Ka Nupepa Kuokoa, Volume III, Number 11, 12 March 1864 — Ka lua o ka Pomaikai io. [ARTICLE]

Ka lua o ka Pomaikai io.

£ke Kuokoa : Ua ike oe, ame ka lehulehu i ka'a mau olelo i hai aku ai ia oe no ka pomaikai oiaio maoli, ma ka Helu 8 o ka Buke 111 o> ke Kuokoa.

Pela no ke kanaka pakela noonoo. He pono no ka noonoo no kekahi mau bora o ka la; aka, ina i lilo loa kekahi ika noonoo wale no, mai ke ao a po, a i ke aumoe paha, alaila, poino no. Ua lilo kona pomaikai i mea poino ; no ka inea, he palena ko keia hana, e like me ka ai ana ika ai. Ua nawaliwali na kino o ka poe pakela noonoo, a ua mai, a pupule loa kekahi. O ka haipule kekahi mea e pomaikai ai na kanaka. He mea ia e oluolu ai ka manao ; aka, ina i pakela ka haipule ana o kekahi, aole O ka mea pule wale no a po ka la, me kn hoolewa ole i kona kino, a aole hoi hoololi i kona manao ma kekahi hana e ae, kokoke pono ole kona manao. Pohihihi ke Akua ia ia, a luuluu kona naau. He kakaikahi loa paha na kanaka ij>akela i ka haipule io j o ka poe haipule hookamani! i ikeia e kanaka, i like me na Parisaio kahiko, o lakou paha ka i pakela. Pela wale no na mea maikai a pau ma keia ao, he pono no ke pakiko ma na mea a pau, a ua hewa ke pakela aku, (e nana ma 1 Korineto 9:25 ; Tito 1 : 8.) Ina i holo aku ke kanaka mawaho o ka palena a ke Akua i kāu mai ai, aole e loaa ia ia ka pomaikai io, he poino kona. Iloko wale no o ua palena la ka pono a me ka pomaikai. Ua kau kanawai ia na mea maikai a pau i mai no ka pomaikai o kanaka. He kanawai maluna o ka pom<iikai launa, ka pomaikai no ka hana pono ana, ka pomaikai no ka noonoo, a me ka pomaikai no ke kino; a ina i manao ka makemake o ke kanaka maloko o ia mau kanawai hemolele, pomaikai ia kanaka. Ua loaa ia ia ke ala o ka pomaikai oiaio, pau ole, me he muliwai la e kahe mau ana kona pomaikai; aka, ina ihu mawaho kona makemake, a hahai wale aku ia i kela kuko keia kuko ino a kona naau, me ka noonoo ole i na kanawai o kona kino a me kona uhane, o ke kue no ia i ka makemake o kona mea nana i hana. E hoomainoino mai auanei na kanawai o kona kino ia ia, a o ka poino wale no koe nona. Nolaila, ua akaka ka mea e pono ai, e imi i na kanawai a ke Akua i kau mai ai maluna o kakou, maluna o na lala o ke kino, a me ka uhane, a e kupaa ma ia mau kanawai; a mai ae wale aku i ka makemake a ke kuko. Ma na mea maikai a pau e hahai ai'a hiki i ka palena, alaila oki, a hoi inai. He poe poino loa ka poe hahai nui loa i ka lealea a ke kino, i lohe e na makamaka.

I Eia kekahi mau rula no ka poe makemake i ka pomaikai io. 1. E hana pakiko ma na mea a pau e pomaikai ai. Mai ai ika ai no ka ono ame ka maona wale no. E noonoo ma ka mama, a me ka ikaika, a me ka mai ole o ke kino, a me ka makaala o ka manao, a me ka inakaukau ika hana, ae ai pakiko. E hoole ikaika i ka ai ku ole i keia mau mea pono.

Pela no ma ka inu ana. Mai ae wale aku ike kuko ana ake kino. Mai iuu i m mea ona, me ke kuai loa ana o ke kino ma ka ona, o hahai mai ka poino i ke kino ; no ka mea, he lealea no ke kino i keia mau mea i kinohou ; aka, mahope poino ke kino. Pela no hoi ma ka akaaka, ka paani, ka auau, ka hiamoe, ka aahu ana i ka lole, ka imi ana i ka waiwai, a me na hana maikai a pau. 2. E lawelawe hana i kelā la keia la. He poe poino ka poe palaualelo, a me ka poe aie ; nawaliwali na kino, a hoihoi ole hoi ka manao oka poe noho wale. Oka pomaikai io a me ka lawe hana, ua hookuiia laua, a ua noho pu ma kahi hookahi.

3. E imi ika naauao. Aole hoi e kokoke mai ka pomaikai ika poe naaupo. Ua like ko lakou lealea me ko ka holoholona. Nolaila, e heluhelu palapala i kekahi manawa, a imi manao, a e noonoo me ka palaka ole. Ina he kula, e hele i ke kula, e hooikaika i ka naauao a loaa mai.

4. E noho mamuli o ka pono o ke Akua. Aia iloko olaila ka pomaikai īonona kanaka pau. U lana pono mai ka manao oka poe hoolohe ike Akua. Ika \va popilikia io no kanaka, no ka mea, he lana olioli ko lakou manao ; no ka mea, aohe mea nana e kaiii aku ko lakou pomaikai, oiai ua kukuluia ko lakou hale maiuna o ka p&haku naue oie. 5. E manawalea n>u i ka poe īlihune, a me ka poe hemahema, a imi mau i na mea e pono ai ka poe pono oie. Fela no ke kauoha ana mai a ke Akua; ua ike hoi oia ina mea e pomaikai ai na kanaka. Ua like me ka olioli o ko ka lani, ka hauoli ana o ka poe hoole ia lakou iho, a kokua nui i ko hai hemahema. Ua kupono loa ka lakou hana ana i ko ke Akua makemake ; nolaila, hepomaikai okoa ko lakou. Mai manao kakou ua pomaikai nui wale ka poe akamai i ka imi i ko lakou pono iho. He nui ka poe lako i na mea a pau, aole nae e oluolu ko lakou manao. .. Ua pomaikai ka poe imi iike i ko lakou pono iho, a me ko hai pono. Eia ka ninau. Heaha ka rula elua ? ke kolu ? ka ha ?a me ka iima ? E wehewehe nui mai ia mau rula. Heaha ka pomaikai nui loa, ka pomaikai oi loa aioi, ka pomaikai i like me ko ka lani ? Ke hoomaha nei au maanei, ina ua hewa ! ka'u hana ana, e kāla mai no. W. H. Kamoana. Kaluahole, Waikilii kai, Feb. 27,1854.