Ka Nupepa Kuokoa, Volume II, Number 44, 31 October 1863 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

i ka @ a me ka make no @ ua hoopuka @ i keia mea, i mea e hoopaukiki ai e @….ka poe aloha kanaka, a me ka @ malama hoomana, i kiola aku ai lakou i @ nona o ka wai, me ka hoomau aku @ ka hana ana, me ka hooaiai na mai, @.. hoao oiaio ana, i @ loa ia, ina @ paha e ikea ole ia ka hopena.

            O ka moku @ mai keia mau kanaka i hoopake@, oia ka moku Henry Crap@ , mai Dartmouth Masakuseta mai, he moku @ a @ piha, a e hoi ana i ka home .  He @ na mea liilii o ke ano o ko lakou pilikia @.. i hoikeia mai ma ia hope mai, e ke Ka@.  Oiai ka laua e @ee hele ana ma ka@.. o laua, ua a@ hele ia laua e @.  Ua kii mai kekahi mano e apo mai ia laua; aka, ua lele laua e like me @… hiki ia laua, a ua oki aku me kekahi @-- i loaa ia laua maloko o ka @…, nona mai ka laau i hanaiaʻi o k@.., wahi lana , nolaila, ua holo aku ka @.  He elua po, elua ao, ko laua lana he@, ma ka opu hiwahiwa o ka moana, o @…, wale no i komo iloko o laua, he wahi wai @ mai o kekahi hua lemi i @, ke Kapeha iloko o kona pakeke, a ua @ hapa@ mawaena, a hookahi hapa i @, a pela hoi i kekahi, a me ka apana @, i loaa ia laua e lana hele ana i ka moana, i kekahi la ae.

            He manawa pokole ma ia hope iho, hike auk la makou ma Cape of Good Hope, a has@ mai ia laua ia makou, a hoi aku la i Amerika.  I ka @ anaʻku mai ia wahi aku, @ aka la makou ma St. Helena, a me ka mokupuni o Ascension, a mamuli o ka malama ana mai a ka M@ Mana Loa , hiki aku @.. Enelani, i ka la 20 o Maraki, M.H. @.

 

Ka Nupepa Kuokoa

 

HONOLULU, OKATOBA 31, 1863

 

No ka Huluhipa.

 

                        Ua @ ko kakou kamakmailio ana me ke kaniuhu ao hoi, no ka hoon@ ana mai o kakou nei i ka dala @, no ka pau o ke dala i ka hooanaia i na aina e, i mea e kuai aku i mau lole no kakou, ame na mea e ae no hoi e pili ana i ke kupono i na mea i makemakeia e kakou.  O ke kumu o keia hoomana ana i na aina e, e kuai ai i neia mau mea no kakou, no ka nele o kakou nei i ua mau mea la.  Ua heluhelu iho makou i kekahi palapala i kakauia e kekahi mea e kapaia ana ia ia iho o "Economist", ma ka nupepa Pacific Commercial Advertiser , e wehewehe ana oia ma na mea e pili ana i ka huluhipa, ame ka hiki no hoi ia kakou ke hana i na lole huluhulu no kakou iho.  I ka manao ana o au "Economist" nei, una na poe mea dala e hoolilo ana i kekahi mau dala waiho wale a lakou, ma ke kuai anaʻku i mau w@li hana lole, i mea e hiki ai ke hooliloia ka huluhipa o ka aina nei i lole, alaila, a loaa ana no ka puka o ke dala a lakou i hoolilo ai no ia mea.  Pela ka ma New South Wales (Kikine,) ua hoomakaia ka hana ana i ka lole mai ka huluhipa mai, e kekahi mau haole elua, a na hoomaka laua ma ke ano @, a pela ke laua hele malie ana a hiki i ka wa i p@ loa ae ai ko laua waiwai; o ka lole i hanaia noloko ae o ua kahuhipa nei o loko ponoi iho o ka aina, ua lilo i mea e hoaahu ai i ka lehulehu o na kamaaina, a ua hoou@ hoi kekahi i na @, ma ia mea, ua paa pono ke dala o ka @, iloko o ka lima o ka poe kamaaina.

            Nolaila, ke manao nei no hoi makou, ina paha e hanaia ka huluhipa o kakou nei i lo@, alaila, e lilo ana ia i mea nana e kaohi iki mai ka holo anaʻku o ke dala mai o kakou aku nei.  He nui na pomaikai e loaa ana ia kakou, ke kukuluia na hale wili lole huluhipa.  O ka pomaikai mua, o ka aua i ke dala iloko o ka aina nei:  o ka pomaikai alua, o ka lilo ana o na hale wili huluhipa, i mea nana e koi mai i ka poe lehulehu wale e hanai ia mau holoholona maikai; o ke kolu, o ka hoolako mai i ka hana i na poe e noho wale nei, no ka mea, in a kakou e lako @ lala a pau o ka hana, alaila, e mau auanei i ka loaa ana o ke dala ia kakou; a o ka ha o na pomaikai, oia no ka hoowaiwai ana mai i ke aupuni.  Aia ka waiwai o ke aupuni, a waiwai na makaainana, a no ia mea, he mea pomaikai maoli no keia lahui, ke kukulana i mau hale hana lole iloko o keia aupau.  Aole anei e pono i ke aupuni ke ko@ ae i kekahi poe ma ke kukulu ana i @ o ia ano, i mea e hoopoimaikai ai i ka heluhelu?  E luli iki ae naʻlii a noonoo iho.

 

            PALEKANA. - E olioli pu mai ana no paha ka lahui Hawaii holookoa me makou, no ke ola ana e nei o ko Hawaii nei kanaka makua, oia hoi Ka Mea Hanohano M. Kekuanaoa.  Ua maikai loa oia, a ma ke kakahiaka o nehinei, ua hele oia i ka holokaa.  Aole anei keia he kumu po@o no kakou e hookaawale ae ai i la e hoaloha@ aku ai i ka mea mana loa , no kona hoopakele ana mai i ke ola o Ka Mea Hanohano.  Ke manao nei makou, he kumu pono keia.

 

            E holo ana o Hoku Ao i keia Poaono ae, no na mokupuni o Maikonisia.  O S. James, ke Kapena.

 

NA MEA HOU O HAWAII NEI.

 

            LA HOANO. - He la Hoano ka la apopo no ka poe Katolika, a e @ ana paha ka poe e hele ana ilaila, a e @ ana paha ilaila na'lii, a me na huina o ka moku kaua Farani, e ku nei ma ke awa.

 

            KOMISINA & KANIKELA FARANI. - Ma ke ku ana mai nei o ka moku kaua Farani Cordeliere , ua hiki pu mai nei o Mr. Desnoyers, oia ke Komisina a Kanikela hoi no Farani ma keia aupuni.  Ua hele aku oia e halawai me na Moi, ma ka hapalua o ka hora akahi, o ka a 28 iho nei. -

 

            PAINA LA HANAU. - Ua paina ma ka hale nohoo W Pinehasa Wood Esq. ma ka la 29 iho nei o keia malama; o ke kumu oia paina olioli ana, no ka hoomanao ana i ka la hanau o Edward Pinehasa, ke kamalei a W. P. ame Mere K. Wood.  Ilaila makou i ka wa Liula a ua hoomohalaia ko makou mau kii onohi, ika maikai o na mea i hanaia ilaila.  Maikai ka hoona@ ana o ka hale, a me na mea e pili ana, a au kulike no ka maikai o ka hoomanaoia ana o au la nei, e like me ke ano mau o na keiki mea makua a pau.

 

            HE LUNA LANI. - Ua hiki mai ka lohe i lono koiaiu, e hoohui ia ana na lani ma ka la apopo paha, ma ka poakahi aku paha?  Oia ka lani nona ka inoa, "Ke wewehi mai la iluna o ka laau, ka maiewa lauoho loloa o ka hala, kaua lauoho loloa o Hanele, i hoao mokumoku ia e kaipo, ua moku ka lau okelakela ke kupu, mama-e ka liko ua eha ka uka opua, - akahi o hai mai i kona eha, ua eha ia. - Ke eha wale la no iloko ka eha lima ole a ke aloha, a kakou no e ike ole nei no-e", A me kona Ahi kaikuahine, nona ke kanaenae o "Me he luhi hiamoe la, ke poluea o loko e noho nei  O ka'u manao no e manao nei, he manao aloha no-e," O ka pono maoli iho la no hoi paha ia, hookanaka makua iho ka noho ana i ka aina o na kupuna o lakou.  Oia hoi ha.

 

            HE LUNA MAKAAINANA - Ua hiki ka lono io makou nei, e hele ana ka o Heneri A. Kahanu Esq. e holo i Lunamakaainana na ka apana o Ewa a me Waianae, no ke kau Ahaolelo e hiki mai ana, ina he oiaio, alaila, aia me ko ia mau apana poe ko makou manao hauoli nui.  No ka mea, ua kamaaina makou i ka mea nona ka inoa i haiia maluna, a na ke ano o kona, noho ana iloko o na la i hala, e hoike mai i kona pono a me ke ano hoopono no hoi o kona noho ana, aole ua makou e hai ae ia mea, no ka mea, ke ku mai nei imu o kakou ke ano o kona alakai ana ia ia iho, ma ke ano o kona noho kanaka ana, - ke ku kilakila nei ia mea imua o ko makou mau makamaka o na apana o "Ewa aina kai ula i ka lepo," a me ka aina makani kai ula o lalo.  He hoike hiki ole ia ke kipe ia'ku, - nolaila, e na hoa, o na aina la nui la, i noho haiamu iho ai hoi malalo o ka malu o ke kaula gula palupalu o ke aloha, aole oukou e poho ana ke koho iho, ia hoa kele la, o ua mau kula la a kakou e hele ai.

 

Kanaka oki-puu a pakele mai make.

 

            E KA NUPEPA KUOKOA E; Aloha oe : E oluolu oe o waiho aku imua o ke akea i ka hana naaupo a kekahi kanaka ma Makanalua, i Molokai nei, ke olu mai ka Luna Hooponopono.

            Ma ke la 14 o Septemaba iho nei, hana naaupo iho la o J.W.B. Inaina ia ia iho a me kana wahine.  Hakaka iho la laua, a kii aku la ua o J.W.B. Inaina i ka pu, e ki i kana wahine, o Naihe ka inoa o kaua wahine, holo koke aku la oia me ka mama loa, a kahea aku la o Inaina e hoi mai; aka, aole nae ia i hoi mai.

            Alaola, hoi iho la oia iloko o ka hale o laua, e hana make ia ia iho, ike mai la kona kaikuahine, holo mai la kona kaikuahine a aumeume iho la laua me ka ikaika nui, a lilo ae la ka pu i ke kaikuahine, alaila, kii koke aku la o Inaina i ka pahi e pahu i kona puu, holo koke mai la kona kaikuahine, o Keaka kona inoa, a lilo ka pahi ia ia, a hoolei aku la oia i ka pahi ma kahi uahelehele, mawaho loa.

            Mahope iho, kii hou no o Inaina i ka pahi, he pahi uuku ia, a aumeume hou no laua me kona kaikuahine a moku kona lima, alaila, kii aku la o Kawelo kona makuakane, a olelo aku la, "e kuu keiki, heaha keia hana au?"  Pane mai la oia, "e make ana au i keia la me kuu wahine."  Lele koke aku la o Kawelo, e hou koke mai ana kela i ka pahi ma ka opu.

            Kahea ae la o Keaka me ka uwe, "auwe! auwe!! mai pau pu maua i ka make ia Inaina."  A lohe o Naihe kana wahihe, hoi mai la oia, a ike ae la o Inaina i ka maka o ka wahine, alaila, hou ae la kela i ka pahi, aka, pau e nae ka lima i ke kua a haule iho la ilalo, pau ae la ka manao ana he make.  O ke kumu, o ka hele i ka puni a Kamapuaa, kela Kama-@ o Oahu.  Nolaila, ke ike mai la no oukou i ka ho-a-a a puhili.

                                                                                                N.K. Koa

            Kalawao, Molokai, Sept. 26, 1863

 

            KA MEA HANOILANO R.C. WYLLIE. - Ua hoi mai nei Ka Mea Hanohano R.C. Wyllie ko ka Moi Kuhina no na aina e, mai kona aina mahi ko ma Kauai, a ua maikai no kona ola.

 

            KA NU HOU!

 

            Ma ke ku ana mai nei o ka moku kiapa Emily Banning , iloko o na la he 23 mai Kapalakiko mai, au loaa mai ia makou na nupepa mai ia wahi mai, e hiki ana i ka la 30 o Sepatemaba.

            Ua iliia ka moku kaua Lukini Novick , mai lapana mai, ma kahi i kapaia o Point Reys, e pili koke la me Kapalakiko, ma ka la 26 iho nei o Sepatemaba.  Aole no he oiaio o ka mea i oleloia no ka hoopihoia ana o ka moku kaua Vanderbilt , oia kela moku i hoikeia ke piho ana ma ko kakou nupepa o ka pule i hala iho nei;  ua hoikeia mai ka oiaio ole e kekahi leta no Bahia mai.

            O na mea hou o ke kahuakaua mai, aole no he ano hoolele oili.   Aole he kaua hou i hooukaia mai nei.

            O na mea hope loa i hiki mai nei no ka puali koa o Gen. Burnside mai, au ikea iho ka kona hiki ana aku me kona poe ma kahi i kapeia o Atena, he 20 @ile ka loihi o ia wahi mai Katanuga mai, e hele ana oia i Katanuga, e kokua ai ia Gen. Rosekarana.

            Ua manaoia, e pau loa ana ka poe koa kipi imua o Katanuga e hoomoana ai, ilaila e hooikaika hope ai, me ka manao e hoihoi hou mai ia Tenesi Hikina iloko o ko lakou lima, a e hooliloia ana o Gen. Lee, ka Luna nui o na koa malaila.  E hiki ana i ka 200,000 ka nui o na koa kipi e hele ana iloko o ia puali, mamua ae o ka hiki ana i ka la mua o Otakoba.

            Elima mokumahu Beritania i hoopioia e na moku pani awa o ka Akau iloko o keia mau la koke mai nei-he poe moku holo mama wale no, ua hoopihaia i na ukana kumukuai nui.  Me he mea la he hookahi moku e lawe pio ia nei i kela la keia la e ke Aupuni, a ma ka hoohalike ana, au hiki ke kumukuai o na moku ame na waiwai o luna e lawe pio ia nei, me ka $200,000, i kela la keia la.

            O ka puali koa o ka Potomaka, ke nee hele aku nei i ka Hema, a na hiki aku la na koa lio i kekahi wahi e pili koke ana me Godonavile.  Ua haalele loa ia o Feradarikabuga e na kipi, a ua oleloia, o na pu ame  na mea ai, ame na lako kaua ae, ke laweia nei e na kipi i ka Hema, mai rikemona aku.

 

No Europa.

 

            Ua hooholo ae ke Aupuni o Beritania, e keakea i ka hookuu ana aku i na moku hao i hanaia iho nei ma Mase, e Mr. Leada ma; oia hoi na moku nui ikaika i hanaia iho nei no na poe kipi.  Ua hoikeia mai ka hoouna ana'ku o ka Earl Russell ke Kuhina o ko na aina e o ke Aupuni Euelani, e kauoha aku ana ia Mr. Leada ma, e ana i na moku hao a lakou i hana iho nei, aole e hookuuia, aia a hoomaopopo pono ia mai ka mea nona ka moku, alaila, ina he pono, hiki ke hookuuia.  Ua ninauia ke Kuhina noho o Farani ma ke alo alii o ke Aupuni o Enelani, no ka manaoia ana, malia no kekahi o na poe kanaka o Farini na mau moku la.  A ua paue mai ke Kuhina Farani, aohe kuleana kanawai o kekahi kanaka Farani, ke hana i moku no lakou, e like me ia ano, aole nona a no lakou iho, a no ka poe e ae paha@ma o lakou la.  A ua manao iho no hoi ka Earl Russell, ina io paha no kekahi kanaka ku i ka wa ua mau moku la, alaila, e hiki no ke manao ia, he manao ko ia kanaka e hele aku e powa, a ma ia kumu wale no i aponoia'i ke Aupuni, ma na olelo hooholo o na aha kanawai.

            Ua paniia na ipuka o ke kulanakauhale o Wasa, no na la he umi, a na hiki ole i ka poe e makemake ana e hele aku ma kahi e, a me ka poe e makemake ana e komo mai ilaila.  He 200 poe kamaaina o ia wahi i kiolaia i Saiberia.  Ua kauia na auhau kaumaha loa ma kekahi mau okana o Polani,e Rusia.

            Ka Felorida.

           

            Ke mau la no ka hoopaaia'na o ka moku powa Felorida, ma Bereseta.  Ua hookolokoloia e kekahi Aha o Farani, ua moku la, i maopopo ai kona lilo ana he moku kipi, a he moku powa paha, anoaila, ua noonoo iho ua mau Aha la, a ua hooholo iho, aole i pili ka moku Felorida ke kanawai no ka powa ana.  Ua hoop@a na moku kipi la imua o kekahi o @a Aha Kalepa o Masela, Farani, e ka poe nona kekahi waiwai i hoopoinoio e ua moku kipi la, iluna o kekahi moku aloalo ukana, me ke hoi aku no hoi e hoopaaia ua moku la, i hiki ai ke kudalaia no ka poino ana i hana'i, a au aeia no ke noi a ua poe la, a ua hoopaaia ua moku ia, a aia a hookaa aku na kipi i na dala he 100,000 Farani.  (hapaha Farani.) alaila, hookuuia mai na moku la.  Ua hele mai nei o Slidell ilaila, (oia ke Kuhina Kipi.) e hooponopono paha no ua hihia la.

            Ua hoikeia mai, aia ka na moku kipi Alabama , Georegia , ame ke Conra d, i kekahi mau awa o Lae Hope e ku pinepine nei.  Ia loheia ana mai no, o ka holo koke aku la no ia o ka moku kaua Vanderbilt o ke Aupuni, e huli i ua mau moku kipi la; ua haalele iho oia ia St. Helena ma ka la 20 iho nei o Sepatemaba.  Ua haiia mai he lehulehu wale na moku kalepa i hoopoinoia e ua mau moku kipi la, aka, o ka Alabama no nae ka oi, he AS moku i pio ia ia hookahi.

            Aohe ano ae iki mai o Beretania i ke Kuhina Kipi e ike mai ia ia ma kona ano Kuhina no na kipi, a no ia mea, ua kakau aku o Mr. Masona ke Kuhina Kipi he palapala ia Earl Russell, ko ke Aliiwahine Kuhina no ko na Aina e, e hoike aku ana ia ia i kona ike maopopo ana, i ka paa o ko Beritania manao e hoole i na hana aloha a ka Hema, a no ia mea, aole lakou i ike mai i au Masona nei, ma ke ano Kuhina no na Moku Hui o ka Hema.  A nolaila, ua ku ole i ke ano hanohano o na Moku Hui o ka Hema, ka noho ana o na Kuhina Kipi la ma Enelani; a no ia mea, ua hoomakaukau oia e hoi mai i ka Hema.

            Ua hoea aku ka moku kipi Geogia ma kahi i kapaia o Simmes Bay, i loaa'i ona nanahu nona.  Ia holo ana aku no, no hoopioia eia ka moku Prince of Wales , i holo mai Valaparaiso aku a hiki i Anatuapa.  O ka 15 ia o na moku i pio ia ia, iloko o neia mau la koke mai nei.

            Iloko o ka haiolelo a Earl Russell iloko o keia mau la mai nei, no na mea e pili ana ka poe moku hao, i hanaia mai nei no na kipi ma enelani, na hoopuka'e oia i kona manao e kue loa ana me ka hoole paa i ka ae ana'ku i ua mau moku kipi nei, e holo mai i ka Hema; a me ka olelo up iho no hoi, ina no na aponoia ka holo ana a neia mau moku e na kanawai e noho nei, alaila, aole no ia e ae ana e hookuu i au maku la e hemo aku mawaho o na awa o Beritania, anolaila, e kauohaia ana paha ka poe kau Ahaolelo, e kau i mau kanawai e pili ana ia mea.  Ua hoike ae o Earl Russell no na ninau a pau e pili ana i ka oihana Kuhina o ko na Aina e.  Ua loihi no kana kamailio ana no na mea e pili ana ia Amerika Huipuia; a ua hoakaka mai no hoi oia i ke kahua kupono e aponoia'i o Enelani, ma koua ike ana i na kipi ma ke ano hoa kaua no Amerika Huipuia, a na pane mai no hoi, no na olelo hoinoino a kekahi poe o ka Akau, o ka oi no pae o Mr. Summer, oia kekahi alii o ka Ahaolelo o Amerika Huipuia, o kana na olelo walawalania loa; a ua pane pu mai no hoi no na hoopii hoohalahala a ka Hema, no ko ke Aupuni Enelani ike ole mai ia lakou ma ke ano kuokoa, me ka wehe hoi i ke pani ana o ke awa o na mokuaina Hema; a ua olelo iho no hoi na Alii Kuhina la, he oiaio, he pili i ko Beritania pomaikai, ka uhaki ana ia mau mea; aka, ua oi nae kona makemake e hahai mamuli o ke alanui o ka pono ame ka hanohano, he mea mahalo ole ia ka uhaki ana ia mea, a ma kana hoakaka pono ana mai, au ikea, aole i hoomaopopo pono ia ka olelo hoike e kue ana i ka moku Alabama , mamua o kona haalele ana ia Enelani, a no ia lawa ole i ka hoike kupono, nolaila, ua hiki ole ia Enelani ke kaohi kumu aku ia ia, a ua hoike pu mai no hoi oia i ke kupilikii loa a me ka pilikia no hoi, ke hoao ia e aua aku ia ia; a ua pili pono no kana mau olelo wehewehe no ia hihia.  Ua hookau ae oia i ka palena kupono a kaawale no hoi, mawaena o na moku o ke ano mau nei o ka moku kaua a me na moku hao, no ka mea, o ko ka moku hao ano maoli no, he ano kaua mau no, ua hiki no hoi ke hoomaka koke i kana hana kaua, me ka hoopilipili aina ole aku i na palena kai o ka Hema.

            Ua hoike pu mai no oia, he iini nui ke Aupuni Enelani; e hana i na mea a pau i ku, a i pil@ pono hoi i ke ano o ka noho ana o na aupuni ku i ka wa,- na mea no hoi a pau e pili aloha ana me ka pono, a me ka noho ana makamaka o na aupuni, a e like hoi me ka mea a ia aupuni @ makemake ai e hanaia'ku ia ia, aka, aole nae oia e hoohio iki i kekahi o ia mau mea, mamuli o ka hooweliweli mai a na aupuni e.  Ua nui kona mahalo i ke aupuni Hui o Amerika, a me Mr. Seward, ko ia aupuni Kuhina Nui, no ka oluolu maikai o ko lakou hoopaapaa a kuka ana, ma na mea e pili ana i na hihia i loaahiaia mai iwaena o ia mau aupuni.  Ua hoowahawaha loa oia i ka poe nana e huli nei i kumu e ulu ai ka ino mawaena o Amerika a me Europa, me ke aloha pu no hoi ia Amerika Huipuia, a ua olelo iho no kela, e kiai ana no ia me ka makaala a me ka hooikaika nui loa ana, i hoomau loa ia'i ka noho kuikahi ana, aka, aole no nae o na manao, e komo ana o Enelani iloko o ke kaua no ia mea.  A no na mea i pili ana ia Mesiko, ina no e oluolu ka noho ana o na kamaaina ma ke ano aupuni hui, au pono iho la no.

 

Na Mea Hou Hope Loa!

 

            Ma ka moku kiapa Kometa, i ku mai nei i ka la 27 o keia malama, ua loaa mai ka nu hou, umi la, i mai ka waio na mea i hiki mai nei ma ka moku mua mai nei ia ua loaa mai na nupepa o Kapalakiko o ka la 10 o Okatoba iho nei.  O na mea hou i hiki mai nei, na pili no ia i ka pomaikai o ke Aupuni: aka, he mea nae i maopopo e hooikaika nui ana na kipi, i hoihoi hou ia mai ai iloko o ko lakou lima ke kulanakauhale o Katanuga, a no ia mea ko lakou houluulu nui ana i ko lakou mau koa lehulehu wale ma na wahi e pili ana i au wahi la.  Ua haiia mai e kekahi mea kakau manao o ka nupepa Herald, ua hiki ka nui o na koa kipi e noho nei ilaila i ka 175,000, ma na la mua iho nei o keia malama.  O ka nui hoi o na koa Aupuni o Gen. Rosekarana e noho nei ilaila, he 65,000, a me na koa ku i ka wa e pili koke ana, ma na wahi kokoke.  Aka, aia nae i na kipi ka puu i kapaia o Lookout Hill; he puu ia i like me Puowaina, ka hoohalehale mai maluna o ke kulana kauhale, he elua paha mile ke kaawale o ia wahi mai Katanaga aku, a ke kauo nei na kipi i na pukuniahi ilaila, me ka manao e kipu aku ia Katanaga, i pio hou mai ai ia wahi ia lakou.  Aia nae hoi iloko o na luna o ka puali o Gen. Rosekarana, ka pae mauna, a ua hiki no hoi ia lakou ke kau ae i na pu nui ilaila, me ke kue mai i na kipi; aka, he puu poepoe nae kahi a na kipi i noho ai, anolaila, au hiki no i na kipi ke pee aku mahope o ua puu nei, anolaila, aole hiki i na koa Aupuni ke hoomake nui aku i na kipi, no ko lakou la paa i ke alai, oia hoi ua uu nei o Lookout Hill.  Ua hoouna ae na poe kipi i na koa lio lehulehu wale he 10,000, mahope mai o ko Gen. Rosenkarana puali; aka,ua paa pono no nae kona mau aoao i kona mau koa, no ka mea, ma Nasavili, he 40,000 ka nui o na koa Aupuni malaila, a ua kukulu hele ia no hoi na koa Aupuni mai Nasavili mai a hiki i Katanaga; nolaila, au puipui like no na aoao a @lua.  Aka, eia paha ananei kahi kumu e kapekepeke iki ai o ka Akau ma ia mau wahi, o ka hoihoiia ana ae nei o ka hiwahiwa o ka Hema, oia hoi o Gen. Lee, i Luna nui nana e hooponopono na kaua o ke Komohana; no ka mea, ua maopopo no i na mea a pau i heluhelu i ke ano o kana mau hana ana mai nei, nana wale no na hi-a pai ole, iloko o na au kaua a pau i Vereginia.

 

Na Palapala

 

He leo i na makamaka mai

HAWAII A NIIHAU.

 

            E KA NUPEPA KUOPOA e: - Aloha oe. Me kou opu i piha i ke ahonui, ame ka hoopomaikai i ka lehulehu, ke hooili aku nei au ia oe i ko'u manao pi@ no ka lehulehu e noho ana iwaena o keia lahui ma ka aoao hoole pope.  E na makamaka ma ka olelo hoopomaikai, ame ka manaoio hookahi ana, e hooia ana, hookahi alii nui maluna o na'lii a pau, a oia hoi maluna o na mea a pau; a pela hoi, hookahi hoola nui i haawiia mai malalo iho o ka lani, iwaena o na lahui kanaka i ola'i lakou, oia ka Haku Iesu Kristo. 

            No oukou e na hoa ko'u aloha, ame ka malu mai ke Akua mai.  No ko kakou lohe ana i ka leo hea o ka poe makamaka o kakou e noho ana iloko o ka pouli, me ka ike ole i ka pono, ame ka hewa o ka lakou mea e hana aku ai, nolaila, heaha la ka pono ia kakou, ka poe i ike i na mea e hiki ai ke pale aku ia pouli nui e puliki mai la i ko kakou mau hoalauna ma ka pae aina o Maikonisia, ame Fatuhiva.  E ku wale anei kakou ianai e nana me ka hoolono o na pepeiao?  Aole hoi he kupu io mai o ke aloha o Kristo iloko o kakou e hele aku iwaena oia mau lahui, e ao, e hoopau, a hoohuli mai ia lakou mai ko lakou hii@nai kukinewa ana, a i ka malamalama io, ame ka maluhia o ka noho ana.

            Oia no ko kakou kanoha i kauohaia mai ai e ka Haku, ma Mataio 28; 19,20, e nana iho oukou, aole i pili keia kauoha i ka poe i ike ole, aka, ua pili ia kakou i ka poe i ao nuiia, a i ike hoi i ka hana pono ana, a i hana ole, o ka hewa ia no kakou.  Eia hou kekahi kauoha a ko kakou Haku Iesu, "E aloha aku oe i kou hoalauna, e like me kou aloha ia oe iho," ma keia rula gula i hana'i kekahi kanaka Samaria, i kekahi kanaka i haule iwaena o na powa, a pakele mai la kela kanaka pilikia mai kona mau pilikia mai.  O keia hana a keia Samaria, kekahi rula gula nani a Iesu i hoike ai imua o kekahi kakauolelo i hele aku i ona la e ninau ai i na hana e loaa ai ia ia ke ola mau loa.  He rula pololei keia a hiki ia kakou i keia wa, oiai o kakou kekahi e lohe nei i ka pilikia o ko kakou mau hoalauna iwaena o na poino, o ke kaua, o ka ilihune ame ke olohelohe, ke kena mai nei Iesu ia kakou, ma Luka 10:37, hapa hope, "E hele oe a e hoohalike me ia," (me ua Samaria la.)

            No kuu ike ana he nui ka poe i hoomakaukauia e hele i na aina e ma ko'u apana hanau o Hilo, aka, ua paa ka mauao hele o kekahi poe, i ka manao kanalua o na wahine; ma kuu manao ana, aole paha ma Hilo wale keia mea o ke kanalua ana o na wahine, aia no ma na apana e ae o Hawaii, Maui, Oahu, ame Kauai no kekahi i alina i keia mai aai o ke kanalua.  E na kaikuahine, e nana i na kauoha o ko kakou Haku, i laau e ola ai keia mai aai iloko o oukou; me ka hooikaika pu ma ka pule, i pohala ai oukou, a i lanakila nui hoi.  Ami kanalua i ka hana a ka Haku, no ka oi aku o ke aloha i na makua, ame na hoahanau ma ke kino; ke olelo mai la o Iesu, "O ka mea hooi aku i ke aloha i na makua, ame na hoahanau, aole ia'u nei, aole ia e pono no'u," no ka mea hoi, aia ko oukou mau makamaka ame na hoahanau ma Maikonisia, ke noho mai la i ka pouli, a e lawe ae oukou i na lamaku i malamalama no lakou.

            Ke paipai nei au ia oukou me kuu  manao, he oi aku ka pono o ka hele ana ma ke kauoha a ka Haku mamua o ka noho ana; a o ka haawi ana ku hoi, mamua o ka loaa ana mai.  Eia ko oukou mau makamaka ke hele nei i ka pae aina o Maikonisia, ma keia holo ana hoi o Hoku Ao , mamuli o ke kauoha a ko kakou Haku, i mau elele hoi no kana olelo maikai.  O Mr. J.W. Kanoa ma, me J. A. Kaelemakule ma, ame na keiki pu a makou.  Nolaila, ke kau aku nei makou i ko maku aloha nui maluna o ko makou mau makamaka a pau, mai Hawaii a Niihau.  No oukou ke aloha.  J.A. Kaelemakule, Honolulu, Okatoba 20, 1863.

 

Hale Pau Ahi.

 

E ka Nupepa Kuokoa e; Aloha oe.

            Ma ka hora 8 1/2 o ke kakahiaka o ka la 12 o keia malama, ka pau ana o ka Halekuke o Mere Kailianu, ma Paukoa, Pauoa, ma ka Hikina Hema o ka pa o Henere A. Kahanu, Esq.  O ka lima ia o kona mau hale laau; o ke kumu o ka pau ana, i puhiia no e kekahi wahi keiki nona na makahiki he 9

            I ka wa i puhiia'i, ua hele kana kane i kai o ke kulanakauhale, a o Mere hoi, ua hele ma ka aoao hema o kona hale noho; a i ka pau ana o ka halekuke i ke ahi, holo aku la keia wahine me ka minamina, a hooikaika e kinai aku i ka enemi ana ole, (oia ke ahi.) la manawa, ua puni ka halelana nani loa i na haole, a me na kanaka, o na haole @ae kai hooikaika e kokua ma ke kinai ana i ke ahi; a o na kanaka maoli, nui ka waha i ke kahea, "Pau ka hale i ke ahi e!" a o na lima, aia ma ke kua kahi i pea ai.

            Eia wale no ka mea i pakele ai na hale e ae, o ka hina e ana o ka hale i pau i ke ahi, i kanoia me ke kaula, a hina ilalo.  Oia wale no ka mea @ pakele ai ka hale nona na puka aniani nani a me kekahi maa halelaau e ae.

            He nui na mea i poino, ua like me na dala elua tausani a keu aku, ua i mai ho ke ahi, "Aole i ana, " Solomona.

            Nolaila, eia ko'u manao ia oukou e ka poe mea halelaau, e makaala pono i keia mea la he ahi, aohe makamaka , wahi ana.

                                    MERE KAILIANO. 

            Paukoa, Pauoa, Oct 21, 1868.

 

He mea nonoi.

 

  E ke Kuokoa , ma ke noa ana mai a kekahi hoa Kalepa o keia kulanakauhale alii, nolaila, ua makemake ia ka pulupulu a oukou e ka poe kanu o ia ano, a e pono e lawe mai kela mea keia mea o lakou i oia nei, no ka mea, owau ke kamaaina no oukou, a na'u no e hoike aku ia ia ia oukou, no ka mea, ua makemake oia e loaa ia ia he mau han@ paona a he tausani paha, a o ka uku no ka paona hookahi, he 21 keneta.

            A ina ua kupono kana makana no ka paona i ko oukou manao, alaila, e lawe koke mai i keia mau la no, mamua o ka holo ana o ka moku i kona aina hanau, ke hala na pule ekolu mai keia pule aku,

            A in a o ka mea pulupulu i wehe oleia ka anoano, maanei no e hana ai a kaawale ia mea, no ka mea, ua loaa ia'u ka mea wehe o ia ano ma Aug. aku nei, a nolaila, e wikiwiki mai oukou, i lako mua ka wa ohi au hau kino, kula, alanui, aina, ame na holoholona, no ka mea, ua olelo puia mai ia mea me a'u ma ka la 26 aku nei.  A oia ka'u e hai aku nei ia oe e ke Kilohana.  J. @