Ka Nupepa Kuokoa, Volume III, Number 12, 19 March 1864 — Ahahui Kanu Pulupulu ma MOANALUA, OAHU. [ARTICLE]

Ahahui Kanu Pulupulu ma MOANALUA, OAHU.

E k* Nup*pa Kuokoa e ; Aloha oe.—Ua halawai iho nei ka Ahahui Kano Pulupulu ma Moanalua, Oahu, i ka la 3 o Maraki, ua kohoia o J. Kauwahi i Luna Hoomalu, a o D. M". Kalauli ke Kakauolelo.

♦Ku mai o H. Bolapola, a heluhelu mai i na rula o ka Ahahui Kanu Pulupulu, i mea e malu ai ka hana ana o na Lala a pau o keia Ahahui.

1. £ malama pono keia Ahahui Kanu Pulupulu i keia hana maikai, me ka maluhia, a me ka maiu, me ka pomaikai i hooili wale ia mai maluna o keia Ahahui ilihune, me ka manao ia mai e like aku kakou me lakou, a e lilo ia i mea e waiwai ai na mamo a kakou mahope aku, ke hooulu la mai keia pono ili walp mai, maluna iho o keia poe e manao ana « hui lakou me ka oiaio o ka manao hana. a paa ka makemake e hoomau i keia pomaikai nona iho, a no na mamo hoi a lakou, ke pono keia hana ana, ua hooholoia.

2. E waiho mua mai ka Luna o keia Ahahui, ī na loma o ke kanu ana i ka Pulupulu, i na lala o keia Ahahui kanu Pulupulu, i ka loina mua, ame ka lua, a pela'ku, mamua ae nae o ka paa ana o ka pa, ua hooholoia. 3. E hapai like ae na lala o keia Ahahui kanu Pulupulu, me na manao e aelike ana e hooponopono i na mea e holo a.i ka hana, ma na mea a pau e pili ana i ka hana ana, ua hooholoia.

4. E kanu na lala o keia Ahahui, a ike ika pomaikai o na mea i hanaia, a mahope iho, e loaa i kekahi mea a mau mea paha, na manao kuloko, a mawaho mai paha, a manao e hoololi ae i keia hui like ana, me ka manao he pomaikai kona e ike koke ia mai, aole e neaku keia Ahahui kanu Pulupulu, e lawe aku i kekahi lihi o ia Pulupulu, a kuai aku a mahele paha, e waiho no ia mau mea no ke aoia mai o keia Ahahui kanu Pulupulu, e ka mea i ike i ka hana lole, ma kahi e kanuia ai o keia Pulupulu, ua hooholoia. 5. E aeia no kekahi ke komo inai i keia Ahahui, iloko o keia halawai ana, a me ka hoomaka ana i ka hana ana i ka pa pohaku kahi e kanu ai ika Pulupulu. Aole nae e keakeia na kanaka he kanalima, a he haneri paha, i na manawa i haiia maluna, ina aole e komo mai kekahi ia manawa, alaila, e paniia ka puka e komo ai. ua hooholoia. 6. I kela Poakolu, keia Poakolu, e hana'i, aole e noho kekahi lala o keia Ahahui, me ka molowa i ka hele mai i ka hana, ina e noho kekahi lala, eia koopai, he hapawalu, ua hoohoioia.

7. E hoomaka ka hana i ka hora S o ke kahiaka, n hiki i ka hora 12, a i ole ia, aia i ka manao o ka Luna hana, ka hoopau mai, ua hooholoia. 8. Ina e pilikia kekahi lala o keia Ahahui, aiaila, e imi oia i pani nona, me ke kapaia o kona inōa o mea alua. Ina aole e-loaa-kē pani nona, euku oia i hapawalu, ipa e hele ma kahi e aku, e uku oia i hapaha, ua hooholoia. 9. Ina ua maikai, ua pau ka hooponopono o kahi e hana ai, alaila, e waiho ka Ahahui kanu Pulupulu i ka Luua o ia hana, nana e nana i ka pilikia o ka Pulupulu, alaila, na ua Luna nei no e kuai mai i na lala o keia Ahahui, ua hooholoia. 10. E hui keia Ahahui i kela hapaha, keia hapaha, o ka makahiki, no na manao kuloko, a hoonaueueia paha kekahi mau lala o keia Ahahui, ua hooholoia. Ua hookuuia keia halawai, € hoomakaia no i keia pule ae, makemake nui ka makou Kumu, e hapai koke ia keia hana maikai. Na kekahi lala o keia Ahahui, H. Bolapola. Moanalua, Oahu, Mamki, 4,186"l