Ka Nupepa Kuokoa, Volume III, Number 13, 26 March 1864 — Make Mainoino. [ARTICLE]

Make Mainoino.

I ka Generala kaulana o ka naauao nana i alo na ale o ka moana Pakipika, e aloha pika wai olu kaua: Ua koiia mai a'u e ka makani Puulena halihali ala o Panaewa, no kela mau hua e kau kehakeha ae la maluna, e hoike aku ia oe i ke kumu o keia make mainoino, a nau ia ka uwila holo mama e annpu aku ma na palena a pau o keia mau mokupuni, i ike mai ai ko kuua mau kini' makamaka puni 41 Nu Hou."

Eia no ia ; ma ka hora 9 paha o keia kakahiaka, ua make mainoino o Kaululoa, ka makuahonowaikane o kekahi haole puhi ko o Kaiwiki, o kona mea i makeai, ipepe i ke kaa holo makani, oia hoi ke kaa lawe ko.

Penei ke kumu o kona make ana, ma ke kakahiaka o keia la, e makaukau ana ua Kaululoa nei e hoi aku maluna o kekahi o na moku eku ana ma ke awa nei; lawe ae la oia i kana mau ukana, a waiho iho ia ma ka aoao o ke alanui kaa, a hele aku la oia ma ka hale puhi ko e ike ai i kana hunona ; oiai oia malaila e ku ana, ike aku la oia i ua kaa makani nei e holo mai ana, o ka holo aku la no ia o ua o Kaululoa e kii aku i ka ukana ana; aia ia iwaena konu oke alanui, aole i loaa aku ka ukana ana i manao ai e kii, o ka loaa mai la no ia i ka huila o na kaa, a weluwelu liilii loa iho la, o kona poo, ua okaoka liilii, o kona mau iwi, ua pau i ka pokopoko. I ka wa nae o keia mau kaa i holo mai ai, aole no he kan&ka oluna, oiai e hoouka ana no na kanaka i ke ko, aole i piha pono ua mau kaa |iei i ke ko, o ka mokq mai la noia o ke kaula i paa'i ke kaa mahope, p ka holo mai la no ia o ia kaa a hookui ī ke kaa mua, 0 ka holo like aku la no ia o keia mai} kaa elua, a kau maluna o ua Kaululoa nei, a weluwelu iho la; ua hao ia mai kona kino weluwelu jme ke kopala maloko o kekahi apana lole ie, a ua kaiiu ia'ku i ka lepo. Ke ao mai nei kela'leo ia kakou ka pqe e heluhelu nna i ka make weliweli o keia kanaka. Heaha la ke kumu nui o kona make ana ? Eia no, o kona manao nui ma na waiwaipau wale o keia ao, ua oi aku k*na manao 1 kana mau ukana i waiho ai ma kae alanui, mamua o kona minamina i kona ola iho. " O ka la o ka Haku, me !«e aihue la ia i ka po." BBNj. S. Kaapa. Maxna, Lele, PwahawaU Wq, F*f>. 28, XB64>