Ka Nupepa Kuokoa, Volume III, Number 4, 23 January 1864 — Ninau a ka poe Akamai. [ARTICLE]

Ninau a ka poe Akamai.

E ka Nupepa, Kuokoa & ; Aloha oe: Ua lana maikai mai ko'u manao e pane aku ia oe, e hui ae me ka poe akamai, mai Hawaii o Keawe, ame Maui o Kama, ame Oahu o Kakuihewa, ame Kauai o Manokalanipo. No ka ninau ana i ka poe akamai, penei na ninau : I.—O ka malama owai ka maiama i make ai o Kamehameha IV. ma ka helu Hepera, ame ka helu Helene, ame ka helu Hawaii ? 2.—0 ka la owai ma ka helu la ma ka helu Hepera, ame ka Helu Helene, ame ka Helu Hawaii ? 3. —Ma kahi hea o ka helu Hawaii kahi i hoikeia mai ka make ana o ka Lani lolani ? 4.—Ma na hoailona ame na aouli hea i maopopo ai ka make ana o ka Lani lolani ? keia mau hua eha, Y. D. R. F M ma ka hūa hea i akaka ai ka make ana o ka Lani lolani Kamehameha IV ? He ma-u keia mau wahi ninau, na ka poe akamai e hai mai; me ka lana no o ko'u manao, e loaa ana no ika poe noiau. Me ka mahalo. . F. K. Hilo, Huwaii, Dek. 23, 1853.