Ka Nupepa Kuokoa, Volume II, Number 32, 8 August 1863 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE II. HELU 32. HONOLULU, AUGATE 8, 1863. NA HELU A PAU 89.

"KA NUPEPA KUOKOA."

HOOPUKA MAU IA MA HONOLULU

I kela Poaono keia Poaono.

$2.00 no ka makahiki,

ME KA HOOKAA MUA MAI.

 

NA OLELO HOOLAHA – aole i oi mamua o @ laiuna no ka hoo-@ ana, $1.00: alua k@ he $1.50: @ $2.00. E @ ia mai ku dala o na olelo @.

KANIKAU - @ hapalua dala ka @ o ka pepa leta, oia hoi 2 keneta no ka @penei: he $.50: @ lalani, $1.00: a pela’ku.

KA UKU NO NA OLELO HOOLAHA - ka uku pepa, a me ka uku o ka K@, e haawiia @ lima o na Luna o ke Kuokoa, a i @ e hookomo mai no ma ka leta, a hoouna @.

O NA UKU PEPA A PAU E HOOKAA MUA MAI NO - aole e kauia ka @ ka poe lawe pepa ke ol@ e hookaa e mai mamua. E pono @ auhau no keia nupepa. H. H. M. WINI (Luna Pai.)

 

KA "NUPEPA KUOKOA."

Is published in Honolulu

EVERY SATURDAY,

$2 00 per annum in advance.

 

ADVERTISEMENTS not exceeding 20 lines inserted once for $1 00; twice for $1 50 ; and $2.00 for one month ; all advertisements must be paid for in advance.

KANIKAU @ be charged 50 cents per page.

PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be inclosed in a letter to the Publisher.

ALL SUBSCRIPTIONS must be PREPAID. No names, either of foreigners or natives, will be inserted on the subscription list. until paid for. This rule must be strictly adhered to, on account of the low subscription price.

H. M. WHITNEY.

Publisher

 

Volume I of the KUOKOA, bound, for sale, $4 00 each.

 Persons having complete sets of the above, can have them exchanged for bound volumes. by paying $2 00.

 

Kanikau no Samuela Ielemia.

 

E Samuela, i hea oe i nalowale iho nei,

I haalele ai oe i ka pili me makou na pokii,

I maliu ole mai ai oe i kaualo aku ?

I kau alo aku hoi a kou mau pokii muli - e !

Ke imi nei ke aloha i kou wahi i hele ai aole i loaa,

Ua lilo oe i punawelewele he ane manu kou hoa e like ai,

Kuu kaikunane ka mea aloha e ua hala ;

Ua haalele i ka nui i ka lehulehu.

Ia Samuela mahea oe i hele iho nei - e ?

I lono ole mai ai oe i ka uwalo aku,

I ka pai auina aku hoi a kou makuahine,

A Eseta muli hope o ka mea nana oe i hanau mai,

O kuu kaikunane ka hoi ka mea minamina,

I ka hele kohana aku nei i ke alaula o Kanaloa,

E i aku nei paha oe i Mauliola - e ;

I ke kihapai nani hemolele olua - a.

la Sumuela, e nohea mai keia hele ou.

I kakali ole iho ai a loaa ka moku e holo ai.

Ua lilo oe ua hopu ia mai - a ;

E ka mea kiekie o luna lilo - e,

O oe ka ka uhane i palamimo aku la,

I ka ua liilii ana iho i ke kakahiaka,

I ka o ana mai o ke kukuna o ka la i Mokaulele.

Ua lele ka uhane o kuu kaikunane aohe iho nei la.

E Samuela Ielemia, auhea oe la - e ?

Noho ana oe a maliu mai la ea,

A lawa iki mai ana oe i kaualo aku,

I ke kanikau hoi a Nehemia kou kaikuaana,

A ka hanauna mua o na makua o kaua,

Ke kanikau nei oia ia oe la - e ;

I kahi a olua i hele ai oiai ke ola,

Ua haalele ke ea o Samuela i ke kino,

Nona ke aloha no kuu hanau mua,

I hele aku nei i ke ala hiki ole ke hoi mai.

E Samuela Ielemia - e !

Nou ka ka leo himeni e nunulu nei,

I ka pili o ke ao i ka wehena o ke alaula.

Laula ke ala o kuu kaikunane i hele aku la,

I ko kilakila aku la i ka mauna o Himele,

E hooipo ana paha ka uhane me Poliahu,

Me ka wahine nona ke kapa hau i ka piko o Maunakea,

O kuu kaikunane ka mea aloha e ua nalo,

Ua koe elua maua na kaikuahine i ke ao nei.

O ka pau keia o na Kaikunane mai ka makua hookahi,

O oe ka ka ipukukui pio ole i ke Kauaula,

E hoomalamalama ana i ka moku holo mai,

I ike aku ai ka uhane o kuu kaikunane,

O ka mea aloha hoi ua nalowale aku,

No Samuela Ielemia ke aloha la - e !

Aloha oe i hoopuluia me ka waimaka.

H. REBEKA IELEMIA.

Kanikau aloha nou e Samuela.

Kuu kaikunane mai ka la wela o Lahaina,

Mai ka malu ulu la o Lele,

Lele mai ana kou aloha me he ao opua ala,

E hoohiki lele ana i ke aloha me ka manao,

I manao aku hoi ka wahine i hoa pili oe,

No keia makahiki kanaonokumakolu, ko kino kai hele aku,

Ke aloha kai hiki mai. MARIE.

Kanikau aloha nou e Samuela,

Kuu kaikunane mai ka ua ulalena,

Me he kapa olena ala i ke one o Kahualoa,

E hoohuelo ana i na lehua o Kukalia,

Aha oo e kuu hoa e hele aku,

Aia a ike kaua i ka holo a Ema Ruka,

I ka hele wale alinolinohau,

Aloha ino, aloha wale. REBEKA.

He uhane he aloha no Samuela.

Kuu kaikunane mai na ale huliloa o Pailolo,

Mai ka makani pahili palua oia kai,

Akahi au a ike i ka mea nui la he aloha,

E houlaia nei la i ka nui kino,

Kuu kaikunane mai ka hale makua nui,

Ua lilo ua nalo aole iho nei,

Aloha ino, aloha wale. KAPAHUA.

MARIE IELEMIA.

Pahumanamana, Lahaina, Iulai 28, 1863.

 

 

HE KAAO

NO KE KEIKI ALII OPIO

CAMALAZAMANA,

A ME KE'LII WAHINE OPIO

BADOURA.

I unuhiia noloko mai o ka Arabian Nights, hoomakaia mai ka po hookahi haneri me kanahiku. a pau i ke koena o ka po elua haneri me kanaha kumamaiwa.

 

"KA MOOLELO O NA KEIKI A CAMALAZAMANA, O AMIGIADA ME ASADA."

HELU 11

 

MAANEI. E HOI HOU KAKOU IA Asada.

 

Ke hoomau nei no ka poe Magiana i ka pepehi hoomainoino ia ia, i ka po a me ka ao, a hala hookahi makahiki okoa; ia wa kokoke mai ka ahaaina a ua poe Magiana nei, ia wa, hoomakaukau iho la o Balama, (o oa elemakule nei nana keia i lawe ) e hana i moku nona e holo ai ; a hookomoia iho la keia iloko o ka pahu, a hookau ia aku la iluna o ka moku.

 

I ka manawa i lawe ia aku ai o ka pahu iluna o ka moku, e ku ana o Amigiada, e nana ana i ke kai. Kau ae la ia iluna o kona lio, a holo aku la i ka moku.

 

I ka hiki ana aku i ka moku, kauoha ae la ia i kona poe e huli iloko o ka moku. Huli iho la lakou, aole nae i loaa ; a hoi aku la a hai aku ia Amigiada, a o ko lakou hoi aku la no hoi ia.

 

Hele aku la o Balama a kau iluna o ka moku, a holo aku la. Holo aku la lakou nei o ka po, o ke ao ; aia a elua la, alaila keia weheia ae e hanai, pela a kokoke wale lakou i ke kuahiwi o ke Ahi. Aka, e hoea mai ana ka makani ino, a kupikipikio ua ale o ka moana; nolaila, lalau ka moku, a holo aku la ha mana okoa, a ike ana lakou he kulanakauhale i kapa kahakai. He wahine ka Moi non keia kulanakauhale, o ke Kuini Magiana kona inoa. Alaila, olelo aku ke Kapena o ka moku ia Balama, " Ua lalau mai kakou, nolaila, e komo kakou i keia awa e hoomaha ai, a mahope aku, e hookuu aku i ke Akua e hana e like me kona makamake. " Pane aku o Balama, " He maikai kau olelo, a e hana ana au e like me kou makemake. " Olelo hou aku ke Kapena, " Ina e hoouna mai ke Kuini Magiana e ninaninau ia kakou, a pehea auanei kakou e pane aku ai ? He Mahomeda oiaio ke Kuini Magiana ; a i na kela e lohe, he poe hoomana kakou i ke debolo, kailiia'ku ka moku, a pepehi ia mai kakou a pau loa. "

 

Pane aku o Balama, " Eia ka Mahomeda me kakou, a e hookomo kakou ia ia i ke kapa o ke kauwa, a lawe pu kakou ia ia me kakou; a ina e ike mai ke Kuini, kuhi mai ia he kauwa; a na'u auanei ia e olelo aku, 'owau ke kalepa kuai kauwa,' he nui hoi na kauwa a'u i lawe mai nei, a o ianei wale no koe. " Olelo aku la ke Kapena, " He maikai ia manao. "

 

I ko lakou ku ana aku, e iho aku ana ua wahine nei me na koa, a pili i ka moku, kahea aku la i ke Kapena. A lele aku la hoi ka Kapena i uka, a honi iho la hoi i ka lepo imua o iala; a pane mai kela, " Heaha kaukana o kou moku, a owai ka ohua. " Pane aku la keia, " E ke Kuini o ka manawa, he kanaka kalepa kauwa kai hele mai nei me a'u. " A olelo aku keia, e lawe ia aku i ona ala. Aia hoi, hele aku la o Balama, me Asada, ua hoaahuia i ke kapa o ke kauwa, a i ka hiki ana aku o Balama, honi iho la ia i ka lepo. I ka ike ana o ke Kuini Magiana ia Asada, manao mai la no hoi ia he kauwa keia; nolaila, ninau mai i kona inoa. Olelo aku keia, " O ko'u inoa anei i keia wa, a o ko'u inoa paha i ka wa mamua ?" " Elua ka ou inoa? " Pela mai ke Kuini. I aku keia, " Ae, o ko'u inoa mamua, o Asada ; a i keia wa, o Mota. " Nolaila, komo iho la ke aloha iloko o ke Alii wahine, a ninau mai la hoi, " He ike no nae paha oe i ke kakau. " Pane aku keia, " Ae. " Alaila, haawi mai la kela i na mea kakau. Alaila, kakau iho la keia he mau hua mele. I ko iala ike ana i ka ianei mea i kakau ai. koi mai ia ia Balama e kuai ia ia nei. Pane aku o Balama, " Aole e hiki ia'u ke kuai aku ia ianei, no ka mea, o ka'u kauwa hookahi no keia i koe." Aka, olelo aku ke Kuini Magiana, "E lawe io ana au i keia kauwa mai ou la, a ina i ole, ma ke kuai, a ma ka haawi wale. "

 

Pane mai keia, " Aole au e kuai aku, aole ao hoi au e haawi. " Aka, hopu mai la no kela a lawe aku la: a mahope iho o ko laua hiki ana i ka hale alii, kauoha mai kela ia Balama, me keia mau olelo. " I na aole oe e holo i keia po, hao la e a'u kou waiwai a hoopoinoia e a'u kou moku. "

 

I ka hiki ana o ka elele, piha loa iho la ia i ke kaumaha, a olelo ilio. " He oiaio. he holo moewaa maoli ana mai nei keia. "

 

A hoomakaukau iho la ia no ka holo ana i ua po nei, a olelo mai i na kela, " E hoopiha oukou i na iliwai. " Nolaila, he aku la lakou e ukuhi.

 

I ko Magiana hiki ana aku i ka hale, laua o Asada, hoolale iho la ia i na kauwa wahine e laweia mai ka ai: a i ka makaukau ana hoi, noho pu iho la laua nei me Asada e ai. A mahope iho, laweia mai la ka uwaina, a inu like iho la no laua nei.

 

No ka hookomo ana mai o ke Akua i ke aloha iloko o keia wahine ia Asada, ninini iho la ia i ka uwaina iloko o ke kiaha a hoohainu mai la ia ianei, pela kana haha a hiki wale i ka wa i haalele mai ai ko ia nei noonoo. Ia wa, ku ae la keia a iho aku la ilalo, o kona hele loa aku la no ia a komo ana iloko o ka pa mea kanu ; hele aku la keia a ma ke kae o ka punawai, hiamoe.

 

Ia manawa, kahea mai la o Balama i na kela e kuu ka pea, a holo aku ; olelo aku la kana. aia a piha na iliwai a lakou.

 

Hele aku la ua poe kela nei a pii aku la maluna. a komo aku la no iloko o ka pa mea kanu. a loaa iho la keia e moe ana iluna ke alo. Nolaila, piha iho la lakou i ka olioli i ko ia nei loaa hou ana. O ko lakou hopu iho la no ia, a lawe hou ia aku la keia iluna o ka moku.

 

I ko Balama ike hou ana mai la ia ianei, piha loa iho la ia i ko olioli, a kena koke ae la e holo ka moku, a o ko lakou holo koke aku la no ia.

 

O ke Kuini Magiana hoi. mahope iho o ko Asada iho ana mai ilalo, noho iho la e kali i ko ia nei hoi hou aku; a no ko ia nei hoi ole ana aku, ku ae la ia a hele ma la e huli ; aka, aohe nae i loaa. Kauoha aku la ia i na kauwa wahine e hele e huli. I kona ike ana aku ua hamama ka puka o ka pa mea kanu. hele aku la ia iloko o laila e huli ai, a loaa iho la ia ia na kamaa o Asada, e waiho ana ma ka aoao o ka punawai; a huli aku la ia a puni o loko o ua pa nei, aole nae keia i loaa. Pela kona huli ana a ao ua po nei, ninau ia no ka moku, a olelo ia mai ua holo ; nolaila. manao iho la ia, ua lawe hou ia no e lakou la; nolaila, piha loa iho la hoi ia i ka huhu. a hoolale iho la, e hana ia he umi moku nui. A hoomakaukau iho la ia iaia iho no ke kaua; a kau aku la ia me na koa ona, a olelo aku i na Kapena, " I na e loaa ia oukou ka moku o ka poe Magiana. e haawi no au ia oukou i na lole hanohano, a me ka waiwai ; a i na i loaa ole ia oukou, pau oukou ia'u i ka make. "

 

Holo aku la lakou nei a poakolu, hoea ae ana ka moku o Balama; aole i po ua la ala. ua puni kona moku i na moku o ke Kuini Magiana. O ka lawe ana ae no ia o Balama e hili ia Asada, a e uwe ana keia me ke noi i kokua. Aka, aohe nae he loaa ia ia o kekahi mea nana ia e kokua aku. Huli ae ua o Balama e nana, aia hoi ua puni kahi moku ona i na moku o ke Kuini Magiana.

 

Akaka loa iho la ia ia kona pilikia, hanu loihi ae la, a olelo ae, " E Asada, e malama oe ! o oe wale no ke kumu o keia pilikia ! "

 

Alaila; hope iho la o Balama ia ia nei, a olelo aku i na kela, e hooleiia keia iloko o ke kai.

 

O ko ianei hopuia iho la no hoi ia a hooleiia i ka moana. Aka, o ke Akua, nona ka inoa e hoonaniia, ua makemake ia e hoopakele ia ianei, a me ka hooloihi i ko ianei ola pu kekahi; nolaila, ua ae ia e piho keia. a e hoea hou ae no mahope. A hoomaka iho la keia e ka i na wahi lima, a me na wahi wawae i o a ia nei, a hiki wale i ka manawa a ka Akua i hoomaalili mai ai i ko ianei pilikia. Ua hiki mai ke kokua, ua ku ae ua ale a hoopae ia keia i uka. Kau aku la keia i uka, me ke akaka ole ia ia ua pakele ia; uwi iho la keia i na wahi lole ona, a kaulai ae la no hoi, a noho iho la uwe, no na pilikia i loaa ia ia. Mahope iho, komo iho la keia i na wahi lole ona; aka, aole nae ia i ike i kahi e hele ai.

 

O ka lau o ka nahelehele, a me ka hua o na laau kana ni; a hele aku la keia o ka po a me ke ao, a hiki ana keia he kulanakauhale, ( o ke kulanakauhale no keia ona i hoopaa pioia ni, a e noho Kuhina ana ke kaikuaana no ko laila Moi. Aka. i kona hiki ana aku, ua poeleele. a ua paa ka puka o ke kulanakauhale : nolaila. hele ia iloko o ka pa kupapau e imi ai i wahi nona e hiamoe ai. loaa aku la ia kekahi poe e hamama ana no ka puka. o kona komo aku la no ia alaila e hiamoe ai.

 

I ka wa i loaa ai o Balama i ke Kuini Magiana, puni mai la keia i ka ia la mau olelo maalea. Nolaila. hoi mai no ia me ka lanakila a hiki i ke kulanakauhale: I kona hoi ana mai, hele mai la ia ma ua ilina nei. a ike iho la i ka hamama o ka poo o Asada e moe ana: nolaila, olelo iho la ia. " E nana ana au ia loko o keia poo. " A i kona nana ana aku ia loko. ike iho la ia ia Asada e moe ana, alaila, pane aku ia, "Ke ola nei ao ka oe ? " Hopu aku la ua kanaka nei: a lawe hou ia aku la keia a kahi ona i hoopaa muaia'i. Iloko o ua hale nei, he lumi aia ilalo, a he kaikamahine kana o Bosetona ka inoa, he lumi keia i hoomakaukau ia no ka hoomainoino ana i ka poe Mahomeda. Nakiiia iho la na wawae o ia nei i ke kaulahao, a olelo aku ua kanaka nei i ke kaikamahine ana e pepehi mau ia ia nei a hiki i kona wa e make ai.

 

Nolaila, iho aku la ua kaikamahine nei ilalo e pepehi ai ia ia la; aka, i kona ike ana aku i ko ia la kanaka maikai. komo iho la ke aloha iloko ona. a olelo aku. " Owai kou inoa ?" Pane mai kela. " O Asada ko'u inoa. " Olelo hou aku ua kaikamahine nei, " E hoopomaikai ia oe, a me kou mau la, aohe kupono o ka hana ino kau ia oe, a ua akaka iho la ia'u. ua hoeha hala ole ia oe. " Alaila, weheia ae la ke kaulahao i paa ai na wawae.

 

A mahope iho, hele ua kaikamahine nei a ku ma ka puka, a lohe aku la ia i ke kanaka e kahea ana. " O ka mea ia ia kekahi kanaka opiopio kanaka maikai, e hoike mai, e loaa ia ia ka waiwai; a o ka mea i ike ia ia a huna mai. e liia oia ma ka puka o kona hale iho, a e haoia kona waiwai. a wawahi ia kona hale. "

 

Ua hai mua aku o Asada i ua kaikamahine nei i kona mooolelo: a i kona lohe ana i ke kahea. nolaila. akaka iho la ia ia, no Asada keia e huli ia mai nei. Hoi aku la ua kaikamahine nei a hai aku la ia Asada. a o kona ku ae la no ia a hele aku la i kahi o ke Kuhina; kahea ae la ia, " Ma o Alahe, a he oiaio o ko'u kaikuaana keia, o Amigiad !"

 

Hele aku la laua nei me na kaikamahine nei i ka hale alii, a i kona ike ana aku i ke kaikuaana. lele aku la keia uwe a i ka ike ana mai no hoi o ke kaikuaana, lele mai la no hoi ia, a uwe iho la laua nei. I ka pau ana ae o ko laua uwe ana. lawe aku la o Amigiada i ke kaikaina imua o ka Moi, a hai aku la i kona mooolelo; nolaila, kauoha mai la ka Moi ia ia e hao i ka hale o Balama. alaila. hele aku la na koa e wawahi i ka hale o Balama, a laweia mai ke kaikamahine imua o ke Kuhina; aka, ike aku la ke Kuhina ia ia me ka hanohano. Alaila, hai aku la o Asada i kona mau eha i pepehi hoomainoino ia ai, a me ka malama ana o ke kaikamahine o Balama ia ia. Alaila, hai mai la no hoi o Amigiada i ka mooolelo o laua me ka wahine. a me kona pakele an mai liia, a lilo ia i Kuhina.

 

A mahope iho, kauoha aku la ke alii e laweia mai o Balama, a e okiia kona poo ; pane mai o Balama. " E ke alii maikai. ua paa kou manao e moku kuu poo ?" Pane aku ke alii, " Ae."

 

Alaila, olelo hou mai o Balama, " E hoomanawanui e ke alii." A kulou iho la ke poo o ua o Balama, a ea ae, hai mai la i kona huli ana i Mahomeda.

 

Alaila, hai aku la o Amigiada ame Asada, i na mea a pau i loaa ia laua ; alaila, pane mai la o Balama, " E o'u mau haku, e hoomakaukau olua no ka hele ana, a owau kekahi e hele pu me olua." A piha iho la laua nei i ka olioli no ia mea, e like me ko laua olioli i ko iala wa i huli ai i Mahomeda, aka, uwe iho la laua nei.

 

Nolaila, olelo aku la o Balama, " E o'u mau haku, mai uwe olua, malie o hui hou olua me ko olua ohana, e like me ko Niame, ame ko Noama ma hui hou ana."

 

Ninau mai laua la, " Heaha hoi ka mea i loohia ia Niame, ame Noama ?" Pane aku keia e like me keia mea malalo nei :

 

KE KAAO O NIAME AME NOAMA.

 

" Ua oleloia e na kanaka, (aka, o ke Akua ka mea ike loa) iloko o ke kulanakauhale o Cufa, he kanaka, a oia ke alii o ko laila makaainana. o Rabia ke keiki a Halima ; he kanaka waiwai loa keia, a ua hanau mai nana ke keiki kane. a kapa iho la oia i kona inoa. o Niame : a ia ia i ka makeke i kekahi la. ike au la oia he wahine kauwa me kahi kaikamahine auka e kuana ana.

 

Nolaila. peahi aku la o Rabia i ke kanaka kuai a ninau aku. " Heaha ke kumukuai o keia wahine kauwa ame ke kaikamahine ?" Pane mai kela, " He kanalima apana gula."
Alaila. kua iho la keia a lilo mai la, a hoi aku la ma kona wahi ponoi.

 

Ia manawa ana i hoi aku ai, ike mai la kana wahine i ke kauwa. a ninau mai la oia. " Heaha keia kauwa wahine ?" Pane aku ke kane. " I kuai aku nei au ia ia. i loaa kahi kaikamahine uuku : a e ike oe, ina e hiki i kona wa e nui ai. aohe he mea e like ai me ia ka nani ma ka pae aina aei o Arabia. ame na aina e aku."

 

Alaila. ninau aku ka wahine i ke kauwa. " Owai kou inoa ?" Pane mai kela, " E kuu haku, o Touleka ko'u inoa."

 

A ninau hou aku no keia. " Owai hoi ka inoa o ko kaikamahine ?" Pane hou mai no kela. " O Saada."

 

I aku la keia, " Ua hai oiaio mai oe : ua pomaikai oe. a ua pomaikai no hoi kou mea nana i kuai mai nei."

 

Alaila. ninau aku keia i ke kane. " Owai kau inoa e kapa aku ai ?" Pane mai ke kane. " Aia no i kau inoa e makemake ai."

 

Pane aku ka wahine, " E kapa kakou o Noama ?" Pane mai o Rabia, " Aohe hewa oia inoa."

 

Ua hanai puia o Noama me Niame iloko o ka moe hookahi, a hiki wale i ka umi o ko laua mau makahiki ; a ua like no ko laua ui ; me keia ke keiki kane e olelo aku ao, " O kuu kaikuahine." A pane mai no hoi ke kaikuahine, " O kuu kaikunane."

 

No laila. olelo aku la ka makuakane i ke keiki ana. " E kuu keiki, aole o Noama kou kaikuahine ; aka, he kauwa ia nau, o kuu kuai ana i kou wa iluna ke alo ; a nolaila, mai kapa oe ia ia he kaikuahine nou mai keia la aku." Pane mai ke keiki, " Ina oia aole o ko'u kaikuahine. alaila. e mare ana au ia ia."

 

Alaila, hele aku la oia e hai i ka makuahine i kona manao, a pane mai ka makuahine, " He kauwa ia nou ?" Aka, lawe ae la no keia ia Noama, a mare iho la i wahine nana. Eha makahiki mahope iho o ia wa, aole kekahi kaikamahine ui ma Cufe e like me Noama ; he kaikamanine naauao loa keia, ame ke akamai i ka hookani bila, nolaila, ua oi aku oia mamua o na wahine a pau.

 

Ia ia e noho ana i kekahi la me kana kane iloko i ka rumi inu, a hopu iho la oia i ka bila a hookani ae la, ame ke mele pu ia wa; nolaila, piha loa iho la ke kane i ka olioli ; a koi hou aku e mele hou mai kela.

 

Ia laua nei e noho ana me ka lealea, aia hoi o Hejaja iloko o kona hale kahi i olelo ai iloko ona, " E imi ana au i mea e lilo ai keia kaikamahine, nona ka inoa o Noama. a haawi aku na ka Moi Abakelamelika, ke keiki a Mawana ; no ka mea, aole iloko o kona hale alii, ka like o keia kaikamahine."

 

Alaila. kahea aku la oia i kekahi luahine, a olelo aku, " E hele oe i ka hale o Ribia, a koi oe e ike ia Noama ; alaila. imi oe i mea nona e lilo ai. no ka mea. aohe maluna o ka honua nei kona lua."

 

I ka kakahiaka ana ae, lei ae la ua wahine nei i ka lei kolona ona. a hele aku la ; i ka hiki ana aku o ua luahine nei, o ka manawa ia o ka pule ahiahi, a kikeke ana keia ma ka puka ; a wehe mai la ka mea ia ia ka puka, a ninau mai, " Heaha kou makemake ?" Pane aku keia, " He wahine ilihune au, a he hoomana i ke Akua ; a no ka hiki koke ana mai o ka wa o ka pule ahiahi, nolaila, makemake mai nei au e komo iloko o keia hale i hoonaniia e pule ai."

 

Ia manawa koke no, pane mai la ka mea ia ia ka puka me ka huhu, " E ka luahine, o ka hale keia o Niame, ke keiki a Rabia ; aole no hoi keia o ka hale pule maoli ?"

 

A mahope iho o ko laua olelo loihi loa ana, olelo hou aku ua luahine nei, " He hiki anei i ka wahine e like me a'u ke hooleia, aole e komo iloko o ka hale o Niame, ke keiki a Rabia, oiai he komoia e a'u na hale o na alii ame na Kuhina." Ia wa, hele mai la o Niame, a lohe oia i ka laua nei mau olelo, koi mai ua luahine nei e komo aku iloko.

 

O ko laua komo aku la no hoi a hiki ma kahi a Noama e noho ana, alaila, aloha aku la ua luahine nei i ke aloha maikai loa ; a i kona ike ana aku i ka nani maoli o Noama, olelo aku oia, " Ke hooili aku nei au ia oe na ke Akua e malama, ka mea nana oe ame kou haku i hoohalike mai ka ui ame ka nani luaole ma keia pae aina a puni."

(Aole i pau.)

 

No ke kanu Ko

 

Ua ike paha ko makou mau makahiki @ pau o keia kulanakauhale, i ka Olelo Hoo@ i hoopukaia ilkoko o ka pepa o ka pule @ e Junior Green & Co. ma ko laua ano hope no kekahi poe manao nei e hui, a e kukulu i kekahi H@ Wiliko ma Honolulu nei, ke maopopo a @ lakou ka nui o ka poe e ae ana e ka@ ko, ke kukulaia ka Wiliko eo lakou : a no @ makou manao. ua heluhelu wale paha ke@ hi poe me ka noonoo malie ole a me ke k@ paona pono ole hoi ; ke ano nui o na mean hoakakaia e na Olelo Hoolaha la, @ makou i manao ai o kamailio uuku no @ mea. ma ka iini hoi hoi e kuhikuhi aku @ hoa a pau e noho mai nei, i ka waiwai @ ko Honolulu nei poe, ke kukuluia @ Wiliko la.

 

Ua aneane no e maopopo loa i kela mea keia mea, o ka waiwai io e hiki ai ia kakou ke hilinai aku, oia no na hua i hoouluia i ka opu hoohua o ka honua, a o na kumu a me na waiwai e ae a pau. he mau mea liilii wale no ia. i puka lala mai no na mea o ka honua : a na maopopo ao hoi i ka poe a pau o keia papa honua, o kekahi mau apana a@ maanei, ke waiho wale nei, me ka hiki @ ke hooula mai i ke kalo, oia hoi na Lei @ waiho maloo nei, oia mau wahi a pau. he hiki ke kanuia i ke ko. ina ka Wiliko e kukuluia ana e ka poe nana e manao nei e hapai ia mea : a eia no hoi kekahi o na Kuauna Loi a me na wahi a pau e pili ana. he hiki ke hooliloia i mau wahi kanu, a i mea hoi @ hoowawai mai ai i ka mea nona ia. Aole @ wale ka pomaikai e loaa mai ana ia kakou ke kukuluia ka Wiliko : aka. ma ia mea e hiki ai ke aua mau ia ke dala iloko nei o k@ aina. ma ka hoohoihoi aku hoi i ka lehulehu e hana no lakou iho. a me ka noho ana @ hoi ; no ka mea, hoouna'ku kakou i ke @ kakou e kanu ai a i wiliia hoi i na aina @ a o ke dala ka kakou mea e hoihoi mai ai iloko o ka aina nei. Ua maopopo no ia kakou. aohe dala owaho mai wale no ke dala e laha nei iwaena o kakou. a nolaila, he mea nui no ka aua ana iho i ke dala.

 

Ua waihoia mai imua o kakou kahi e hiki

ai ia kakou ke apo aku i ka mea e waiwai @

kakou, ke makaukau kakou e apo aku ia @

oiai i kahi e hiki ai ke apo aku. aia hoi @

manao maikai i hoikeia ma ka Olelo Hoolaha

i hai mua ia'e nei. Ke makaukau nei k@

poe mea dala e hana i wiliko ; aka. he

makemake mua nae lakou e ike i ka nu@

poe e manao ana e kanu ko ; no ka mea

malia paha o hana lakou la i ka wiliko. a @

ka wa e paa ai, alaila, aohe mea nana e k@

poho auanei lakou la ; a nolaila. e na ma@

maka o ka ua Kukalahale o Honolulu. a me

na hoa lei Ahihi o Nuuanu, e pono oukou e

heluhelu a e hoomaopopo hoi i na ma@

hoikeia e ka poe e manao nei e kukulu @

wiliko no kakou nei.

 

Ina kakou e nana iho i na apana aina o kakou e waiho kanu ole ia nei. ma na awawa o Kalihi, Nuuanu, Pauoa, Manoa ame Palolo, ke manao nei makou e minamina ana no kakou, no ka mea, ina kakou e hoomaopoopo iho i ka waiwai nui e loaa mai ana, ke kanu ia ua mau aina waiho wale la i ke ko, alaila e ike auanei kakou i ke kumu io o ko kakou minamina ana. Eia kekahi. o ke kaau ana i ke ko, he hana hiki pono ia kakou he hana ua kamaaina, a ua maa no hoi ia kakou a pau, aole e luhi i ka @ aku ia hai, e hai mai i ke ano o ke kanu ko ana; a ina makou aole i kuhihewa, ke manao nei makou he hiki no i ke ko ke kanuia ma na aina maloo, no ka mea, ua ike makou i ke ko e ulu maikai ana ma kekahi mau aina papaawela la, o ka aina la nui o Kau.

 

E ninau mai paha auanei oukou, he aha ke kumukuai o ke ko, e waiwai ai makou ke kanu ia mea ? E hai no makou me ka olioli nui. Ina e kanuia hookahi eka ko, alaila, e loaa ana elua tona ko ke wiliia, o ke kumukuai o ka paona ko hookahi, i keia manawa, he eono keneta, a pii aku a hiki i ka ewalu keneta i kekahi manawa. aka, e hoohalike kakou i ka uku o ka paona, me ke kumukuai emi loa. oia hoi elima keneta no ka paona, alaila e loaa ana i ka poe kanu ko he elua haneli dala o ka eka hookahi, e hoolawe ae paha i hookahi haneli dala no ka lilo i ka wili ana i ke ko, alaila, e loaa mai ana hookahi haneli dala ka puka no ka eka hookahi, he uku makepono kela no kaluhi ke koho ana keia ma ke kumukuai e emi loa o ka paona ko, aka, ina no hoi e pii