lunakanawai o ka Aha Kiekie e Pala@ (w.) e @ @ ia ia i Luna Hooponopono Waiwai no KAWAI (k.) no Wa@, Koolauloa, Oahu, i make aku nei:  Nolaila, ua hoikeia i na kanaka a pau loa, ke pili, a ka Poalua, oia ka la 16 o Iune, i ka hoa 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai. a me na mea @ i @, aia ma ka Hale Hookolokolo ma Honolulu, Oahu

G. W. BROWN.

Kakauolelo kokua o ka Aha Kiekie.

Honolulu, Mei 30, 1863.

OLELO HOOLAHA.

NO KA MEA, UA NOHA MAI KA MEA

Hanohano G. M. Robertson, kekahi o na Lunakanawai o ka Aha Kiekie, e Moehaa (w.) @ @ i na Palapala Kauoha o KEAKA (k.) no Waikahalulu, Honolulu, Oahu, i make aku nei:  Nolaila. ua hoo@ i na kanaka a pau loa, ke pili, o ka Poalua, oia ka la 16 o Iune, i ka hora 9 o kakahiaka, oia ka la a me ka hora i olelo a no ka hoo@ i ka @ o keia Palapala Kauoha, aia ma ka Hale Hookolokolo ma Honolulu, Oahu.     G. W. BROWN.

Kakauolelo kokua o ka Aha Kiekie.

Honolulu, Mei 30, 1863.

Olelo Hoolaha.

E IKE NA MEA A PAU, MA WAIA-

lae nui ; o kekahi kanaka i kapaia ka inoa malaila, o KAIHELAMEKI, kane mare hoi a Kahoowaha olaila. i make aku nei. a me na mea e ae i pili i ua mea la i make ; ka poe hoi e mahi ana ma kuu Kuleana Aina e waiho ia,

Ma Maunakapuaa, Waialae-nui,

Kuleana Helu 3579, i hoakakaia ma ka Palapala Sila Nui, Helu 4599.  Ke hai aku nei au, a ke hooiaha nei, me ka papa aku, aole loa lakou e nohi hou maluna o ua aina la ulu, mai keia la aku, aole hoi o kekahi mea e ae i ae oie ia e a'u.  A ke kauoha ia aku nei ka poe nana ka ai e ku la maluna o ua aina la o'u. e lawe koke i ka lakou ai iloko o na la he 30, mai keia la aku:  a hala na la he kanakolu, a o ke koena ai mahope olaila, aole o lakou kuleana i koe iloko koena ai.  Me ka mahalo.

Owau no me @ @     L. W. MAHUKA.

Kauan@, Honolulu, Mei 23, 1863.

OLELO HOOLAHA.

AUHEA OUKOU E NA MAKAMAKA, NA

Kanaka Hawaii  Ina paha he wahi @ @ @ a ma na Aha Hookolokolo o keia Aupuni, a i na hoi, he Palapala H@ Aina, Hoolimalima, a @ @ paha.  Ina no @ @ noho makaukau nei. e hana i ka oukou mau nana a pau. me ka uku oluolu.  E @ no au ma ke Keena o Lopaka, Lunakanawai Hoomalu o Honolulu     HALE L. KELEKONA.

Lunakanawai Kaa@ o Kona @

Honolulu, Mei 27, 1863.

KA HELE A KA MANAWA.

Hale Aina no Kanaka.

UA WEHE AE O KEO RODE-

(section unreadable)

Kanaka Hawaii!

(section unreadable)

Olelo Hoolaha.

O KA AINA O PAAKAHI. E WAIHO LA

Ma Puunui, Oahu,

(section unreadable)

OLELO KAHEA A KA

LUNA PAI.

O KA POE A PAU I LAWE I KEIA PEPA.

e @ @ mai i ke DALA HOOKAHI no ka pepa, e peno ke hoomaopopo e pau ana ka manawa o ka oukou uku ana i ka la

27 o Iune, 1863.

A mahope mai oia la, o ka poe e makemake ana e lawe hou i ka pepa, e pono e UKU Mua mai no i hookahi dala, aole no e haawiia ka pepa ke uku e ole mai.  O ka me wale no e uku mua mai ana, ka poe e h@ aku ana i ka pepa.

Ma ke @     H. M. WINI.

Luna Pai o ke Kuokoa.

E Nana !  E Nana !!

OWAU O M. MILLS, UA KAUI AKU

i na dala $220 me Pohaku, i ka Apana Aina o K@, no Kane mai, nona ka Kuleana Hela @. Sila Nui hoi, Helu 334.     MASIA MILLS.

Moanalua, Oahu. Mei 29, 1862.

J. H. COLE.

LUNA KUDALA.

Ma ka Hale Pohaku o Mi. Aniani @.

Ma ke Alapai A@ W@

H. W. SEVARNANA.

Luna Kudala a mea Kalepa.

Hale Mahoo.

Aianuui Aliiwahine.

OIHANA LOIO!

JOHN L. NAI@ AIA KONA KEENA

(section unreadable)

O HALE OLA.

(section unreadable)

A. S. Cleghorn,  AKE.

MEA KUAI LOLE

A ME NA WAIWAI E AE.

Ma ke Kuai Kukaa a ke Kuai Liilii.

AIA MA KA

Hale Pohaku.

Ma ka Uwapo.

Ma ke kihi o ke Alanui Kaahumanu me Moiwahine.

Ma Alanui Nuuanu,

MAWAENA O

Alanui Alii me Alanui Hokele,

MA KA AOAO HIKINA O HALEOLA.

Honolulu, Ianuari 16, 1863.

KEENA LOIO!

UA HOI AE NEI KA MEA NONA KA

(section unreadable)

HALE PAI KII.

MALUNA AE O KA KEENA PAI O KA

"Nupepa Kuokoa,"

(section unreadable)

PAPA MAKEPONO!

AIA KA HALE KUAI O LUI C. H. LEWERS,

ALANUI PAPU, kahi e k@ oluolu ai.

NA PAPA OREGONA 1 a hiki 3 in@ha.

LAAU KAOLA, oa a me na pou, a me na opaka e a

LAAU PA a me na PINE PA,

LAAU AHO HALE PILI,

PAPA ULAULA, PAPA PAINA.

PAPA KEPA,

PILI ULAULA a me KEOKEO.

PENA KEOKEO, OMAOMAO,

ELEELE ULAULA.

POHO, GALU, HULU PENA.

KUI o na ano a pau, LAKA,

AMI, KILOU, KUI KAKIAMOENA, KUINA

PEPA HOONANI KEENA.

PANI HALE, PANI ANIANI.

ANIANI KAAWALE, PATE.

PANI OLEPELEPE.

Eia ka mea kupanaha ma keia wahi, na ka mahu e hana i na pahu apo, he hikiwawe, kupanaha.  E hele nui mai e kuai a e ke wale keia i KAMELO.

Hale Hana Piula.

MA KE ALANUI NUAANU. MAKAI IHO

o ka Leiala Hotele.  Mau mea hana, a kuai Piala.  Hao, Keleawe, a me na mea e ae e pili ana i ka hale oihana piula.  A e hoomoe hoi i ka Piuia Wai, me ka hooponopono kupono i na mae a pau e pili ana ia oihana.  Ua lako mau i ka Piula Wai maikai.  E hele mai e ike ao oukou iho.

F. H. & G. SEGELKEN.

Ana Aina ! Hana Palapala Kuai !

UA LAWE AE NEI KA MEA NONA KA

inoa malalo @ ke keena o J. W. Auaina @ ma ka

Hale Leta,

(section unreadable)

Makemake 10,000 Kapiki,

KE MAKEMAKE NEI AU E KUAI AKU I

10,000

Kapiki Maikai,

(section unreadable)

OLELO HOOLAHA.

O KA MEA NONA KA INOA MALA-

lo nei ke pepa aka nei oia i na kanaka, haole, a me ka pake, o kela @ @ kanaka k@ @ kanaka a pau, e nana mai ana.  Ke papa aku nei @ @ na mea a pau, mai h@ wale oukou i @ mau @ ma ka Apana kula o

Ukumehame,

(section unreadable)

KAKELA ME KUKE.

MA KA HALE POHAKU HOU, MA POLE-

LEWA kahi kokoke i ka Halepule Betela ma Honolulu, Oahu.  Na laua no e kuai i na lole o

Kela ano keia ano.

NA MEA AI,

NA BAKEKE,

NA IPU TINI,

NA PA LEPO,

NA KAMAA,

NA PAHI me na O-O,

NA PAPA me na NOHO,

NA IPUHAO,

NA NOHO LIO,

NA MEA E KAKAU,

NA PENA ME NA AILA,

NA MEA MAHIAI.

A me kela mea keia mea.

Me na laau a Dr. D. Jayne.

Honolulu, Dekemaba, 1861.

OLELO HOOLAHA

I NA KANAKA HAWAII!

Makai iho o AIGUPITA

Ma hope iho o ka Pa

O MAHUKA!

KA

Pa Kuai Papa

O
LEWERS & DICKSON,

MALAILA E LOAA AI NA PAPA O KELA

(section unreadable)

NA PAPA OLEGONA,

LAAU HALE A ME NA POU,

LAAU KAOLA A ME NA PINE PA,

LAAU AAHO HALE PILI MAOLI,

PAPA ULAULA, PAPA PAINA,

PAPA KEPA A ME KA AAHO,

PILI ULAULA A ME KE KEOKEO.

Eia ka mea

KUPANAHA

Ma keia hale---maanei i wilia'i ka

PALAOA a ma ka HANA PAHU

e like loa me ko

ULAKOHEO

mamua, i kona wa e kau ana, aole i pau i ke

ahi mamua ; nolaila, e naue mai e makaikai.

Na Pena Keokeo a me ka Omaomao,

Na Pena Ulaula a me ka Eleele,

Poho, Kolu, Hulu Pena,

KUI o na ano a pau,

Pani Hale,

Pani Aniani, Pake,

Aniani kaawale,

Pani Olepelepe.

A PELA WALE AKU.

(section unreadable)

E MAKAALA!

OWAU

O KAMUELA,

KA HOA KUAI O NA

KANAKA HAWAII,

NONA KA HALE KUAI PAPA MA-

uka iho o ka

Hale Hookolokolo

ma Honolulu.  Ke hai aku nei au ia oukou, he mau la ku wale no keia o kuu moku papa,

"CONSTITUTION!"

 a ke ku mai oia, e loaa ana ia'u na

LAKO KAPILI HALE

o keia ano, keia ano.

EIA NO KE WAIHO NEI.

NA :

PAPA O KELA ANO, KEIA ANO.

LAAU HALE, o kela ano, keia ano.

PILI HALE,

PINE,

AAHO,

KEPA,

PANI PUKA,

PUKA ANIANI,

KUI,

PENA,

AILA PENA,

WAI HOOMALOO PENA.

IA MEA AKU, IA MEA AKU,

Ua makaukau au e kuai aku me ka oluolu i keia mau mea, a no ka maopopo no paha ia oukou he KEIKI KAMAAINA au, he hiki ia oukou e ka Lahui

Mai Hawaii a Niihau,

ke kipa mai i o'u nei.  E hiki ana no na moku papa o'u i na manawa a pau, a hoolako mau ia'u.  He mea mau i na poe o ka hiki mai ka haanui, a me ke kaena.  A he mau Luna kekahi i hoonoho ia e lakou e alako ana i ka poe maikai, me he lawehala la.  Aka, he hiki ole ia'u ke hana pela, o ko'u ano no ka oukou e imi mai a loaa, maopopo no na hana a kakou, no ka mea, o ko Hawaii nei kupa ihola no ia o ko oukou makamaka.

KAMUELA, (Kaikaina o Kimo Pelekane.)

Honolulu, Ian. 3, 1863.

AILA KUAI.

A ME NA WAIWAI E AE.

INA KANAKA A ME KA POE E AE A

pau ke nana mai i keia.  Owau o ka mea nona ka mea malalo nei, na makaukau au e kuai aku ia oukou i ka

Aila Maikai Loa!

A me na lole maikai o kela ano keia ano, na lole wahine a me na lole kane.  Na kalakoa nu hou o na ano a pau, na mea ono ka palaoa maikai, ka @ena, ke kamaa haahaa, ke kamaa buti, a me na mea a ae he nui wale pau i ka helu ia, kepa, na hoia, puna, a me na pahi o na ano a pau.  E hele mai oukou e ikemaka no oukou iho, ma ko'u Hale Kuai, ma Kaumakapili, ma ke kihi o ke Alanui Mauna kea me ke Alanui Beritania, e pili la me ka hale pule o Kaumakapili.

M. McINERNY (Mikanane.)

Honolulu, Aperila 10, 1863.