Ka Nupepa Kuokoa, Volume III, Number 4, 23 January 1864 — KA MOOLELO O IOSEPA. [ARTICLE]

KA MOOLELO O IOSEPA.

HELU 1. IOSEPA, OIA NO KE KEIKI A IAkobo, o Isaaka no kona kupunakane, o ia hoi ke keiki a Aberahama. Pomaikai o Iosepa no ka loaa ana ia ia o na kupuna ano kaulana ma ka pono. He poe kanaka haipule maoli keia, a ua aoia ko lakou mau ohana i na mea e pono ai, a e loaa ai ke alohaia mai e ke Akua, ame ka pomaikai mai ona mai. Ua hanauia o Iosepa ma ka aina o Mesopotamia, i ka makahiki ekolu tausani elima haneri a keu, mamua aku nei. Ua noho kona makuakane ma ia aine he umikummaha makahiki me Labana, kekahi kanaka mahiai a waiwai hoi, a kokua ia ia i ka malama ana i kona mau holoholona. Mahuahua ae la ka ohana o Iakobo i ka wa e noho pu ana me Labana. E pono ia oukou ke hoopaa i na inoa o kana po keiki. No ka mea, no keia poe keiki i puka mai ai kela lahuikanaka nui i kapaia ka "Iseraela," a lilo i lahui ikaika ma ka aina o Kanaana. Ua kapaia lakou ka "Iseraela," no ka mea, no Iakobo lakou; a o Iseraela kekahi inoa ona, a ua kapaia kana mau keiki kane he umikumamaiua, " na makua alii he umikumamalua." Eia na inoa o na keiki a lakobo, e like me ka hanau ana :—O Reubena, Simeona, Levi, luda, Dana, Napatati, Gaga, Asura, Isicara, Zebuluna, (Dina he kaikamahine,) losepa, ame Beniamina. O Rahela ka makuahine o Iosepa laua o Beniamina, ua hanauia lakou a pau ma ka aina o Mesopotamia, a o Beniamina wale no i koe me kona mau makua. I ka elima makahiki o Iosepa, a he umikumamaiwa makahiki o Reubena ka makahiapo. Ia manawa, hele aku la o Iakobo me kona ohana mai Mesopotamia aku, a hoi i Kanaana ma kahi ona i hanauiaʻi. E ola ana no malaila kona makuakane elemakule o lsaaka, he aina momona ia ; a ua manao o Iakobo, ua pono ia ia ke lawe i kona ohana malaila. Eia hoi, ua kauoha aku o lehova ia ia pela ma ka moeuhane, a ua manao oia ma ka hoolohe ana ia Iehova ka malu ame ka pomaikai no kona ohana a pau.

Elima makahiki mai ka haalele ana ia Mesopotamia, a kokoke aku la o Iakobo ia Eperata, a kokoke loa aku la ma ia kauhale, loaa ia Rahela ka mai nui a make aku la o ia. A kokoke i kona make ana, hanau mai la o Beniamina, he umikuinamakahi paha makahiki o losepa ilaila. A kaumaha nui o losepa no ia make ana, a uwe iho la oia no ka nalo loa ana o na maka o kona makuahine, aole hoi e lohe houia ana kona leo aloha. He nui ko Iosepa aloha i kona kaikaina ia

Beniamina, ka mea i hanauia mai iloko o | ka wa pilikia o'ko lakou makuahine, a e ike auanei oukou i ka ikaika o kona aloha ia id ma ia hope iho. E na kamalii ame ka poe opiopio, ke ike nei anei oukou i ko oukou pomaikai no ka loaa ana i makuahine naAa oukou e malama a e ao mai ? Ua oi aku ia i ko ke dala ame j ke gula, waiwai ka makuahine haipule, e ( hooikaika ana e alakai ia oukou i ka pono oi ka Haku. INlai hoowahawaha oukou i kanaj ao ana, e hoolohe no a malama i kana ao j ana mai, a i pomaikai ai oukou. j Ma ia wa iho, hiki aku la o lakobo i Ma-1 mere, a halawai pu oia me kona makuakane elemakule me Isaaka, a e ola ana no oia ia manawa, a o ka nui o kona mau makahiki. hookahi haneri me kanaono. He halawai oluolu loa no paha ia, a ua nui loa ka olioli o losepa i ka halawai pu ana me kona kupunakane, ana i lohe wale ai mamua, a ikemaka aku la ia ia, ame kona wahi maikai i noho ai. Aia no ia wahi ma ka aoao hema o leru* salema, he iwakaluakumamahiku mile ke | kaawale, a ua kapaia mahope iho, o Hebero« ! na. Ma kahi e kokoke ana ika luakupapau 0 Makapela, a Aberalmma i kuai ai, kahi hoi ona me Sarai i kanuia'i ; a ma ia wahi! hookahi i kanuia'i o lsaaka i kona wa i make ui, i ka makahiki ona hookahi haneri me kanawalu. O keia aina kahi i noho ai o lsaaka ame lakoho, he aina momona no ia, i pono ai na' holoholona he nui wale a laua. { O ka hana nui a lakobo, oia ka n.alama j ana i kana mau holoholona t Bipi, Hipa, Kao, j no ka mea, ua kokua kana mau keiki ma ia hana. Oka hana mua a losepa, aka Baibala i hoike mai ai, oia keia, " He umiku-J mamahiku ko losepa mau makahiki, e hanai : ana oia i na holoholona me kona mau kai-! kuaana." i 1 He kanaiwa ko lakoho mau makahiki i! ka wa i hanau mai ai o losepa, he keiki no-i | ho pono hoi ia ; nolaila kekahi oi ana o ko ; lakoho aloha nui ana ia ia. I I Aia ma Kinohi 37 :3, 4, penei ka olelo,' " Ua oi aku la ke aloha o lseraela ia losepa | mamua o kana mau keiki a pau, no ka mea,; he keiki ia no kona wa elemakule; a hana iho la ia i kapa komo onioni nona. A ike iho la kona mau kaikuaana i ka oi loa aku o ke aloha o ko lakou makuakane ia losepa ! mamua o kona poe hoahanau a pau, inaina iho la lakou ia losepa, aole e hiki ke olelo oluolu aku ia ia."

Aole pololei ka hana a na kaikuaana o losepa, a nolaila, ua hai aku oia i ko lakou la> lau iko lakou makuakane; ao ka huhu iho la no ia o lakou ia ia, ua komo mai ka manao hu-ahu a iloko o ko lakou naau, no keia ano hoopunahele a lakoho ia losepa. Nolaila, huhu lakou, a ohumu ino lakou ia losepa ame ko lakou makuakane; ahe hewa loa keia manao ino ana o lakou ! Pela anei kou huhu i kou kaikaina, a kaikaimahine paha, no ka mahaloia o lakou, a no ka hooiia o ke aloha o na makua ia lakou ? Ina pela, ua hewa ; ina i hana pono kou mau hoa paani, a ua loaa ia lakou ke alohaia mai e kekahi ame ka pomaikai, he mea no ia e olioli ai oe, aoie loa ia he mea e hu-ahu-a ai oe, a e manao ino ai. He mea mau i na makua naauao, e hooi ke aloha i na keiki a lakou i hana pono, a noho pono. E ike auanei oukou i ka hope pilikia 1 alakai aku ai i keia hewa nui i na kaikuaana o losepa. Aole paha oe i ike ika hope o kou hn-ahu-a ana i kou mau hoahanau ? He uuku ka hewa i kinohi, a ulu aku no ia a. mahuahua, a e iilo auanei i mea weliweli. Ina i mihi ole oe i kou manao hu-ahu-a a haalele loa, e alakai no auanei ia ia oe i kahi hewa nui, e like me ko Jiosepa mau kaikuaana. Oiai e hana ino mai ana na kaikuaana o iosepa ia ja, ua hoike mai o lehovn ia ia ma ka moeuhane i na mea e hiki mai ana īnahope. Eia ka moeuhane a (oeepa, ia lakou i na keiki kane a pau a lakoho ma ka mahinaai, e pu-a ana i na pu-a mea ai i okiia e lakou, i " Aia hoi, ala mai ia ka losepa pu-a iluna, a o na pu-a & na kaikuaana, ua 'ku poai mai a kulou ika iosepa pu-a." Hai aku h o losepa i ua moeuhane nei i kona mau kaikuaana, 4 mahuahua iho la ko lakou huhu ia ia. Olelo mai la kona mau kaikuaana ia ia, " E alii ana ka oe maluna o makou ? 0 oe anei ka haku maluna 0 makou ? Ano e kou iapuwale ame ka noaupo, 0 oe no he wahi kamalii, ko makou kaikaina, e m&nao ana oe e k» auanei keia moeuhane au." (AoU i pau.)