Ka Nupepa Kuokoa, Volume III, Number 17, 23 April 1864 — Nele paha uanei kakou. [ARTICLE]

Nele paha uanei kakou.

O ke kumu i alahia maiai keia ninau maluna'e nei iloko o makou, oia no ko makou ike ana iho i ka olelo hoolaha a ko ka Moi Hawaii Kuhina Kalaiaina, Ka Mea Hanohano C. G. Hopkins, e kauoha aku ana i na poe mea aina mahiko a pau, e hoike mai i ka nui ona Pake a lakou i makemake ai, i poe paahana no ko lakou mau aina mahiko, i hiki ai i ko ka Moi Aupuni ke imi koke aku i na mea e holopono ai ia mau hana e kokua ana i ka pono mahiai o ka poe mahiai o keia aupuni. Heaha la ke kumu o keia hoouna ana i ko kahi e kanaka e lawe mai la nei, me ka Jawe aku ī na hana a ka poe kanaka kupa ponoi o ka aina nei ? Nowai la ka hewa i hookumuia'i keia hana kaili wale i ka kakou kumu loaa ? Ua ili no ia hewa iluna o kakou iho, a i na ua kailiia'ku ka kakou wnhi kumu ola e ka malihini paahana, ke olelo nei makou, na kakou no i hawele ia kakou iho jia mau pilikia a pau. Ua lawe ia mai imua ponoi o kakou kahi e hiki ai ia kakou keimi I i pono no ko kakou noho ana, ma ka hana ana i na hana i waihoia mai imua o kakou —aka, eia nāe, aole kakou i lalau aku, aka, ua hoohihi mau kakou mamuli o ka palaualelo, a ua hoowahawaha kakou i ka ialau o na lima ilalo, me ka hana mahiai i ka honua, a no kā nui o ko kakou makemake i ka palaualelo, ame ka noho hoopiliwaie aku mamuli o na makamaka, me ka hoopilikia pu aku īa poe, nolaiia, ua hoopahemohemo kakou i na hana ke haawiia mai ia kakou, a no ko kakou hoowahawaha ana i ka hana, no* laila, ua ane e hoopilikia nui ia, me ka hoopoino pu ia hoi, na poe mea aina mahiko, a me na poe mea hana e ae.

No keia ike ana o lakou i ka pilikia nui, ame ka ane poho hoi i loaa'ku ia lakou, no ka nele i ka poe paahana ole e hiki ai ke lawelawe i ko lakou mau oihana, nolaila, ua hui ae na poe mea aina mahiko, aua kuka iwaena o lakou iho, a ua hooholo e hoouna aku i poe Pāke kinikiu, i poe nana e lawelawe i na hana o ko lakou mau aina, a no ia mea, ua komo pu ke aupuni iloko o ka mahalo nui no ia mau manao, a ua ae e kokua i ka imi ana i na mea e hiki ai ke lawe pono ia mai na pake ia nei; ano ia mai ke kumu o keia hoolaha a ke?Kuhina Kalaiaina, i maopopo ai ka nui o na pake e kii aku ai.

I na paha auanei e hiki mai ha pake ia nei, pau loa paha ka hana ifc lakou la, a nele iho la kakou. Nolaila, eua nei, e hopu koke i ka hana-, mai hookunana, o nele loa auanei kakou.