Ka Nupepa Kuokoa, Volume II, Number 25, 20 June 1863 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE II. HELU 25. HONOLULU. IUNE 20, 1863. NA HELU A PAU 82.

La Hanau o Kahaunani.

            E ka Nupepa Kuokoa e; Aloha oe:

            E aloha paha oe e hai aku no keia mea @ malama ia ka la hanau o Kahaunani ke kaikamahine alua a Kale a me Emme @ ma Kualoa, Koolaupoko, Oahu, ma ka la 30 o Mei i hala kau nei. 

            Ua hoomakakau muaia he hale no kona @ @ oia o W.L. Holokahiki me Ra@, a ua hoomakaukau pu ia he lanai kahi @ @ a me na mea ai o kela ano keia ano o Hawaii nei, e kona mau makua, a me @ @, e like me ke ano mau o ua makua @, a me na keiki hiwahiwa.

            A ma ke awakea o ia la, ua hoomakaia ka ahaaina, ua akoakoa mai na hoa ai, na haole a me na kanaka maoli, a me ka poe makaikai, e like me ke ano mau o keia lahui; a ua hookipaia no lakou a pau, ua ai a lihaliha, ua inu hoi a kena, ua mau pela a hiki wale i ka wa molehulehu o ka aluna ahiahi.

            Ua maikai no na kuene wahine ma ia la; ua kahiko likeia lakou i na holoku keokeo, a ua hele no hoi a uluwehiwehi i na lei apiki ma na poo, a me na lei hulu mamo nu hou ma ua a-i ; a o ke Kilohana no nae o ia la, oia no o Kahaunani, no ka mea, ua a wiliia ka anoi o kona mau makua iluna on a, ua pua mai ka ula iloko o ke keokeo ma kona mau papalina, a ua like me kona inoa, "Kahaunani." A in a paha ua loaa o "aniani liilii," i kekahi wahine na hookano i keia wa, a e ninau iho oia, "Owai la ka wahine ui o keia mau la?" A e pane koke ae no kela, "Ma ka oiaio, ke hai aku nei au ia oe, o Kahaunani, ka wahine ui o keia mau la, aia ma ka lai o Kaaloa, Koolaupoko, Oahu, kahi i noho ai."

            A pau ka ai ana, ku mai la kekahi poe wahine o na hoa ai, a hoomaikai mai ia Kahaunani a me kona mau makua, me kekahi mele i hakuia e lakou.  Eia no ia malalo nei.

            E Kahaunani e,

            E ola kou inoa,

            Hauoli e hauoli,

            I kou la hanau,

            Hauoli a hoonani,

            I ke Akua mau,

            No kona kiai ana mai,

            I ke kamaiki nei.

           

            Hookahi makahiki,

            I hala ae nei,

            Hauoli e hauoli,

            I ka makahiki hou,

            Hauoli a hoonani,

            Ia oe e Kahaunani,

            No kou komo ana'e,

            I ka makahiki nei.

            E na makua e,

            E Kale me Emme,

            Hauoli e hauoli,

            E Waila me Kinau,

            Hauoli a hoonani,

            I ke Akua mau,

            No kona haawi ana mai,

            Keia momi maikai.

            Na muli makua hoi,

            Alani me Emalita,

            Hauoli e hauoli,

            I ke kamaiki nei,

            Hauoli a hoonani,

            I kona nani e,

            He nani oi kelakela,

            I ka hau o ka Mauna.

            Na mua o ianei,

            Jule me Lala hoi,

            Hauoli e hauoli,

            I ka pokii nei,

            Hauoli a hoonani,

            No kona la hanau,

            I hui ai oukou la,

            A noho launa pu.

            Na kahu o ianei,

            Rahela me Helene,

            Hauoli e hauoli,

            E Kaholokahiki e,

            Hauoli a hoonani,

            Ia Kahaunani e,

            Kamalei a oukou,

            Lei nani hanohano.

            Kakou pu a pau,

            Hooho like ae,

            Hauoli e hauoli,

            Ia Kahaunani e,

            Hauoli a hoonani,

            Ka inoa kamahao,

            E mau ke ola nei,

            Me kona nani pu.

            E na makamaka, he mea maikai loa keia, o ka malama i ka la hanau o hoomaikai aku i ke Akua no kona lokomaikai-O ka ole no ka malama i ka la make, e like me kekahi poe e hana nei a haku i ka uhane, a lilo ke dalai ka olioli, a ohi oukou i ka makani. Aole no ke kupono o ka abaaina olioli ana no ka la make, no ka mea, ua like ia me ka paani ma ke kae o ka make, oia ka hoolilo ana i ka make he mea olioli ; kainoa he mea noonoo, no ka mea, malaila ka hope o kakou.

Me ka mahalo,                         HOAAI.

            Kuakoa, Oahu, June 8, 1863.

Mea Oki Mauu.

He mea maikai ke kii i paiia maluna ae nei, no ke Oki ana i ka Maua, Huita. Ota. a me na mea ano like ; he kupono loa neia mau mea no na aina palahalaha maikai. Ua hiki i keia mea ke hana i ka la hookahi, ma ke Oki ana , ua like me ke Oki ana a na kanaka he umi, iloko o ka manawa like.  Kupono paha keia mea Oki, i na poe kanu Huita o Maui Hikina.

KE KAAO O

LOSINEHAMA!

KA PUA NANI IUIU O SEVILA.

[I unihiia mailoko ae o ka Buke o Geberiana.]

HELU 1O

            MAHOPE IO O KEIA MAU OLElo, ninau aku la o Losinehama i ke alii moku i kahi o ka moku e holo ai, alaila, haiia mai la oia, "E holo ana i Helene."

            Olelo aku la ka wahine i ua alii moku nei, "He mea pono anei i ke alii o keia moku manawa, ke hoihoi aku i keia pio ma kona wahi i kiolaia mai ai ? No ka mea, ewalu a oi ae paha na mile a hiki aku ilaila mai o kakou aku ?"

            I aku la ke alii moku, " E ka wahine maikai e, ua pono kau e noi mai nei, aka, aole i aeia makou e hele ma kahi e, no ka mea, aole na'u iho keia holo o ka moku ma ka moana, aka, na ka Moi no o Beritania Nui.  Ua oleloia mai ia'u ka manawa e hiki ai i Helene, aia a loaa ia'u ka palapala hoike mai Helene mai, e hai ana i ka la o ka moku i ku ai ilaila, alaila pono, a ma ka hoi ana mai mailaila mai, alaila, he hiki i ka moku ke hele aku ma na awa e aku, nolaila, e waiho pela ia oe ma ka moku nei a hoi mai ka moku, alaila, e hoihoiia oe ma kou wahi i kiolaia mai ai."

            Olelo aku la o Losinehama, "Maikai oe e ke alii moku, aka, ma ko kakou noho ana ma ka moku nei, e pono no e malama maikaiia kuu kino a me kuu ola.  Mai manao auanei oukou i kuu ano e iwaena oukou, a lalau mai kekahi mea o oukou ia'u ma ke ano hoohaumia mai ; a manao ae paha oukou o kuu kino ka uku o ko oukou lawe ana ia'u ma ko'u aina ; nolaila, ke olelo mua aku nei wau, e pono ke kapu mai kuu kino, aia a hiki aku wau ma kuu aina, alaila, e loaa ia oukou ka uku ma ke dala, e like me ka makemake o ke alii moku ; me ka uku kaulele mau i kela a me keia mahina a pau ka makahiki, a pela aku a kuu'ku kuu ola."

            A ike ae la ke alii moku, ua maikai ka olelo a ka wahine, hoonohoia ae la oia ma kekahi rumi maikai loa o ka moku, malaila i malamaia'i kona maluhia a hiki i ke ku ana i Helene ; a waiho puia aku me Losinehama he mau koa kiai kino nona, he mea e palu aku ana no ka poe e kue aku ana ia ia.

            I ka moku i holo ai, a i ka eha o ka la, ua nalowale ke alanui o ka moku e hiki aku ai i Helene, a pono ole na holomoku, a i ka elima o na la, ua pihoihoi loa ke alii moku, no ka hiki ole o ka moku i Helene, a e lalau ana paha ka holo ana a ka moku.

            A ma ke awakea o ua la la, pii ae la o Losinehama mailalo ae o ka moku ; ia wa, ike aku la oia i na maka o ke Kapena ua ano e ka helehelena, aka, ike aku la oiai na'lii a pau o ka moku e nana ana ma na palapala holomoku, a me na ohe nana la, aole e hiki ia lakou ke ike i ke alanui e hiki aku ai i Helene.

            Ia manawa, ninau aku la o Losinehama i na alii moku, "Heaha ka oukou e pioloke nei me na ohe nana pakahi, am me maka pihoihoi a ano e hoi ko oukou heleheiena ?"

            "Ua nalowale ke alanui e hiki ai i Helene." wahi a ka poe o ka moku, "no ka mea. o na mea ia lakou ka hookele i na la eha i hala ae nei, ua palaka lakou, aole i makaala ma na palapala holomoku, nolaila, ua nalowale ke alanui e hiki aku ai i Helene."

            I aku la o Losinehama, "O na'lii wale no anei o ka moku ke ike ia mau mea ? Aole anei o ka wahine pu kekahi?"

            I aku la ke alii moku. " Ua hiki no i ka wahine, ke ike nae i ka holoholo moku, a in a he mea hiki ia oe, e hana no oe."

            Olelo aku la o Losinehama. "He mau makahiki ko'u ma ke Kulanui o Sepania, a he mau makahiki ma ke Kulanui o na'Lii o Parisa, a he mau makahiki ma ke Kulanui o na kaikamahine Alii ma Ladana ; i loko o keia mau Kulanui a'u i noho ai, o ke ao ana i ka holoholo moku, aole oia ka paakiki o na palapala hoonaauao a pau iloko o ko'u mau la, nolaila, ia'u a me ko'u hoa kula, he mea paani wale no keia mau mea."

            I aku la ke alii moku, " E pono oe ke lawelawe maluna o ka moku ma na mea a pau e pili ana i ka holomoku, a o oe ka mea mana maluna o ka moku, ma kau e olelo ai. malaila e hoolohe ai."

            Aole nae keia o ka manao ma i o ke alii moku, aka, i hoao wale aku no.

            A no ka olelo a ke alii moku, lawe ae la o Losinehama i ka holo o ka moku ia ia, ke ku a me ke ku ole.

            Ia manawa, lawe ae la ua Losinehama nei i na palapala holomoku, a me na mea a pau e pili ana no ia mau mea, a o na mea a pau ana e olelo mai ai, malaila e hoolohe aku ai na'lii moku.

            He hapalua hora mahope iho o ko Losinehama lawe ana i ka hana o ka moku ia ia : ia manawa, hai mai la oia i na'lii moku a pau. " Ekolu mau la i koe, e ike aku no kakou i na kahakai o Helene."

            A hiki i ka eha o ka la, ma ke kakahiaka nui, i ke alaula e wehe ae ana, ikeia aku la na kuahiwi, a me na aina a pau : alaila, ua mama ae la ko ke alii moku manao kaumaha, a me kona manao kanalua no na olelo a Losinehama.

            Ia manawa, hooholo ae la ke alii moku, e hoihoiia o Losinehama i kona aina me ka uku ole, no ka mea. ua loaa i ka wahine he naauao nui, a he nu hou ia i ko ka moku poe.

            I ke awakea o ua la la. ia Losinehama ma kona rumi. kakau iho la oia i wahi palapala i ke alii moku, penei :

            " E ke alii moku, aohe he mea nui e ae o ka moku nei, o oe wale no ; nolaila, he manaolana nui ko'u e halawai maka kaua, o kaua wale ma ko'u rumi nei o kou moku ; a e kuka kaua no ka'u mea e noonoo nei, a he pono no kaua."

            A haawiia aku la ua palapala nei i kona koa kiai, a laweia'ku la i ke alii moku, a i kona ike ana i ua palapala nei, he mea e ka manaolana nui, a me ka lele ino o ka hauli o kona puuwai, me ka manao o ua alii moku nei, e hui kino auanei laua ia awakea.

            Ia wa koke no, hele aku la ua alii moku nei, a halawai pu me Losinehama ; i ua alii moku nei i komo aku ai ma ka rumi o Losinehama e moe mai ana, hoopaa ae la oia i ka puka mahope ona.

            Ia manawa, pane mai la o Losinehama, "

            Ua oki ! e hamama no ka puka pela."

            Ia laua ma ka rumi, olelo aku la o Losinehama i ke alii moku. " Ua haohao paha oe, no ka olelo o kuu wahi palapala i hoouna aku nei, me ko manao paha, he wahi palapala ike kino no kaua ma ke ano hoohaumia ana ? " "Ae," wahi a ke alii moku.

            I aku la o Losinehama, " Eia wale no ka'u i ake nui ai e halawa pu kaua, ua makemake wau e hoolilo ia'u i kane i keia la, a e hoohalike i ko'u komo kapa ana me oukou, e kauia i hoailona alii koa, a e kapaia owau kekahi o na alii koa o ka moku nei, a ae oe, alaila, e papaia ua mea a pau o ka moku no keia mea a kaua e kamailio nei."

            Olelo aku la ke alii moku. " He pono kou manao, aka, pehea la e nalo ai kou helehelena wahine, no ka mea, e hoike ana kou mau maka a me kou lauoho, a me kou leo hoi i ka haawina oiaio i ku ia oe."

            " Aole pela e pono ai oe ke olelo mai," wahi a Losinehama, " he pono nou e kau mai i hoailona alii koa maluna o'u."

            A no keia mea, lawe ae la ke alii moku ia Losinehama ma ka rumi komo kapa o na alii koa. Kahiko ae la oia ia ia iho, i na aahu o na'lii koa, a kau aku la i na gula, a kau pu me na hoailona a pau e pili ana i ka oihana alii koa.

            A o kona lauoho loloa, owiliia ma ka poo a puni, kauia ka lauohokui kane ma ke poo o Losinehama, lawe ae la i ka mahiole maluna o kona poo, alaila, i ka nana ana a ko ka moku poe, he kane maoli no o Losinehama, aka, ma ka leo ke kaawale.

A no keia hana a Losinehama, kauia ae la he kanawai no na mea a pau maluna o ka moku ; aole e haiia keia hana a Losinehama ma Helene.

            (O ke kumu o ko Losinehama manao ana e hoano-e ia ia, i mea e hiki ai ia ia ke haiolelo imua o na Halepule o Helene, no ka mea, ua ike kela ma ka Baibala iloko o ka Paulo Epikesole, " He mea hilahila i na wahine ke haiolelo ma ke anaina nui iloko o na Luakini," a he makemake paha kona e kamailio, aka, aole i aeia na wahine pela e kamailio ai.)

            I ka eono o na la o Losinehama ma ka moku, i ka moku hoi e ku ana ma ke awa, a mahope iho o ka pau ana o ka haawi ana i na pu aloha, lele ae la ke alii moku i uka, a me kekahi mau alii koa e ae, a o Losinehama pu hoi kekahi.

            A hiki aku la i ke kulanakauhale alii, ia manawa, makemake ae la ke alii moku e halawai mua me ke " Kuhina o ko na aina e," a i ka hele ana a kokoke hiki i ka hale ; ia manawa, kani ana ka bele halawai ma ka Luakini.

            I aku la o Losinehama i kona mau hoa hele, " E hele oukou ma ko ke Kuhina o ko na aina e hale, e hele ae wau i kahi o kela bele e kani mai nei." " O kakou pu no," wahi a kona mau hoa hele.

            Ia manawa, hele aku la lakou ma ka Luakini, aia hoi, e akoakoa ana na mea a pau maloko o ka Luakini.

            Ia lakou i komo aku ai, e haiolelo mai ana ke Kahunapule iluna o ka Awai ; a no ka ike ana mai o ua Kahunapule nei i na alii o ka moku. Ia manawa, hoopakole ae la oia i kana haiolelo ana, haawiia mai la i na malihini ka olelo me ka i mai o ua Kahunapule nei. " Malia paha he manao kona ma @ ina he manao ko kekahi o na malihini, e pii mai maanei."

            Ia lakou i lohe aku ai i ko ke Kahunapule olelo no lakou, kukakuka iho la lakou i ko lakou mea e hele e haiolelo, a o Losinehama ko lakou mea i manao e haiolelo.

            Ia manawa, wehe ae la o Losinehama i kana pahi mai kona puhaka ae, e pii akua la iluna o ka Awai ma ko ke Kahunapule wahi.

            Ia wa, ku mai la o Losinehama me kona hanohano alii koa, a olelo mai la imua o ke anaina. " E na makamaka, na hoahanau, ka poe i kapaia he poe haipule, aole a'u olelo no'u iho, a no ka moolelo o ka makou holo ana mai nei ma ka moku, aka, no kakou no ka poe haipule, ka poe e manaolana ana he Akua ma ka lani. he ala hou ana, he la hookolokolo nui ma ke ao nei, a he hoopai ana no ka poe hewa ma ka po pau ole.

            " Ke waiho aku nei wau i ko'u mahalo no oukou, i na he poe haipule io kakou, alaila, ke olelo hookamani ole nei wai no kakou, a no ka poe e like ana me kakou, no ka poe haipule i hala aku la, a no ka poe mamua aku nei, no lakou ke kuleana nui ma ka lani ; a maluna o lakou ka lanakila, no na hoopilikia kumu ole e ili mai ana, ke lilo nae i poe haipule io ma ua kapuai o ke kanaka i kapaia o Abeiahama.

            " No ka mea, ua lohe no au i kekahi leo i pae mai mailoko mai o kahi pilikia, kahi hikiwawe loa ke hoehaia, oiai wau ma kekahi Kulanui, e olelo ana penei :

            " E ke Alii, e ola mau loa oe ; ua hoouna mai ke Akua i kona anela e hoopaa mai i ka wahi o na Liona. i ole lakou e hoeha mai ia'u (Daniela VI : 21, 22.)

            " Nolaila, ma kuu manaolana i ka Haku, he hiki ia kakou ke ku lanakila imua o na pilikia he nui, ke like kakou me ka mea nona ka leo mailoko ae o ka lua Liona.

            " Pela hoi, o kekahi wahina ma Sepania. he wahine haipule manaolana i ka Haku. ua pale aku oia i na hoowalewale he nui. Aka, mahope iho o ko laua noho pono ana me kana kane, ua loaa ka manao ino i kana kane, a ua hookomoia maloko o kekahi pahu kupapau, a kiolaia iloko o ka muliwai ; a no kona manaoio i ka Haku, ua malamaia kona ola, a halawai me kekahi moku, a ua lanakila oia mai ka pahu kupapau ae ; oia hoi ka'u e olelo nei, no ka poe haipule io ke kuleana nui ma ka lani, a he poe ike maka lakou i ke Akua, e like me ka mea i oleloia ma kekahi pauku o na Halelu o Davida, e olelo ana ma kona ano haipule penei.

            " Ike maopopo aku la wau (Davida) i ka Haku, e ku mau loa ana mamua o'u ; no ka mea, aia no ia ma ko'u lima akau, i ole wau e naueue ; no ia mea, hauoli kuu naau, a olioli hoi kuu elelo, a e moe malie no ko'u kino me ka manaolana. No ka mea, aole oe e waiho ia'u ma ka po, aole hoi e haawi mai i kou mea hoano e ike i ka palaho ; ua hoike mai oe ia'u i ka aoao o ke ola, e hoopiha mai no hoi oe ia'u i ka olioli i kou maka.

            " A nolaila, e na hoahanau, e like me ka mea i oleloia e Davida, pela i  malamaia'i ke ola o kela kaikamahine maloko o ka pahu kupapau." * * *

            He nui koaa haiolelo ana, aka, iloko nae o keia manawa o Losinehama e olelo ana, kulou aku la kona mau hoa e kamailio ana me ka leo hawanawana, no ka maikai o ka haiolelo ana, a e mahalo ana no ka pili o kana mau olelo nona iho ; a pela no hoi ka lehulehu oloko a pau.

            A pau ae la keia mau mea, hele aku la lakou ma kahi o ke " Kuhina o ko na aina e," a ma ke ahiahi ana iho, hoi aku la iluna o ka moku.

            Ma kekahi la ae, o ka lua ia o na la o ka moku ma Helene ; ia la, hoomaka ae la ke alii moku i kana hana i hoounaia mai ai mai Beritania mai, oia hoi ka hoonoho ana i Kiaaina hou no na kanaka Beritania e noho ana ma Helene.

            Iloko o kela manawa, ia lakou e hoomakaukau ana ma ka hale e hana a e hooponopono no ua Kiaaina nei ; ua hoopukaia kekahi olelo no Losinehama, e pani ma kahi o ke Kiaaina mua, a ua hooholo kokeia ka manao ana pela.

            A no kela olelo hooholo no Losinehama, kakauia iho la he palapala hookohu no ko Losinehama noho Kiaaina ana.

            Laweia aku la ua palapala nei imua o Losinehama, e like me ka hooholo ana a na Luna Beritania, pela i ae ai o Losinehama ; a noho iho la oia ma ka noho Kiaaina no na kanaka Beritania ma Helene, me kona ano @ @ @ @ @ o Losinehama. i aku ia ka moku.

            Hookahi malama mahope iho o ko Losinehama noho Kiaaina ana ikeia ae la @ @ manao a pau ana, a me kona akamai hoi ma na kanawai.

            Ia manawa, @ iho ia o Losinehama, @@wai Kiekie o ke aupuni o He@ mahope me o koaa mau la o kona noho L@ nakanawai ana i keia maloko o na nupepa kekahi olelo hoolaha, no ke kanaka @ @ hoohaumia ke kaikamahine a @ M@ a F@rani, ma ke kulanakauhale o Parisa, he olelo kauoha, e hele aku na Lono akamai o ia a@puni a pau o Europa, e @mi i ke ola @ maka nei nana i hoohaumia ke kaikamahine a ka Moi o Farani.

            No ka mea, o ke kanawai o ka mea @ e hoohaumia i na kaikamahine al@ o Fara@ " e h@a oia."

            A no keia mea, hele aku la ma L@@o a@ mai o na aupuni a pau i Farani, e like @ ka olelo hoolaha ma na nupepa : a o Losinehama kekahi i hiki i Farani no keia mea.

            Aka, i ka hiki ana aku o na Lo@o, ua @ maka koke ka hana, a iloko oia manawa, @ imua ke ola o ua kanaka nei nana i hoohaumia ke kaikamahine alii, aole nae i loaa ak@ ua hooholoia e like me ke kanawai i k@ ia, oia "he @ia."

            Iloko nae o kela manawa, aole o Losinehama i hiki aku, ia ia i hiki aku ai, @ @ holoia ka make o ua kanaka nei.

            I kekahi la, nonoi aku la o Losinehama ka Ilamuku Nui o Farani, e komo oia @ o ka Halepaahao, a loaa ia ia ka palapala a komo ae la oia iloko o ka Halepaahao.

            Ia manawa, halawai aku la oia me ke @@@@ka e @@'na no ka hoohaumia i ke kaikamahine alii.

            I aku la o Losinehama i ua kanaka @ " Pehea oe?" Olelo mai la kela " Ua @ holoia ka make no'u."

            Ninau hou aku la o Losinehama, " Ua hana io no anei oe i ka hewa ?" "Ae, 'w@ a ua kanaka nei, " ua holo like no @@ @ maua me ua kaikamahine la ko maua manao e hana i ka hewa, a oia no ko ma@@ @@ @ i hana hewa ai; aka, i ka hookolokolo @ ua hoole ua kaikamahine alii nei, a no@@ @ wau i pilikia ai ; ekolu la i ko@, e @@a wau."

            Olelo aku la o Losinehama, "Ina e like me kau e olelo nei ia'u, alaila, e loaa ia oe @ ola ana."

            I mai la ua kanaka nei, " E kuu Makua, in a e loaa ia oe kuu ola, alaila, o ka @ hapako'u o kuu waiwai kou uku."

            Olelo aku la o Losinehama, " O kau aku, nou no ia ; aka, e hoopakele no wai i kou @ @ mai ka amana mai.

            " Nolaila, ke olelo aku nei wau ia oe @ hoolohe loa oe i ka'u mau olelo, a ma @ @ lo o kuu waha he laau ola nou, aia iloko @ na Kumukanawai a me na kanawai o @ aina nei.

            " Peneia oe e hana ai, aia a ka@ia oe @ na o ka amana o@ e @ia'i, a u@@a @@ p@@ ko pua-i ; ia manawa oe e akaaka mai a@@ @ ina i ninauia oe no ke kumu o kou aka @@@ ana, mai kamailio oe, aia a uhi hoa@@ @@ @@-le maka imua ou, alaila, akaaka nui loa @ oe, alaila, he mea hou ia no ka poe e ha@@ aku ana i ka make kaumaha, a i ninau @ @ ia oe no ia mea, alaila, e olelo mai oe i @@ kumu o kou akaaka ana, e penei oe e o@@ @ ai, ke ninauia mai oe.

            " E akaaka ae ana no wau ia maua me ke kaikamahine alii ; no ka mea, i ka manawa @ a maua i hoomaka ai e hana i ka hewa, @ maua e hui kino ana, hui pu aku la k@ wahi huna me ko iala palule iloko o k@ wahi huna, a nolaila  wau i akaaka iho @ aia a lohe wau i kau olelo pela, alaila, na @ e ninau i ke kaikamahine alii, malia o pu@ mai kekahi olelo e pili ana i kou ola. alaila e ola oe."

            A hiki i ka la o ka @@a o ua kanaka @ hele ae la na mea a pau o ke kulanakauhale a pau o Parisa ma kahi e @a'i ua kanaka nei.

            Laweia ae la a kau ma ka Amana, a @ ka pale maka imua on a me ka hookomo ana i ke kipuka ma ka a-i o ka mea e @a'na ; @ manawa, akaaka mai la oia.

            Ia manawa ana e akaaka ana, he mea puiwa loa ia i ka poe e nana aku ana ia ia, a hemea hou no hoi.  A no keia mea, a mamuli hoi a ke kauoha a ka Moi i kona Ilamuku e ninau aku i ke kumu o kona akaaka ana.

            Ninau aku la ka Ilamuku, "Heaha kau mea i akaaka ai iloko o kou wa aneane make ? No ka mea, aole i ikeia ke kanaka kaumaha i kona make i like me oe ka akaaka mai, a pehea la i hiki mai ai ka manao akaaka mai kou waha mai ?" Aole nae ka mea hia i kamailio mai.

            (Aole i pau)