Ka Nupepa Kuokoa, Volume III, Number 3, 16 January 1864 — HE MELE KANIKAU NO KA MOI IOLANI KAMEHAMEHA IV! [ARTICLE]

HE MELE KANIKAU NO KA MOI IOLANI KAMEHAMEHA IV!

1. Kanikau he aloha, No ka Moi lolani, Ua hala 'ku nei ia, I ke ala hoi ole mai. Auwe ! Aloha no ! Ko Hawaii pua rose ; Ua akoia, ua-lilo, Auwe ! Aloha no! 2 No Ema Lani ke aloha, Ka uwe haalipo mai, O lolani ua hala, Ua wehe mai i ka pili. Auwe ! he aloha ! Ka Lani kapu lolani; Ka Hakulani o na 'Lii, Ua hala, aloha no. 3. Ke uwe waimaka nei, O Aliiolani, Kaumaha luuluu no, 1 ka hala ana o ka Lani. Auwe ! he aloha! He uwe u minamina, Aole loa e pau, No ka Lani o Hawaii. 4 Ke moe 'la i ka moe, I ka moe anuanu, Ua hala 'ku nei ia, I ka hale lua o ke kino. Ua laweia 'ku, E ke Alii o na 'Lii, Ma ko luna Paredaiso, E hoomaha ma kela ao. Auwe! he aloha! Auwe! he aloha ! No ka haiki loa o ka manawa, nolaila, aole i pau loa i ke paiia na ano mele i paiia maluna, aia a keia pule ae, pai pau ia aku ke koena.—Luna Hoop.]