Ka Nupepa Kuokoa, Volume II, Number 29, 18 July 1863 — Ka la hoihoi Ea o ka Aina. [ARTICLE]

Ka la hoihoi Ea o ka Aina.

O ka la hoihoi ea o ka aina, oia no ka la i oleloia e J. W. Kaikainahaole, ma ke poo o kana olelo hoolana, e olelo ana oia Hauoli! Hauoli. Ua ane like loa ko'u manno me ko J. WKaikainahaole ma kekahi mau manao. a ma kekahi hoi, aole like loa. No ka mea, ua kauohaia mai na keiki a pau o ka helu akahi ma keia Mokupuni ka poe hoi i maa ma na hana eleu. E akoakoa mai lakou ma Kaopuoua, he wahi ahaaina i hoomakaukauia e J.W. Kaikainahaole. He mea maikai, a he mea mahaloia ko kakou olioli ana i ka la 31 o Julai, oiaio no ka la i kau hou ia ai ko kakou Hae Kalaunu iluna. A oia no hoi ka la i hoihoi ia mai ai ke ea o ko kakou Aupuni A mamuli o keia olelo paipai a J.W. Kaikainahaole, ua makaukau no hou au i ka poe makaukau i ka hoomana Akua o na keiki kupa o ka aina, o kela hoomana keia hoomana, i hoomanaia e na kupa Hawaii. He mea pono no ia lakou ke akoakoa ma ko lakou mau Luakini, a e hoomana aku i ke Akua nui o ka lani. No ka mea, he kuleana ko kakou e hiki ke hoomana i ke Akua, i kela la 31 o Julai. No ka mea, i ka la i haule ai ka Hae Hawaii o ko kakou Aupuni ilalo, ua maopopo no ia kakou, aole kekahi o na kanaka ikaika i kii aku a kaua ia Beritania, a mamuli o ia ikaika i hoihoi ia mai ai ke ea o ka aina. I ka wa e waiho ana ka Hae Aupuni ilalo, ia manawa hoakoakoa ae la ka poe haipule o kela hoomana keia hoomana me ka naau kaumaha ame ka ehahea, no ka lilo ana o ka maluhia mai ke Aupuni aku. Aka, hapai mau ae la ka poe haipule i ke Akua, me ka noi aku iaia e kokua mai i keia Aupuni liilii loa imua o na Aupuni nui a pau o ke ao nei. A mamuli o ia kumu i manao ai au, ua kupono no ia kakou e ka poe haipule ke hoolilo i ka la 31 o Julai i la haipule, no ka mea, he oleloa hoi ko kalewa hele ma kela huina alanui ma keia huina alanui, e alualu hele ai i ka poe Kinai Ahi, ame na Koa Kaua Lio.) Aole nae au e keakea ana i ke kauoha a kekahi o na helu akahi o ka poe eleu, me ka ulele pu no hoi. No ka mea, o ko kakou la no ia i lilo ai i Aupuni Kuokoa mai waena mai o na Aupuni nui o ka honua. A he pono no kakou ke olioli me ka hoomaikai pu aku i ke Akua, i mau ai ka noho Moi ana o ko kakou mau Moi Ilihia ma ko laua kulana Moi ana. A pela no no Kuhina Alii malalo iho o laua. A e ola na Moi i ke Akua. W.N.P