Ka Nupepa Kuokoa, Volume III, Number 10, 5 March 1864 — Kahea Ahaaina no ke komoana I KA HALEPULE MA KOOLAU. [ARTICLE]

Kahea Ahaaina no ke komoana I KA HALEPULE MA KOOLAU.

E ka N upepa Kuokoa e :—Aloha pu kaua. —E na hoa Kristiano e noho ana ma ka malu o ka Lani i hoohui pu ia ma ke kaula gula o ke aloha. E malama ia ana ka ahaahia komo-halepu-le, ma ka Ja 9 o Aperila, i mea e hookaa'i i ke koena o ko makou aie no ia Luakini. Ke nana aku nei ko makou mau maka ia ia, ua hunaia na piH helelei; ua pau ka olelo ia ana fye hale holoholona, ke haaheo nei kona puoa bele iluna, ua ume ia aku no na naau o ka poe e hele ae ana e kona nani. No kona kiekie iluna, e ikeia no e na moku ke nana mai i kahi loihi. Ua kupono ke kapaia ka inoa o Ziona Waialele, mamuli o na mauna kaulana*. A o ka poe e oluolu e amo pu i ka anamo a makou e amo nei, e naue mai no ma ka la i oleloia maluna. " I hookahi hipuu na kakou a pau. Ua lawa na olelo no keia wa, e hai koke aku oe e ka nupepa Kuokoa, a e kokua iā lakou la ae. E. H. Paulo. Koolau, Kauai, Feb. 22, 1864.