Ka Nupepa Kuokoa, Volume II, Number 34, 22 August 1863 — He kanikau no Moenahele. [ARTICLE]

He kanikau no Moenahele.

A Wailau wau—la Ike ia lalo o kauapo—la O ka lna malie a ka wai—la Ke holo mai nei kahi lio—la, Owai kela maluna—la. O oe paha e Moenahele—la, Puukani o kaluulu nei—la. Ulua mai a nui ke aloha—la, A kupilikii ka manao—la, A Kamae-e au—la. lke ia lalo o Hakalau —la, Elua nuhou o laila—la, O ka wili pulu Halekuni—-la, Kuai oe oe i lole no'u —la, I kipuka kauaheahe—la. I lawe mai au a linohau —la, A ai ka manu iluna—la, Ninau ae o Moenahele—la, Auhea oe e Maiwela—la, Aloha oe, aloha wau—la, Lawe ke Akua i ka uhane—la, E hoi e pili meia—la, Me ka makua nui i ka lewa—la. Pau kou ike ana i ka lewa—la, Pau kou ike ana i ke ao—la, I ka ai haaheo a ke kino—la, A ka makua hoi i luhi ai—la, I hoolako ai no ke kino—la, I wailiula i silika—la, I ka lei hulu mamo o ka uka—la, He uhane he aloha—la, Nou no e Moenahele—la. Na Kakae Kalihi Aukake 18, 1868.