Ka Nupepa Kuokoa, Volume III, Number 15, 9 April 1864 — Hauoli ka manao. [ARTICLE]

Hauoli ka manao.

E ka Nupepa Kuokoa e ; Aloha oe.—Ma kou ahonui, a me ka hoomanawanui lua ole, e oluolu paha oe e lawe aku i na ukana makamae a ke aloha, a hoopiha iho i kou mau kowa kaawale.me keia wahi oleio e kau ae la maluna, 14 Hauoli ka manao." Ma ka la 13 i hala aku nei, ua hiki mai i o makou nei o Rev. L. H. Gulick, ka elele i holo aku nei i Amerika Akau, a hoi mai nei. Ama ka la 14-kona hoike ana mai ia taakou i na meaana i ike ai i kona holo aoa'ku nei, e makaikai ī tm kihapai o ke AkuA ma Amerika; aua pili pono hoi ike pooolelo ana i hoike mai ai ia makou.

A4a ma ka Halelu 48: 12-14. " E kaahele oukou ia Ziona, E hele poai ia ia a puni; E helu i kona mau halekaua, E hoomapopo ko onkou uaau i kona mau paE noonoo hoi i kona mau haleaiii, [kaua;] I hiki ia oukou ke hai aku i ka hanauna mahope aku, No ka mea, o ke Akua nui'oia ko kakou Akua i ke ae pau ole; Healakai auanei ia no kakou a i ka make." Oia ke pooolelo i hoikeia, a o ka wehewehe ana, e pili ana i kona-kaahele ana'ku nei i Amerika. Ai ka lohe ana ina inea a pau no kona hele ana'ku nei, he mea e ka hauoli o ka manao, a ua nui ka hauoli o na hoahanau a pau, i ka lohe ana i kona leo, a me ka« na hai ana mai i na mea a pau ana i ike ai. A i kana hai ana mai i ka hana a kekahi kanaka elemakule i keia wa kaua mai nei o Amerika, alaila, ua nui loa ka hauoli o na hoahanau a pau. Oia hoi, i ka wa i hele moi ai na kipi e kaua i ko ka Akau, alaila, o keia kanaka i oleloiahe elemakule.o (D. Burns) kona inoa, hele mai la ua kanaka nei a kokua i ka Akau ma ka hana ana ina mea kaua. Aole nae no ka Akau, aole hoi no ka Hema, aka, no ka mokuaina ku i ka wa no, a kakou i lohe ai ma ke Kiiokoa.

Eia ka mea kupanaha no ua kanaka'la, aole i aoia i ke ki pu ann, aole hoi ika hana kaua. He inahiai ka kana hana (from chi)dhood) mai ka wa kamalii mai, a hiki i keia wa i kaua mai nei, akahi no kona lawelawe ana i ka pu me ka wiwo ole, a me ka eleu māoli, (pel.i ka lohe ann.)

Eia keia. I ka wa i hiki ai ua elemakule nei ma kahi i hoomoana'i ko ka Akau, alaila, hele mai la o Gen. Meaele, ( oia ke Gen. o ka Akau ma ia hoouka kaua ana, a o Gen. Lee ko ka Hema,) a olelo mai la, " Heaha maanei e. ka elemakule ? O hoi oe." " E kokua ana au i ka'Aknu " wahiana.

Aka, o ka nui o ko ua kulanakauhale la (kahi oua kanaka elemakule nei,) aole kokua i ka Akau, aole hoi i ka Hema, ua ku wale no i 4ia wa, a he mea hoopailua loa ia o ka naau, i ka lohe ana i ka manao o ia poe, e like me ia i hoikeia ma Hoikeana 3 : 15,16.

" Ua ike no au i kau hana ana, aole oe i anu, aole hoi i wela. Ua makemake au ia oe i anu, a i ole, i wela no. Aka, no ka mea, ua pumehana wale no oe, aole i anu, aole hoi i wela, nolaila, e laai aku auanei au ia oe mai ko'u waha aku." - Aka, o ua e]emakule nei, he mea e ka haūoli nui o ka manao nona ; no kana hana aloha lua ole i ke kokua ana i ka Akau, a ua koho me k& kanaluaole o ka manao, e like me ia ī oleloia e lesu i na mamo a fseraela. losua 24 :, 15, kokoke ana ma ka hapa mua. " E koho oukou i keia la i ka oukou mea e malama aku ai.' h Nolalla, me he mea'la ua koho pono loa keia elemakule i ka mea ana i manao ai he pono. A i ke koho ana, ua koho me ka wiwo ole, a me ke kanalua ole, he mea e lea hauoli o ka manao i ka lohe ana. He nui aku no na mea ana i hai mai ai, no kona kuapuni ana i na Ziona oke Akua ma Amerika Akau ; aka, no ka welo e ana mai nei o ka hae o ka moku Mārilda, a he holo piha koe, nolaila, ke hooki nei au maanei o hala e aku ka eke leta. J. N. Mi Kedorelaomera, Halai, Feb. 22, 1861.