Ka Nupepa Kuokoa, Volume III, Number 1, 2 January 1864 — HE KANIKAU NO KA MOI IOLANI KAMEHAMEHA IV! [ARTICLE]

HE KANIKAU NO KA MOI IOLANI KAMEHAMEHA IV!

Kuu kane—e kuu kane hoi, Kuu kane i ke kehau anu o Kaala, Hoolue iho la ilalo o Haleauau, Ke kini ka kehau anu o uka o Kanehoa—e ! Kuu hoa, he hoa no'u i ka makani kilihau, Ke pue, ke wai o ka mauna, {kilīopu ; Ka mauna pali makai o Pueohulunui—e— Ke huli wale nei au ia oe—e. [huli, Oia wahi aloha ia, Na—wai hoi, ka ole oke aloha-—e ? Na—na no—c. Kuu kane—e kuu kane hoi, Kuu kane mai ka wa heu ole o maua, Mai ka ua popo kapa o Nuuanu, £ ahai ana ma ke kua o pulu i Ua ua haao—e, Ke lele ae la maiuna o Leleaanae, Lele ka ua lele pu no me ka makani; E lele poo ana ka wai o Kahōokane, Kuu Haku mai ka wai noho pu iloko o ka haOia wahi aloha ia, [le. Na—wai hoi ka ole o ke aloha—e,? Na—na no—e., Kuu kane—e kuu kane hoi, • Kuu kane mai ka makani hoeo o ka aina, E ahe mai ana i ka ili o ke kai, Haliaiia aloha mai ana ia'u ka maka o ka Kuhi no au o oe ia, [Opua—e; He kane auanei he hoa pili no ke anu, He hoa ukali no ke alanui, A maua e alo ai i ka ehukai—a ! Oia wahi aloha ia, Na—wai hoi ka ole o ke aloha—e ? Na—na no—e. Kuu kane—e kuu kane hoi, Kuu kane mai ka la lailai o Kona, Mai ka makani ke lehua o Lehuakona, 0 Kona ia o ke kai malino a Ehu—e ! Ke ala a Ehu, ke ala a kaua i hele ai, [weli, 1 ke ao i ka po, powehiwehi i ka ua na ulu a He weliweli he maiuhia i ke aloha ia oe ; la oe, ia oe e Kalopelekei i ka la—e! Oia wahi aloha ia, Na—wai hoi ka ole o ke aloha—e ? Na—na no—e. Kuu kane—e kūu kane hoi, Kuu kane mai ka ua Kipuupuu anu o WaiE nanahu ana ika ili oke kanaka, [mea, He ahi ke kapa e mehana ai ko laila kini—e; He kini Peepakaiaulu pa makani, Kuu kane mai ka ua malanalana, Lana kuu aloha, lana me he wai la, Ka waiwai nui no ia e noho nei o ke aloha Oia wahi aloha ia, [ia oe. Na—wai hoi ka ole o ke aloha—e ? Na—na no—e.

Kuu kane—e kuu kane hoi, Kuu kane mai ka makani o Kamaaa, E wehe aku ana i ka lau o ka ulu o Lele, Lele aku la oe i ka aina kuahiwi lau o Wailuku, Ke hoomalumalu mai la kealohaoia wahi ia'u, la'u ka u, me ka minamina ia e noho nei, E apaia nei au e ke aloha me he wai liula Me he wai liula—la ke ahi o kuja—e! [ —la, Oia wahi aloha ia, Na—wai hoi ka ole o ke aloha—e ? Na—na no—e. Kuu kane—e kuu kane hoi, Kuu kane mai ka wai ula Iliahi o Waimea, Wai nonoula a ka ua Kapaahoa, He hoa aina ke aloh'a no ke kanaka—a ; He kanaka ka hala ai a ke Kinau, 1 kiina'ku ka Lauae e ka Lehuamakanoe, Noenoe me he uwahi la i kuu waimaka, Ka waimaka e hanini aku nei—la, Oia v;ahi aloha ia, Na—wai hoi ka ole o ke aloha—e ? Na—na no—e. EMMA LANI.