Ka Nupepa Kuokoa, Volume III, Number 13, 26 March 1864 — Kau Leo Ana Aku. [ARTICLE]

Kau Leo Ana Aku.

E na Lanamakaainana e ; Aloha oukou : Ua halawa.i aku nei paha na olelo paipai a ko oukou hoa me oukou, (oia hoi o W. Pinehasa D. I hai maiai ma kana mau olelo paipai i hoikeia ma ka Helu 7, o ka •• Nupepa Kuokoa," o ka la 13 o Feberuari, o keiei mnLahiki. Eia no kana mau olelo kauoha, me ka paipai ia oukou e kona mau hoa Lunamakaainana. E pono hoi e hui e kakou mamua me na Makaainana o ko kakou mau apana, i ike mua no kakou i na manao a lakou i manao ai he mea kupono ke hooili ia mai na kakou e hooikaika i ka Ahaolelo, no ka mea, ua ikeia i kekahi o keia mau hana no na makahiki Ahaolelo i kaahope ae nei, ua hui iho na Makaainana mahope o ka hala ana aku o ko lakou Luna ī ka Ahaolelo, a ma ia hui ana o na Makaainana, ua hooholoia e lakou kekahi mau palapala hoopii, ua kupono kekahi, a o 'ka hapanui o na palapala hoopii, ua kupono ole loa, a ua nui ka manawa i pau wale ma ia mau palapala hoopii anoole, a kupono no hoi. Ae, he oiaio no ia, owau no kekahi i noonoo pela, no ko makou mau Luna i koho īho nei ma keia apana, mai Maunalua, a Moanalua, a maloko o keia mau olelo paipai a W. Pinehasa Wood; malaila i Ulumahiehie mai ai Uo'u manao, e noi aku i ko makou mau Lunamakaainana e hele mai imua o ko makou mau hale ; a i ole ia, i na hale haiawai. Aka hoi, inano i like ole ko ou* kou manao me ko ka mea nona keia maa olelo paipai maluna ae nei, alaila, ua oki no; aka hoi, ina no he oluolu like ka manao o na Lunamakaainana o kela apana keia apana me ko ka mea nona ka manao i haiia maluna, alaila, " Ua lai ke Kaonanui." Nolaila, he kumu kupono keia a oukou e ka poe naauao e noonoo mai ai «no na pilikia he nui ō na Makaainana i ili mai maluna o ka lehulehu a pau, ina ua eleuoukou ma ka oukou hana ana e like me ka manao a ko oukou hoa e hilinai nui nei e hemo ke kah pilikia o keia lahui, alaila, he kumu kupono keia e ulu nui ai o ka lahui ke hanaia pela Aka, na oukou e hana iho pela, alaiia, he mahaloia ko oukou, mai ka la e haule mai ai kekahi pauku kanāwai e pili ana i ka pilikia o ka lehulehu. Aka hoi, ina no hoi oukou e hookapeke iho ma ka aoao akdmai o oukou, oia iho la no, ua lai no oukou ke hana pela. Eia no ke ano o ka oukou mau hana pela, he hooio manao, he liki hooakamai, aole he pilikia o iia makaainana e hemo mai ana, oka eke ka oukou e huki, a o ka pakeke ke nakeke, a o ka laau a Kekuaokalani, o Hoolehelehekii, oia ka makou ka na Makaainana. Aka hoi, ina he puuwai ko oukou i mo. kumokuahua i ke aloha no na'makaainana, alaila, e kuikahi ka manao e 'ike me ko oukou hoa, me W. P. W., ka Luna Makaainana o Koolaupoko, Oahu, ua manao au, ua pono keia, a e kokua mai hoi kekahi. Aka, ina ua hewa au ma keia kukulu manaoana, e kala mai no. Me ka mahalo. W. H. K. Kuihelani. Waikihi, J\fural;i 2, 3804.