Ka Nupepa Kuokoa, Volume III, Number 5, 30 January 1864 — Page 1
KA
NUPEPA KUOKOA:
Ke Kilohana Pookela no ka Lahui
BUKE III. HELU 5. HONOLULU, IANUARI 30, 1864. NA HELU A PAU 114.
"KA NUPEPA KUOKOA."
HOOPUKA MAU IA MA HONOLULU
I kela Poaono keia Poaono.
$2.00 no ka makahiki,
ME KA HOOKAA MUA MAI.
NA OLELO HOOLAHA - aole i oi mamua o 10 iniha no ka hooipuka hookahi ana, $l.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia mai ana e pai.
KANIKAU—he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi-penei: he 26 lalani, $1.00; 50 lalani, $2 00; a pela'ku.
KA UKU NO NA OLELO HOOLAHA—ka uku pepa, a me ka uku o ka Kanikau, e haawiia no ma ka lima o na Luna o ke Kuokoa, a i oleia e hookomo mai no ma ka leta, a hoouna mai i ka Luna Pai.
O NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa H.M. WINI, (Luna Pai.)
KA "NUPEPA KUOKOA."
Is published in Honolulu
EVERY SATURDAY,
$2 00 per annum..............in advance.
ADVERTISEMENTS not exceeding 20 lines, inserted once for $1.00; twice for $1 50; and $2.00 for one month; all advertisements must be paid for in advance.
KANIKAUS will be charged 50 cents per page.
PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription list, until paid for. This rule must be strictly adhered to,on account of the low subscription price. H.M. WHITNEY.
Publisher.
Volume I and II of the KUOKOA, bound, for sale,
$4.00 each.
Persons having complete sets of the above, can have them exchanged for bound volumes, by paying $2 00 each.
He Mele Kanikau
NO KA MOI
IOLANI KAMEHAMEHA IV.
HELU 1.
When the Vale of Death appears.
Auwe! auwe! auwe! auwe ua hala aku nei,
O ka Lani Iolani ka Moi, Ke uwe nei no.
Ke uwe nei no makou ia oe,
Noho me ka minamina.
Me ke kaumaha nui ia oe,
O ka Lani mea laha ole. Ole o—le.
Auwe! auwe! auwe! auwe hoi oe e ka Lani!
Elua a'u mea e kaumaha nei, Ke Kamalei.
Kamalei ua hala aku,
Ike aku la olua,
I ka lewa lani o luna,
Komo i kahi o ke ola mau,
O—la o—la.
Auwe! auwe! auwe! auwe! ke hele aku nei,
O Iolani me ke Kamalei e,
Hoi ole mai.
Hoi ole mai, hoi ole mai,
Ua pau ka ike ana mai,
Na 'Llii me na makaainana,
Ua wehe i ka pili ua paa,
Au—we! au—we!
HELU 2.
Auwe! Auwe! Auwe hoi oe,
Auwe! Auwe! Auwe hoi oe,
E ka Lani e moe nei,
I ka moe anu,
Koekoe i ka wai,
Wai kilihuna no,
Auwe! Auwe! Auwe hoi oe,
Auwe! Auwe! Auwe hoi oe.
Auwe! Auwe! Auwe hoi oe,
Auwe! Auwe! Auwe hoi oe,
E ka ka Lani e moe nei,
Ua hele ka Lani,
Koe ka ukana he aloha,
Ka waimaka e kulu nei.
Auwe! Auwe! Auwe he aloha,
Auwe! Auwe! Auwe hoi oe,
Auwe! Auwe! Auwe hoi oe.
Auwe! Auwe! Auwe hoi oe,
E ka Lani e moe nei,
I ka wai o Wailua,
Mokikala ula a Kane,
Ka holoholo ku,
Auwe! Auwe! Auwe hoi oe,
Auwe! Auwe! Auwe hoi oe.
HELU 3.
Kuu Haku hoi e,
O ka nani o Halealii,
Kuu kane mai ka ua
Pope kapa o Nuuanu.
(Leo Puwalu,)
Aloha kuu hoa pili,
Aloha kuu hoa pili,
Aloha kuu,
Aloha kuu,
Aloha kuu hoa pili.
Kuu Lei, kuu kane e,
O ka ua kukalahale,
Mai ka piha kanaka Nui o Honolulu.
Aloha kuu hoa pili, &c.
Kuu kane aloha - e,
Mai na kai ewalu;
Kuu kane mai ka pohu
O Kona, Kaiakeakua,
Aloha kuu hoa pili, &c.
HELU 4.
The Parting Brother.
Brother, I hear no voice from thee,
That time has swept away, away.
When round our fathers hearth we meet,
Where eyes were kind, and voices sweet.
Chorus.
Parting, ah! Parting, parting is pain, &c. &c.
I think of thee, when soft and wide,
The evening spreads her robes of light.
These halls are dark where once they shone,
And then our merry voices chime.
Chorus.
Parting, ah! &c., &c., &c.
Pressed down with love and deep distress,
Alas! my sorrows must I tell.
When looking to your valley home,
The scene itself chills my heart.
Chorus.
Parting, ah ! &c., &c.. &c.
HELU 5.
The Sister's Call.
Iolani, Iolani,
Iolani e moe nei.
Aloha ! Aloha ! Aloha hoi oe,
Ke noho u nei no wau,
I kuu kaikunane ua hala,
Auwe! Auwe! Auwe hoi oe.
Iolani, Iolani,
Iolani e moe nei.
Aloha! Aloha! Aloha hoi oe,
Ke uwe nei no o Emalani,
Auwe! kuu Haku, kuu kane.
Auwe! Auwe! Auwe hoi oe.
Iolani, Iolani,
Iolani e moe nei,
Aloha! Aloha! Aloha hoi oe,
Ke kanikau nei o Kapuaiwa,
Auwe! kuu Pokii, ua nalo,
Auwe! Auwe! Auwe hoi oe.
HELU 6.
Why Sleepest Thou, Prince Albert?
Aloha mai kuu Lei-Kama,
Kamalei hoi a makou,
Wehe mai nei i ka pili,
Pili aloha a na makua.
(Chorous.)
Aloha ! Aloha!
Aloha me ka minamina,
Aloha ! Aloha!
No ka Haku o Hawaii.
Kaumaha luuluu ka manao,
I ka hele ana o ka Lani,
Aole oe he keiki,
He Ulahiwa na makou,
(Chorous.)
Aloha! Aloha! &c., &c.
Kuu pua i ka wekiu.
Kuu mea laha ole,
He hii alo hoi na makou,
Ka moka Lani o ka aina.
HELU 7.
Kuu keiki lehua ilalo,
Ma kaiona pua o ka la,
Kuu keiki Halaalii,
He alii kuu keiki,
He kamalei na ka makua.
(Repeat Chorus.)
Haloi loi loi loi,
Ha-loi loi loi loi.
Haloi loi loi loi kuu waimaka.
O kuu maka e au wale nei,
E kaumaha nei o ka manao,
Pawai au e noho nei,
Nakolokolo i kuu kino,
O kuu kino ua hemahema.
(Repeat Chorus.)
Haloi loi loi loi &c., &c.
Ua ahi loka wela i ke aloha,
O ke aloha o ka minamina,
O ka u me ke kaumaha,
Kenakena i ke aloha,
I ke aloha e noho nei.
(Repeat Chorus.)
Ha-loiloi loi loi, &c.,&c.
HELU 8.
O Kamehameha Ekolu,—
Ka Haku Lani;
Nana i haawi ka pomaikai,—
No na'lii ka makaainana,
Na kupa Hawaii malihini,
Haleluia, Haleluia,
Haleluia,
A—men.
O Kamehameha Ekolu,
Ka'lii aloha,
Ma ko Hawaii mau moku a pau,
Waiho mai nei ka lei kalaunu,
I na pua hoi a Kinau.
Haleluia, Haleluia, &c.
HELU 9.
Woefully every heart is feeling,
Woefully oh! woefully oh!
Mournfully now the news is pealing,
Mournfully oh! mournfully oh!
Chorus.
Woefully oh! Woefully oh! &c.
Wearily every face is seeming,
Wearily oh! wearily oh!
Feelingly every eye appearing,
Feelingly oh! feelingly oh!
Chorus.
Wearily oh! wearily oh! &c.
HELU 10.
Kamehameha Elua,
Ke'lii holo i Kahiki,
Haalele i ke Aupuni,
A me na'lii o ka lai,
Chorus.
Kaluhi,
Makua, (Repeat.)
&c., &c., &c.
Waiho i kona pokii,
Ia Kamehameha Ekolu,
I ka lei kalaunu e,
O ko Hawaii pae moku,
Chorus.
Kaluhi,
Makua, (Repeat.)
&c., &c.., &c.
HELU 11.
O Kinau ka makua,
Ke'lii wahine koa,
Nana i pale ka ino,
Ka Farani nomoni,
Ka haole puupuu nui,
Pakaha wale i ke dala.
Ka Farani nomoni,
Nomoni,
Nomoni.
O Kinau ka makua,
O na lani, na lani,
E noho Aupuni nei,
Na mamo a ka lani,
O ka lani kuahine,
O ka lani kuahine.
Ka Farani nomoni,
Nomoni.
Nomoni.
HELU 12.
Kamehameaha Akahi,
Ke Alii pookela.
Nana i na-i na moku,
Puni ai o Hawaii nei,
Mai Hawaii a Kauai,
Hui ai na moku a pau.
Kamehameha Akahi,
Ke koa lanakila,
I eha kona ili,
No kana mau mamo e.
Elieli kulana,
O na pua e noho nei.
HELU 13.
God Save The King.
Ke AKUA hoomaikai
I ko makou Moi,
E ola mau;
E mau kou inoa,
E mau kou aloaa,
I kou lahui kanaka,
E ola mau.
Ke AKUA hoomaikai,
I ka ohana Alii,
E ola no;
E mau kou malama,
I keia Aupuni,
I mau ka maluhia,
E ola mau.
Ke AKUA hoomaikai,
I ko makou Alii,
E ola e;
E mau ka noho Alii,
E mau kou Aupuni,
No na hanauna e pau,
I oni paa.
God Save our grcious King,
Long live our noble King,
God Save the King,
Send him Victorious,
Happy and Glorious,
Long to reign over us,
God Save the King.
Thy choicest gifts in Store,
On him be pleased to pour,
Long may he reign,
May he defend our laws,
And ever give us cause,
To Sing with heart and voice,
God Save the King.
HELU 14
He Uhane la he aloha.
No ka Lani Iolani,
Aia paha ka Uhane,
I ka maka o ka Opua,
Ke noho la i Haehae,
I ka luna o Kumukahi,
E kilohi ana i na Hono,
O kona pae moku Hawaii.
I walea paha ka Uhane,
I ke ahi a ka makaai,
Hali mai i ke aloha,
He aloha Kilikilihau.
Huli nana ka Uhane,
I kona pala Ce kaulana,
E noho hakoi lua ana,
Me na paka ua waimaka.
Aia paha ka Uhane,
I ke kukulu o Kahiki,
I hele lani aku nei,
Me Kaonohiokala.
Aia i Pelehuna,
Ke kino wailua o ka Lani,
Noho ana i ka Nuukapu,
I. kii luna o Keolewa,
Nou paha ka Uhane,
I naue Lani aku nei
I ka poli o Kanaloa,
I ke ala hoi ole mai,
KA MOOLELO O
IOSEPA.
HELU 2.
IA WA KOKE NO, LOAA HOU NO ka moeuhane ano kupanaha ia Iosepa Eia ke ano o ua moe la: Ua ku poai mai ka La, ka Mahina, ame na Hoku he umikumamakahi, a kulou mai la imua o Iosepa.
Ia manawa, hai aku la oia i keia moeuhane i kona mau kaikuaana, a manao iho la lakou, he umikumamakahi wale no i hoailonaia, aka, o kona makuakane, ame ka makuahine kekahi, o laua ka mea i hoailonaia i ka La ame ka Mahina, e kulou lakou a e hoolohe aku ia ia ma ke ano alii.
Aia hoi, hopohopo iho la o Iakobo, o lilo keia, mau moeuhane i mea e kiekie ai o Iosepa aka, ua hoomaloka paha ia no ka hooko oleia'na o keia mau moe. Papa mai la oia ia ia, i mai la, "Heaha ke ano o keia moe au i moe ai? E hele no anei au i ou la me kou makuahine, ame kou mau hoahanau, e kulou ilalo i ka lepo imua ou?"
He manao no nae ko Iakobo, he moeuhane kupaianaha loa keia, a ua ane like hoi ke ano me kela moeuhane mua, aole hoi oia i hoopoina iki i keia mau mea.
He hope kulike ko keia moe me kela moeuhane mua, he mea no ia e mahuahua ai ka huhu o na kaikuaana ia Iosepa; a ua makemake lakou e hana ino aku ia ia. no ka mea, aole e moe wale ka manao hu-ahu-a ame ka huhu ma ka naau, a e puka no ia ma ka la mahope. Ua like no ia me ke ahi i ane pio i kekahi wa, a ma ia hope aku, ua lapalapa hou mai ke ahi.
E ike auanei kakou, pela no na manao ino iloko o na kaikuaana o Iosepa.
Ma ia wa iho, ua hoounaia lakou e ko lakou makuakane e hanai i na holoholona ma Sekema.
He kanaono (60) mile a keu, mai ko lakou wahi aku, ma ka akau aku o Heberona; nolaila, he wai hloihi no ia e lawe ai o Iakobo He wahi momona loa nae o Polesetina; he wahi oluolu nae o ka noho ana, ua kokoke loa ma keia wahi o Saika, kahi o ka punawai o Iakobo; a malaila kahi a Iesu i kamailio ai me ka wahine o Samaria; a ma ia wahi hoi kahi i kanuia'i o Iosepa. Pela auanei kakou e ike ai ma ka hope o keia olelo.
Ma keia wahi maikai i hoouna ai o Iakobo i kana mau keiki kane e imi mauu no ka lehulehu o kona mau holoholona.
No ke kaawale loa ana o lakou mai ko lakou aina aku, ua hopohopo nae o Iakobo o loaa kana mau keiki i ka pilikia, a nolaila, kauoha aku la oia ia Iosepa, "E hele oe e nana i ka pono o kou mau kaikuaana, ame ka pono o na holoholona, a i kou wa e hoi mai ai, alaila, hai mai oe ia'u."
He alanui loihi loa nae keia a Iosepa e hele ai, oia hookahi wale no ma ka hele wawae ana. Eia no hoi kekahi, ua hopohopo loa nae oia o hana ino mai na kaikuaana ia ia; aka, ua kauoha mai ka makuakane ia ia e hele, a aia hoi ia ia ka hoolohe ana i ka leo kena a kona makuakane; ia wa oia i haalele mai ai i kona wahi noho, ame kona makuakane ma Heberona, a hoomaka kona hele ana ma ka aina o Sekema, e huli i kona mau kaikuaana, a e ike i ko lakou noho maikai ana ma ia aina.
Aole nae oia i ike i kona pilikia e hiki mai ana maluna ona, i na mea kupaianaha hoi e ili mai ana, ame ko ke Akua aloha ana ia ia, i ke ano hanohano ame ka hookoia ana hoi o kana mau moeuhane.
Aole hoi o Iakobo i manao i ka wa i haawi aku ai o Iosepa i ke aloha, no ka pilikia e loohia mai ai no kona hele ana, ame ka loihi o ka manawa e ikemaka ole ai i kana keiki aloha.
Ke hookaawale nei hua me ka maluhia, aka hoi, ua ano e nae na pilikia e hiki mai ana maluna o laua, mamua o ko laua halawai hou ana.
Ia wa, hiki aku la no o Iosepa i Sekema, mamuli o kona heleauwana ana ma ia wahi e imi ai i kona mau kaikuaana, a halawai pu aku la kekahi malihini me ia, a ninau mai la kela i kana mea e imi nei. I aku la oia, "E imi ana au i o'u mau kaikuaana, a ina ua ike oe, e hai mai oe ia'u i kahi a lakou e hanai nei i ka lakou mau holoholona." I mai la ua kanaka nei, "Ua hula aku la lakou, no ka mea, ua lohe wale au i ka lakou olelo ana penei: E hele kakou i Dotana,' pela ka lakou olelo ana."
Aia no o Dotana ma ka akau aku o ia wahi, a hele koke aku la o Iosepa ilaila, a loaa ia ia kahi e noho ai o kona mau kaikuaana. A nui kona olioli i ka hiki ana aku ilaila, a manao ae la no oia e hoi koke, aku i kahi o kona makuakane, e hai aku i ka pono o na kaikuaana.
Mahope iho o kona hele ana, ike mai la na kaikuaana ia Iosepa e hele mai ana ma kahi mamao loa, a nana pono loa mai la lakou ia ianei, a hoomaopopo like ae la lakou o Iosepa no ia. A olioli lakou no ka manao e lohe mai no ko lakou wahi, a lohe paha i ke ola pono o ko lakou makuakane, ame ka ohana o ka hale a pau.
Pela paha auanei oe e manao ai, ina o oe no ma ko lakou wahi. Auwe! uuku paka kou ike ana i ka hewa o ka naau o kanaka.
Ua hai mua au ia oukou i ka hope o ka manao hu-ahu-a ke mihi ole ia, a haalele loa aka, e ike auanei oukou, ua pololei kuu hoike ana aku i ka manao kue.
Aole lakou i hoopoina iki i ka ino a lakou manao wale ai e hana ia Iosepa, ame ko lakou makuakane, no na mea i hala aku ai mamua.
Aia lakou ma ke awaawa o Sekema, e nana ana i na mauna kiekie, a nani hoi, e hanai ana i na holoholona ma na aina uliuli, e noho ana malalo o na laau malumalu, he wa ia e noonoo ai i na mea o ka pono.
Ua kokua na mea a pau ia lakou e mihi i ko lakou huhu i ko lakou kaikaina, aole nae lakou i mihi.
A i ko lakou ike mua ana ia Iosepa e hele mai ana malalo o kekahi puu, e paa ana no ke kapa onionio a kona makuakane i hoaahu ai ia ia, ua ala koke mai na manao ino e moe ana iloko o ko lakou naau.
A hoomanao koke ae la lakou i kana mau moeuhane, a malaila ko lakou inaina nui ia ia; olelo ae la lakou kekahi i kekahi, "Eia ae ka mea nana na moeuhane ke hele mai nei; ina kakou e pepehi ia ia a make loa, a i ole ia, e hoolei aku ia ia iloko o kekahi lua hohonu, a e olelo aku kakou na ka ilio hihiu ia i ai, a malaila kakou e ike ai i ka hope o kana mau moeuhane."
O ka haaheo, ka ukiuki, ame ka inaina, oia na manao hewa i hiki ai ia lakou ke kukakuka kekahi, i kekahi, e lawe i ke ola o ko lakou kaikaina.
Ua hoehaia ko lakou naau, no ka mea, i na i hookoia ua mau moeuhane nei a Iosepa. alaila, lilo e oia i alii maluna o lakou. Pehea e hiki ai lakou ke ae aku ia hoohaahaa ana o lakou na kaikuaana e kulou aku imua o ko lakou kaikaina.
Ua ala koke mai ko lakou hu-ahu-a ana ia Iosepa, ua hoomanao lakou i ko Iakobo hoopunahele ana ia Iosepa ko lakou kaikaina, a eia no oia ke aahu nei i ke kapa onionio, he hoailona ia no ko Iakobo aloha ia ia ame kona kiekie maluna o lakou. Ua ike lakou ua kupono ia hookiekie ana, no ka mea, ua oi ka pono ona i ko lakou; ua ake nui lakou e ike ia ia mamua o ka nele ana i na mea e oluolu ai oia, me he mea la e mahuahua mai ana ko lakou pomaikai mahope o ka lakou mau hana kue ia Iosepa.
Ia wa koke no i ala mai ai ko lakou inaina a kiekie; a ua makaukau lakou e hana i ka ino nui ia Iosepa, a pili i ka lawe i kona ola, ame ke aloha menemene ole.
Ua hooloihi au i keia hapa o ka moolelo, i manao nui ai oukou i ka ino o ka mea hoomau i ka inaina.
Ke ike nei oukou i ke ano weliweli o na manao ino o na kaikuaana o Iosepa, a lakou i manao ino ai ia ia.
Ua noonoo anei oe i kau mau manao hewa au i hana ai, a ua ikeia i kekahi wa ma na olelo ame na hana? Ua hoomanao anei oe i ko Iehowa manao, ikena ike ana ia mau mea a pau loa?
O ka hewa no ke kumu nui o ka poino iwaena o kanaka, e like me ka hookuli i na makua, a o ka huna hewa ke kumu o ka poino ma na ohana hale.
E pepehi anei na kaikuaana o Iosepa i ko lakou kaikaina? Pela i manao ai lakou, hookahi
wale no o lakou i manao okoa i ke noonoo nei lakou i ke ano o ia pepehi ana me ka ike ole ia, a manao ko lakou makuakane ua pepehiia o Iosepa o na holoholona hihiu. Ke manao nei lakou e pepehi ia ia, a e kiola aku i kona kino i kekahi lua hohonu, kahi hoi i ike oleia e ka maka o kanaka; a ua makaukau lakou e hana i keia hewa nui? (Aole i pau.)
No Ke Poho.
ALOHA KE KUOKOA.—O ke poho nui e ili nei maluna o ko aupuni, ke maopopo nei ia kakou ia mea he mea nui. Oia no ka emi o na kanaka a me na 'ili, mahea la e maopopo ai ia kakou na hoike o keia mea? Ua paulehia kakou i ka ike maka ana ma ka nana maoli ana, aole ma ka hoolohe. Aohe nui o ka hapai ana o ua wahine, aka, ua hapai no kekahi poe, a ua make wale ua keiki, a ua oi ka make mamua o ka hanau, a ehia hoi mau Alii hanau a ola kahi a make kekahi? na oukou no e noonoo na ka poo akamai.
Eia ka ninau i na mea a pau, pehea la e mahuahua hou ai keia Lahuikanaka a like me ka helu o na la makahiki 1809, a mamua aku paha? ua maopopo paha i na Lunamakaainana o keia kau Ahaolelo, e hiki mai ana, pela ko'u manao.
Ua maopopo lea ia Poikai makaainana o Wailuku, na kumu e ulu hou hou ai keia Lahuikanaka iloko o na makahiki 10 ma keia hope aku, makahiki 1865 ka helu ana a hiki i ka makahiki l875, a me ka hoonui ana iloko o na makahiki elima. Owau no kekahi mea i kamailio mau no keia mea o ke emi ana o keia Lahuikanaka, a me kuu ninau aku i ke kumu e ulu hou ai, e hoi mai ka poe ike i ke kumu e ulu hou ai me kekahi poe ike no ka hiki a me ka hiki ole, a o kekahi, ua olelo mai he mea paakiki, pela io no, he mea paakiki io no, ko maopopo ole na kumu, aole nae au e kanalua i ke akamai o ka poo ike maoli o keia kau Ahaolelo, hoao i ka hooulu ana a me ka hoonui a hooinahuahua iloko o na makahiki ekolu, ke kupono i ka manao nui o keia kakau manao ana, ua maopopo no i kela mea keia mea kakau manao o na nupepa, kana mea e kamailio ai, no ka mea, ua maopopo ka mua a me ka hope ia ia, pela hoi, aole au e olelo ana ua ike ole au i kahi i emi ai ua ike no, a pela hoi i kahi e ulu ai a me ka hoonui ana iloko o na makahiki i olelo ia maluna, aole hoi au i hilu i ka launa ana ilaila, ua launa pinepine au me keia mau mea, me ka haule pinepine o ko'u poo, a haalele i ko'u uluna i ka moe i ko'u wahi moe i ka po, ua eehia ke bela ana i ka la, a me ka moe ana i ka po, no ka huli ana i keia kumu o ka hooulu hou ana, a me ka hoonui ana i ka Lahuikanaka, he hana kaumaha no, ma ke kiai ana a me ka nana ana ia'u iho, no ko'u aoao hoomana, ua maopopo no ka ike ana ilaila, he kumu akaka ia o ke emi ana, no ka mea, he mau kuhikuhi no malaila, a me na Kanawai, he mea holo ka emi ilaila, a o ka hooulu ana ua paakiki wahi aia mea, he mea ole ke akamai o ka poe akamai, mahea la auanei e hooko ia ai ka olelo akamai, o ka pono a me ka hewa, mahea la auanei? mahea la auanei o akaka ai keia mau mea elua, o ka pono he mea paakiki loa, aka, o ke ano haipule o kela mea keia mea, ua lawa ia ma ka inoa Hemolele o ke Akua mana loa o ka lani, aohe mea i koe ia mea.
I na paha ua komo ke akamai iloko o ka manao ana i kekahi mea, aole nona ia manao io ana, ua maopopo o ka manaoio e pono ai, oia no ke Akua mai a pela aku, na mea like ma ka wehewehe ana e maopopo ai ke ano o kela a me keia, a pela ka huli ana i keia mea, no ka mea, aohe like loa na kumu akamai a me na kumu ike iloko o kela a me keia mea ma ke kauwahi, ua like me kekahi, aole he nui wale oia ka like ole, pela hoi, ua kakau i na pauku hoololi o ke Kumukanawai, ua mahalo ia no kekahi, a ua hoohewaia no kahi; a he mea nui kekahi a uuku kekahi; e nana nae kakou i ka pilikia nui, o ka mau o ka hemahema, a ke hoike mai nei kona manaoia a me kona hai ana o ke emi o ka Lahuikanaka, ma ka manaoio o keia kakau manao ana.
1. E hoololi ae i ke Kumukanawai
2. E hoopau loa, ae hana hou i hiki ai ke hooulu i ka Lahuikanaka, no ka mea, ua nui no kahi hemahema o keia Kumukanawai, oia ke kumu i emi ai, e ka hoopaapaa a me ka wehewehe e koe no ia. Owau. K. MAAKUIA.